ทิโมธี เนอบ่า ต๊าบ่า 4:11 - ลีเทส่อพ๊าอาเซ เร๊อ เห่ขุทวาลู๊

¹¹ แกแย โอแกเกอ เร๊อ แว หม่า ตื๊อแพ๊ คูลูกา เตเพรแพ๊. จว๊า เอ๊แฮ หนิเกอ คูมาระโก นี๋. เมเตเฮ๊เรอ อา เตเมจว่า แว เต๊เห่เนอ, อา ทวาบุ๊ยทวาเตอเรอ แหน่เจ๊อ เด๊อ แว เตเอ่เตแร อาเง เจ๊อ.

Eastern Kayah Shadaw Dialect

¹¹ ꤊꤣꤧ꤬ꤛꤢꤧ꤭ ꤥ꤬ꤊꤢꤧ꤭ꤊꤣꤧ꤭ ꤔꤢꤧ ꤠꤢꤧ꤭ ꤗꤢ꤬ ꤒꤢꤦꤖꤢꤧ ꤋꤢꤨ꤭ꤜꤢꤨꤊꤢ꤬ ꤒꤣ꤬ꤖꤚꤢꤩ꤬ꤖꤢꤧ꤯ ꤡꤝꤢ ꤢꤩꤟꤢꤧ꤭ ꤔ꤫ꤤ꤬ꤊꤣꤧ꤭ ꤋꤢꤨ꤭ꤗꤢ꤬ꤊꤢꤨ ꤔꤤ꤮꤯ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤢ꤬ ꤒꤢꤩ꤬ꤗꤢꤩ꤬ꤡꤝ꤫ꤢ꤬ ꤠꤢꤧ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤓꤝꤢ꤭ꤙꤝꤤꤓꤝꤢ꤭ꤒꤣꤧ꤬ꤚꤣꤧ꤭ ꤔꤢꤧ꤬ꤡꤣꤧ ꤘꤣ ꤠꤢꤧ꤭ ꤒꤢꤩ꤬ꤖꤛꤢꤒꤢꤩ꤬ꤗꤢꤩ꤬ ꤢ꤬ꤑꤢꤩ꤭ ꤡꤣꤧ꤯

ทิโมธี เนอบ่า ต๊าบ่า 4:11 Iomraidhean Croise

มัทธิว 19:30

หม่าแน๊เรอ แกแย โอ่ เด๊อ เงเล๊อ อู เต๊เห่เนอ, อา เก่ โอ่แก เด๊อคยาเล๊อ อู ปา, เร๊อ แกแย โอ่แก เด๊อคยาเล๊อ อู เต๊เห่เนอ อา เก่ โอ่ เด๊อ เงเล๊อ อู ปา. เหย่ซู่ เฮ๊ เป่ เหย่ซี ฮู๊ เนอ”

มัทธิว 20:16

“ฮู๊เนอเรอ แกแย โอ่ เด๊อ คยาเล๊อ อู อา เก่ โอ่ เด๊อ เง เร๊อ แกแย โอ่ เด๊อ เงเล๊อ อู ปา. อา เก่ โอ่ เด๊อ คยาเล๊อ อู ปา.”

ꤜꤢꤨꤊꤢ꤬ 13:30

เบ๊อะเนอ อาเคปา เนอ, แกแย โอ่ เด๊อคยา เต๊เห่ อา แฮโต่ เหร่อเล๊อ เด๊อ เง ปา, เร๊อ แกแย โอ่ เด๊อ เง เต๊เห่เนอ, อา เก่ แฮ ตาเนอแก เด๊อคยา ปา.”

เพรโด่แนพู๊ เต๊เห่ 12:12

เบ๊อะอา ซิเงแฮเฮ๊อ เนอ เตเมทวาแถ่ อาเหน่เออ หม่า อา หม่าแหน่ เจ๊อ เฮ๊อ เบ๊อะเนอ, อา จว๊า เด๊อ คูยอห์น เด๊อ อู เอ๊โป๊ อามุย เนอ คูมาระโก เออเตเพร อาโหมะ มารีย์ อาหี่, เร๊อ เบ๊อะเนอเคเนอ, อา โตตื๊อ เร๊อ อู จว๊า โอ่ปล๊อโอ่ปลู กุยจ๊อเบ โหร่ลอ ลู เบ๊อะเนอ.

เพรโด่แนพู๊ เต๊เห่ 12:25

เร๊อ คูบารนาบัส เร๊อ คูเซาโล เมโท อาเตเม เบ๊อะวีเยรูซาเล็ม อากู เนอเรอ อา เอ๊หนิ คูยอห์น เด๊อ อู เอ๊โป๊ ลูมูย เร๊อ คูมาระโก เออเตเพร เร๊อ อา เถ่กาแก.

เพรโด่แนพู๊ เต๊เห่ 15:37

คูบารนาบัส ซิหยื่อ เอ๊จว๊าหนิ เกอ คูยอห์น เด๊อ อู เอ๊ ลู เน๊อ คูมาระโก เฮ๊ เออเนอ เตเพร.

เพรโด่แนพู๊ เต๊เห่ 15:39

คูเปาโล เร๊อ คูบารนาบัส เคร๊แขะ แคลู เน๊อ คูมาระโก คยา เออเนอหมา โก๊โน๋ โต่ อาขว่าอาคยา, เหย่ซี จว๊าโค๊จว๊าเปแก ลู. คูบารนาบัส เอ๊หนิ คูมาระโก เร๊อ เหย่ซี จว๊าแด๊หนิ ส่อเกลอดุ เร๊อ เถ่จว๊า แลแค เด๊อ ไซปรัสกลื๊อ.

เพรโด่แนพู๊ เต๊เห่ 16:10

คูเปาโล แม๊เถอะลว๊า โทเตเออเออ เน๊อ, เป โอ่ตี๊หรี่แแตแร เปเหน่ เน๊อ เป เก่ เถ่จว๊า เด๊อ มาซีโดเนีย เก่, เมเตเฮ๊เร๊อ เป หยื่อเอ่ เร๊อ จอแปแหร่ เอ๊ เป เร๊อ เป เก่ จว๊า แด๊โฉ่โด่แน เป่เกอ มาซิโดเนีย เก่พู๊ เต๊เห่ เร๊อ เตซิครือมีลา อาหรี่อาแก.

โคโลสี 4:10

คูอาริสทารคัส เด๊อ อู ด๊อตา เต่อเกอ อา เร๊อ แว เออเตเพร ซูแฮ เป่เกอ ซี อาเตเฮ๊โมเฮ๊แร๊, โทเรอ คูบารนาบัส โต๊โป่บู คูมาระโก ซูแฮ เป่เกอ ซี อาเตเฮ๊โมเฮ๊แร๊ เด๊อ ซี โอ่โอ๋. (ซี พย๊าหนิ โทเฮ๊อ ลี เด๊อ อู ราโล เป่ ซี เน๊อ คูมาระโก อาหรี่อาแก เออเนอเฮ๊อ. อา เก่ แฮโตเกอ เด๊อ ซี โอ่ ปา เร๊อ เอ๊โมฉื่อแร๊ ลู นี๋.)

โคโลสี 4:14

เตขุซ๊าร๊า คูลูกา เด๊อ เป โม หนิเกอเร๊อ อา เออเตเพร เน๊อ คูเดมาส เออ, ซูแล หนิเกอดื่อ อา เตเฮ๊โมเฮ๊แร๊ เด๊อ ซี โอ่โอ๋.

ทิโมธี เนอบ่า ต๊าบ่า 1:15

เน ซิเง เร๊อ ล๋อ แกแย โอ่ เด๊อ เอเซียเก่กู เต๊เห่เนอ เหย่ซี ตีรี๊ จว๊าโค๊แก ลอปลีเฮ๊อ แว เหล่ เฮ๊อ เร๊อ เด๊อ เหย่ซี เนอเต๊เห่ อาเกลเนอหม่า, คูฟีเจลัส เน๊อ คูเฮอร์โมเกเนส โอ่เต่อเกอดื่อ เบ๊อะเนอ.

ทิโมธี เนอบ่า ต๊าบ่า 2:21

แกแย เตเพรเพร เก่ เม อาเม โพ๊แปละแถ่ คยาอาเหน่ เน๊อ เต เด๊อ อา วี๊ ลู เนอเต๊เห่ เฮ๊เนอ, อา ทวาแถ่ ดีปอดีโด เต๊อเจ่อ เด๊อ อู นอเอ่ อา เบ๊อะอู โหล่ดุ โค๊ดื่อ อา เบ๊อะเนอ เฮ๊อ. อา แด่บูโพ๊ อาเหน่ อาขว่าอาคยาเร๊อ, อา ทวาบุ๊ยทวาเตอเรอ เด๊อ อา แบ่เจ่ อาเง. โทเรอ อา โอ่ ตี๊หรี่แตแร อาเหน่ เน๊อ อา เตเร เมแร๊ เต ล๋อ ปลี อาเง เฮ๊อ.

ฟีเลโมน 1:24

ฮู๊เนอเฮ๊อ เพรเมเต่อเต เร๊อ แว คูมาระโก, คูอาริสทารคัส, คูเดมาส เร๊อ คูลูกา ซีเต๊เห่ ซูแฮ เกอช๊าเหล่ อา เตเฮ๊โมเฮ๊แร๊ เต๊เห่ เด๊อ ซีโอ่.

เปโตร อาเหร่อเล๊อ ต๊าบ่า 5:13

แวพู๊คู คูมาระโก เร๊อ ซี โป่แหว่ เพรหยื่อเอ่เต ตู๊หมู่ตอกล๊อ เด๊อ วีบาบิโลน อากู เด๊อ จอแปแหร่ นว๊าแถ่ เกอ อา แซ่เน๊อ ซี เออเนอเต๊เห่, ซู จว๊าเป่ เกอ ซี เตเฮ๊โมเฮ๊แร๊ เต๊เห่.