ทิโมธี เนอบ่า ต๊าบ่า 3:8 - ลีเทส่อพ๊าอาเซ เร๊อ เห่ขุทวาลู๊

⁸ อา เม แซ่ฮู๊ คูยันเนส เร๊อ คูยัมเบรส์ เม โตโมเต๊เก่ฉื่อ คูโมเสส เนอ เฮ๊อ. แกแย เนอเต๊เห่หม่า อา เท๊ฉื่อ เตหมะเตจ๊อ. เหย่ซีหม่า แกแย เด๊อ อา เตเน มู๊แหม่รีแจ่ เต เต๊เห่, เร๊อ อา เตหยื่อเตแหน่ ปย๊าแก ดื่อเง เนอเต๊เห่ แพ๊.

Eastern Kayah Shadaw Dialect

⁸ ꤢ꤬ ꤗꤢꤩ꤬ ꤞꤢꤧꤟꤢꤨ ꤋꤢꤨ꤭ꤛꤢ꤬ꤔꤤ꤬ ꤔꤢꤧ ꤋꤢꤨ꤭ꤛꤢ꤬ꤙꤚꤤ꤬ ꤗꤢꤩ꤬ ꤒꤣꤧ꤬ꤗꤥ꤭ꤒꤣꤧ꤬ꤊꤢꤩ꤬ꤏꤢꤦ꤬ ꤋꤢꤨ꤭ꤗꤢꤪꤎꤢꤧ ꤔꤣꤧ꤬ ꤟꤣꤧ꤯ ꤊꤣꤧ꤬ꤛꤢꤧ꤭ ꤔꤣꤧ꤬ꤒꤣꤧ꤬ꤟꤢꤩ꤬ꤗꤢ꤬ ꤢ꤬ ꤓꤢꤩꤏꤢꤦ꤬ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ꤯ ꤛꤢꤩ꤬ꤞꤤ꤭ ꤗꤢ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤒꤣꤧ꤬ꤔꤢꤩ꤬ ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤒꤢꤩ꤬ ꤒꤣꤧ꤬ꤟꤢꤩ꤬, ꤚꤣꤧ꤬ ꤢ꤬ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤕꤛꤢꤊꤢꤧ꤭ ꤘꤢꤦ꤬ꤑꤢꤩ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤖꤢꤧ꤯

ทิโมธี เนอบ่า ต๊าบ่า 3:8 Iomraidhean Croise

เพรโด่แนพู๊ เต๊เห่ 15:24

เป หนิโฮ เร๊อ แกแย เด๊อ เปเกล เต๊เห่ จว๊าโน เมดี๊แด ซี, โทเร๊อ เฮ๊กู่เฮ๊แก ลอ ซี, อู เฮ๊ ฮู๊เนอ หม่าแน๊เรอ เหย่ซี หม่า แกแย เด๊อ อา พย๊าหนิ เกอ เตอิซว๊าอี๊แส่ เด๊อ เปโอ่ เนอเต๊เห่ หม่าโต่.

ꤚꤥꤗꤢꤩ꤬ 1:28

โท๊โต่ เหย่ซี ซิเง โทเฮ๊อ จอแปแหร่ อาหรี่อาแก หม่าแน๊เรอ, อา พย๊าฉื่อ แลแค โต่, อา แด่ เต เตอเจ๋อ โต่ อาขว่าอาคยา, จอแปแหร่ นอเป๊อแก เหย่ซี เร๊อ เหย่ซี อาเหล่เตเน มู๊แหม่รีแจ่ เร๊อดื่อ เต๊เห่ เร๊อ อาปลวา เม แลแค เหย่ซี เร๊อ เต เด๊อ อา โต เมโต่ เนอเต๊เห่ เฮ๊อ.

ꤚꤥꤗꤢꤩ꤬ 16:18

เมเตเฮ๊เรอ แกแย ฮู๊เนอ เต๊เห่ หม่า อา เม แบ่เจ่ ครี๊ อาเตเม หม่าโต่. โท๊โต่ อา ลือเมโม เมเป่ หนิแลแค อาซิปล่อ เกอเร๊อ แลแค อาเหน่กล่อ อา เตซิหยื่อซิลอ เต๊เห่ แพ๊. อา เฮ๊เบ่โม เฮ๊เบ่แจ่ อู, ถู่เซ๊หนิ อู เร๊อ เหย่ซี อี๊หล่าแลโฮหนิ แกแย เด๊อ อา จูเอ่ยู เตเนอเต๊เห่ ปา.

เอเฟซัส 4:14

ฮู๊เนอเรอ เป่ หม่า อาแซ่เน๊อ เป๊เจ่ฮู๊ เด๊อ อา อินู๊ปา เนอเต๊เห่ หม่าปาโต่ เฮ๊อ. แกแยกะ เด๊อ อา อิซว๊าแลโฮ เต เต๊เห่เนอ, อา อี๊หล่าแลโฮ แจ่ ปา เป โต่, เร๊อ เป หยื่อเอ่ซื๊อ แจ่เกอ ปา เหย่ซี อาเตอิซว๊าอี๊แส่ โต่ เฮ๊อ. เป แซ่ปา เร๊อ ส่อเกลอ เด๊อ เก่แลเซ๊ดุ เร๊อ อา พอ ก๊อกลี๊ อา เต๊เบ่เนอ หม่า ปาโต่เฮ๊อ.

ทิโมธี อาเหร่อเล๊อ ต๊าบ่า 1:19

เร๊อ ปื่อหม่าหนิ เน เตหยื่อเตแหน่ เน๊อ เน ซิปล่อ อา เหล่เตเน อาโพ๊อาแปละ เนอเต๊เห่ นี๋. แกแย เต๊เห่เห่เนอ, อา ปลวาแก แลแค อาเต เออเต๊เห่ อาขว่าอาคยา อา เตหยื่อเตแหน่ ปย๊าแก ลอ แพ๊.

ทิโมธี อาเหร่อเล๊อ ต๊าบ่า 4:2

เตอิซว๊าอี๊แส่ เออเต๊เห่ เนอหม่า อา แฮ เด๊อ แกแย แลโฮแลแห่ เต๊เห่ อา โอ่. เบ๊อะเหย่ซี เมซื๊อเจ๊อเต เบ๊อะเนอ, อา เตเน เร๊อ อา เมซื๊อเต ตีกี๋ โต่.

ทิโมธี อาเหร่อเล๊อ ต๊าบ่า 6:5

โท๊โต่, อา นอโอ่แถ่ เตเคร๊แขะ อู ปว๋า โตโพ๊. แกแย เด๊อ อา เคร๊แขะ อู เออเต๊เห่ อา เหล่เตเน เนอหม่า อา มู๊แหม่รีแจ่ เร๊อ เตหมะเตจ๊อ โอ่ปา เจ๊อ เด๊อ เหย่ซีกู โต่. เตจ๊อบู่จ๊อเบ เนอหม่า เกล๊ เด๊อ อู เก่ ดุแหย่แถ่เซ อาเง โตโบ เหย่ซี เตเน แลแค ฮู๊เนอ แพ๊.

ทิโมธี เนอบ่า ต๊าบ่า 4:15

โอ่รอโอ่เร เกอเร๊อ เกอ เนเหน่ เร๊อ อาเนอ นี๋, เมเตเฮ๊เรอ อา ซิเถ่ซิฮา เมตาตือ ชอแหน่เจ๊อ เป เตซิครือมีลา เจ๊อ.

ꤒꤤꤒꤢꤨ 1:10

เมเตเฮ๊เรอ แกแย เด๊อ อา เฮ๊ โตโมจู๊แก่ เต เต๊เห่เนอ อา โอ่ เอ๊แหน่เจ๊อ. เหย่ซี เนอเต๊เห่หม่า, อา เฮ๊เบ่ เต เด๊อ อาโหง่แลช๊า โอ่โต่ เต๊เห่, เร๊อ อา เฮ๊เบ่ แลโฮแลแห่ ลอ อู. แกแย ฮู๊เนอ เต๊เห่หม่า, เอ๊ตี๊กิ, เป แม๊เถอะแจ่ เหย่ซี เบ๊อะเฮ๊เรอ, เหย่ซี เนอเต๊เห่หม่า, อา เฮ๊เบ่ ชอเกอเด๊อ แลแค เร๊อ แซ่ฮู๊ อู เก่ พย๊าหนิ เตแลเปล๊กา อาเงเนอ, อู เบ่ ดื๊อตีลี๊พ๊า, อา เฮ๊ แลแค ฮู๊เนอ เต๊เห่ เด๊ออาเกล เนอเฮ๊อ.

ꤒꤤꤒꤢꤨ 1:16

เหย่ซี เฮ๊ เร๊อ อา ซิเง จอแปแหร่ ตื๊อดื่อเรอ แรเต เด๊อ เหย่ซี เม เต๊เห่เนอ อา โอ่โลแถ่ เร๊อ เหย่ซี ซิเง จอแปแหร่ เตกี๋ โต่. เหย่ซี เนอเต๊เห่หม่า เล๊ซิหย่อซิบี, โทเรอ แกแย เด๊อ อา หนิดา เกออู โหง่ โต่ เต๊เห่, เหย่ซี เตเร แรเต อาแร๊ เต๊อเจ่อเจ่อเนอ อา เมเบ๊ เกออู โต่.

เปโตร เนอบ่า ต๊าบ่า 2:14

เหย่ซี ดาแม๊ เพรเหมาะ เตเพรเพร เฮ๊เรอ อา ซิหยื่อ โอ่เมอเต่อ โชชื่อ เจ๊อ. เหย่ซี เมเตซื๊อ เนอ อา โอ่โก๊ ปา เจ๊อโต่ เฮ๊อ. เหย่ซี อี๊หล่า ปย๊าจว๊าหนิ แกแย เด๊อ อาเตหยื่อ ชอ ล๋ายโต่ เต๊เห่ เก่ เมเกอ เตซื๊อเตปล๊า เต๊เห่. เร๊อ เหย่ซี อิซว๊าแล หนิ แร๊ เด๊อ แลแค อาเหน่ เร๊อ อาแม๊ปู กู๊หว่ากู๊เว เอ่หนิเร๊อดื่อ อาเง. เหย่ซี โอ่ แลแค เด๊อ จอแปแหร่ อา เตอิชอมู๊แหม่ อาเล เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:18

แวพู๊แวเลอ ซี๋, ม๊อเนอ ตื๊อดื่อ ผื่อแฮเฮ๊อ, อู เฮ๊โฉ่โด่แน โทเปเฮ๊อ ซี เร๊อ เพรซิเถ่ ครี๊ เนอเตเพร เก่ แฮ ปา. เร๊อ กู๊แหน่เออ เพรซิเถ่ ครี๊ เออเต๊เห่เนอ อา แฮโอ่โลแถ่ เอ๊ลา เฮ๊อ อาขว่าอาคยา, เป ซิเง เร๊อ ม๊อเนอ ตื๊อดื่อ ผื่อแฮเฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:1

แว โคแบ๊ซว๊าโม ซี๋, ล๋อ แกแย เด๊อ อา เฮ๊ เน๊อ เป โอ่ เร๊อ แหย่โยบูโพ๊ แบ่เจ่ เฮ๊อ เต๊เห่เนอ, หยื่อเอ่ บูบย่า แลแค แต่เหม่. แซ่ฮู๊ ซี เก่ ซิเง เร๊อ ซิปล่อเออ เนอหม่า อา แฮ หม่าแหน่ เด๊อ จอแปแหร่ อา โอ่ แอ, หม่า อา แอ หม่าโต่ แอ เนอ เจแม๊ เหร่อ แลแค เหย่ซี นี๋, เมเตเฮ๊เรอ เด๊อ เห่ขุเออเนอ, เพรโพร อาก่าอาแปล โอ่โลแถ่ เอ๊ลู เฮ๊อ.

เตเด๊อะโลแถ่ 2:20

“หม่าแน๊เรอ แว เหล่แด่เตซื๊อ เด๊อ เนลู เนอหม่า อาโอ่ เต๊อเจ่อ. หม่าอิเต เฮ๊เรอ, เน ปลวา อิซว๊าอี๊แส่ เพรเหมาะ เยเซเบล เด๊อ อา เฮ๊แล เกอเร๊อ อาเหน่ เน๊อ แว หม่า จอแปแหร่ อาเพรโพร เตเพร, เนอเตเพร. อา อิซว๊าอี๊แส่ อู อาขว่าอาคยา, อา ซูจว๊าซื๊อ ลอ แว หลู่เล๊ เต๊เห่ เด๊อ อา เก่ จว๊าซื๊อ เพรเหมาะเพรคู, โทเรอ อา เก่ เอ่ เหล่เอ่เหล่โอ เด๊อ อู หลู่แถ่ โทเฮ๊อ เร๊อ เตแหย่โย เนอเต๊เห่.

เตเด๊อะโลแถ่ 2:6

หม่าแน๊เรอ เน เตแร๊ โอ่ปาเต๊อเจ่อ. อาโอ่ ปา มาเตเฮ๊เรอ เน ซิโตโค แก นิโคเลาส์พู๊ อา เม เตมู๊แหม่ เต๊เห่เนอ อา แซ่เกอ เจ๊อ เฮ๊อ เร๊อ แว ซิโตโคแก เหย่ซี เตเม เนอ เจ๊อเฮ๊อ.