ทิโมธี เนอบ่า ต๊าบ่า 3:2 - ลีเทส่อพ๊าอาเซ เร๊อ เห่ขุทวาลู๊

² เบ๊อะเนอ อาเคปาเนอ, แกแย เต๊เห่เห่ เนอ, อา เก่ โมแล เกอเร๊อดื่อ อาเหน่, อา เก่ โมหนิเร๊อ รือ, อา แด่ดุ อาเหน่, อา เก่ แด่แถ่โล อาซิปล่อ ปา. เหย่ซี หม่า แกแย เด๊อ อา เป๊อเจ่ออิแช๊ เต, จูลาพย๊าหนิ โหมะโหง่เพโหง่ โต่, ซิเง อูบุ๊ยอูเตอเรอ โต่, ซิเง เตบูโพ๊ โต่.

Eastern Kayah Shadaw Dialect

² ꤙꤣꤧꤔꤣꤧ꤬ ꤢ꤬ꤋꤢꤩ꤭ꤕꤢ꤭ꤔꤣꤧ꤬, ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ꤟꤢꤩ꤬ ꤔꤣꤧ꤬, ꤢ꤬ ꤊ꤫ꤢꤦ꤬ ꤗꤥ꤬ꤜꤢꤧ꤬ ꤚꤣꤧꤘꤢꤦ꤬ ꤢ꤬ꤔ꤫ꤢꤩ꤬, ꤢ꤬ ꤊ꤫ꤢꤦ꤬ ꤗꤥ꤬ꤚꤣꤧ ꤚꤢꤦ꤭, ꤢ꤬ ꤖꤛꤢꤘꤢꤨ꤬ ꤢ꤬ꤔ꤫ꤢꤩ꤬, ꤢ꤬ ꤊ꤫ꤢꤦ꤬ ꤘꤢꤧ꤬ꤓꤢꤧ꤬ꤜꤥ꤭ ꤢ꤬ꤞꤤꤕꤜꤢꤪ꤬ ꤕꤢ꤭꤯ ꤛꤢꤩ꤬ꤞꤤ꤭ ꤗꤢ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤕꤣꤧ꤬ꤡ꤫ꤣꤧ꤬ꤕꤣꤧ꤬ꤢ ꤒꤢꤩ꤬, ꤡꤢꤨ꤭ꤜꤢ꤭ꤖꤛꤢꤚꤣꤧ ꤗ꤫ꤥ꤬ꤍ꤫ꤥ꤬ꤖꤢꤩ꤭ꤍ꤫ꤥ꤬ ꤒꤥ꤬, ꤞꤤꤑꤢꤩ꤭ ꤢꤨ꤭ꤙꤝꤤꤢꤨ꤭ꤒꤣꤧ꤬ꤚꤣꤧ꤭ ꤒꤥ꤬, ꤡꤢꤪꤙꤢꤩ꤭ ꤊꤣꤧ꤭ꤢꤨ꤭ ꤡꤢꤪꤗꤣꤧ꤬ꤚꤢꤧ꤬ ꤒꤥ꤬ ꤒꤣꤧ꤬ꤟꤢꤩ꤬꤯

ทิโมธี เนอบ่า ต๊าบ่า 3:2 Iomraidhean Croise

มัทธิว 15:6

แกแย เตเพรเพร เก่ กา เฮ๊ อาโหมะอาเพ ฮู๊เนอ เฮ๊เรอ, ซี นอ เบ่หยื่อเบ่แหน่ปา อู เน๊อ อูโหมะ อู เพโต่ เฮ๊อ. ซี ลือ ครวา ซีเพอโพ เหล่โกล อาขว่าอาคยา, ซี เม ตูพู แก ลอ เฮ๊อ จอแปแหร่ อา โหง่เฮ๊แก เออ ตือมือ เฮ๊อ.

ꤜꤢꤨꤊꤢ꤬ 12:15

โทเร๊อ อา เฮ๊ โป่ เหย่ซี เน๊อ, “โอ่รอโอ่เร แลแค, จว๊าวอ เควอแก แลแค เตแม๊ปู กู๊หว่ากู๊เวเอ่ เกอเร๊อ ดื่อเง เนอเต๊เห่ นี๋, เมเตเฮ๊เรอ แกแย เตเพรเนอ, อา ดุแหย่แถ่เซ เจ๊อบ๋า เต๋ เบ่เบ่, อา เตดุแหย่แถ่เซ เออเนอ อา เมแร๊ จว่าแจ่ ลู เตโอ่เซอเพร เตอเจ๋อ โต่.”

ꤜꤢꤨꤊꤢ꤬ 16:14

ฟาริสี เด๊อ อา โมแหน่เร๊อ รือเท เนอเต๊เห่ หนิโฮ โหง่เออ เบ๊อะเนอ, อา งยาโคร แลแค เหย่ซู่.

ꤜꤢꤨꤊꤢ꤬ 6:35

โตเบ่ เมหนิ ฮู๊เนอ โต่! โมหนิเรอ แกแย เด๊อ อา ซิเถ่ ซี เนอเต๊เห่ เร๊อ เมแร๊ เหย่ซี เนอ, เด๊อะบ่อ เต เร๊อ แม๊ชือ พย๊าหนิ กาคยา เต เตเต๊อเจ๋อ แต่เหม่. ซี เก่ เมฮู๊เนอ เฮ๊เรอ จอแปแหร่ เก่ เด๊อะบุ๊ยเด๊อะเตอเรอ ตาป่อตาเป เจ๊อ ซี ปา. ซี เก่ เด๊อะบ่อ อู เร๊อ ซี เก่ แม๊ชือ พย๊าหนิ กาคยา คยาแซ๊ เต เตอเจ๋อ โต่ เฮ๊เนอหม่า, อู เก่ แม๊เถอะ ซี เร๊อ เตดุเตทูตื๊อดื่อ จอแปแหร่ อาพู๊ ซีเต๊เห่ ปา. เมเตเฮ๊เรอ จอแปแหร่ เมแร๊ฉื่อ แกแย เด๊อ อา ซิเง ฉื่อ เกอ อูบุ๊ยอูเตอเรอ โต่ เนอเต๊เห่ เร๊อ แกแย เด๊อ อาจาอาจือตื๊อดื่อ ดื่อเง เนอเต๊เห่.

เพรโด่แนพู๊ เต๊เห่ 5:36

เตเนแถ่ โต่ แลแค เร๊อ เด๊อ อาเหร่อเค เนอหม่า แกแยมูย เร๊อ คูธุดาส โอ่แถ่ เตเพร. อา เฮ๊ เกอเร๊อ อาเหน่ เร๊อ แว หม่า แกแย ทวาดุ เตเพร. อาโคเจ่ เด๊อ อา ครวาเกอ ลู เนอ อา ผื๋อ โอ่ ลุยเย เจ๊อ, ตื๊อดื่อเรอ เบ๊อะอู เมเซอแก โทเฮ๊อ ลู เบ๊อะเนอ, อา โคเจ่ เต๊เห่ ลูโพร๊ลูแพร ลอ แพ๊. โทเรอ อา เตเอ่เตแร เต๊เห่เนอ อา ปย๊าแกลอ เบ๊อะเนอ แพ๊.

ꤚꤥꤗꤢꤩ꤬ 11:18

หม่าแน๊เรอ ซี เด๊อ อา หม่าดื่อ แกแยยิวพู๊ หม่าโต่ เออเต๊เห่เนอ, ซี โตเบ่ เฮ๊เบ่ แถ่โผ่แถ่ม๊อ เร๊อ เฮ๊ซิค๊าซิแก่ หนิ แกแยยิวพู๊ เด๊อ อา หม่าดื่อ ส่อแพ เด๊อ อู ย๊อเก่แก อา เออเนอเต๊เห่ โต่. ซี เก่ เตเน แถ่เล๊อ เกอเร๊อ ซีเหน่ เฮ๊เรอ, ซิเงแถ่เบ่ แลแค เนอ, ซี เด๊อะอ๊าเด๊อะเหร่ หนิ ส่อหรุ่ย หม่าโต่. ส่อหรุ่ย เด๊อะอ๊าเด๊อะเหร่ หนิ ซี แพ๊.

โครินธ์ เนอบ่า ต๊าบ่า 5:15

เป เด๊อ อา เซอเพร เออเต๊เห่เนอ, แซ่ฮู๊ เป เก่ ครวา โอ่เซอเพร แฮเง ปา แต่ ฮู๊ เป ซิปล่อ อา เตซิหยื่อซิลอ เนอเต๊เห่ แต่เหม่, แซ่ฮู๊ เป เก่ ครวา โอ่เซอเพร แฮเง เกอ ฮู๊ เพร เด๊อ อา ข่าเซอ โทเป่เฮ๊อ เด๊อ เปเง เร๊อ อา ก๊อถ่อเซอเพร กาคยา โทเฮ๊อ เออเตเพร อาเงเนอ, แบ่เจ่ ข่าเซอ เป่ เฮ๊อ เด๊อ เป ปว๋า เตเพร อาเง เฮ๊อ.

ฟีลิปปี 2:21

แกแย เด๊อ อาโร ล๋อ ปลี เต๊เห่ เนอหม่า อา แม๊ปู เมหนิ แลแค แพ๊ตื๊อ เต เด๊อ อา ทวาบุ๊ยทวาเตอเรอ เด๊อ เหย่ซี อาเง เร๊อดื่อ เนอเต๊เห่ แพ๊. อา แม๊ปู เม เป่ แลแค เหย่ซู่ครี๊ อาเง โต่.

โคโลสี 3:5

ฮู๊เนอ อาขว่าอาคยา, วีแก ซี เตโอ่เซอเพร เลอ อา เตซิหยื่อซิลอ หม่าดื่อ, เตจว๊าซื๊อ เพรเหมาะเพรคู, เตโอ่เซอเพร เด๊อ อา โพ๊แปละอาโพ๊อาแปละ โต่ เต๊เห่, ซิปล่อ ปาต๊าเปอเตอ, เตซิหยื่อซิลอ มู๊แหม่รีแจ่, เน๊อ ซิหยื่อ พย๊าหนิ โอ่เอ๊แถ่ โป่ เตดุแหย่แถ่เซ เต๊เห่. เตซิหยื่อพย๊าหนิ เอ๊แถ่โป่ เตดุแหย่แถ่เซ หม่า อาแซ่เน๊อ จ๊อเบ แหย่โย เฮ๊อ.

เธสะโลนิกา เนอบ่า ต๊าบ่า 2:4

ล๋อ เตเด๊อ อู เอ๊ เร๊อ จอแปแหร่, หม่าโต่เรอ, ล๋อ เตเด๊อ แกแย จ๊อเบแถ่ อา เต๊เห่เนอ, แกแย จามู๊แหม่ เออเตเพร เก่เท๊ เก่แตแอ ฉื่อแก ปา เร๊อ อา เก่ แด่แถ่โล อาเหน่ เร๊อ อาดุเล๊อ เจ๊อ เร๊อ ล๋อ เตเออเต๊เห่ ฮู๊เนอ เจ๊อ ปา. ฮู๊เนอ อาขว่าอาคยา, อา เก่ แฮโน โอ่แนโอ่ เด๊อ จอแปแหร่ เตหลู่แตโฮอากู ปา, เร๊อ อา เก่ แด๊กว๊าแล เกอ เร๊อ เจ๊อ อาเหน่ เร๊อ แว หม่า จอแปแหร่ เตเพร ฮู๊เนอ เจ๊อ ปา.

ทิโมธี อาเหร่อเล๊อ ต๊าบ่า 1:20

แกแย เด๊อ อา เตหยื่อเตแหน่ ปย๊าแก ฮู๊เนอเต๊เห่ หม่า หม่าเฮ๊อ คูฮู๊เหม่แน๊ เร๊อ คูอเล็กซานเดอร์ เฮ๊อ. แซ่ฮู๊ อา เก่ ทวา เตอิซว๊า เด๊อ เหย่ซีเง เร๊อ อา เก่ โอ่โก๊แก อา เตเฮ๊เบ่ซื๊อ จอแปแหร่ เนอเต๊เห่ อาเงเนอ, แว เด๊อะตาแก เฮ๊อ เหย่ซี เด๊อ โลเน๊มู๊แหม่รีแจ่ กู่กล๊อ อา กู๊ยากู เฮ๊อ.

ทิโมธี อาเหร่อเล๊อ ต๊าบ่า 1:9

เป ซิเง เร๊อ เตซว๊าเตแส่ เออเต๊เห่เนอ, อู เด๊อะโอ่แถ่ อา เด๊อ แกแยจ๊อแกแยเต เต๊เห่ อาเงเนอ หม่าโต่. โท๊โต่ อู เด๊อะโอ่แถ่ เป่ แกแย เด๊อ อา เมซื๊อ เตซว๊าเตแส่ เต๊เห่ เน๊อ แกแย เด๊อ อา หนิดา เกออู โต่ เต๊เห่. โทเรอ แกแย เด๊อ อา แด่หยื่อแด่แหน่ เกออู จอแปแหร่ โต่ เต๊เห่, เน๊อ แกแย เด๊อ อา เม เตซื๊อเตปล๊า เต๊เห่, เน๊อ อา จ๊อเบ เกออู จอแปแหร่ โต่ เต๊เห่, เน๊อ อา เตเน เกออู จอแปแหร่ โต่ เต๊เห่, เน๊อ อา เมเซอ อาเพ เก่หม่าโต่เรอ อาโหมะ เต๊เห่, เน๊อ อา เมเซอ แกแย เต๊เห่,

ทิโมธี อาเหร่อเล๊อ ต๊าบ่า 3:3

โทเรอ อา เบ่ เอ่มือโอแพร๊ หนิ โต่, อา เบ่ ซิปล่อโผ่ หนิ โต่, โท๊โต่ อา เบ่ แม๊ แกแย เด๊อ อา ซิโดซิ งา, แกแย เด๊อ อาเคร๊อาแขระ เกออู โต่, อา เบ่โมหนิ รือเท โต่.

ทิโมธี อาเหร่อเล๊อ ต๊าบ่า 6:10

เมเตเฮ๊เรอ เตซิหยื่อซิลอ รือ เนอหม่า เตมู๊แหม่รีแจ่ ล๋อ ปลี อาหรุ่ยอาถว่า เฮ๊อ. แกแย เต๊เห่เห่ เนอ, อา ซิปล่อฉว่า ซิหยื่อ ตาลว๊าซิลือ รือ ขว่าคยา, เหย่ซี จว๊า ตาพาแก เร๊อ เตหยื่อเตแหน่ เร๊อ เตซิเปล โอ่เอ๊ เออ เมจู่เมแท ล๊อ เหย่ซี ซิปล่อเฮ๊อ.

ทิโมธี อาเหร่อเล๊อ ต๊าบ่า 6:4

ฮู๊เนอเรอ แกแย เออเต๊เห่เนอ, อา แด่ดุ พย๊าแถ่โล ตาลว๊าซิลือ แลแค เจ๊อ อาซิปล่อ เร๊อ อา ซิเง แลแค เตอเจ๋อ โต่. เหย่ซี ซิปล่อฉว่า ตาลว๊าซิลือ เด๊อ อา เก่ เคร๊แขะ อู เร๊อ ลีปล่อ ตอปล๊อ เร๊อ ตอปล๊อ อาโหง่แลช๊า เต๊เห่ อาขว่าอาคยา, เตเออเต๊เห่เนอ, อา นอโอ่แถ่ เตซิค๊า ลู, เตกย๊าตางา, เตเป๊อเจ่ออิแช๊, เร๊อ เตเนซื๊อ เกอลู เต๊เห่ แพ๊.

ทิโมธี เนอบ่า ต๊าบ่า 3:4

เหย่ซี เก่ หม่า แกแย เด๊อ อา อิแช๊เอ่ อูมุย, อา อิแช๊เอ่ อูเหน่ เร๊อ เมบูเมบย่า อาเหน่, จ่า แถ่ม๊อแถ่โผ่ อาเหน่, ซิหยื่อ เมโม ตาปา โชชื่อ เจ๊อ อาเหน่ เออเนอ อาดุเล๊อ เจ๊อเน๊อ เตโมหนิ จอแปแหร่ ปา.

ꤡꤛꤢꤩ꤭ꤗꤢ꤬ꤎꤣ꤬ 2:8

ลีเทส่อพ๊ากู เฮ๊ เน๊อ, “โมเร๊อ อูโร ฮู๊ เน โมแล เกอเร๊อ เนเหน่ เนอ,” อา เฮ๊ ฮู๊เนอ. ซี เก่ จูเอ่ หม่าแหน่ จอแปแหร่ อาเทออาเก่ อา เตซว๊าเตแส่ เออ เฮ๊เนอหม่า ซี เมโตเฮ๊อ เต เฮ๊อ.

ꤡꤛꤢꤩ꤭ꤗꤢ꤬ꤎꤣ꤬ 4:16

หม่าแน๊เรอ กู๊แหน่เออ ซี แด่แถ่โล แลแค ซี ซิปล่อ เร๊อ ซี เฮ๊เบ่ แถ่ม๊อแถ่โผ่ เกอเร๊อ แลแค ซีเหน่. ล๋อ เตแด่แถ่โล ซิปล่อ ฮู๊เนอ เต๊เห่หม่า เตมู๊แหม่รีแจ่ แพ๊.

ꤡꤛꤢꤩ꤭ꤗꤢ꤬ꤎꤣ꤬ 4:6

หม่าแน๊เรอ เตบุ๊ยเตเตอเรอ เด๊อ จอแปแหร่ เด๊อะตา เป เออเนอ, อาอ๊าอาเหร่ ฉว่าเล๊อ ปา เจ๊อ. ฮู๊เนอ อาขว่าอาคยา ลีเทส่อพ๊ากู เฮ๊ เน๊อ, “จอแปแหร่ เมตาตือ ฉื่อแก แกแย เด๊อ อา แด่แถ่โล อาซิปล่อ เนอเต๊เห่, หม่าแน๊เรอ อาบุ๊ยอาเตอเรอ เออเนอ อา เด๊อะตา เอ๊เล๊อ เด๊อ แกแย เด๊อ อา แด่หยว่า อาซิปล่อ เนอเต๊เห่ อาลู.”

เปโตร อาเหร่อเล๊อ ต๊าบ่า 5:5

ฮู๊ แว เฮ๊ เป่ โทเฮ๊อ ซี เร๊อ เตแด่แลซิปล่อ อาหรี่อาแก เนอ เฮ๊อ, ซี เด๊อ อา หน่าเจ่เล๊อ เต๊เห่เนอ, ซี เบ่ แด่แล แลแค ซี ซิปล่อ เด๊อ โหมะพรูโหมะเผระ เต๊เห่ อาเล. ซี ปว๋า เตเพร โตเบ่ กือแซ๊แถ่ แลแค แด่แล ซิปล่อ เตเพร เร๊อ เตเพร แซ่เน๊อ ซี กือแซ๊แถ่ เห่อจาเนอ, เมเตเฮ๊เรอ, ลีเทส่อพ๊ากู เฮ๊ เนอ, “จอแปแหร่ เมตาตือแก แกแย เด๊อ อา แด่แถ่โล อาซิปล่อ เนอเต๊เห่ หม่าแน๊เรอ เตบุ๊ยเตเตอเรอ เออเนอ, อา เด๊อะ ตา เป่ เร๊อ แกแย เด๊อ อา แด่หยว่า อาซิปล่อ เนอเต๊เห่ แพ๊”

เปโตร เนอบ่า ต๊าบ่า 2:10

ล๋อ แกแย เด๊อ อา ครวาเมเกอ ฮู๊ เหย่ซี ซิปล่อ อา เตซิหยื่อ ปาต๊า มู๊แหม่ อาคยา เร๊อ อา เม จู๊แก่ฉื่อ จอแปแหร่ อา เตอเรอฉว่าชอ เต๊เห่เนอ, จอแปแหร่ เก่ เมจากาคยา จาเล๊อ เหย่ซี ปา. แกแย ฮู๊เนอเต๊เห่ หม่า แกแย ฮา, แกแย พย๊าแถ่ม๊อแถ่โผ่ อาเหน่ เต๊เห่. ม๊อขุพู๊ เด๊อ อู แด่ดุแด่ทู เกอเร๊อ เจ๊อ ลู เต๊เห่เจ๊อ เนอ, เหย่ซี เป๊อเจ่ออิแช๊ แลแค, อา ซิอิเช เกอ เจ๊ออู ตีกี๋ โต่.

เปโตร เนอบ่า ต๊าบ่า 2:12

เหย่ซี หม่า อาแซ่เน๊อ เตมีเตดอ เด๊อ อา เตเนแจ่ เกออู โต่ เต๊เห่. โทเรอ อา เม แลแค ฮู๊ อาเหล่โกล ซิหยื่อโอ่ เนอ เร๊อ อา โอ่เป๊เจ่แล เด๊อ อู เหล่ลือปื่อ เมเซอ เหย่ซี อาเง แพ๊. แกแย เออเต๊เห่ เนอหม่า อาเท๊อาแตแอ ฉื่อ, เป๊อเจ่ออิแช๊ ฉื่อ เต เด๊อ อา ซิเง ตาปลู๊โต่ เต๊เห่. อู เก่ เมเซอแก เหย่ซี ฮู๊ อู เมเซอ เตมีเตแหม่ เนอ ปา.

เปโตร เนอบ่า ต๊าบ่า 2:18

เหย่ซี เฮ๊เบ่ แถ่ม๊อแถ่โผ่ แลแค อา โหง่ เด๊อ อาบุ๊ยเตอเรอ โอ่โต่ เต๊เห่. เหย่ซี จว๊า อิซว๊า อู เร๊อ อู เก่ เมเตตาเร เด๊อ สุ่ยเทอพ๊าหย่า อา เตซิหยื่อ ปาต๊า เต๊เห่. เหย่ซี อี๊หล่า จว๊า ตาพาแก อู เร๊อ แกล๊โตแกล๊เบ่ เต๊เห่. แกแย เด๊อ เหย่ซี อี๊หล่า เต๊เห่เนอ, อา ตื๊อ โอ่โก๊เซ ปาแพ๊ เร๊อ อา เตซื๊อ ฮู๊ เหย่ซี เนอเต๊เห่ เมเนอ แพ๊.

เปโตร เนอบ่า ต๊าบ่า 2:3

ซ๊าร๊า กลว่าแลโฮ อาเหน่ เออเต๊เห่เนอ, เด๊อ อา เตแม๊ปู กู๊หว่ากู๊เว เอ่หนิเร๊อดื่อ อาเง เร๊อ อา แด๊ แลโฮแจ่ เป่ ซี เตโด่แน เด๊อ อู แด๊แจ่ เนอเต๊เห่ อาขว่าอาคยา, เร๊อ อา แม๊ปู เมเอ่เฉ่เด๊อะ ซีขุ ปา. เพร เด๊อ อา เก่ เมจากาคยา เหย่ซี เนอ อา โอ่ตี๊หรี่แตแร หนื่ออื่อ อาเหน่ อางยา ลาเฮ๊อ, โทเรอ เด๊อ อา เก่ เมปย๊าแก เหย่ซี อาเงเนอ อา โอ่มอ ตาปา น๊อโต่.

ꤛꤢꤨꤘꤢ꤬ 1:16

แกแย เออเต๊เห่ เนอหม่า แกแย เด๊อ อา ตามวาเตเล ฉว่า เร๊อ อา แด่ ดื่อเง เตซื๊อ เด๊อ อูโร อาโอ่ ปว๋า โตโพ๊ เจ๊อ. เหย่ซี ครวาลือเม หนิเกอดื่อ อาเหน่กล่อ อา เตซิหยื่อซิลอ มู๊แหม่รีแจ่ เนอเต๊เห่ อาคยา แพ๊. เหย่ซี เฮ๊เบ่ ถู่เซ๊ เกอเร๊อ แลแค อาเหน่, โท๊โต่ แซ่ฮู๊ เหย่ซี เก่ พย๊าหนิ เต เด๊อ อา ซิหยื่อ เนอเต๊เห่ เนอ, อา เฮ๊เบ่ ถู่เซ๊หนิ แลแค อู.

เตเด๊อะโลแถ่ 13:1

เบ๊อะเนออาเค, แว แม๊เถอะ เตมีเตแหม่ โตโด โอ่ เด๊อ เทอดุซาวา อากู เร๊อ อา แฮแถ่. อานอ โอ่ แพเช๊อ, อา กู่กล๊อโอ่ โซซว๊าเตเม, อานอ ปว๋า โตโบ เนอ, อา กู๊โก่เท โอ่ลอปลี. โทเรอ เด๊อ อากู่กล๊อ ปว๊าเตเม อาลูเนอ อู รา โอ่ลอปลี ลูมูย เร๊อ เตเป๊อเจ่ออิแช๊ จอแปแหร่ ฮู๊เนอ.

เตเด๊อะโลแถ่ 16:11

เด๊อ เหย่ซี เถ่ซิเถ่วา เร๊อ อาเช แร ลู เต๊เห่ อาขว่าอาคยา, อา อิชออี๊บ่า ลอ แลแค ม๊อขุ อา จอแปแหร่ เออเตเพร. อา ข่าเบ่ เจ๊อ ฮู๊เนอ หม่าแน๊เรอ อา ถู่แหล่แต๊แกละกา แลแค อาซิปล่อ โต่.

เตเด๊อะโลแถ่ 16:21

ตื๊อครื่อจ่า ปล่อดุ เตเม เตเม เนอ อา พื๋อ แล โถ่ เจ๊อ อาเจ่ว โซเฉอ เต๊เห่เนอ อา โอ่ เด๊อ ม๊อขุ จ่าตา เร๊อ อา แลตา เบ่จาเบ่จือ แหน่เจ๊อ แกแย เออเต๊เห่ อาขว่าอาคยา, อา อิซออี๊บ่า ลอปลี จอแปแหร่.

เตเด๊อะโลแถ่ 16:9

เหย่ซี ข่าเบ่ลอ ต๊อเหมาะ กู่ลว๊าลอ เหย่ซี เร๊อ อา อิซออี๊บ่า แลแค จอแปแหร่ เด๊อ อา เตอเรอฉว่าชอ เร๊อ อา เด๊อะทวาแถ่ เตเซอหร่าเซอดวา เต๊เห่ เออเนอ เตเพร. เหย่ซี ข่าเบ่ เจ๊อ ฮู๊เออ หม่าแน๊เรอ อา ถู่แหล่แด๊แกล่ กาคยา แลแค อาซิปล่อ โต่. โท๊โต่ อา เมลีเมเตเค เกอ แลแค อู จอแปแหร่ โต่โต่.