ทิโมธี เนอบ่า ต๊าบ่า 3:16 - ลีเทส่อพ๊าอาเซ เร๊อ เห่ขุทวาลู๊

¹⁶ ลีเทส่อพ๊า ล๋อ ปลี เนอหม่า จอแปแหร่ อา แหย่โยบูโพ๊ เด๊อ เป, เร๊อ อา โอ่ เน๊อ อาบุ๊ยอาเตอเรอ เด๊อ อา อิซว๊า เตหมะเตจ๊อ เต๊เห่, อา อิซว๊าอี๊แส่ แร๊กาคยา เตหยื่อเอ่ซื๊อ เต๊เห่, อา เมแร๊ โตเบ่ กาคยา คยาแซ๊ เตเม เด๊อ อาซื๊อ เต๊เห่, เน๊อ เตอิซว๊า เด๊อ อา ซู แกแย เด๊อ เตโอ่เซอเพร อาจ๊ออาเต เต๊เห่ อาเง เฮ๊อ,

Eastern Kayah Shadaw Dialect

¹⁶ ꤜꤤ꤬ꤓꤢꤩ꤭ꤞꤢꤪ꤬ꤖꤢ ꤜꤢꤪ꤭꤮ ꤕꤜꤤ꤭ ꤔꤣꤧ꤬ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤘꤣꤧ ꤕꤢꤩ꤬, ꤚꤣꤧ꤬ ꤢ꤬ ꤥ꤬ ꤔꤢꤧ ꤢ꤬ꤙꤝꤤꤢ꤬ꤒꤣꤧ꤬ꤚꤣꤧ꤭ ꤘꤣ ꤢ꤬ ꤤ꤬ꤞꤝꤢ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤒꤣꤧ꤬ꤟꤢꤩ꤬, ꤢ꤬ ꤤ꤬ꤞꤝꤢꤤ꤬ꤞꤢꤧ꤬ ꤚꤢꤧꤊꤢ꤬ꤋꤛꤢ꤭ ꤒꤢꤩ꤬ꤛ꤫ꤢꤦ꤬ꤢꤩ꤬ꤞꤢꤦ ꤒꤣꤧ꤬ꤟꤢꤩ꤬, ꤢ꤬ ꤗꤢꤩ꤬ꤚꤢꤧ ꤒꤥ꤭ꤙꤢꤩ꤬ ꤊꤢ꤬ꤋꤛꤢ꤭ ꤋꤛꤢ꤭ꤞꤢꤧ ꤒꤢꤩ꤬ꤗꤢꤩ꤬ ꤘꤣ ꤢ꤬ꤞꤢꤦ ꤒꤣꤧ꤬ꤟꤢꤩ꤬, ꤔꤢꤧ ꤒꤢꤩ꤬ꤤ꤬ꤞꤝꤢ ꤘꤣ ꤢ꤬ ꤞꤢꤨ꤭ ꤊꤣꤧ꤬ꤛꤢꤧ꤭ ꤘꤣ ꤒꤢꤩ꤬ꤥ꤬ꤞꤣꤧ꤭ꤖꤚꤢꤩ꤬ ꤢ꤬ꤡꤢꤪꤢ꤬ꤒꤢꤩ꤬ ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ ꤟꤣꤧ,

ทิโมธี เนอบ่า ต๊าบ่า 3:16 Iomraidhean Croise

มัทธิว 13:52

เร๊อ อา เฮ๊ฉื่อ เหย่ซี เน๊อ, “เมฮู๊เนอ อาขว่าอาคยา, อู เก่ อิซว๊า ซิเง กาเป่ลอ ล๋อ เฮ๊อ ล๋อ เพรอิซว๊า เตซว๊าเตแส่ อา ซ๊าร๊าเนอ เต๊เห่ เนอหม่า, ม๊อขุ เทอเลเก่กู, อาแซ่เน๊อ หี่แบ่เจ่ เตเพร เด๊อ อา พย๊าเถ่ อา เตงูดุงูชอ เด๊อ อาเซ เร๊อ อาเลอ เต๊เห่ เด๊อ อาเหล่ แด่โอ่ปล๊อ เหล่โอ่ อากู.”

มัทธิว 21:42

แบ่เจ่ เฮ๊ เหย่ซี เน๊อ, “ลีเทส่อพ๊ากู ราม๊า เนอ, ‘แกแย เมแถ่ หี่ เร๊อ หล่อ เด๊อ เหย่ซี วีแก ลู เนอเตเมเนอ อา ทวาแถ่ หล่อ เด๊อ อา ตาทว๊าหม่า ลอ เจ๊อ หี่เตเม เจ๊อ เออเนอหมา แบ่เจ่ จอแปแหร่ เมเต แพ๊, เร๊อ อา เมเต เออเนอหมา อา โคตีกลี๊ แหน่เจ๊อ’ ลีเทส่อพ๊ากู ราม๊า เออเนอหม่า ซี แด๊น๊อ เกออู โตโพ๋ โต่ แอ? ซี เกล๊ แด๊ น๊อ แหน่ แพ๊.”

มัทธิว 22:43

เร๊อ อา เฮ๊ เหย่ซี เน๊อ, “เก่ เมฮู๊เนอเรอ หม่าเมเตเร๊อ แหย่โยบูโพ๊ แบ่เจ่ นอ ดาวิด เร๊อ อา จว๊านอ เอ๊โต่ ครี๊ เออเนอ เน๋อ, ‘แบ่เจ่’ ฮู๊เนอ เมเต? เมเตเฮ๊เรอ อา จว๊าเฮ๊ โต่ เนอ,

มัทธิว 26:54

เก่ แว เมฮู๊เนอ เฮ๊เรอ ลีเทส่อพ๊า ราหนื่ออื่อ เด๊อ อา เบ่ทวา แถ่ ฮู๊เออเนอ, อา จว๊าเล๊อบาแถ่ แจ่ ฮู๊เต?”

มัทธิว 26:56

หม่าแน๊เรอ เตทวาแถ่ อาเหน่ ฮู๊เออ เนอหม่า แซ่ฮู๊ เพรโพร ราหนื่ออื่อแก เต๊เห่ เก่เล๊อเก่บาแถ่ อาเง แพ๊.” โทเรอ ล๋อ อา โคเจ่ เต๊เห่ ปลวาแกลู เร๊อ เถ่แกล่ ตาพาแก ลอ ลูเหล่.

ꤗꤢ꤬ꤊꤢꤨ 12:24

เหย่ซู่ เฮ๊ฉื่อ เหย่ซี เน๊อ, “ซี หยื่อเอ่ซื๊อ ลอเฮ๊อ. ซี ซิเง ตาเต เกออู ลีเทส่อพ๊า เตเฮ๊ โต่. โท๊โต่ซี ซิเง ตาเต เกออู จอแปแหร่ อา โพรอาฉว่าอาชอ เมแจ่ อู เต เต๊เห่ โต่.

ꤗꤢ꤬ꤊꤢꤨ 12:36

เมเตเฮ๊เรอ คุ๊ยดาวิด อาเหน่แบ่เจ่ เร๊อดื่อ เนอ แหย่โยบูโพ๊ แบ่เจ่ อา นอเฮ๊ ลู เนอ, ‘แบ่เจ่ จอแปแหร่ เฮ๊ แว แบ่เจ่ เน๊อ, “โอ่แนโอ่ เด๊อ แว กู๊ขุ จ๊อทว๊า เออตากยา, โอ่แนโอ่ โต่ ช๋า, แว เมเป่ ลอปลี เฮ๊อ ล๋อ แกแย เด๊อ อา ซิเถ่ เน เนอเต๊เห่แฮโอ่ลอ เด๊อ เนเตเป๊ออาเล ปาเนอนี๋.”’

ꤛꤥ꤭ꤟꤢ꤬ 10:35

จอแปแหร่ อาลาอาโหง่ เนอหม่า อาโตอาเบ่ ตูจูเพร เจ๊อ. อู ถู่แหล่ เต๊เปล่ แจ่ ลู เตเพร่ว โต่.

ꤛꤥ꤭ꤟꤢ꤬ 3:20

ล๋อ แกแย เด๊อ อา เม เตมู๊แหม่รีแจ่ เต๊เห่เนอ, อา ซิเถ่ เตลี เร๊อ อา แฮ เด๊อ เตลี อา โอ่ โต่, เมเตเฮ๊เรอ แกแย เด๊อ อา เม เตมู๊แหม่รีแจ่ เต๊เห่เนอ, อา ซิอิเช เร๊อ อา เตซื๊อเตโอ่หร่า เต๊เห่ โอ่โลแถ่ เร๊อ อา แฮโตโต่.

เพรโด่แนพู๊ เต๊เห่ 1:16

เร๊อ คูเปโตร ก๊อถ่อเฮ๊ เน๊อ, “โป่แหว่ ซี๋, ลีเทส่อพ๊า เฮ๊หนื่ออื่อ โทเฮ๊อ คูยูดาส เด๊อ อา ยู เป่ อู แกล๊ เร๊อ อา นอปื่อ อู เร๊อ เหย่ซู่ เออ อาหรี่อาแก. เร๊อ แหย่โยบูโพ๊แบ่เจ่ นอเฮ๊เบ่ คุ๊ยดาวิด เร๊อ อาหรี่อาแก เออเต๊เห่ เนอหม่า อา โตเบ่ เล๊อแถ่บาแถ่ แหน่ แพ๊.

เพรโด่แนพู๊ เต๊เห่ 18:25

อู อิซว๊าอี๊แส่ เนอ โทเฮ๊อ อา เร๊อ แบ่เจ่ อาแกล๊อาโกล เต๊เห่ เฮ๊อ. โทเร๊อ อา ซิปล่อฉว่า โด่แนเป่ แหน่เจ๊อ อู, โทเร๊อ อา อิซว๊าอี๊แส่ ตาเต เป่ แหน่เจ๊อ อู เร๊อ เหย่ซู่ อาหรี่อาแก เต๊เห่. หม่าแน๊เรอ อา ซิเง แพ๊ดื่อ คูยอห์น อา เตเจอูเทอ อาหรี่อาแก เต๊อเจ่อโต แพ๊.

เพรโด่แนพู๊ เต๊เห่ 20:20

ซี ซิเงดื่อเฮ๊อ เน๊อ เตเฮ๊โฉ่โด่แน เต๊อเจ่อเจ่อ เด๊อ อา เก่ ทวาแถ่ เตเมจว่า เด๊อ ซิเง เฮ๊เนอ, แว เมบี๊เมโอ๊แก เร๊อ เตอเจ๋อ โต่. เร๊อ เด๊อ แกแย เบ๊หมู่ อาเกล เบ่เบ่, เด๊อ ซีหี่ซีแพ อากู เบ่เบ่, แว อิซว๊าอี๊แส่ เป่ โทเฮ๊อ ซี เฮ๊อ.

เพรโด่แนพู๊ เต๊เห่ 20:27

เมเตเฮ๊เรอ ล๋อ เต เด๊อ จอแปแหร่ เซเรหนื่ออื่อ เต๊เห่เนอ, แว ด๊อโอ๊ด๊อบี๊ เร๊อ เตอเจ๋อ โต่. แว เฮ๊โฉ่ซิเง เป่ โทลอเฮ๊อ ซี เฮ๊อ.

เพรโด่แนพู๊ เต๊เห่ 28:25

เบ๊อะเหย่ซี ซิปล่อ เตเนโค๊คยาลู เร๊อ เหย่ซี เถ่จว๊าแก เบ๊อะเนอ, คูเปาโล เฮ๊เบ่ โหง่ เด๊อคยาเล๊อ ตือมือ เน๊อ, “แหย่โยบูโพ๊แบ่เจ่ เฮ๊เบ่ แฮเง เน๊อ เพรโพร อิสยาห์ เร๊อ อา เฮ๊โฉ่แก เป โหมะเพเพอโพ เด๋อ งย๊าเค เต๊เห่ เนอหม่า อา โตตื๊อ เจ๊อ.

ꤚꤥꤗꤢꤩ꤬ 15:4

เมเตเฮ๊เรอ, ลีเทส่อพ๊า เด๊อ อู ราโอ่ อา มู๋ หนู่เค เต๊เห่เนอ, อา รา หนื่ออื่อ เด๊อ อา เก่ อิซว๊าอี๊แส่ เป อาเงเฮ๊อ. แซ่ฮู๊ เป เก่ โอ่ เร๊อ เตแม๊ชือ เนอ, ลีเทส่อพ๊า เด๊อะ เฮ๊อ เป แด่ทูซิปล่อ เร๊อ เตเหร่เตแบ เต๊เห่ เฮ๊อ.

ꤚꤥꤗꤢꤩ꤬ 2:20

เน เตเน เกอเร๊อ เนเหน่ เร๊อ เน ยูเบ๊ เป่ แกแย ตอครอ เออเต๊เห่ อาแกล๊ เร๊อ เน อิซว๊าอี๊แส่แจ่ เป่ แกแย เด๊อ อาแซ่เน๊อ เป๊เจ่ เด๊อ อา อินู๊ ปา เออเต๊เห่, เมเตเฮ๊เรอ เตซว๊าเตแส่ ยูแกล๊ยูโกล เป่ ลอ เฮ๊อ ซี เร๊อ ซี เก่ ซิเง จอแปแหร่ อาหรี่อาแก เร๊อ เตหมะเตจ๊อ เต๊เห่ เฮ๊อ.

ꤚꤥꤗꤢꤩ꤬ 3:2

ทวา แกแยยิวพู๊ เตเพร เนอหม่า อาบุ๊ยเตอเรอ โอ่เอ๊ หม่าแหน่ เจ๊อ. เตเด๊อ อาบุ๊ยเตอเรอ โอ่เล๊ออู เต๊อเจ่อ เนอหม่า, หม่าเฮ๊อ จอแปแหร่ หยื่อเอ่หนิ เป แกแยยิวพู๊ เต๊เห่ อาขว่าอาคยา, อา แด๊โฉ่โล เป่ เปโหง่ เด๊อ อา ซิหยื่อ แด๊โฉ่ เป่ อู เนอเต๊เห่ เฮ๊อ.

ꤚꤥꤗꤢꤩ꤬ 4:23

เร๊อ เตเฮ๊เบ่ เด๊อ อา เฮ๊ เน๊อ, “จอแปแหร่ แด่ เพอับราฮัม ฮู๊ แกแยจ๊อแกแยเต เตเพร,” เออตือมือ เนอหม่า, อู รา เป่ตื๊อ เพอับราฮัม เตเพร อาเงเนอ หม่าโต่.

โครินธ์ อาเหร่อเล๊อ ต๊าบ่า 12:7

แซ่ฮู๊ เป เก่ เมจว่า เป่ เกอ เป โป่แหว่ ครี๊พู๊ เด๊อ อาโร เต๊เห่ อาเงเนอ, จอแปแหร่ เด๊อะโล เร๊อ แหย่โยบูโพ๊ แบ่เจ่ โอ่ เด๊อ เป ปว๋า เตเพร อากู เฮ๊อ.

ꤊꤢ꤬ꤜꤢ꤬ꤒꤤ 3:8

ลีเทส่อพ๊า เฮ๊หนื่ออื่อ โทดื่อ เฮ๊อ มู๊หนู่มู๊ส่าเค ปา เนอ, จอแปแหร่ เก่ แด่จ๊อแด่เต แกแยยิวพู๊ หม่าโต่ เต๊เห่เนอ เร๊อ เหย่ซี อาเตหยื่อเตแหน่ อาคยา ปา, อา เฮ๊หนื่ออื่อ ฮู๊เนอ. จอแปแหร่ อาลาอาโหง่ เด๊อะ ซิเงเหร่อ เตซิครือมีลา อาหรี่อาแก เด๊อ เพ อับราฮัม อา โอ่ เร๊อ อา เฮ๊ เน๊อ, “เด๊อ เนขว่าเนคยา เนอ, แว เก่ เด๊อะบุ๊ยเด๊อะเตอเรอ แฮเง ลอ ล๋อ แกแยเมวเจอะ เต๊เห่ เร๊อ เน ปา.” อา เฮ๊ ลู ฮู๊เนอ.

ทิโมธี เนอบ่า ต๊าบ่า 2:25

เบ๊อะอา อิซว๊า แร๊ กาคยา แกแย เด๊อ อา เท๊ฉื่อ อา เต๊เห่ เบ๊อะเนอ, อา โต เฮ๊เบ่ ซิโดซิ งา อู. แตแร๋ หม่า, จอแปแหร่ เก่ เด๊อะหนิ เป่ เหย่ซี ค๊าขิ แร๊ เด๊อ อา เก่ ถู่แหล่ เต๊เปล่ อาซิปล่อปา เร๊อ อา เก่ ซิเง แถ่คยา เตหมะเตจ๊อ ปา.

ทิโมธี เนอบ่า ต๊าบ่า 4:2

แด๊โฉ่โด่แน แลแค เตซิครือมีลา นี๋. ค๊าขิ แร๊ เบ่เบ่, ค๊าขิ แร๊โต่ เบ่เบ่, ตูรู๊ โด่แน แฮเง ตื๊อดื่อ ลาโป่ เตซิครือมีลา เออเนอ นี๋. โทเร๊อ ซิพรวาหนิ เหย่ซี นี๋, อิซว๊าอี๊แส่ แร๊กาคยา เหย่ซี นี๋, เร๊อ เด๊อะอ๊าเด๊อะเหร่ เหย่ซี, อิซว๊าอี๊แส่ เหย่ซี เน๊อ เตแด่ทูซิปล่อ เนอ นี๋.

ꤟꤤꤙꤚꤢꤨ 11:1

เตหยื่อ อาโหง่แลช๊า หม่า เต เด๊อ เป แม๊ชือ ลู เต๊เห่เนอ, เป หยื่อเอ่ อาหม่าอากลอ เร๊อดื่อเฮ๊อ เน๊อ เป เก่ พย๊าหนิ เฮ๊อ. โท๊โต่ เตหยื่อ อาโหง่แลช๊า หม่า เตเด๊อ เป แม๊เถอะแจ่ ล๋ายโต่ เต๊เห่เนอ, เป หยื่อเอ่ อาหม่าอากลอ ตื๊อดื่อ หนิปา เร๊อ เป เก่ พย๊าหนิ ปาเนอเฮ๊อ.

ꤟꤤꤙꤚꤢꤨ 3:7

ฮู๊เนอเรอ แหย่โยบูโพ๊ แบ่เจ่ เฮ๊ เน๊อ, “เออเตอเนอ, ซี เก่ หนิโฮ จอแปแหร่ อาโหง่พราแถ่ เฮ๊เรอ,

ꤟꤤꤙꤚꤢꤨ 4:12

จอแปแหร่ อาลาอาโหง่ เนอ, อา เซอเพร เร๊อ อา เมแจ่ เต. อา แท เล๊อปา เจ๊อ เน๊อ เน๊ เด๊อ อา แทลอ เนอโค๊เนอกยา เต๊เบ่. อา โน เบ่เพ๊ โต่ เจ๊อ เด๊อ ซิปล่อเซอเพร เน๊อ ซิปล่อ เหล่โอ่ เต่อลู อาเหล่โอ่ เนอ, โทเรอ อา โน เบ่เพ๊ โต่เด๊อ ถว่า เน๊อ ครุ๊ยกิกู เหล่โอ่ เนอโต๊โผะ เจ๊อ. อา เด๊อะเถ่โล เป่ แกแย ซิปล่อ อา เตเตเน เต๊เห่ เร๊อ อา เตซิหยื่อ เด๊อ อาแร๊ เร๊อ อา มู๊แหม่ เต๊เห่.