ทิโมธี เนอบ่า ต๊าบ่า 3:11 - ลีเทส่อพ๊าอาเซ เร๊อ เห่ขุทวาลู๊

¹¹ โทเรอ แว ข่าเบ่น๊อ อู เมจาเมจือ แว เออเนอ, เร๊อ แว ป่อชิเต่อเบ่ เน๊อ เตแป่เตเช เออเต๊เห่ เด๊อ วีอันทิโอก, วีอิกานีเร๊อ วีอิโคเนยูม เน๊อ วีลิสตรา อากู เนอหม่า, อา เมแคร๊ อาเหน่ เร๊อ แว ฮู๊เตเนอ เน ซิเง โทดื่อเฮ๊อ. แว ข่าเบ่ อู เมจาเมจือ แว หม่าแน๊เรอ ล๋อ เต เออเต๊เห่ เนอหม่า, แบ่เจ่ เมแลเปล๊กา เป่ ลอปลี แว แพ๊.

Eastern Kayah Shadaw Dialect

¹¹ ꤓꤥ꤭ꤚꤣꤧ꤬ ꤠꤢꤧ꤭ ꤋꤢꤧꤙꤢꤩ꤬ꤔꤢꤪ ꤢꤨ꤭ ꤗꤢꤩ꤬ꤡꤢ꤭ꤗꤢꤩ꤬ꤡꤢꤦ꤬ ꤠꤢꤧ꤭ ꤣꤧ꤭ꤔꤣꤧ꤬, ꤔꤢꤧ ꤠꤢꤧ꤭ ꤕ꤫ꤢꤪ꤬ꤞꤤꤒꤣ꤬ꤙꤢꤩ꤬ ꤔꤢꤧ ꤒꤢꤩ꤬ꤕ꤫ꤢꤧ꤬ꤒꤢꤩ꤬ꤏꤢꤩ꤭ ꤣꤧ꤭ꤒꤣꤧ꤬ꤟꤢꤩ꤬ ꤘꤣ ꤠꤤ꤭ꤢ꤬ꤒꤤ꤬ꤢꤪ꤬, ꤠꤤ꤭ꤤꤊꤢ꤬ꤔꤤ꤬ ꤔꤢꤧ ꤠꤤ꤭ꤜꤢꤨꤎꤢ꤬ꤒꤢ꤬ꤚꤢ꤬ ꤢ꤬ꤊꤢꤨ꤭ ꤔꤣꤧ꤬ꤗꤢ꤬, ꤢ꤬ ꤗꤢꤩ꤬ꤋꤚꤢꤧ ꤢ꤬ꤔ꤫ꤢꤩ꤬ ꤔꤢꤧ ꤠꤢꤧ꤭ ꤟꤢꤨꤒꤢꤩ꤭ꤔꤣꤧ꤬ ꤔꤢꤧ꤬ ꤞꤤꤑꤢꤩ꤭ ꤓꤥ꤭ꤘꤢꤦ꤬ꤟꤣꤧ꤯ ꤠꤢꤧ꤭ ꤋꤢꤧꤙꤢꤩ꤬ ꤢꤨ꤭ ꤗꤢꤩ꤬ꤡꤢ꤭ꤗꤢꤩ꤬ꤡꤢꤦ꤬ ꤠꤢꤧ꤭ ꤒꤣꤧ꤬ꤘꤢꤦꤚꤣꤧ꤬ ꤜꤢꤪ꤭ ꤒꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬, ꤙꤢꤧ꤬ꤡꤢꤩ꤬ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤕ꤫ꤢꤩ꤬ ꤜꤢꤪ꤭ꤕꤜꤤ꤭ ꤠꤢꤧ꤭ ꤖꤢꤧ꤯

ทิโมธี เนอบ่า ต๊าบ่า 3:11 Iomraidhean Croise

เห่ขุทวาลู่ 48:16

เตเน่วม๊อขุพู๊ เด๊อ อา เมแลเปล๊ แว เน๊อ ล๋อ เตแป่เตเช เนอเตเพร เก่ เด๊อะบุ๊ยเด๊อะเตอเรอ ดื่อ เหย่ซี นี๋. เด๊อเหย่ซีอาขว่าอาคยา เร๊อ อู เก่โต เร๊อ ดื่อแวมุย, แวโพ โพอับราฮัม อามุย เน๊อ แวเพ เพอิสอัค อามุยปานี๊. เหย่ซี เก่ พู๊โอ่โหร่เหลอโอ่เอ๊ ดื่อ เบ๊อะ เห่ขุ เออ ปา นี๋.”

เพรโด่แนพู๊ เต๊เห่ 13:14

เหย่ซี โอ่เด๊อ วีเปอร์กา เร๊อ เถ่จว๊า แลแค เด๊อ วีอันทิโอก โอ่ เด๊อ ปิสิเดีย เก่กูเนอ ตีวี. เร๊อ เบ๊อะแกแยยิวพู๊ ม๊อเนอโด่ เบ่ เบ๊อะเนอ, เหย่ซี จว๊าโน โอ่แนโอ่ เด๊อ เตจ๊อเบโฮกู.

เพรโด่แนพู๊ เต๊เห่ 13:45

เบ๊อะแกแยยิวพู๊ เต๊เห่ แม๊เถอะ แกแย แฮโหร่แฮเอ๊ เบ๊อะเนอ, เหย่ซี ซิเคว๊ หนิเกอ แหน่เจ๊อ คูเปาโล เร๊อ อา เคร๊ฉื่อ เป๊อเจ่ออิแช๊แก คูเปาโล อา เตเฮ๊เบ่อี๊โช เต๊เห่.

เพรโด่แนพู๊ เต๊เห่ 14:8

เบ๊อะวีลิสตรา อากูเนอ แกแย กู๊โด่ด๊า ตือรือ เด๊อ อา โหมะฮ๊อกู เร๊อ อา จว๊าแจ่โต่ โอ่ เตเพร.

เพรโด่แนพู๊ เต๊เห่ 20:19

เบ๊อะแว แม๊เถอะเบ่ เจ๊อ เร๊อ เตแป่เตเช เด๊อ แกแยยิวพู๊ เต๊เห่ เครเม มู๊แหม่รีแจ่ เจ๊อ แว อาเบ๊อะเนอ ตื๊อดื่อเรอ แว ย๊อ แรเต เด๊อ จอแปแหร่ อาเง อาขว่าอาคยา, แว เบ่ เป๊เส่เทอ ตา เจ๊อ. โท๊โต่ แว เบ่ แด่ทูซิปล่อ ตื๊อดื่อ เจ๊อ เด๊อแว ซิปล่อ.

เพรโด่แนพู๊ เต๊เห่ 23:10

เตกย๊าตางา เออ อา โลแถ่ โต่ เจ๊อ เด๊อ เกลอฮู๊ตีรี๊ อากู่กล๊อ เออเตเพร เบยอ เน๊อ ซิอิเช อู ท๊อยาท๊อหมื่อแก คูเปาโล อาขว่าอาคยา, อา นอเอ๊เถ่แก คูเปาโล เน๊อ อาเกลอฮู๊ เต๊เห่ เด๊อ เหย่ซี อาเกล, เร๊อ อา ซูจว๊าแก ลู เด๊อ เกลอฮู๊ เต๊เห่ อาเหล่โอ่ หี่ เนอเต๊เห่ อากู.

เพรโด่แนพู๊ เต๊เห่ 26:17

แว เก่ นอซูจว๊า เน เด๊อ เน เมวเจอะเกอดื่อ เต๊เห่ เร๊อ แกแยยิวพู๊ หม่าโต่ เต๊เห่ อาเกล ปา. เร๊อ แว เก่ เมแลเปล๊เถ่ เน เด๊อ เหย่ซี เนอเต๊เห่ อา กู๊ยากู ปา.

เพรโด่แนพู๊ เต๊เห่ 26:22

หม่าแน๊เรอ, จอแปแหร่ เมจว่า แว อาขว่าอาคยา, โต่เด๊อ เออเตอ เนอ แว ก๊อถ่อ ข่าเฮ๊โล เป่ปา เน๊อ แกแย เด๊อ อา โอ่ เบ๊อะเออ ปว๋า เตเพร. แกแย เด๊อ อู เตเนดุ ลู เบ่เบ่, อู เตเน ปีตี๊ ลู เบ่เบ่ แว แด๊โฉ่โล แซ๊เป่ ลอ ลู. เตหรี่เตแก เด๊อ แว เฮ๊ เป่ เหย่ซี เออเนอหมา, เตอเจอเจ๋อ แพ๊ ลู เร๊อ เพรโพร เต๊เห่ เร๊อ คูโมเสส แด๊โฉ่หนื่ออื่อ โทเฮ๊อ เนอเต๊เห่ แพ๊, เร๊อ อา เฮ๊ แลแค เน๊อ,

เพรโด่แนพู๊ เต๊เห่ 9:16

ล๋อ เตจาเตจือ เด๊อ อา โตเบ่ ข่าจา เด๊อ แวขว่าแวคยา เต๊เห่เนอ, แว เก่ เด๊อะโล ซิเง เจ๊อดื่อ ลู เร๊อ แวเหน่ ปา.”

ꤚꤥꤗꤢꤩ꤬ 15:31

โทเรอ, แซ่ฮู๊ จอแปแหร่ เก่ เมแลเปล๊ แว เร๊อ แกแย เด๊อ อา โอ่ เด๊อ ยูดาห์ เก่กู เด๊อ อา หยื่อเอ่ เกออู ครี๊ โต่ เนอเต๊เห่ อา กู๊ยากู เนอเร๊อ, กุยจ๊อเบ เป่เกอ เด๊อ แวเง นี๋. โทเรอ กุยจ๊อเบ เป่เร๊อ เกอโป่ เพรหยื่อเอ่ เออ เด๊อ อา โอ่ เด๊อ วีเยรูซาเล็ม อากู เนอเต๊เห่ เก่ ซิครือซิลอ พย๊าฉื่อ เตหลู่แต เด๊อ แว ซูจว๊า เป่ เหย่ซี เออเนอเต๊เห่ นี๋.

โครินธ์ เนอบ่า ต๊าบ่า 1:5

เด๊อ ครี๊ อาขว่าอาคยาเร๊อ เป ข่าเบ่ เอ๊แหน่เจ๊อ เตจาเตจือ, หม่าแน๊เรอ เด๊อ เหย่ซู่ครี๊ อาขว่าอาคยา เร๊อ จอแปแหร่ เมโม เมจว่า เอ๊เกอ แหน่เจ๊อ เป.

โครินธ์ เนอบ่า ต๊าบ่า 1:7

ฮู๊เนอ อาขว่าอาคยา, เป หยื่อเอ่หนิ แหน่เจ๊อ ซี, เมเตเฮ๊เรอ เบ๊อะซี ข่าเบ่ แซ๊เกอ เตจาเตจือ ฮู๊ เป ข่าเบ่ เต๊เห่ เบ๊อะเนอ, จอแปแหร่ เก่ เมโม เมจว่า เกอ ซี ฮู๊ อา เมโม เมจว่า เฮ๊อ เป เออเนอ ปา.

โครินธ์ เนอบ่า ต๊าบ่า 12:10

ฮู๊เนอเรอ แว โอ่ เร๊อ เตอ๊าเจ่เหร่เจ่ เต๊เห่, แว แม๊เถอะ ป่อชิเต่อเบ่ เร๊อ เตจาเตจือ เต๊เห่, อู เป๊อเจ่ออิแช๊ แว เต๊เห่, อู เมจาเมจือ แว เต๊เห่, แว แม๊เถอะ ป่อชิเต่อเบ่ เร๊อ เตแป่เตเช ซี เต๊เห่, ล๋อ เต เด๊อ แว แม๊เถอะ ป่อชิเต่อเบ่ เออเต๊เห่ เนอหม่า ครี๊ อาเง แพ๊, หม่าแน๊เรอ แว ซิปล่อโอ่ ซิปล่อโม แพ๊ เมเตเฮ๊เรอ เบ๊อะแว อ๊าเจ่เหร่เจ่ เบ๊อะเนอ, ตื๊อหม่า แว อ๊าฉว่าเหร่ชอ แพ๊.

ทิโมธี เนอบ่า ต๊าบ่า 4:7

เตช๊า เด๊อ อาแร๊เล๊อ เนอ แว ช๊าโทเฮ๊อ. เตแกล่ ดี๊เจ เนอ แว แกล่ โทเฮ๊อ. แว ปื่อหม่า หนิ แร๊ เฮ๊อ แว เตหยื่อ โต่เด๊อ อาตื๊อดื่อเฮ๊อ.

เปโตร เนอบ่า ต๊าบ่า 2:9

ฮู๊เนอเรอ แบ่เจ่ จอแปแหร่ เก่ เมแลเปล๊กา แกแย เด๊อ อา เมโต ลูซิปล่อ เร๊อ อา โอ่ เด๊อ เตจาเตจือ อากู เนอเต๊เห่ ฮู๊เต ปาเนอ อา ซิเง แพ๊. โท๊โต่ อา ปื่อโอ่หม่าหนิ แกแยจา เออเต๊เห่ เร๊อ อา เก่ เมจากาคยา แฮเง ตื๊อดื่อลอ เหย่ซี โต่เด๊อ เตเมจากาคยา อาม๊อเนอ เนอเตอเนอ ปา.