ทิโมธี เนอบ่า ต๊าบ่า 2:25 - ลีเทส่อพ๊าอาเซ เร๊อ เห่ขุทวาลู๊

²⁵ เบ๊อะอา อิซว๊า แร๊ กาคยา แกแย เด๊อ อา เท๊ฉื่อ อา เต๊เห่ เบ๊อะเนอ, อา โต เฮ๊เบ่ ซิโดซิ งา อู. แตแร๋ หม่า, จอแปแหร่ เก่ เด๊อะหนิ เป่ เหย่ซี ค๊าขิ แร๊ เด๊อ อา เก่ ถู่แหล่ เต๊เปล่ อาซิปล่อปา เร๊อ อา เก่ ซิเง แถ่คยา เตหมะเตจ๊อ ปา.

Eastern Kayah Shadaw Dialect

²⁵ ꤙꤣꤧ ꤢ꤬ ꤤ꤬ꤞꤝꤢ ꤚꤢꤧ ꤊꤢ꤬ꤋꤛꤢ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤓꤢꤩꤏꤢꤦ꤬ ꤢ꤬ ꤒꤣꤧ꤬ꤟꤢꤩ꤬ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤒꤥ꤭ ꤟꤢꤩꤙꤢꤩ꤬ ꤞꤤꤘꤥ꤭ꤞꤤꤍꤢ꤬ ꤢꤨ꤭꤯ ꤒꤣꤧ꤬ꤚꤢꤧ꤮ ꤗꤢ꤬, ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤘꤣꤧꤚꤣꤧ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤢ꤬ꤏꤣꤧꤢ꤬ꤋꤢꤩ꤭ ꤚꤢꤧ ꤘꤣ ꤢ꤬ ꤊ꤫ꤢꤦ꤬ ꤛꤢꤧ꤬ ꤚꤣꤧ ꤋꤛꤢ꤭ ꤢ꤬ꤔ꤫ꤢꤩ꤬ ꤕꤢ꤭ ꤚꤣꤧ꤬ ꤢ꤬ ꤊ꤫ꤢꤦ꤬ ꤞꤤꤑꤢꤩ꤭ ꤓꤢꤧ꤬ꤋꤛꤢ꤭ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤕꤢ꤭꤯

ทิโมธี เนอบ่า ต๊าบ่า 2:25 Iomraidhean Croise

มัทธิว 11:29

แย๊ แลแค แว อิแย๊ เออ เร๊อ อิซว๊าซิเง เกอ เต เด๊อ แวโอ่เออ, เมเตเฮ๊เรอ แว ซิโดซิงา เร๊อ แว แด่แล แวซิปล่อ อาขว่าอาคยา, เน เก่ แม๊เถอะ เน ซิปล่อ อา เหล่โอ่โก๊ เตเบ๊ซิพร๊า ปา.

มัทธิว 21:32

เมเตเฮ๊เรอ คูยอห์น แฮ เด๊อะโล ซี เร๊อ เต จ๊อ เตเต อาแกล๊ ตื๊อดื่อเรอ ซี หยื่อเอ่ ลู โต่. หม่าแน๊เรอ เพรกุยอาหมู่อาร๊า เร๊อ แม๊เผ่โหมะ เต๊เห่ หยื่อเอ่ ลู. ซี แม๊เถอะ เจ๊อ แกแย เออเต๊เห่ อาซิปล่อ แต๊แกละ กา เจ๊อ ตื๊อดื่อเรอ ซี ซิปล่อแต๊แกละ กา เกออู โต่, โท๊โต่ ซี หยื่อเอ่ เกอ เจ๊อ อู ตีกี๋ โต่.

ꤗꤢ꤬ꤊꤢꤨ 1:15

เร๊อ อา เฮ๊ เน๊อ, “เบ๊อะแฮโต่เฮ๊อ. จอแปแหร่ อาเทออาเก่ ผื่อแฮเฮ๊อ เร๊อ เม เต๊เปล่ แลแค ซี ซิปล่อ เร๊อ หยื่อเอ่ แลแค มอ แลแค เตซิครือซิลอมีลา เออ.”

ꤛꤥ꤭ꤟꤢ꤬ 5:34

แว โหล่ เร๊อ แกแย เห่ขุพู๊ข่าเฮ๊โล แวหรี่แวแก เตเพร่ว โต่. หม่าแน๊เรอ แซ่ฮู๊ ซี เก่ หยื่อเอ่ เต เด๊อ อา เฮ๊ เนอเต๊เห่ เร๊อ ซี เก่ หนิ เกออู เด๊อ เตเมแลเปล๊กา อาเงเนอเนอ, แว เด๊อ ซีเหน่ กาคยา คยาแซ๊ ซี เร๊อ คูยอห์น อา เฮ๊ แวหรี่แวแก เออเนอเต๊เห่ แพ๊.

เพรโด่แนพู๊ เต๊เห่ 11:18

เบ๊อะเหย่ซี หนิโฮ เตหรี่เตแก เออ เบ๊อะเนอ, เหย่ซี เป๊อเจ่ออิแช๊ ปา คูเปโตรโต่, เร๊อ อา ถู่เซ๊แถ่ แลแค จอแปแหร่ เน๊อ, “เก่ อา หม่าแหน่ ฮู๊เนอเฮ๊เรอ จอแปแหร่ เด๊อะเป่เกอเฮ๊อ แกแยยิวพู๊ หม่าโต่ เต๊เห่ เตค๊าขิโตแร๊ เด๊อ อา เก่ ถู่แหล่ เต๊เปล่กา แลแค อาซิปล่อ เร๊อ อา เก่ พย๊าหนิ เกอ แลแค แหย่โยบูโพ๊เซอเพร เฮ๊อ.”

เพรโด่แนพู๊ เต๊เห่ 2:38

คูเปโตร เฮ๊ เป่ เหย่ซี เน๊อ, “แซ่ฮู๊ จอแปแหร่ เก่ ปลวาแก ซี เตซื๊อ เต๊เห่เนอ, ถู่แหล่แต๊แกละกา แลแค ซิปล่อ ปว๋า เตเพร เร๊อ เจ แลแค ซีเหน่ เร๊อ เทอ เด๊อ เหย่ซู่ครี๊ อามุย อากูเนอ, ตื๊อหม่า จอแปแหร่ เก่ เด๊อะ ซี เชหยู่ หม่าเฮ๊อ แหย่โยบูโพ๊แบ่เจ่ เออเนอ ปา.

เพรโด่แนพู๊ เต๊เห่ 20:21

แกแยยิวพู๊ เต๊เห่ เบ่เบ่, แกแยยิวพู๊ หม่าโต่ เต๊เห่ เบ่เบ่, แว เฮ๊ตาชอ แหน่เจ๊อ เหย่ซี เนอหมู่ลอ เน๊อ, ถู่แหล่ เต๊เปล่ แลแค ซี ซิปล่อ เร๊อ หยื่อเอ่แหน่ เกอ แลแค แบ่เจ่ เหย่ซู่, แว เฮ๊ เป่ เหย่ซี ฮู๊เนอ เนอ.

เพรโด่แนพู๊ เต๊เห่ 5:21

เพรโด่แนพู๊ เต๊เห่ หนิดา ม๊อขุเตเน่วพู๊ เนอเตเพร อาโหง่ เร๊อ, เบ๊อะหม่อลีบู เบ๊อะเนอ, เหย่ซี จว๊าโน แลแค เด๊อ เตหลู่เเตโฮ อา เตเร๊รากู เร๊อ เหย่ซี เป๊อแถ่ อิซว๊าอี๊แส่ ตา ลอ อู เบ๊อะเนอ. เพรหลู่แต กู่กล๊อดุเล๊อ เตเพร เร๊อ แกแย เด๊อ อา ครวาแฮเกอ ลูคยา เต๊เห่ แฮโต่ เร๊อ แฮ เอ๊ปล๊อ ลอยูดาห์กู่กล๊อดุ เต๊เห่ เร๊อ โหมะพรูโหมะเผร่ เต๊เห่ เร๊อ เหย่ซี โอ่กู๊โอ่แก๊ ลอ ลู. โทเร๊อ อา นอจว๊าเอ๊แฮ เพรโด่แนพู๊ เต๊เห่ โอ่ เด๊อ ทอกู เนอเต๊เห่ เด๊อ เหย่ซี เป๊เส่เง.

เพรโด่แนพู๊ เต๊เห่ 5:31

แซ่ฮู๊ จอแปแหร่ เก่ เด๊อ เป่ อิสราเอล เต๊เห่ เตถู่แหล่แต๊แกละกา อา ซิปล่อ เน๊อ ปลวาแก เตซื๊อ เต๊เห่ อาเงเนอ, อา แด่โอ่เฮ๊อ เหย่ซู่ เด๊อ อากู๊ขุ จ๊อทว๊า ตากยา ฮู๊ แกแย ทวาดุทวาทู เตเพร เร๊อ เพรเมแลเปล๊กา อู เตเพรเนอ เฮ๊อ.

เพรโด่แนพู๊ เต๊เห่ 8:22

เน ซิปล่อ อา เตเตเน มู๊แหม่รีแจ่ เออเต๊เห่เนอ, เน โตเบ่ ซิปล่อแต๊แกละ กาคยา คยาแซ๊ มอ อา เร๊อ กุยจ๊อเบ จอแปแหร่ เนอ. แตแร๋ หม่า จอแปแหร่ ปลวาแก แจ่ ปา เน เตเนซื๊อ เออเนอ เต๊เห่ ปา.

ꤊꤢ꤬ꤜꤢ꤬ꤒꤤ 6:1

โป่แหว่ ซี๋, ซี เก่ แม๊เถอะ แกแย เตเพรเพร เด๊อ อา เมซื๊อ เต เต๊อเจ่อเจ่อ เฮ๊เนอ, ซี เด๊อ อา โอ่เซอเพร ฮู๊ แหย่โยบูโพ๊ แบ่เจ่ ยูแกล๊ยูโกล หนิ ซี เออ เต๊เห่เนอ, ซี โหล่ จว๊า อิซว๊าอี๊แส่ กาคยา อา. ซี เบ่ อี๊ลอ ซิโดซิงา อา โทเรอ แซ่ฮู๊ ซี เก่ ครวาจว๊าเกอ แต่ เด๊อ อิลออี๊โหล่ อากู แต่เหม่ เนอ, รอหนิ แลแค ซีเหน่ นี๋.

ทิโมธี อาเหร่อเล๊อ ต๊าบ่า 2:4

จอแปแหร่ ซิปล่อโอ่ เด๊อ แกแย ปว๋า เตเพร เก่ พย๊าหนิ เตเมแลเปล๊ กา เร๊อ อา เก่ ซิเง แลแค เตหมะเตจ๊อ.

ทิโมธี อาเหร่อเล๊อ ต๊าบ่า 6:11

หม่าแน๊เรอ เน เร๊อ เน ทวาเฮ๊อ จอแปแหร่ อาแกแย เฮ๊อ อาขว่าอาคยา, แกล่จว๊า ตาพาแก เน๊อ ล๋อ เตเออ เต๊เห่ นี๋. แซ่ฮู๊ เน เก่ โอ่ เร๊อ เตจ๊อเตเต, เตหยื่อเอ่ จอแปแหร่, เตหยื่อเตแหน่, เตโมเตเกล, เตข่าเบ๊เต, เตซิโดซิงา ซี เต๊เห่เนอ เร๊อ แอ๊จื๊อ ครวาลือปื่อ เตเออเต๊เห่ นี๋.

ทิโมธี เนอบ่า ต๊าบ่า 3:7

เพรเหมาะ เนอเต๊เห่ หม่า อา อิซว๊า โตโมโตโม เกอ โทเฮ๊อ เต หม่าแน๊เรอ อา ซิเง เบ๊แถ่ เป่ เกออู จอแปแหร่ อา เตหมะเตจ๊อ โตโพ๋ โต่ เนอเต๊เห่ เฮ๊อ.

ꤒꤤꤒꤢꤨ 1:1

แว หม่า คูเปาโล, แว ราจว๊า เป่ เน ลี เออต๊าบ่า. แว หม่า จอแปแหร่ อาหลู่ เน๊อ เหย่ซู่ครี๊ อา เพรโด่แนพู๊ เต๊เห่ เตเพร. จอแปแหร่ นว๊าแถ่ แว เร๊อ อา นอจว๊า เมจว่าเฮ๊อ แว เร๊อ แกแย เด๊อ อา นว๊าแถ่เฮ๊อ ลู เนอเต๊เห่ อา เตหยื่อเตแหน่, เร๊อ อา เก่ ซิเง แลแค เตจ๊ออาเต. เตจ๊อเตเต เออเนอหม่า หม่าเฮ๊อ อา เมจว่าเฮ๊อ เหย่ซี เด๊อ อา เก่ โอ่เซอเพร โต เร๊อ จอแปแหร่ อาซิปล่อ เออเนอเต๊เห่ เฮ๊อ.

ꤒꤤꤒꤢꤨ 3:2

เด๊อ ซิเหน่แถ่ โป่คยาแซ๊ เหย่ซี เร๊อ นอเป๊อเจ่ออิแช๊ แต่อู เตเพร่ว แต่เหม่ นี๋. นอ รอหนิ แลแค เหย่ซี เร๊อ เตกย๊าตางาลู เนอเต๊เห่ นี๋. โทเรอ นอโอ่ แลแค เหย่ซี เร๊อ ซิปล่อ ซิโดซิ งยา, เร๊อ นอเด๊อะโล เป่ อู เร๊อ เหย่ซี อาเตแด่ทูซิปล่อ อา แด่หยว่า อาซิปล่อ หม่าแหน่ เนอเต๊เห่ เร๊อ อูปว๋า เตเพร นี๋.

ꤡꤛꤢꤩ꤭ꤗꤢ꤬ꤎꤣ꤬ 1:17

ล๋อ เชหยู่ เด๊อ อาแร๊ เน๊อ อา เล๊อบา เนอหม่า จอแปแหร่ เด๊อ อา แบ๊แล ต๊อเหมาะ น๊อ เฉ่ เน๊อ เล เออเต๊เห่ เตเพร เด๊อะตา แพ๊. จอแปแหร่ อาเหล่โกล ถู่แหล่ เต๊เปล่โค๊แก เกอ ฮู๊ เตลี เก๊โอ่ ถู่แหล่ โค๊แก เนอโต่.

เปโตร อาเหร่อเล๊อ ต๊าบ่า 3:15

หม่าแน๊เรอ, แด่หยื่อแด่แหน่ แลแค ครี๊ เด๊อ ซี ซิปล่อกู ฮู๊ ซี แบ่เจ่ เตเพรเนอ นี๋. อูเป เตเพร เบ่เบ่, อา เก่ แด๊เฮอ ซี เร๊อ ซี เตแม๊ชือ อาหรี่อาแก เฮ๊เนอ, แซ่ฮู๊ ซี เก่ เฮ๊ฉื่อแจ่ เป่ เกออู เร๊อ โอ่ตี๊หรี่แตแร หนื่ออื่อ แลแค ซีเหน่ ปว๋า โตโพ๊ นี๋. หม่าแน๊เรอ ตูรู๊ เฮ๊เบ่ ซิโดซิงา ฉื่อ เหย่ซี เร๊อ แด่ซิแหน่ซิเตเร เหย่ซี นี๋.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:16

แกแย เตเพรเพร เก่ แม๊เถอะ อาโป่แหว่ ครี๊พู๊ เตเพรเพร เมเตซื๊อ เด๊อ อา เก่ เด๊อ ทวาแถ่ ลู เตเซอ หม่าโต่ เฮ๊เนอ, อา เก่ กุยเต เด๊อ จอแปแหร่ อา โอ่ เร๊อ จอแปแหร่ เก่ เด๊อ แกแย เด๊อ อา เมเตซื๊อ เออเนอ เตเพร ซิปล่อเซอเพร ปา. หม่าแน๊เรอ เตซื๊อ เด๊อ อา เก่ เด๊อ ทวาแถ่ ลู เร๊อ เตเซอ เฮ๊เนอหม่า, แว ซิหยื่อ เฮ๊ ซี เร๊อ เตซื๊อ ฮู๊เนอ เต๊เห่เนอ ซี โต กุยจ๊อเบแถ่ เป่ ลูเง เด๊อ จอแปแหร่ อา โอ่ โต่.