ทิโมธี เนอบ่า ต๊าบ่า 2:22 - ลีเทส่อพ๊าอาเซ เร๊อ เห่ขุทวาลู๊

²² จว๊า ตาพาแก เน๊อ พู๊เส่ อา เตซิหยื่อซิลอ แร๊โต่ เนอเต๊เห่ นี๋, เร๊อ ลือ แลแค เตจ๊อเตเต, เตหยื่อเตแหน่, เตโม เน๊อ เตตู๊จุเตอเจ๊อ, เร๊อ โอ่เต่อเกอ เน๊อ แกแย เด๊อ อา เอ๊โทแถ่ แบ่เจ่เน๊อ อาซิปล่อ เด๊อ อา อาโพ๊อาแปละ เนอเต๊เห่ นี๋.

Eastern Kayah Shadaw Dialect

²² ꤡꤝꤢ ꤒꤣꤧ꤬ꤖꤢ꤭ꤊꤢꤧ꤭ ꤔꤢꤧ ꤖꤢꤨꤞꤢꤩ꤬ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ꤞꤤꤜꤢꤪ꤭ ꤚꤢꤧꤒꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤤ꤮, ꤚꤣꤧ꤬ ꤜꤢꤦ꤬ ꤜꤢ꤭ꤋꤢꤧ꤭ ꤒꤢꤩ꤬ꤡꤢꤪꤒꤢꤩ꤬ꤒꤢꤩ꤬, ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬, ꤒꤢꤩ꤬ꤗꤥ꤬ ꤔꤢꤧ ꤒꤢꤩ꤬ꤒꤣꤧ꤬ꤡꤣꤧꤒꤣꤧ꤬ꤡ꤫ꤢꤨ꤬, ꤚꤣꤧ꤬ ꤥ꤬ꤒ꤫ꤣ꤬ꤊꤣꤧ꤭ ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤢꤩꤓꤥ꤭ꤓꤢꤧ꤬ ꤙꤢꤧ꤬ꤡꤢꤩ꤬ ꤔꤢꤧ ꤢ꤬ꤞꤤꤕꤜꤢꤪ꤬ ꤘꤣ ꤢ꤬ ꤕꤜꤤ꤭ꤖꤥ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤤ꤮꤯

ทิโมธี เนอบ่า ต๊าบ่า 2:22 Iomraidhean Croise

เพรโด่แนพู๊ เต๊เห่ 7:59

เบ๊อะเหย่ซี ต่า คูสเทเฟน เร๊อ หล่อ เนอ, คูสเทเฟน กุยจ๊อเบแถ่ แบ่เจ่ เร๊อ อา เฮ๊ เน๊อ, “แบ่เจ่ เหย่ซู๋, พย๊าดว้าแก แว ซิปล่อ เออ.”

เพรโด่แนพู๊ เต๊เห่ 9:14

โท๊โต่, อา แฮ เด๊อวีดามัสกัส เออเนอหม่า อา แฮ เด๊อ อา เตเร แฮปื่อ ลอ ล๋อ แกแย เด๊อ อา จ๊อเบ เน เนอเต๊เห่ แพ๊. เพรหลู่แต ทวาดุทวาเต เต๊เห่ เด๊อะ ลู เตอเรอฉว่าชอ เม.”

ꤚꤥꤗꤢꤩ꤬ 14:17

เมเตเฮ๊เรอ, จอแปแหร่ อาเทออาเก่กู เนอ, เหล่เอ่เหล่โอ หม่า เต เด๊อ อา โหล่ดุเล๊ออู หม่าโต่. เต เด๊อ อา โหล่ดุเล๊อ อู หม่า, เตจ๊อเตเต, เตโอ่โส่โอ่เคร, เร๊อ เตซิครือซิลอ เด๊อ แหย่โยบูโพ๊ แบ่เจ่ เด๊อะ เป เออเต๊เห่ เนอแพ๊.

ꤚꤥꤗꤢꤩ꤬ 14:19

ฮู๊เนอเรอ, เป เก่ แอ๊จื๊อแอ๊เหร่ โอ่โครโอ่เกล เกอเร๊อ ลู เตเพร เร๊อ เตเพร โทเรอ เป เก่ พย๊าจว่า เมจว่า, เด๊อะอ๊าเด๊อะเหร่ เกอเร๊อ ลู เตเพร เร๊อ เตเพร โป๋.

โครินธ์ อาเหร่อเล๊อ ต๊าบ่า 1:10

แวโป่แวแหว่ ซี๋ กู๊แหน่เออ แว กุยซิยอ ฉว่าแหน่ เฮ๊อ ซี เน๊อ เตเตอเรอฉว่าชอ เด๊อ แบ่เจ่ เหย่ซู่ครี๊ เด๊อะ แว เออเนอเฮ๊อ. แว ซิหยื่อ กุยซิยอ ซี หม่า ฮู๊เตเฮ๊เนอ, แว ซิหยื่อ เด๊อ ซี เก่ โครเกล ลู, โอ่โค๊เมโค๊ลู ตู๊หมู่ เร๊อ ตู๊หมู่ แต่เหม่. แว ซิหยื่อ แฉ่ครวา ซี เน๊อ ซี เหล่เตเน เต๊เห่ เบ่เบ่, ซี เตเตเนหนื่ออื่อ เต๊เห่ เบ่เบ่, นอ แซ่ แพ๊ ลู เต๊อเจ่อเจ่อ แพ๊ นี๋.

โครินธ์ อาเหร่อเล๊อ ต๊าบ่า 1:2

เป ราจว๊า เป่ ลีเออ เด๊อ จอแปแหร่ เพรหยื่อเอ่เต ตู๊หมู่ตอกล๊อ โอ่ เด๊อ วีโครินธ์ อากู เต๊เห่ อา โอ่, เน๊อ ล๋อ แกแย เด๊อ อา จ๊อเบแถ่ แบ่เจ่ เหย่ซู่ครี๊ เร๊อ อา โอ่ แลแค เด๊อ เหล่โอ่ ปว๋า โต๊โผ่ เนอเต๊เห่ อาโอ่. เหย่ซู่ เออเนอ, เป แบ่เจ่ หม่า อาหม่าหม่า, เหย่ซี แบ่เจ่ หม่า อาหม่าหม่า. เด๊อ เหย่ซู่ครี๊ อาขว่าอาคยา จอแปแหร่ เมบูโพ๊เฮ๊อ ซี เร๊อ อา เอ๊เฮ๊อ ซี เด๊อ ซี เก่ โอ่เซอเพร บูโพ๊ เอ๊แถ่ โป่ อาเง เฮ๊อ.

โครินธ์ อาเหร่อเล๊อ ต๊าบ่า 10:14

แว โคแบ๊ซว๊าโม ซี, จ๊อเบ แต่ แลแค เตแหย่โย ตีกี๋ แต่เหม่ นี๋.

โครินธ์ อาเหร่อเล๊อ ต๊าบ่า 14:1

ซี โตเบ่ จ่าเพรอ แอ๊จื๊อ โมเร๊อ เกออู. โทเรอ ซิหยื่อ พย๊าหนิ เกอ แลแค อู เชหยู่ เด๊อ แหย่โยบูโพ๊ แบ่เจ่ เด๊อะตาครา เออเนอ เต๊เห่. เชหยู่ หนิครา เด๊อ อาแร๊เล๊อ อู หม่า หม่าเฮ๊อ แด๊โฉ่โด่แน แจ่ เป่ อู เร๊อ จอแปแหร่ อาลาอาโหง่ ฮู๊ เพรโพร เตเพร เนอเฮ๊อ.

โครินธ์ อาเหร่อเล๊อ ต๊าบ่า 6:18

จว๊า ตาพาแก แลแค เร๊อ เตจว๊าซื๊อ เพรเหมาะเพรคู เนอเต๊เห่ นี๋. เตซื๊อ เด๊อ อาโร อิเตเต๋ เบ่เบ่ เนอ อา เมเบ่ เช เต่อ เร๊อ แกแย อาเหน่กล่อ ฮู๊ จว๊าซื๊อ เพรเหมาะเพรคู อาเตซื๊อ เออเนอ โต่. แกแย เด๊อ อา จว๊าซื๊อ เพรเหมาะเพรคู เต๊เห่เนอ อา เมซื๊อ แล เกอเร๊อดื่อ เจ๊อ อาเหน่กล่อ เจ๊อ เฮ๊อ.

ทิโมธี อาเหร่อเล๊อ ต๊าบ่า 1:14

เร๊อ เป แบ่เจ่ กลอแล แล๊แล เอ๊แหน่เจ๊อ เฮ๊อ อาบุ๊ยอาเตอเรอ เด๊อ แวลู เน๊อ อา เด๊อะเฮ๊อ แว เตหยื่อเตแหน่ เน๊อ เตโม เด๊อ อา โอ่ เด๊อ เหย่ซู่ครี๊ อากู เนอเต๊เห่ เฮ๊อ.

ทิโมธี อาเหร่อเล๊อ ต๊าบ่า 1:5

เตเฮ๊ตา โหง่เออ อา เหล่เซเร แม๊ชือ หม่า แซ่ฮู๊ อา เก่ ถู่แรแถ่ เตโม อาเง เนอแพ๊. เตโม เออเนอหมา อา แฮเถ่ เด๊อ แกแย ซิปล่อ เนอเต๊เห่ อากู. โทเรอ อา แฮเถ่ เด๊อ แกแย โอ่ เร๊อ เตซิเง เตแร๊ เร๊อ เตมู๊แหม่ เร๊อ อา นว๊าพย๊า เต เด๊อ อาแร๊ เนอเต๊เห่ อากู. โท๊โต่ อา แฮเถ่ เด๊อ แกแย โอ่ เร๊อ เตหยื่อเตแหน่ หม่าแหน่ เนอเต๊เห่ อากู.

ทิโมธี อาเหร่อเล๊อ ต๊าบ่า 2:8

ฮู๊เนอ อาขว่าอาคยา เด๊อ เหล่โอ่ ปว๋า โต๊โผ่เนอ แว ซิหยื่อ เน๊อ ล๋อ เพรคู เต๊เห่ เก่ บ๊อแถ่ อากู๊ขุ บูโพ๊ เร๊อ กุยจ๊อเบเต เร๊อ เด๊อ อา เตกุยจ๊อเบ อากูเนอ, เตเคร๊เตแขระ, เต ซิปล่อดุ โส่เทอทู เต๊เห่เนอ อา โตเบ่ โอ่หนิ โต่.

ทิโมธี อาเหร่อเล๊อ ต๊าบ่า 4:12

เน หม่า แกแย พู๊เส่ อาขว่าอาคยา, นอเตเน ปีตี๊ แต่ อู เร๊อ เนเหน่ แต่เหม่ นี๋. โท๊โต่, เน เตเฮ๊เบ่เฮ๊โช เต๊เห่ เบ่เบ่, เน เมเต อิเตเต๋ เบ่เบ่, เน เตโม เบ่เบ่, เน เตหยื่อเตแหน่ เบ่เบ่, เน ซิปล่อ อา เตโพ๊แปละ เต๊เห่ เบ่เบ่, ทวาแถ่ เป่ อู เหล่แม๊บือ เด๊อ อาแร๊ เด๊อ แกแย หยื่อเอ่เต เต๊เห่ อาเง นี๋.

ทิโมธี อาเหร่อเล๊อ ต๊าบ่า 6:11

หม่าแน๊เรอ เน เร๊อ เน ทวาเฮ๊อ จอแปแหร่ อาแกแย เฮ๊อ อาขว่าอาคยา, แกล่จว๊า ตาพาแก เน๊อ ล๋อ เตเออ เต๊เห่ นี๋. แซ่ฮู๊ เน เก่ โอ่ เร๊อ เตจ๊อเตเต, เตหยื่อเอ่ จอแปแหร่, เตหยื่อเตแหน่, เตโมเตเกล, เตข่าเบ๊เต, เตซิโดซิงา ซี เต๊เห่เนอ เร๊อ แอ๊จื๊อ ครวาลือปื่อ เตเออเต๊เห่ นี๋.

ꤟꤤꤙꤚꤢꤨ 12:14

แอ๊จื๊อ โอ่โครโอ่เกล เกอ เน๊อ อู ปว๋า เตเพร นี๋. แอ๊จื๊อ โอ่เซอเพร บูโพ๊ แลแค นี๋. เมเตเฮ๊เรอ เตโอ่เซอเพร บูโพ๊ เก่ โอ่โต่ เฮ๊เนอ, อู แม๊เถอะแจ่ แบ่เจ่ เตเพร่ว โต่.

เปโตร อาเหร่อเล๊อ ต๊าบ่า 2:11

แว โคแบ๊ซว๊าโม ซี๋, เด๊อ เห่ขุเออเนอ ซี หม่า อาแซ่เน๊อ แกแย จว๊าทวา เทอโรเก่กลอพู๊ เร๊อ ซิเผระ เต๊เห่ แพ๊. แว กุยซิยอ ซี เร๊อ ซี เก่ จว๊า ตาพาแก แลแค เร๊อ ซี เหน่กล่อ อา เตซิหยื่อซิลอ มู๊แหม่ เด๊อ อาช๊าอาปา โตโมโม เกอเร๊อ ซี ซิปล่อ เออเนอเต๊เห่ นี๋.

เปโตร อาเหร่อเล๊อ ต๊าบ่า 3:11

อา โตเบ่ ตีรี๊ก๊อแก อาเหน่ เร๊อ เตมู๊แหม่รีแจ่ เร๊อ อา โตเบ่ เมเต เด๊อ อาแร๊ เต๊เห่. อา โตเบ่ จ่าเพรอ แอ๊จื๊อ โอ่เพรโอ่ดือ ตื๊อดื่อ เกอ เร๊อ อู.

ยอห์น โซบ่า ต๊าบ่า 1:11

แว โคแบ๊ซว๊า, เตมู๊แหม่รีแจ่ ฮู๊เนอ เต๊เห่เนอ แม๊บือแม๊ตู่ เกอ แต่ อู แต่เหม่ นี๋. แม๊บือแม๊ตู่ เกอดื่อ อู เต เด๊อ อาแร๊ เนอเต๊เห่ นี๋. แกแย เตเพรเพร เด๊อ อา เมเตแร๊ เนอ, อา หม่า จอแปแหร่ อาแกแย เตเพร เฮ๊อ. แกแย เด๊อ อา เม เตมู๊แหม่ เตเพรเพร เนอหม่า หม่าเฮ๊อ แกแย เด๊อ อา ซิเง ตาเต แต่เกอลา อู จอแปแหร่ โต่.