ทิโมธี เนอบ่า ต๊าบ่า 2:21 - ลีเทส่อพ๊าอาเซ เร๊อ เห่ขุทวาลู๊

²¹ แกแย เตเพรเพร เก่ เม อาเม โพ๊แปละแถ่ คยาอาเหน่ เน๊อ เต เด๊อ อา วี๊ ลู เนอเต๊เห่ เฮ๊เนอ, อา ทวาแถ่ ดีปอดีโด เต๊อเจ่อ เด๊อ อู นอเอ่ อา เบ๊อะอู โหล่ดุ โค๊ดื่อ อา เบ๊อะเนอ เฮ๊อ. อา แด่บูโพ๊ อาเหน่ อาขว่าอาคยาเร๊อ, อา ทวาบุ๊ยทวาเตอเรอ เด๊อ อา แบ่เจ่ อาเง. โทเรอ อา โอ่ ตี๊หรี่แตแร อาเหน่ เน๊อ อา เตเร เมแร๊ เต ล๋อ ปลี อาเง เฮ๊อ.

Eastern Kayah Shadaw Dialect

²¹ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤊꤢꤩ꤬ ꤗꤢꤩ꤬ ꤕꤜꤤ꤭ꤖꤥ ꤓꤢꤧ꤬ꤋꤛꤢ꤭ ꤢ꤬ꤔ꤫ꤢꤩ꤬ ꤔꤢꤧ ꤒꤢꤩ꤬ ꤘꤣ ꤢ꤬ ꤠꤤ ꤜꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤟꤢꤩꤔꤣꤧ꤬, ꤢ꤬ ꤓꤝꤢ꤭ꤓꤢꤧ꤬ ꤘꤤ꤭ꤕꤢꤪ꤭ꤘꤤ꤭ꤘꤥ꤭ ꤒꤣ꤬ꤡꤣ꤬ ꤘꤣ ꤢꤨ꤭ ꤔꤢꤪ꤭ꤢꤩ꤬ ꤢ꤬ ꤙꤣꤧ ꤢꤨ꤭ ꤜ꤫ꤥ꤬ꤘꤢꤨ꤬ ꤋꤥꤘꤢꤦ꤬ ꤢ꤬ ꤢ꤬ꤋꤢꤩ꤭ꤔꤣꤧ꤬ ꤟꤣꤧ꤯ ꤢ꤬ ꤘꤣꤧꤜꤢꤧ꤬ ꤢ꤬ꤞꤤꤕꤜꤢꤪ꤬ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬, ꤢ꤬ ꤓꤝꤢ꤭ꤙꤝꤤꤓꤝꤢ꤭ꤒꤣꤧ꤬ꤚꤣꤧ꤭ ꤘꤣ ꤢ꤬ ꤙꤢꤧ꤬ꤡꤢꤩ꤬ ꤢ꤬ꤑꤢꤩ꤭꤯ ꤓꤥ꤭ꤚꤣꤧ꤬ ꤢ꤬ ꤥ꤬ ꤒꤣꤧ꤬ꤚꤤ꤬ꤒꤣꤧ꤬ꤚꤢꤧ꤭ ꤢ꤬ꤔ꤫ꤢꤩ꤬ ꤔꤢꤧ ꤢ꤬ ꤊ꤫ꤢꤦ꤬ꤚꤢꤩ꤭ ꤗꤢꤩ꤬ꤚꤢꤧ ꤒꤢꤩ꤬ ꤜꤢꤪ꤭꤮ ꤕꤜꤤ꤭ ꤢ꤬ꤑꤢꤩ꤭ ꤟꤣꤧ꤯

ทิโมธี เนอบ่า ต๊าบ่า 2:21 Iomraidhean Croise

เพรโด่แนพู๊ เต๊เห่ 9:15

หม่าแน๊เรอ แบ่เจ่ เฮ๊ ลู เน๊อ, “จว๊ามอ, เมเตเฮ๊เรอ แว นว๊าแถ่ เฮ๊อ อา เด๊อ อา เก่ แด๊โฉ่โด่แน เป่ แกแยยิวพู๊ หม่าโต่ เต๊เห่ เร๊อ คุ๊ยจ๊อแผ่ เต๊เห่, เร๊อ อิสราเอลพู๊ เต๊เห่ เร๊อ แวหรี่แวแก ปา.

โครินธ์ อาเหร่อเล๊อ ต๊าบ่า 5:7

แซ่ฮู๊ ซี เก่ โพ๊อาแปละ หล่าตี๊กลิ ลอ อาเงเนอ, ซี เบ่ พย๊าเถ่แก โฮหมื่อ เลอ อาเตซื๊อ เออเนอ, ตื๊อเรอ ซี ทวาแถ่ แซ่เน๊อ ค๊อมู เซ เด๊อ โฮหมื่อกลุยโต๊โผ่ โอ่เต่อโต่ เออเนอ ปา. แว ซิเง ตาเต เจ๊อ เร๊อ ซี หม่า แกแย อาโพ๊อาแปละ โทเฮ๊อ เต๊เห่, เมเตเฮ๊เรอ ครี๊ หม่า เป เตจว๊าตาลว๊าป่วย อาซิหมิ เด๊อ อา ข่าเซอ โท เป่ เฮ๊อ เด๊อ เปเง เร๊อ อา ปลวาแก เป เตซื๊อ เตเพร.

โครินธ์ เนอบ่า ต๊าบ่า 7:1

โคแบ๊ซว๊า ซี๋, ล๊อ จอแปแหร่ อ๊อแล เต๊เห่ เนอหม่า เปเง ลอ เฮ๊อ. ฮู๊เนอเรอ, เป เก่ จว๊า ตาพาแก เร๊อ เปเหน่กล่อ อา เตซิหยื่อ มู๊แหม่รีแจ่ เต๊เห่ เร๊อ เป ซิปล่อ อา เตเตเน มู๊แหม่รีแจ่ เออเนอ เต๊เห่ โป๋. เร๊อ เด๊อ เป ซิอิเช แด่ซิแหน่ซิเตเร จอแปแหร่ เออ อาขว่าอาคยาเร๊อ เป เก่ ทวาแถ่ แลแค ดื่อ แกแย เด๊อ อา บูโพ๊ เต๊เห่ โป๋.

โครินธ์ เนอบ่า ต๊าบ่า 9:8

แซ่ฮู๊ ซี เก่ พย๊าหนิ เล๊อบา ลอล๋อ เต เด๊อ ซี โหล่ เนอเต๊เห่, โท๊โต่ แซ่ฮู๊ ซี เต เก่ โอ่ เล๊อบา ตาป่อตาเป เด๊อ ซี เก่ เด๊อะเป่เกอ แฮเง เร๊อ แกแย เด๊อ อาโรเต๊เห่ อาเงเนอ, จอแปแหร่ เก่ เด๊อะบุ๊ยเด๊อะเตอเรอ เอ๊ เล๊อปา เจ๊อ เร๊อ ล๋อ ซี โหล่ เต๊เห่ เนอหม่า อา เมแจ่ แพ๊.

เอเฟซัส 2:10

กู๊แหน่เรอ เป ทวาแถ่ ฮู๊เออ เนอหม่า, จอแปแหร่ เม เป่ เป แพ๊. เด๊อ เป ทวาแถ่ เตอเจ๋อโต เฮ๊อ เร๊อ เหย่ซู่ครี๊ อาขว่าอาคยา, จอแปแหร่ เด๊อะ เป เตโอ่เซอเพร อาเซ เฮ๊อ. แซ่ฮู๊ เป เก่ เมเตแร๊ อาเงเนอเนอ, อา เด๊อะ เฮ๊อ เป เฮ๊อ. เป เก่ เม เตแร๊ เออเต๊เห่ อาเงเนอ, อา ตี๊หรี่แตแร หนื่ออื่อ งย๋า เป่ลาเฮ๊อ เด๊อ เปเง เฮ๊อ.

ทิโมธี อาเหร่อเล๊อ ต๊าบ่า 6:11

หม่าแน๊เรอ เน เร๊อ เน ทวาเฮ๊อ จอแปแหร่ อาแกแย เฮ๊อ อาขว่าอาคยา, แกล่จว๊า ตาพาแก เน๊อ ล๋อ เตเออ เต๊เห่ นี๋. แซ่ฮู๊ เน เก่ โอ่ เร๊อ เตจ๊อเตเต, เตหยื่อเอ่ จอแปแหร่, เตหยื่อเตแหน่, เตโมเตเกล, เตข่าเบ๊เต, เตซิโดซิงา ซี เต๊เห่เนอ เร๊อ แอ๊จื๊อ ครวาลือปื่อ เตเออเต๊เห่ นี๋.

ทิโมธี เนอบ่า ต๊าบ่า 2:16

จว๊าวอ เควอแก เตเฮ๊เบ่ เด๊อ อา แด่หยื่อแด่แหน่ จอแปแหร่ โต่ เนอเต๊เห่ นี๋, เมเตเฮ๊เรอ เตเฮ๊เบ่ ฮู๊เนอ เต๊เห่ หม่า แตแกล๊ เน๊อ อา ซู ตาพา ยาจว๊า ยาจว๊าแก อู เร๊อ เตแด่หยื่อแด่แหน่ จอแปแหร่ เนอแพ๊.

ทิโมธี เนอบ่า ต๊าบ่า 2:20

เด๊อ แกแย ดุแหย่ หี่เตเม อากูเนอ ดีปอดีโด โอ่ อาเมวเมว อาเจ่อเจ่อ เจ๊อ. เต๊เห่เห่ เนอ อู เม อา เน๊อ รือเท, เต๊เห่เห่ เนอ อู เม อา เน๊อ ส่อ, เต๊เห่เห่เนอ อู เม อา เน๊อ เห่. เต๊เห่เห่ เน๊อ อู นอเอ่ อา เบ๊อะอู โหล่ดุ โค๊ดื่อ อา เค, เต๊เห่เห่ เนอ, อู นอเอ่ เน๊อ เหมาะเฮ๊เหมาะลี อาเง แพ๊.

ทิโมธี เนอบ่า ต๊าบ่า 3:17

เมเตเฮ๊เรอ แซ่ฮู๊ จอแปแหร่ อาแกแย เก่ เล๊อแถ่บาแถ่ เร๊อ เก่ โอ่ ตี๊หรี่แตแร อาเหน่ เน๊อ อา เก่ เมเต อาแร๊ ปว๋า เต๊อเจ่อ อาเงเนอเรอ, อา อิซว๊า เป่ อู เฮ๊อ.

ทิโมธี เนอบ่า ต๊าบ่า 4:11

แกแย โอแกเกอ เร๊อ แว หม่า ตื๊อแพ๊ คูลูกา เตเพรแพ๊. จว๊า เอ๊แฮ หนิเกอ คูมาระโก นี๋. เมเตเฮ๊เรอ อา เตเมจว่า แว เต๊เห่เนอ, อา ทวาบุ๊ยทวาเตอเรอ แหน่เจ๊อ เด๊อ แว เตเอ่เตแร อาเง เจ๊อ.

ꤒꤤꤒꤢꤨ 3:1

แซ่ฮู๊ เพรหยื่อเอ่ เต๊เห่ อา นอเป๊อ เกอเร๊อ เกอ แลแค อาเหน่ เร๊อ คุ๊ยจ๊อแผ่ เต๊เห่ เรอ อา เก่ จูเอ่ เกอ แลแค เหย่ซี อาโหง่, โท๊โต่ แซ่ฮู๊ เหย่ซี เก่ โอ่ ตี๊หรี่แตแร แลแค อาเหน่ เด๊อ อา เก่ เมเตแร๊ ปว๋า เต๊อเจ่อ อาเงเนอ, เด๊อ ซิเหน่แถ่ คยาแซ๊ เหย่ซี นี๋.

ꤒꤤꤒꤢꤨ 3:14

แซ่ฮู๊ เป ครีตกลื๊อขุครี๊พู๊ เออเต๊เห่ เก่ นอเอ่แจ่ เกออู ม๊อเนอม๊อเซ เด๊อ อา เก่ เม เตแร๊ เต๊เห่ อาเงเนอ, โตเบ่ อิซว๊า เป่เกอ เหย่ซี โทเรอ แซ่ฮู๊ อา เก่ เมจว่าเบ๊ เป่เกอ แกแย เด๊อ อา โหล่ แหน่ เนอเต๊เห่, โท๊โต่ แซ่ฮู๊ เหย่ซี เก่ โอ่เซอเพร แกเด ดื่อ เน๊อเต เด๊อ อาบุ๊ยเตอเรอ โอ่โต่ เนอเต๊เห่ อาเง แต่เหม่เนอ, โตเบ่ อิซว๊า เป่เกอ เหย่ซีซี.

ꤒꤤꤒꤢꤨ 3:8

เตเฮ๊เบ่ เออเนอหมา อาจ๊ออาเต. แซ่ฮู๊ แกแย เด๊อ อา หยื่อเอ่แลแค จอแปแหร่ เต๊เห่ เก่ ซิปล่อป่า เร๊อ เด๊อะแลเกอ แลแค ซิปล่อ เด๊อ อา เก่ เม เตแร๊ เต๊เห่ อาเงเนอ, แว ซิหยื่อ เด๊อ เน เก่ อิซว๊า ซิปล่อป่า ตาเต เป่อู เร๊อ เตหรี่เตแก เออเต๊เห่. เตเออเต๊เห่ หม่า อาแร๊ แหน่เจ๊อ เร๊อ อา ทวาบุ๊ยทวาเตอเรอ แหน่เจ๊อ เด๊อ อู ปว๋า เตเพร อาเง เจ๊อ.

เปโตร อาเหร่อเล๊อ ต๊าบ่า 1:22

กู๊แหน่เรอ เด๊อ ซี จูเอ่ เฮ๊อ จอแปแหร่ อา เตอิซว๊า อา เตหมะเตจ๊อ เต๊เห่ อาขว่าอาคยา, ซี เมโพ๊เมปลี เฮ๊อ ซี ซิปล่อ เร๊อ ซี ทวา เฮ๊อ แกแย เด๊อ อา โมหนิ หม่าแหน่ เจ๊อเฮ๊อ โป่แหว่ ครี๊พู๊ เออเต๊เห่ เฮ๊อ. เมฮู๊เนอเรอ โมลอ แคลูเน๊อ ซิปล่อซีเม เตเพร เร๊อ เตเพร นี๋.

เปโตร อาเหร่อเล๊อ ต๊าบ่า 1:7

เร๊อ ซี เตหยื่อเตแหน่ เออเนอหมา อา หม่าแหน่ แอ? หม่า อา หม่าแหน่ โต่ แอ? เนอ, เตแป่เตเช เก่ ข่าเฮ๊โลปา. เท เด๊อ อา ปย๊าแจ่ เจ๊อ เออเนอ, อู เบ่ โต ทื๊อแม๊ ปา อา หมิ, ฮู๊เนออาขว่าอาคยา, ซี เตหยื่อเตแหน่ เด๊อ อางูดุงูชอ เล๊อ เร๊อ เทเออ, แซ่ฮู๊ อา เก่ เด๊อะโล เร๊อ เตหยื่อ หม่าแหน่ อาเงเนอ, อู โตเบ่ ทื๊อแม๊ เกอ ดื่อ อา ฮู๊เนอ. โทเรอ ช๋า เหย่ซู่ครี๊ แฮ เด๊อะโล แถ่เฮ๊อ อาเหน่ เคปาเนอ, ซี เก่ พย๊าหนิ เตถู่เซ๊แถ่, เตเตอเรอดุเตอเรอทู เน๊อ เตแด่ดุแด่ทู ซี ปา.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:3

แกแย เด๊อ อา โอ่ป่อแม๊ชือ แลแค เร๊อ อา เก่ ทวาแถ่ แซ่เน๊อ เหย่ซู่ครี๊ ปา เต๊เห่เนอ, ฮู๊ ครี๊ บูโพ๊เนอ, อา เก่ แด่บูโพ๊ เกอ อาเหน่ ฮู๊เนอ ปา.