ทิโมธี เนอบ่า ต๊าบ่า 2:2 - ลีเทส่อพ๊าอาเซ เร๊อ เห่ขุทวาลู๊

² พย๊าหนิ เตอิซว๊า เด๊อ เน หนิโฮ โทเฮ๊อ เด๊อ แว เฮ๊โฉ่เป่ โทเฮ๊อ เน เด๊อ เพรข่าเฮ๊โล แกแยโอ่โร๊ อา เป๊เส่เง เนอเต๊เห่ นี๋. เร๊อ เด๊อะตา แฮเง เต เออเต๊เห่เนอ เน๊อ แกแย เด๊อ อาตาอาเต เหล่ซิเลหนิ อา เร๊อ อา อิซว๊าแจ่ แฮเง เป่ อู เนอเต๊เห่ อา กู๊ยากู นี๋.

Eastern Kayah Shadaw Dialect

² ꤖꤛꤢꤔ꤫ꤤ꤬ ꤒꤢꤩ꤬ꤤ꤬ꤞꤝꤢ ꤘꤣ ꤔꤢꤧ꤬ ꤔ꤫ꤤ꤬ꤟꤥ꤭ ꤓꤥ꤭ꤟꤣꤧ ꤘꤣ ꤠꤢꤧ꤭ ꤟꤢꤩꤏꤥ꤬ꤕ꤫ꤢꤩ꤬ ꤓꤥ꤭ꤟꤣꤧ ꤔꤢꤧ꤬ ꤘꤣ ꤖꤚꤢꤩ꤬ꤋꤢꤧꤟꤢꤩꤏꤥ꤬ꤜꤥ꤭ꤒꤢꤩ꤬ ꤢꤩꤖꤚꤢꤩ꤬ ꤢ꤬ ꤕꤣꤧꤞꤢꤩ꤬ꤑꤢꤩ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤤ꤮, ꤚꤣꤧ꤬ ꤘꤣꤧꤒꤢ꤭ ꤘꤤ꤭ꤒ꤫ꤢꤦ꤬ ꤒꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬ ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ꤒꤢ꤭ꤢ꤬ꤒꤢꤩ꤬ ꤜ꤫ꤢꤩ꤬ꤞꤤꤜꤢꤩ꤬ꤚꤣꤧ ꤢ꤬ ꤚꤣꤧ꤬ ꤢ꤬ ꤤ꤬ꤞꤝꤢꤡ꤫ꤢꤧ꤬ ꤘꤤ꤭ꤒ꤫ꤢꤦ꤬ ꤕ꤫ꤢꤩ꤬ ꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ ꤊꤢꤨꤛꤢ꤭ꤊꤢꤨ꤭ ꤔꤤ꤮꤯

ทิโมธี เนอบ่า ต๊าบ่า 2:2 Iomraidhean Croise

มัทธิว 13:52

เร๊อ อา เฮ๊ฉื่อ เหย่ซี เน๊อ, “เมฮู๊เนอ อาขว่าอาคยา, อู เก่ อิซว๊า ซิเง กาเป่ลอ ล๋อ เฮ๊อ ล๋อ เพรอิซว๊า เตซว๊าเตแส่ อา ซ๊าร๊าเนอ เต๊เห่ เนอหม่า, ม๊อขุ เทอเลเก่กู, อาแซ่เน๊อ หี่แบ่เจ่ เตเพร เด๊อ อา พย๊าเถ่ อา เตงูดุงูชอ เด๊อ อาเซ เร๊อ อาเลอ เต๊เห่ เด๊อ อาเหล่ แด่โอ่ปล๊อ เหล่โอ่ อากู.”

มัทธิว 24:25

หนิดา แลแคนี๋, เตเออ เต๊เห่ ทวาแถ่ แต่ล๋ายโต่ เบ๊อะเนอ, แว เด๊อะรอเด๊อะเรโทเฮ๊อ เป่ ซี เฮ๊อ.

ꤜꤢꤨꤊꤢ꤬ 12:42

แบ่เจ่ เหย่ซู่ เฮ๊ฉื่อ ลู เน๊อ, “ฮู๊เนอเรอ, อา ทวา หลู่เล๊กู่กล๊อ เด๊อ อาจ๊อ เร๊อ อา โอ่ เร๊อ เตลีแม เตเพรหม่า อูเป? หลู่เล๊กู่กล๊อ เด๊อ อาจ๊อ เออเตเพร เนอหม่า หม่าเฮ๊อ อาแบ่เจ่ เด๊อะตา ลอ อาหลู่เล๊ เด๊อ อาโรเต๊เห่ เด๊อ ลู กู๊ยากู เนอเตเพร เฮ๊อ. เร๊อ อา เก่ นอแม๊นอตู่หนิ ลู เร๊อ เหย่ซี, เร๊อ อา เก่ เด๊อะเอ่โตเด๊อะโอเบ่ เป่ อู เบ๊อะโตโพ๊ เร๊อ โตโพ๊ เนอเตเพร ปา หม่าโต่ แอ?

โครินธ์ อาเหร่อเล๊อ ต๊าบ่า 4:2

แกแย เด๊อ อู เด๊อะตา โค๊ลู เตเม เต๊เห่เนอ, อา โตเบ่ จ๊อเต เร๊อ อาเตเม.

โครินธ์ เนอบ่า ต๊าบ่า 2:14

หม่าแน๊เรอ, แว เฮ๊บุ๊ยเฮ๊เตอเรอ ถู่เซ๊แถ่ เต เด๊อ จอแปแหร่ เม เป่ เฮ๊อ เป เออเต๊เห่, เมเตเฮ๊เรอ เด๊อ เป ย๋อ ทวาแถ่เฮ๊อ เตเต๊อเจ่อ แพ๊เน๊อ ครี๊ อาขว่าอาคยา, จอแปแหร่ จว๊า เหร่อ เด๊อ เปเป๊เส่เง เร๊อ เป ครวาจว๊าเกอ ลู เด๊อ คยา เด๊อ อาแซ่เน๊อ อู ด๊อตา ครี๊ อาแกแย เด๊อ ทอกู เนอเต๊เห่ เฮ๊อ. จอแปแหร่ เด๊อะโล เฮ๊อ เป เร๊อ อู ปว๋า เตเพร เฮ๊อ. จอแปแหร่ นอแฮเง เฮ๊อ เป เด๊อ เป เก่ เลเด๊อะซิเง เป่ อู เร๊อ ครี๊ อาหรี่อาแก เด๊อ อาแซ่เน๊อ เตโนมื๊อโนชือ เออเนอ ปว๋า โต๊โผ่ เฮ๊อ.

โครินธ์ เนอบ่า ต๊าบ่า 3:5

เป ซิเลแถ่ เกอเร๊อ เป เตแจ่เตลีแม เต๊เห่เนอ หม่าโต่. เป โอ่ เร๊อ เตแจ่เตลีแม เด๊อ เป เมเบ๊เฮ๊อ เตเม เออเต๊เห่ เนอหม่า อา โอ่ เด๊อ จอแปแหร่ อา โอ่ แฮ แพ๊.

โคโลสี 1:7

คูเอปาฟรัส หม่า แกแย เด๊อ อา แด๊โฉ่โด่แน โล เหร่อเล๊อ เป่ ซี เร๊อ จอแปแหร่ อา เตบุ๊ยดุเตอเรอทู เตเพร เฮ๊อ. อา หม่า เหย่ซู่ครี๊ อา หลู่เล๊ เด๊อ อา เมเต่อ เต เร๊อ เป เร๊อ เป โม เกอเร๊อ ลู เตเพร. อา หม่า ครี๊ อา เพรแรเต เด๊อ อาจ๊อ เร๊อ อาโหง่ เตเพร. เร๊อ อา เม ฮู๊เออเนอหม่า อา เม แต๊เป่ เปเง เฮ๊อ.

ทิโมธี อาเหร่อเล๊อ ต๊าบ่า 1:12

เป แบ่เจ่ เหย่ซู่ครี๊ เด๊อะ เฮ๊อ แว เตเหร่เตแบ เด๊อ แว เก่ เม อาเตเม อาเง อาขว่าอาคยา, แว เฮ๊บุ๊ยเฮ๊เตอเรอ อา. โท๊โต่ อา แด่ แว ฮู๊ แกแย เด๊อ อาจ๊อ เร๊อ อาโหง่ เตเพร เร๊อ อา นว๊าแถ่ แว เด๊อ แว เก่ เม เป่ อาเตเม อาขว่าอาคยา, เฮ๊บุ๊ยเฮ๊เตอเรอ อา.

ทิโมธี อาเหร่อเล๊อ ต๊าบ่า 1:18

แวพู๊คู คูทิโมธี, เตเด๊อ แว นอเม เน กู๊แหน่ เออเต๊เห่ เนอหม่า, อา ครวาเม เกอแพ๊ แกแย เต๊เห่ อา เตเฮ๊เบ่ หนื่ออื่อ เฮ๊อ เนหรี่เนแก เต๊เห่ เนอแพ๊. แซ่ฮู๊ เน เก่ เตช๊าแร๊ เต อาเงเนอ, นอเอ่ จอแปแหร่ อา เตเฮ๊เบ่ หนื่ออื่อ เออเต๊เห่ ฮู๊ อู นอ เอ่เน จู๊โกจู๊เบ เต๊เห่เนอ นี๋.

ทิโมธี อาเหร่อเล๊อ ต๊าบ่า 4:14

แม๊ตาเบ๊แก แต่ แหย่โยบูโพ๊ แบ่เจ่ อาเชหยู่ เด๊อ จอแปแหร่ เด๊อะโทเฮ๊อ เนเนอ แต่เหม่ นี๋. เบ๊อะเพรหยื่อเอ่ตู๊หมู่ตอกล๊อ โหมะพรูโหมะเผร่ เด๊อ อา ทวา ทวาดุทวาเต เต๊เห่ แด่แถ่ เฮ๊อ อากู๊ขุ เด๊อ เนโอ่ เบ๊อะเนอ, เน พย๊าหนิ แฮเงเฮ๊อ เชหยู่ เออเนอ เด๊อ แกแย เฮ๊โพร หนื่ออื่อ เนหรี่เนแก เนอเต๊เห่ อา โอ่ เฮ๊อ.

ทิโมธี อาเหร่อเล๊อ ต๊าบ่า 4:6

เน เก่ อิซว๊าเป่ โป่แหว่ ครี๊พู๊ เต๊เห่ เน๊อ เตเออเต๊เห่ เฮ๊เนอหม่า เน เก่ ทวาดื่อ เหย่ซู่ครี๊ เด๊อ อาหลู่เล๊ เด๊อ อา แร๊ เตเพรปา. เบ๊อะเน เมฮู๊เนอ เบ๊อะเนอ, เน เก่ โบ่ดุแถ่ หนิ เกอดื่อ เนเหน่ เน๊อ เตหมะเตจ๊อ เด๊อ เตหยื่อเตแหน่ อากู เนอเต๊เห่ เน๊อ เตอิซว๊าอี๊แส่ อาแร๊ เด๊อ เน ครวา เมเฮ๊อ เนอเต๊เห่ ปา.

ทิโมธี อาเหร่อเล๊อ ต๊าบ่า 5:22

จว๊า แด่แถ่แพรลิ่ว แต่ ซี กู๊ขุ เด๊อ อูโอ่ เตเพรเพร เด๊อ อา เก่ เม จอแปแหร่ อา เตเอ่เตแร อาเงเนอ แต่เหม่ นี๋. จว๊าโน เกอ แต่ เด๊อ อู เม เตซื๊อเตปล๊า อาเกลเนอ แต่เหม่ นี๋, โอ่โพ๊โอ่แปละดื่อ เนเต นี๋.

ทิโมธี อาเหร่อเล๊อ ต๊าบ่า 6:12

เตหยื่อเตแหน่ อา เตช๊าเตปา เนอ ตูรู๊ แอ๊จื๊อ ช๊า อา เด๊อ อาแร๊ ตื๊อดื่อ นี๋. เร๊อ ปื่อหม่าหนิ แร๊เด๊อะ เตเซอเพร ตูจูเพร เออเนอ นี๋. เบ๊อะเน อ๊อแล เฮ๊อ เน เตหยื่อเตแหน่ เออเนอ เด๊อ อู โอ่โร๊ อา เป๊เส่เง เบ๊อะเนอ, จอแปแหร่ เอ๊ เน เด๊อ เน พย๊าหนิเฮ๊อ ซิปล่อเซอเพร ตูจูเพร เออเนอ เฮ๊อ.

ทิโมธี เนอบ่า ต๊าบ่า 3:10

หม่าแน๊เรอ เนติ เร๊อ, เน ครวาเกอเฮ๊อ แว เตอิซว๊าอี๊แส่ อาคยา, เน๊อ แว เตโอ่เซอเพร อาแกล๊อาโกล เนอเต๊เห่, เน๊อ แว เตโอ่เซอเพร อา เตเตเนหนื่ออื่อ เนอเต๊เห่ เฮ๊อ. เน แม๊เถอะเฮ๊อ แว เตหยื่อเตแหน่, แว เตแด่แลปีซิปล่อ, แว เตโม, แว เตแด่ทูซิปล่อ เต๊เห่เฮ๊อ,

ทิโมธี เนอบ่า ต๊าบ่า 3:14

หม่าแน๊เรอ เนเออ, ตูรู๊ จว๊าแฮเง ลา โป่ เด๊อ เตหมะเตจ๊อ เด๊อ เน อิซว๊า โทเฮ๊อ, เร๊อ เน หยื่อเอ่แหน่ อาหม่าอากลอ โทเฮ๊อ เนอเต๊เห่ นี๋, เมเตเฮ๊เรอ เน ซิเงดื่อเฮ๊อ เน๊อ ซ๊าร๊า เด๊อ อา อิซว๊า เน เต๊เห่ เนอหม่า ซ๊าร๊า เด๊อ อาโตอาเบ่ เต๊เห่ อาขว่าอาคยา, ตูรู๊ จว๊าแฮเง ลา ฮู๊เนอ นี๋.

ꤟꤤꤙꤚꤢꤨ 2:17

ฮู๊เนอ อาขว่าอาคยา แซ่ฮู๊ แบ่เจ่ เหย่ซู่ เก่ ทวาดื่อ เพร เด๊อ อา เม จอแปแหร่ อา เตเอ่เตแร ฮู๊ เพรหลู่แต กู่กล๊อดุเล๊อ เด๊อ อาจ๊อ เร๊อ อาโหง่ เร๊อ อา ซิยอแจ่ อู เตเพร. โท๊โต่ แซ่ฮู๊ อา เก่ ข่าเซอเป่ เด๊อ แกแย เต๊เห่ อา เตเมซื๊อ เต๊เห่ เก่ ปลวาแก อาเงเนอ, อา แฮแล พย๊า แกแยเห่ขุพู๊ อาเหล่โกล แซ่เน๊อ อาโป่อาแหม่ เออเนอเต๊เห่ เฮ๊อ.