ทิโมธี เนอบ่า ต๊าบ่า 2:19 - ลีเทส่อพ๊าอาเซ เร๊อ เห่ขุทวาลู๊19 หม่าแน๊เรอ อู เม โกโยแจ่ เน๊อ จอแปแหร่ อา เตแก่ช๊า อาหม่าอากลอ เออเนอ โต่. เด๊อ เตแก่ช๊า เออ อาโอ่เนอ อู ราโอ่ เน๊อ, “แบ่เจ่ ซิเง เกอเร๊อดื่อ อาแกแย” เร๊อ “แกแย ปว๋า เตเพร เด๊อ อา เฮ๊ เร๊อ แว หม่า แบ่เจ่ อาแกแย เต๊เห่เนอหม่า, อา โตเบ่ ตีรี๊ จว๊าโค๊แก อาเหน่ เร๊อ เตซื๊อ เออเนอ.” Faic an caibideilEastern Kayah Shadaw Dialect19 ꤗꤢ꤬ꤔꤢꤧꤚꤣꤧ꤬ ꤢꤨ꤭ ꤗꤢꤩ꤬ ꤊꤣꤧ꤬ꤛꤥ꤭ꤡ꤫ꤢꤧ꤬ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤊꤢꤧ꤭ꤏꤢ ꤊꤜꤢꤪ꤬ꤗꤢ꤬ ꤣꤧ꤭ꤔꤣꤧ꤬ ꤒꤥ꤬꤯ ꤘꤣ ꤒꤢꤩ꤬ꤊꤢꤧ꤭ꤏꤢ ꤣꤧ꤭ ꤢ꤬ꤜꤥ꤬ꤔꤣꤧ꤬ ꤢꤨ꤭ ꤚꤢ꤭ꤥ꤬ ꤔꤢꤧ, “ꤙꤢꤧ꤬ꤡꤢꤩ꤬ ꤞꤤꤑꤢꤩ꤭ ꤚꤣꤧꤘꤢꤦ꤬ ꤢ꤬ꤊꤣꤧ꤬ꤛꤢꤧ꤭” ꤚꤣꤧ꤬ “ꤊꤣꤧ꤬ꤛꤢꤧ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤘꤣ ꤢ꤬ ꤟꤢꤩ ꤔꤢꤧ ꤠꤢꤧ꤭ ꤗꤢ꤬ ꤙꤢꤧ꤬ꤡꤢꤩ꤬ ꤢ꤬ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ꤔꤣꤧ꤬ꤗꤢ꤬, ꤢ꤬ ꤒꤥ꤭ꤙꤢꤩ꤬ ꤒꤣꤧ꤬ꤚꤤ ꤡꤝꤢꤋꤥꤊꤢꤧ꤭ ꤢ꤬ꤔ꤫ꤢꤩ꤬ ꤔꤢꤧ ꤒꤢꤩ꤬ꤞꤢꤦ ꤣꤧ꤭ꤔꤣꤧ꤬꤯” Faic an caibideil |
ทิโมธี เนอบ่า ต๊าบ่า 2:19
69 Iomraidhean Croise
เมเตเฮ๊เรอ แกแย เด๊อ กลว่า อาแลโฮ อาเหน่ ฮู๊ ครี๊ เด๊อ อา เมแลเปล๊ กา อู เออเตเพร เต๊เห่เนอ เร๊อ แกแย เด๊อ อากลว่า แลโฮ อาเหน่ ฮู๊ เพรโพร เต๊เห่เนอ, อา โอ่โลแถ่ ปา. แซ่ฮู๊ เหย่ซี เก่ อี๊ลอแลโฮ หนิโต่ เกอ ดื่อ แกแย เด๊อ จอแปแหร่ นว๊าเถ่ โทเฮ๊อ ลู เออเนอเต๊เห่เนอ, เหย่ซี เก่ เมแจ่ เฮ๊เรอ, อา เก่ เมโลแถ่ อาเตเม อาโค๊ตีกลี๊ เต๊เห่ เร๊อ อาเตเม เมตาปา อาคย๊าอายื๊อ อู เนอเต๊เห่ ปา.
เบ๊อะอา แม๊เถอะ ลู เบ๊อะเนอ, อา เอ๊กาหนิ ลู เด๊อ วีอันทิโอก. เร๊อ เหย่ซี เออซิเนอ กาโอ่กู๊ แม๊เถอะ ตาฉื่อ เร๊อ เพรหยื่อเอ่ ตู๊หมู่ตอกล๊อ เบ๊อะเนอ เต๊เห่ ต๊าน๋า กู เจ๊อ. เร๊อ อา อิซว๊าอี๊แส่ ตา หนิเอ๊ เป่ลา แกแย โอ่เบ๊อะเนอ เต๊เห่. อู เอ๊ เหร่อเล๊อ เพรหยื่อเอ่ เต๊เห่ เร๊อ ครี๊พู๊ หม่า เบ๊อะวีอันทิโอก เออเนอ เฮ๊อ.
เออ หม่า หม่าเฮ๊อ เต เด๊อ แว ซิหยื่อ แม๊ชือ เม เนอเฮ๊อ. เหล่โอ่ เบ๊อะเต๋ โต๊โผ่ เบ่เบ่ เด๊อ อา หนิโฮแล๋ ครี๊ อาหรี่อาแก โต่ เนอ. แว โด่แนเป่ เหย่ซี เร๊อ เตซิครือมีลา. เมเตเฮ๊เรอ อาแซ่เน๊อ หี่เตเม เด๊อ อู แบ๊ตา โทเฮ๊อ อากู๊โด่ แกซ๊า เร๊อ หล่อเนอ, แว ซิหยื่อ จว๊า ช๊อแถ่ แฮเง เร๊อ อู กู๊เหล่ เด๊อ อู แบ๊ตา โทเฮ๊อ เออ อาโหล่ โต่.
เบ๊อะอาพู๊ ดีคยา เออซิเนอ โอ่เป๊เจ่แล แต่ล๋ายโต่ เบ๊อะเนอ, โทเรอ เบ๊อะอาพู๊ เออซิเนอ เม แต่ลา เตซื๊อ เร๊อ เตแร๊ ล๋ายโต่ เบ๊อะเนอ, จอแปแหร่ เฮ๊หนื่ออื่อ เหร่อ อาโหมะ เน๊อ, “อาแหว่เพร่ว เตเพร เบ่แร เป่ อาโป่ เนอเตเพร อาเตเม ปา.” แซ่ฮู๊ อู เก่ ซิเง เร๊อ จอแปแหร่ นว๊าแถ่ จู๋ ดื่อ อาซิปล่อ ฮู๊ อา เต เตเนหนื่ออื่อ โทเฮ๊อ เนอเรอ, อา เมเฮ๊อ ฮู๊ อา เต เตเนหนื่ออื่อ เออเนอ เฮ๊อ. เด๊อ แกแย เตเพรเพร เมโทเฮ๊อ เตเต๊อเจ่อเจ่อ อาขว่าอาคยาเร๊อ, อา นว๊าแถ่ ลู หม่าโต่. โท๊โต่, อา โอ่ เด๊อ จอแปแหร่ อา กู่ยากู เร๊อ อา นว๊าแถ่ เกอเร๊อ ลู แพ๊.
เป ราจว๊า เป่ ลีเออ เด๊อ จอแปแหร่ เพรหยื่อเอ่เต ตู๊หมู่ตอกล๊อ โอ่ เด๊อ วีโครินธ์ อากู เต๊เห่ อา โอ่, เน๊อ ล๋อ แกแย เด๊อ อา จ๊อเบแถ่ แบ่เจ่ เหย่ซู่ครี๊ เร๊อ อา โอ่ แลแค เด๊อ เหล่โอ่ ปว๋า โต๊โผ่ เนอเต๊เห่ อาโอ่. เหย่ซู่ เออเนอ, เป แบ่เจ่ หม่า อาหม่าหม่า, เหย่ซี แบ่เจ่ หม่า อาหม่าหม่า. เด๊อ เหย่ซู่ครี๊ อาขว่าอาคยา จอแปแหร่ เมบูโพ๊เฮ๊อ ซี เร๊อ อา เอ๊เฮ๊อ ซี เด๊อ ซี เก่ โอ่เซอเพร บูโพ๊ เอ๊แถ่ โป่ อาเง เฮ๊อ.
โคแบ๊ซว๊า ซี๋, ล๊อ จอแปแหร่ อ๊อแล เต๊เห่ เนอหม่า เปเง ลอ เฮ๊อ. ฮู๊เนอเรอ, เป เก่ จว๊า ตาพาแก เร๊อ เปเหน่กล่อ อา เตซิหยื่อ มู๊แหม่รีแจ่ เต๊เห่ เร๊อ เป ซิปล่อ อา เตเตเน มู๊แหม่รีแจ่ เออเนอ เต๊เห่ โป๋. เร๊อ เด๊อ เป ซิอิเช แด่ซิแหน่ซิเตเร จอแปแหร่ เออ อาขว่าอาคยาเร๊อ เป เก่ ทวาแถ่ แลแค ดื่อ แกแย เด๊อ อา บูโพ๊ เต๊เห่ โป๋.
หม่าแน๊เรอ กู๊แหน่เออ ซี ซิเงเฮ๊อ จอแปแหร่ เฮ๊อ. แว เก่ เฮ๊ หม่าแหน่ เจ๊อ ซี เร๊อ จอแปแหร่ ซิเงเฮ๊อ ซี เฮ๊อ. หม่าเมเตเรอ ซี ซิหยื่อ ฉิกย๊าคยา ปา เด๊อ เห่ขุเน๊ขุ อา เตซว๊าเตแส่ เต๊เห่ เร๊อ อาเหล่โกล เหล่แบ่ เต๊เห่ เด๊อ อา อ๊าเจ่ เหร่เจ่ เร๊อ อาบุ๊ยอาเตอเรอ โอ่โต่ เออเต๊เห่ อาเล เนอ เมเต? หม่า ซี ซิหยื่อ ทวาแถ่ คยาแซ๊ เหย่ซี อาหลู่เล๊ แอ?
ซี หม่า อาแซ่เน๊อ หี่ เด๊อ อู แบ๊ อา อี๊ถื่อแก่ช๊า เร๊อ หล่อ เออเตเม เนอเฮ๊อ. เพรโด่แน เร๊อ เพรโพร เต๊เห่ เนอหม่า อาแซ่เน๊อ อู แบ๊ หี่ถื่อ อา อี๊ถื่อแก่ช๊า เออเต๊เห่เนอ เฮ๊อ. เร๊อ แบ่เจ่ เหย่ซู่ครี๊ อาแหน่แบ่เจ่ เร๊อดื่อ เออเนอหมา อาแซ่เน๊อ หี่เออ เตเม เก่กลอเก่หม่า อาเงเนอ, อา หม่า อา ทวา เพร ตาทว๊าหม่า เป่ อู เต เด๊อ อา โหล่ดุเล๊อ อู เตเพร เฮ๊อ.
หม่าแน๊เรอ แว เก่ แฮ แป่เหย่ลา เฮ๊เรอ เป โตเบ่ โอ่เซอเพร เด๊อ จอแปแหร่ อา หี่ด๊อหี่แพกู อาเง ฮู๊เต เนอ, แว ลี เออ เก่ เด๊อซิเง เน ปา. หี่เออ เนอหม่า หม่า เฮ๊อ จอแปแหร่ เด๊อ อา เซอเพร เตเพร อา เพรหยื่อเอ่ตู๊หมู่ตอกล๊อ เออเนอเฮ๊อ. เพรหยื่อเอ่ตู๊หมู่ตอกล๊อ เออเนอหมา อา เด๊อ ชอแถ่ เตจ๊อเตเต อา เตอิซว๊า เต๊เห่ เด๊อ อาแซ่เน๊อ อี๊ถื่อ เร๊อ หี่แกแร เด๊อ อา ช๊าต๊อป่อ หม่าหนิ หี่เออ เตเม เนอเฮ๊อ.
เหย่ซี เถ่จว๊าแก เด๊อ เปเกล เฮ๊อ. เหย่ซี เออเต๊เห่ เนอหม่า อา โอ่เต่อ แม๊เกอ หม่าแหน่ เร๊อ เป เตแบ๊ซว๊าแบ๊โค ลู เออเนอ หม่าโต่. เหย่ซี เก่ โอ่ป่าเต่อ หม่าเกอ หม่าแหน่ เร๊อ เป เฮ๊เนอหม่า, เหย่ซี แกล๊ โอ่เต่อเกอ แหน่ เร๊อ เป แพ๊. หม่าแน๊เรอ เหย่ซี เถ่จว๊าแก เด๊อ เปเกล เร๊อ เหย่ซี อาเตเถ่จว๊าแก เออเนอ อา เด๊อะโล หล่าลีแก เจ๊อ เฮ๊อ เร๊อ เหย่ซี โอ่เต่อเกอ หม่าแหน่ ปา เร๊อ เป เตเพร่ว โต่ เฮ๊อ.
เตมีเตแหม่ เด๊อ เน แม๊เถอะ โทเฮ๊อ เน๊อ โตโพ๊เคเนอ อาโอ่ โทเฮ๊อ หม่าแน๊เรอ กู๊แหน่เออ อา โอ่ ปา โต่ เนอโตโด เก่ โอ่โลแถ่ คยาแซ๊ ปา. อา โอ่ เด๊อ ครอกูดุ ครอกูแย เนอตูกู เร๊อ อา เก่ แฮเถ่ ปา. เร๊อ แบ่เจ่ เอ๊จว๊า ลู เด๊อ เตเมจากาคยา อาเหล่โอ่ เร๊อ อา เก่ เมปย๊าแก ลู ตูจูเพร ปา. เป๊อแถ่ เด๊อ อู แบ๊แลลู่ เห่ขุ อาเคปา, แกแย เด๊อ อา โอ่เซอเพร เด๊อ เห่ขุ เออเต๊เห่ เร๊อ อู ราโอ่เต่อเกอ ล๋าย เหย่ซีมุย เด๊อ ลีเซอเพร อากู ล๋ายโต่ เต๊เห่เนอ, อา เก่ คย๊ายื๊อ ลอ แลแค เบ๊อะเหย่ซี แม๊ เตมีเตแหม่ เออโตโด อาเค เนอ ปา, เมเตเฮ๊เรอ, โตโพ๊เคเนอ เตมีเตแหม่ เออโตโด ย๊อ โอ่เซอเพร เร๊อ กู๊แหน่ เร๊อ อา โอ่ ปา โต่, หม่าแน๊เรอ อา เก่ โอ่โล คยาแซ๊ ปา อาขว่าอาคยา, เหย่ซี คย๊ายื๊อ ลอ แลแค แพ๊.
Sanasan