ทิโมธี เนอบ่า ต๊าบ่า 1:9 - ลีเทส่อพ๊าอาเซ เร๊อ เห่ขุทวาลู๊

⁹ แซ่ฮู๊ เป เก่ ทวาแถ่ จอแปแหร่ อา เพรบูโพ๊พู๊ เร๊อดื่อ เต๊เห่ อาเงเนอเรอ, อา เมแลเปล๊กา เฮ๊อ เป เฮ๊อ, เร๊อ อา เอ๊ เฮ๊อ เป เฮ๊อ, เด๊อ เป เมโทเฮ๊อ เตเอ่เตแร เนอเต๊เห่ อาขว่าอาคยาเร๊อ, อา เอ๊ เป เนอ หม่าโต่. เออ หม่า หม่าดื่อ อา เตเตเนหนื่ออื่อ เน๊อ อาบุ๊ยเตอเรอ เร๊อดื่อ แพ๊. เบ๊อะอา แบ๊แล แต่ล๋าย เห่ขุ โต่เนอ, อา เด๊อะแล เป เตบุ๊ยเตเตอเรอ เออเนอ เด๊อ เหย่ซู่ครี๊ อากู เออเนอเฮ๊อ.

Eastern Kayah Shadaw Dialect

⁹ ꤞꤢꤧꤟꤢꤨ ꤕꤢꤩ꤬ ꤊ꤫ꤢꤦ꤬ ꤓꤝꤢ꤭ꤓꤢꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤊꤣꤧ꤬ꤛꤢꤧ꤭ ꤚꤣꤧꤘꤢꤦ꤬ ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ꤔꤣꤧ꤬ꤚꤣꤧ꤬, ꤢ꤬ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤟꤣꤧ ꤕꤢꤩ꤬ ꤟꤣꤧ, ꤚꤣꤧ꤬ ꤢ꤬ ꤢꤩ ꤟꤣꤧ ꤕꤢꤩ꤬ ꤟꤣꤧ, ꤘꤣ ꤕꤢꤩ꤬ ꤗꤢꤩ꤬ꤓꤥ꤭ꤟꤣꤧ ꤒꤢꤩ꤬ꤖꤛꤢꤒꤢꤩ꤬ꤗꤢꤩ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬, ꤢ꤬ ꤢꤩ ꤕꤢꤩ꤬ ꤔꤣꤧ꤬ ꤗ꤫ꤢ꤬ꤒꤥ꤬꤯ ꤣꤧ꤭ꤗꤢ꤬ ꤗ꤫ꤢ꤬ꤘꤢꤦ꤬ ꤢ꤬ ꤒꤢꤩ꤬ꤒꤣꤧ꤬ꤔꤢꤩ꤬ꤥ꤬ꤔꤢꤩ꤬ ꤔꤢꤧ ꤢ꤬ꤙꤝꤤꤒꤣꤧ꤬ꤚꤣꤧ꤭ ꤚꤣꤧꤘꤢꤦ꤬ ꤖꤢꤧ꤯ ꤙꤣꤧ ꤢ꤬ ꤙꤢꤧꤜꤢꤧ꤬ ꤒꤢꤧ꤬ꤜꤢ꤭ꤟꤤ ꤟꤢꤩ꤬ꤋꤢꤨ꤬ ꤒꤥ꤬ꤔꤣꤧ꤬ ꤢ꤬ ꤘꤣꤧꤜꤢꤧ꤬ ꤕꤢꤩ꤬ ꤒꤢꤩ꤬ꤙꤝꤤꤒꤢꤩ꤬ꤒꤣꤧ꤬ꤚꤣꤧ꤭ ꤣꤧ꤭ꤔꤣꤧ꤬ ꤘꤣ ꤛꤢꤩ꤬ꤏꤛꤢꤨꤋꤚꤤ ꤢ꤬ꤊꤢꤨ꤭ ꤣꤧ꤭ꤔꤣꤧ꤬ꤟꤣꤧ꤯

ทิโมธี เนอบ่า ต๊าบ่า 1:9 Iomraidhean Croise

มัทธิว 1:21

อา เก่ พู๊เพรคู ปา เร๊อ เน เบ่ เอ๊ อามุย เร๊อ เหย่ซู่ นี๋, เมเตเฮ๊เรอ อา เก่ เมแลเปล๊กา อาแกแย เต๊เห่ เด๊อ อา เตซื๊อเตโอ่หร่า อากู ปา.”

ꤜꤢꤨꤊꤢ꤬ 10:21

เบ๊อะเนอเค, เด๊อ แหย่โยบูโพ๊แบ่เจ่ อาขว่าอาคยา, เร๊อ เหย่ซู่ เล๊อบา เร๊อ เตซิครือซิลอ เร๊อ อา เฮ๊ เน๊อ, “เก๋อ ม๊อขุ แบ่เจ่, เห่ขุ แบ่เจ่, แวเพ จอแปแหร่, แว เฮ๊บุ๊ยเฮ๊เตอเรอ เน, เต เด๊อ เน แด่ ด๊อโอ๊ด๊อบี๊ เป่ เพรลีแมลีเพ๊ เต๊เห่ เร๊อ เพรแม๊ปูซิเง เต๊เห่เนอ, เน เด๊อะโลแถ่ เป่เฮ๊อ เร๊อ แกแย เด๊อ อา เตเนปีตี๊ เกอเร๊อ อาเหน่ แซ่เน๊อ เป๊เจ่พู๊ เนอเต๊เห่เฮ๊อ อาขว่าอาคยา, แว เฮ๊บุ๊ยเฮ๊เตอเรอแถ่ เน. เก๋อ เพ๋, เน ซิปล่อโอ่ ซิปล่อโต หม่าแหน่เฮ๊อ เร๊อ อาเก่เบ่ ทวาแถ่แหน่ ฮู๊เออเฮ๊อ อาขว่าอาคยา, แว เฮ๊บุ๊ยเฮ๊เตอเรอ แหน่เจ๊อ เน.

ꤛꤥ꤭ꤟꤢ꤬ 17:24

“เก๋อ เพ, แกแย เด๊อ เน เด๊อะ เร๊อ แว เออเต๊เห่เนอ, แว โอ่ เบ๊อะโต๊โผ่เนอ, แว ซิหยื่อ เอ๊ โอ่เกอ เหย่ซี เบ๊อะเนอ. แว ซิหยื่อ เด๊อ เหย่ซี เก่ แม๊เถอะ แว เตเตอเรอดุ เตอเรอทู เด๊อ เน เด๊อะ แว เออเต๊เห่, เมเตเฮ๊เรอ, เน โม ปา แว เด๊อ เป แบ๊แล แต่ล๋าย เห่ขุ โต่ เบ๊อะเนอ ปา เจ๊อ.”

ꤛꤥ꤭ꤟꤢ꤬ 17:9

แว กุยจ๊อเบ เป่ เด๊อ เหย่ซี อาเง แว กุยจ๊อเบ เป่ แกแย เห่ขุพู๊ เนอเต๊เห่ อาเง หม่าโต่. หม่าแน๊เรอ แกแย เด๊อ เน เด๊อะเฮ๊อ แว เต๊เห่เนอ, เนเต อาขว่าอาคยา, แว กุยจ๊อเบ เป่ เด๊อ เหย่ซีเง.

ꤛꤥ꤭ꤟꤢ꤬ 6:37

ล๋อ แกแย เด๊อ แวเพ เด๊อะ แว เต๊เห่เนอ, อา เก่ แฮ เด๊อ แวโอ่ ปา. อูเปเป๋ เบ่เบ่, อา เก่ แฮ เด๊อ แวโอ่ เนอ, แว เหว่เถ่แก เร๊อ อา ตีกี๋ โต่.

เพรโด่แนพู๊ เต๊เห่ 15:18

แบ่เจ่ เด๊อ อา เด๊อะซิเง งย๋า ลอเฮ๊อ แกแยเห่ขุพู๊ เน๊อ เตหรี่เตแก เออเต่อเจ๊อ เตเพรเนอ, อา เฮ๊แกดื่อ ฮู๊เนอ เฮ๊อ.’”

เพรโด่แนพู๊ เต๊เห่ 2:47

เหย่ซี ถู่เซ๊แถ่ จอแปแหร่ เร๊อ อูปว๋า เพร ซิปล่อ โอ่เกอ เหย่ซี. แบ่เจ่ แด่โนปล๊อ เอ๊แถ่ เป่ เหย่ซี แกแย เด๊อ อา พย๊าหนิ เตเหล่แลเปล๊เนอ เต๊เห่ เด๊อ เหย่ซี เพรหยื่อเอ่ตู๊หมู่ตอปล๊อ อากู ปว๋า เตอเนอ เจ๊อ.

ꤚꤥꤗꤢꤩ꤬ 11:14

ฮู๊ จอแปแหร่ เมแร๊ โทเป่เฮ๊อ ซี แกแยยิวพู๊ หม่าโต่ เต๊เห่ อาเงเนอ, แว แม๊ชือ เน๊อ แซ่ฮู๊ แว เก่ เม ซิเคว๊ หนิเป่ เกอดื่อ แวโค แกแยยิวพู๊ เร๊อดื่อ เต๊เห่ อาเง, โท๊โต่ แซ่ฮู๊ แว เก่ อี๊ลอกาหนิ เกอ เหย่ซี เต๊เห่เห่ เน๊อ อา เก่ พย๊าหนิ เกออู เตเมแลเปล๊กา อาเง เนอเรอ, แว เตเนดุ เกอเร๊อ แหน่เจ๊อ เตเม เด๊อ จอแปแหร่ เด๊อ แว เออเนอ เจ๊อ.

ꤚꤥꤗꤢꤩ꤬ 11:29

เมเตเฮ๊เรอ จอแปแหร่ เด๊อะตาครา โทเฮ๊อ เชหยู่ เออเนอ เร๊อ แกแย เด๊อ อา นว๊าแถ่ เฮ๊อ ลู เออเต๊เห่เนอ, อา เฮ๊เบ่ ฉิกย๊า กาคยา ปา อาโหง่ ตีกี๋โต่ เฮ๊อ.

ꤚꤥꤗꤢꤩ꤬ 16:25

เด๊อ แว แด๊โฉ่โด่แน โล เป่ อู เร๊อ เตซิครือมีลา เออ เร๊อ เหย่ซู่ครี๊ อาหรี่อาแกเออ อาขว่าอาคยา, จอแปแหร่ เมชอแถ่เบ๊ เป่ เฮ๊อ ซี เตหยื่อ เร๊อ เป เก่ ถู่เซ๊แถ่ อา โป๋. เหย่ซู่ครี๊ อาหรี่อาแก เออเนอหมา, อู แด่โอ๊แด่บี๊ อา อางยาลาเฮ๊อ หม่าแน๊เรอ กู๊แหน่เออ อู เด๊อะโล แถ่เฮ๊อ อา เฮ๊อ.

ꤚꤥꤗꤢꤩ꤬ 3:20

เมเตเฮ๊เรอ, เด๊อ อู โอ่เซอเพร ครวาเมเกอ เตซว๊าเตแส่ อาขว่าอาคยาเร๊อ, อู ทวาแถ่แจ่ แกแยจ๊อแกแยเต เด๊อ จอแปแหร่ อา เป๊เส่เง เนอ อา โอ่ เตเพร่ว โต่. แซ่ฮู๊ เป เก่ ซิเงแฮ เกอเร๊อ เป เตซื๊อ เร๊อ จอแปแหร่ เด๊อะตา เป แพ๊.

ꤚꤥꤗꤢꤩ꤬ 9:11

เบ๊อะอาพู๊ ดีคยา เออซิเนอ โอ่เป๊เจ่แล แต่ล๋ายโต่ เบ๊อะเนอ, โทเรอ เบ๊อะอาพู๊ เออซิเนอ เม แต่ลา เตซื๊อ เร๊อ เตแร๊ ล๋ายโต่ เบ๊อะเนอ, จอแปแหร่ เฮ๊หนื่ออื่อ เหร่อ อาโหมะ เน๊อ, “อาแหว่เพร่ว เตเพร เบ่แร เป่ อาโป่ เนอเตเพร อาเตเม ปา.” แซ่ฮู๊ อู เก่ ซิเง เร๊อ จอแปแหร่ นว๊าแถ่ จู๋ ดื่อ อาซิปล่อ ฮู๊ อา เต เตเนหนื่ออื่อ โทเฮ๊อ เนอเรอ, อา เมเฮ๊อ ฮู๊ อา เต เตเนหนื่ออื่อ เออเนอ เฮ๊อ. เด๊อ แกแย เตเพรเพร เมโทเฮ๊อ เตเต๊อเจ่อเจ่อ อาขว่าอาคยาเร๊อ, อา นว๊าแถ่ ลู หม่าโต่. โท๊โต่, อา โอ่ เด๊อ จอแปแหร่ อา กู่ยากู เร๊อ อา นว๊าแถ่ เกอเร๊อ ลู แพ๊.

ꤚꤥꤗꤢꤩ꤬ 9:24

เป หม่า แกแย เด๊อ จอแปแหร่ เอ๊ เจ๊อ เป เต๊เห่ เฮ๊อ. อา เอ๊ ตื๊อ แกแยยิวพู๊ เต๊เห่ อาเกลเนอ หม่าโต่, เด๊อ แกแยยิวพู๊ หม่าโต่ เต๊เห่ อาเกลเนอหม๋า, อา เอ๊ หนิ เต่อเกอ ดื่อดื่อ.

โครินธ์ อาเหร่อเล๊อ ต๊าบ่า 1:18

แกแย เต๊เห่เห่ หยื่อเอ่ เต โต่ อาขว่าอาคยา, จอแปแหร่ เก่ เมจากาคยา เหย่ซี ปา. แกแย ฮู๊เนอ เต๊เห่เนอ, อา เตเน แลแค เน๊อ ครี๊ เซอ เด๊อ อี๊ถื่อดีเต่ลู อาหรี่อาแก เออเนอหมา อา โอ่เล๊อโอ่กลอ แพ๊. หม่าแน๊เรอ เป เด๊อ อา พย๊าหนิ เตเมแลเปล๊กา เออเต๊เห่ อาเงเนอ, เตหรี่เตแก เออ อา หม่าดื่อ จอแปแหร่ อา เตโพรเตเตอเรอ ฉว่าชอ เด๊อ เปเง เฮ๊อ.

เอเฟซัส 1:11

เด๊อ ครี๊ ขว่าคยาเนอ, จอแปแหร่ นว๊าแถ่เฮ๊อ เป เร๊อ เป เก่ ทวาแถ่ อาแกแย เฮ๊อ. อา แด่แล โทเฮ๊อ อาซิปล่อ อาขว่าอาคยา, อา เม เฮ๊อ ฮู๊เนอ เฮ๊อ. อา เมทวาแถ่ ลอเฮ๊อ เตปว๊า เต๊อเจ่อ ฮู๊ อา ซิหยื่อ เมเนอ เฮ๊อ.

เอเฟซัส 1:9

เร๊อ อา เด๊อะโล เฮ๊อ เป เร๊อ อา เตตี๊หรี่โห่ เต๊หรี่เซ๊ เออเนอเฮ๊อ. อา แด่แล โทเฮ๊อ อาซิปล่อ เด๊อ อา เก่ เมเล๊อเมบาแถ่ อา เตเต๊หรี่โห่ เต๊หรี่เซ๊ เออเนอ เร๊อ ครี๊ เฮ๊อ. เออ หม่า หม่าเฮ๊อ เด๊อ อา ซิหยื่อ เด๊อะโล เป่ เป เร๊อ อา เตเต๊หรี่โห่ เต๊หรี่เซ๊ เออเนอเฮ๊อ.

เอเฟซัส 2:5

เบ๊อะเนอเค เป จูเอ่ เกอ เจ๊อ อาโหง่ โต่, เป แซ่เจ๊อ เร๊อ แกแยเซอ เนอ เจ๊อ ตื๊อดื่อเรอ อา เด๊อะ เต่อเกอ เฮ๊อ เป เตโอ่เซอเพร อาอาเซ เร๊อ ครี๊ เฮ๊อ. จอแปแหร่ อาบุ๊ยดุอาเตอเรอทู อาขว่าอาคยาเร๊อ, เป พย๊าหนิเฮ๊อ เตแลเปล๊กา เฮ๊อ.

เอเฟซัส 3:11

จอแปแหร่ แด่แล โทเฮ๊อ อาซิปล่อ เด๊อ อา เก่ เม ฮู๊เออ เนอหม่า เด๊อ อา แบ๊แล แต่ล๋าย เห่ขุโต่ เนอ ปา เจ๊อ. กู๊แหน่เออ เด๊อ เป แบ่เจ่ เหย่ซู่ครี๊ เมปลื๊อเมโทแก เป่ ลอเฮ๊อ เป อาขว่าอาคยา, จอแปแหร่ เมเล๊อเมบา เป่เฮ๊อ อา เตตี๊หรี่ หนื่ออื่อ เออเนอเฮ๊อ.

ฟีลิปปี 3:14

เด๊อ เหย่ซู่ครี๊ เม เป่ โทเฮ๊อ เด๊อ แวเง อาขว่าอาคยา, จอแปแหร่ เอ๊โน เฮ๊อ แว เด๊อ ม๊อขุ เร๊อ แว แอ๊จื๊อแอ๊เหร่ แฮเง โต่เด๊อ แว เก่ พย๊าหนิ เตเมหนิคว๊าเก่ เด๊อ ม๊อขุ เออเนอ ปา. แว แซ่เฮ๊อเร๊อ แกแย แกล่ดี๊เจ เตเพร เด๊อ อา เก่ พย๊าหนิ เกออู เตเมหนิคว๊าเก่ เร๊อ อา แกล่ แฮเง โต่เด๊อ อาตื๊อดื่อ เนอเตเพร เฮ๊อ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:7

เมเตเฮ๊เรอ จอแปแหร่ เอ๊ เป เด๊อ เป เก่ เบ่ โอ่เซอเพร เมซื๊อ เพรเหมาะเพรคู อาเงเนอ หม่าโต่. แซ่ฮู๊ เป เตก๊อถ่อโอ่แน ซีเต๊เห่ เก่ อาโพ๊อาแปละ อาเงเนอเรอ, อา เอ๊ เป แพ๊.

ทิโมธี อาเหร่อเล๊อ ต๊าบ่า 1:1

แว หม่า คูเปาโล. แว ราจว๊า หนิเป่ ซี ลีเออต๊าบ่า. จอแปแหร่ เด๊อ อา เมแลเปล๊กา เป เออเตเพร เน๊อ เหย่ซู่ครี๊ เด๊อ เป เตแม๊ชือ ซิเล เกอเร๊อ อา เออเตเพรเนอ, เหย่ซี เฮ๊ตา โทเฮ๊อ อาโหง่ เน๊อ อา นอทวาแถ่เฮ๊อ แว เน๊อ เหย่ซู่ครี๊ อา เพรโด่แนพู๊ เต๊เห่ เตเพร.

ทิโมธี เนอบ่า ต๊าบ่า 1:1

แว หม่า คูเปาโล. แว ราจว๊า หนิเป่ ซี ลีเออต๊าบ่า. จอแปแหร่ ซิปล่อโอ่ แว เด๊อ แว เก่ ทวาแถ่ เหย่ซู่ครี๊ อา เพรโด่แนพู๊ เตเพร, โทเรอ จอแปแหร่ อ๊อแล โทเฮ๊อ เน๊อ อา เก่ เด๊อะ เป ซิปล่อเซอเพร เด๊อ เหย่ซู่ครี๊ อากู ปา อาหรี่อาแก เออเนอ, แว แด๊โฉ่ ลอเป่เฮ๊อ อู ปว๋า เตเพร เฮ๊อ.

ꤒꤤꤒꤢꤨ 1:2

เตจ๊ออาเต เออเนอ อา เด๊อ เหย่ซี เตแม๊ซื๊อ เด๊อ เหย่ซี เก่ พย๊าหนิ ซิปล่อเซอเพร ตูจูเพร ตาเลเคร๊ อาเง เฮ๊อ. เบ๊อะเห่ขุ โอ่ทวาแถ่ แต่ล๋ายโต่ เบ๊อะเนอ, จอแปแหร่ เด๊อ อา แลโฮน๊อ แตแค๋ โต่ เออเตเพรเนอ, อา อ๊อแล หนื่ออื่อ โทเฮ๊อ เร๊อ อา เก่ เด๊อะ เป เตเซอเพร เออเนอ เฮ๊อ.

ꤟꤤꤙꤚꤢꤨ 3:1

ฮู๊เนอ อาขว่าอาคยา, โป่แหว่ ครี๊พู๊ เด๊อ จอแปแหร่ เอ๊ ซี เออเต๊เห๋ เตเน แม๊มอ แลแค เหย่ซู่ เด๊อ จอแปแหร่ นอแฮ ทวา ลู เน๊อ เพรเฮ๊โฉ่โด่แหน่ จอแปแหร่ อาลาอาโหง่ เน๊อ เพรหลู่แต กู่กล๊อดุเล๊อ เออเตเพรเนอ.

เปโตร อาเหร่อเล๊อ ต๊าบ่า 1:20

เบ๊อะจอแปแหร่ แบ๊ทวาแล แต่ล๋าย เห่ขุ โต่ เบ๊อะเนอ, อา นว๊าแถ่ หนื่ออื่อโทเฮ๊อ ครี๊ เออเฮ๊อ. หม่าแน๊เรอ ม๊อเนอม๊อเซ เด๊อ คยา ตื๊อดื่อ อา หม่าเฮ๊อ กู๊แหน่เค เออเต๊เห่เนอ, จอแปแหร่ เด๊อะโล เป่เฮ๊อ ซี เร๊อ ครี๊ เฮ๊อ.

เปโตร อาเหร่อเล๊อ ต๊าบ่า 2:9

หม่าแน๊เรอ ซี หม่าเมวเจอะ เต๊อเจ่อ เด๊อ จอแปแหร่ นว๊าแถ่ อา, เพรหลู่แตเต เด๊อ อาแซ่เน๊อ คุ๊ย เต๊เห่, เมวเจอะ เด๊อ อา บูโพ๊, โท๊โต่ จอแปแหร่ อาแกแย เร๊อดื่อ เจ๊อ เต๊เห่ เฮ๊อ. แซ่ฮู๊ ซี เก่ แด๊โฉ่โล จอแปแหร่ อา เตเมแร๊ โค๊ดื่อ เต๊เห่ อาเงเนอ, จอแปแหร่ นว๊าแถ่ ซี เฮ๊อ. จอแปแหร่ เอ๊เถ่แก ซี เด๊อ เตคี๊ อาเล เร๊อ อา ซูโน ซี เด๊อ อา เตลีเตเค โม อากู เฮ๊อ.

เตเด๊อะโลแถ่ 13:8

ล๋อ แกแย เด๊อ อา โอ่ เด๊อ เห่ขุเออ ปว๋า เตเพร เนอ, อา เก่ จ๊อบู่จ๊อเบแถ่ ลอ ลู ปา. เป๊อะแถ่ เด๊อ อู แบ๊แลลู่ เห่ขุ อาเคปา, แกแย เด๊อ อา โอ่เซอเพร เด๊อ เห่ขุ เออเต๊เห่ เร๊อ อู ราโอ่เต่อเกอ ลา เหย่ซีมุย เด๊อ ซิหมิพู๊ เนอโตโด อา ลีเซอเพร อากู ล๋ายโต่ เต๊เห่เนอ, อา เก่ จ๊อบู่จ๊อเบแถ่ ลอ แลแค เตมีเตแหม่ เออโตโด. ซิหมิพู๊ เนอโตโด หม่า หม่าเฮ๊อ อู เมเซอ อาเนอ เตเพร เฮ๊อ.

เตเด๊อะโลแถ่ 17:8

เตมีเตแหม่ เด๊อ เน แม๊เถอะ โทเฮ๊อ เน๊อ โตโพ๊เคเนอ อาโอ่ โทเฮ๊อ หม่าแน๊เรอ กู๊แหน่เออ อา โอ่ ปา โต่ เนอโตโด เก่ โอ่โลแถ่ คยาแซ๊ ปา. อา โอ่ เด๊อ ครอกูดุ ครอกูแย เนอตูกู เร๊อ อา เก่ แฮเถ่ ปา. เร๊อ แบ่เจ่ เอ๊จว๊า ลู เด๊อ เตเมจากาคยา อาเหล่โอ่ เร๊อ อา เก่ เมปย๊าแก ลู ตูจูเพร ปา. เป๊อแถ่ เด๊อ อู แบ๊แลลู่ เห่ขุ อาเคปา, แกแย เด๊อ อา โอ่เซอเพร เด๊อ เห่ขุ เออเต๊เห่ เร๊อ อู ราโอ่เต่อเกอ ล๋าย เหย่ซีมุย เด๊อ ลีเซอเพร อากู ล๋ายโต่ เต๊เห่เนอ, อา เก่ คย๊ายื๊อ ลอ แลแค เบ๊อะเหย่ซี แม๊ เตมีเตแหม่ เออโตโด อาเค เนอ ปา, เมเตเฮ๊เรอ, โตโพ๊เคเนอ เตมีเตแหม่ เออโตโด ย๊อ โอ่เซอเพร เร๊อ กู๊แหน่ เร๊อ อา โอ่ ปา โต่, หม่าแน๊เรอ อา เก่ โอ่โล คยาแซ๊ ปา อาขว่าอาคยา, เหย่ซี คย๊ายื๊อ ลอ แลแค แพ๊.