ทิโมธี เนอบ่า ต๊าบ่า 1:7 - ลีเทส่อพ๊าอาเซ เร๊อ เห่ขุทวาลู๊

⁷ เมเตเฮ๊เรอ, แหย่โยบูโพ๊ แบ่เจ่ เด๊อ จอแปแหร่ เด๊อะแล โทเฮ๊อ เป เออเนอ, อา นอทวาแถ่ ปา เป เน๊อ แกแย เด๊อ อา ซิอิเช เต เต๊เห่เนอ หม่าปาโต่เฮ๊อ. โท๊โต่ แหย่โยบูโพ๊ แบ่เจ่ เมบาโน เป่เฮ๊อ เป ซิปล่อ เน๊อ เตเตอเรอฉว่าชอ เน๊อ เตโม เน๊อ เตเป๊อแล แจ่ เกอเร๊อดื่อ เปเหน่ เออเนอเฮ๊อ.

Eastern Kayah Shadaw Dialect

⁷ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤜꤢꤧ꤬ ꤓꤥ꤭ꤟꤣꤧ ꤕꤢꤩ꤬ ꤣꤧ꤭ꤔꤣꤧ꤬, ꤢ꤬ ꤔꤢꤪ꤭ꤓꤝꤢ꤭ꤓꤢꤧ꤬ ꤕꤢ꤬ ꤕꤢꤩ꤬ ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤤꤤ꤬ꤏꤢꤩ꤭ ꤒꤢꤩ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤗ꤫ꤢ꤬ꤕꤢ꤬ꤒꤥ꤬ꤟꤣꤧ꤯ ꤗ꤫ꤢ꤬ꤟꤢꤩꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤗꤢꤩ꤬ꤙꤢ꤭ꤔꤥ꤭ ꤕ꤫ꤢꤩ꤬ꤟꤣꤧ ꤕꤢꤩ꤬ ꤞꤤꤕꤜꤢꤪ꤬ ꤔꤢꤧ ꤒꤢꤩ꤬ꤒꤣꤧ꤬ꤚꤣꤧ꤭ꤏꤝꤢ꤬ꤏꤢꤪ꤭ ꤔꤢꤧ ꤒꤢꤩ꤬ꤗꤥ꤬ ꤔꤢꤧ ꤒꤢꤩ꤬ꤕꤣꤜꤢꤧ꤬ ꤡ꤫ꤢꤧ꤬ ꤚꤣꤧꤘꤢꤦ꤬ ꤕꤢꤩ꤬ꤔ꤫ꤢꤩ꤬ ꤣꤧ꤭ꤔꤣꤧ꤬ꤟꤣꤧ꤯

ทิโมธี เนอบ่า ต๊าบ่า 1:7 Iomraidhean Croise

ꤜꤢꤨꤊꤢ꤬ 10:19

หนิดา แลแค! แซ่ฮู๊ ซี เก่ เคหยิจว๊า เด๊อ หรู่เต๊เห่ เร๊อ แดเมเต๊เห่ อาขุ ปา, เร๊อ ซี เก่ เมเป่แก โลเน๊ กู่กล๊อ เด๊อ อา ซิเถ่ ซี เออโตโด อา เตโพรเตเตอ เรอ เต๊เห่ ล๋อ ปลี อาเง ปาเนอ เนอ, แว เด๊อะเฮ๊อ ซี เตโพรเตเตอ เร๊อ เฮ๊อ. เร๊อ เต เด๊อ อา เก่ เมเบ่เมเช ซี เนอ อา โอ่ปา เตอเจ๋อ โต่.

ꤜꤢꤨꤊꤢ꤬ 15:17

“เด๊อคยาเนอ, อา ซิเงแลคยาแซ๊ เกอเร๊อ อาเหน่ เร๊อ อา เฮ๊ เน๊อ, ‘ล๋อ เพรแรเต เออเนอ เด๊อ แวเพ อาหี่ เนอเต๊เห่หม่า, อา เอ่ก๊อโอบา ลอ แลแค, โท๊โต่ อา โอ่เล๊อแก ปลูเผ่ เจ๊อ แหน่ เฮ๊อ, แว เร๊อ แว เตเร จว๊า โอ่วีโอ่กอ เซอ เจ๊อ เบ๊อะเออ เจ๊อ เฮ๊อ.

ꤜꤢꤨꤊꤢ꤬ 24:49

เร๊อ แว เก่ นอตาแล เป่ ซี ฮู๊ แวเพ อ๊อแล หนื่ออื่อ โทเฮ๊อ เนอเต๊อเจ่อ เด๊อ ซีโหล่ ปา. หม่าแน๊เรอ ซี เก๊ พย๊าหนิ แต่ล๋าย เตเตอเรอฉว่าชอ เด๊อ อา โอ่ เด๊อ ม๊อขุเออ แฮแล แต่ล๋าย เด๊อ ซีเหน่ลูโต่ เนอ, ซี เบ่ โอ่ป่อตื๊อดื่อ เบ๊อะวีกู เออเนอ ปา.”

ꤜꤢꤨꤊꤢ꤬ 8:35

เตเมอาเหน่ ฮู๊เออ เร๊อ แกแย เต๊เห่ เถ่จว๊าแม๊ แลแค. เหย่ซี แฮโต่ เด๊อ เหย่ซู่ โอ่ เร๊อ อา แม๊เถอะ แลแค แกแยเพ เด๊อ โลเน๊ เต๊เห่ เถ่จว๊าแก เด๊อ ลูกู เนอเตเพร ซิปล่อแร๊ กาคยา เฮ๊อ เร๊อ อา โอ่แนโอ่ เบ๊อะเหย่ซู่ อาช๊า เร๊อ อา กือแซ๊แถ่ แร๊ ลอ คยาแซ๊ อาเห่อจา. เหย่ซี แม๊เถอะ ลู เร๊อ อา ซิอิเช ลอปลี เจ๊อ ลูเหล่.

ꤛꤥ꤭ꤟꤢ꤬ 14:27

แว แด่แก เป่ ซี ซิปล่อ อา เตตู๊จุเตอเจ๊อ เฮ๊อ. เร๊อ แว เด๊อะ เป่ เฮ๊อ ซี แว เตตู๊จุเตอเจ๊อ เฮ๊อ. แว เด๊อะ ซี เออเนอหมา อาแซ่เน๊อ แกแย เด๊อ ซี เนอเต๊เห่ หม่าโต่. ซิปล่อกู่ ซิปล่อแก แต่ แลแค แต่เหม่. ซิอิเช แต่ แลแค แต่เหม่เหม่.

เพรโด่แนพู๊ เต๊เห่ 1:8

หม่าแน๊เรอ เบ๊อะแหย่โยบูโพ๊แบ่เจ่ ตากาแลโอ่เฮ๊อ เด๊อ ซีกู ปา เบ๊อะเนอ, ซี เก่ เล๊อบา เร๊อ เตฉว่าเตชอ ปา เร๊อ ซี เก่ ทวาแถ่ เป่แว เพรข่าเฮ๊โล เต๊เห่ เด๊อ วีเยรูซาเล็ม อากู, เร๊อ ยูดาห์เต๊เก๋ เล, เร๊อ สะมาเรียเก่, โท๊โต่ อา เก่ โต่ เจ๊อเด๊อ เห่ขุต๊าบ่า ลอ เจ๊อ ปา,” อา เฮ๊ฮู๊เนอ.

เพรโด่แนพู๊ เต๊เห่ 10:38

โทเรอ จอแปแหร่ นว๊าแถ่ วีนาซาเร็ธพู๊ เหย่ซู่ เร๊อ อา เด๊อะ ลู แหย่โยบูโพ๊แบ่เจ่ เร๊อ อา เตโพรเตเตอเรออาฉว่าชอ ฮู๊เต เนอ, ซี ซิเง โทดื่อเฮ๊อ. เหย่ซู่ เลจว๊า เด๊อ เหล่โอ่ ปว๋า โต๊โผ่ เร๊อ จว๊า เมบุ๊ยเมเตอเรอ เป่ อู, แหย่โอ่เหม่ลอ แกแย โอ่ เด๊อ โลเน๊โลหน่า กู่กล๊อ เมนือเมจ๊า ลู เต๊เห่, เมเตเฮ๊เรอ จอแปแหร่ โอ่เกอ เน๊อ อา อาขว่าอาคยา, อา เมเฮ๊อ เต ฮู๊เนอ เฮ๊อ.

เพรโด่แนพู๊ เต๊เห่ 20:24

หม่าแน๊เรอ แซ่ฮู๊ แว เก่ เมโทแก เตเม เด๊อ แบ่เจ่ เหย่ซู่ เด๊อะแลแก แวเออ อาเงเนอ, แว แด่ดุ ซิโล เกอ เร๊อ ปา เจ๊อ แว ซิปล่อ เซอเพร เออเนอ โต่ เฮ๊อ. เตเม เด๊อ อา นอเม แว เออเต๊เห่ เนอหม่า หม่าเฮ๊อ แว เบ่ ข่าเฮ๊โล เน๊อ จอแปแหร่ อาบุ๊ยอาเตอเรอ อา เตซิครือมีลา เออ อาหรี่อาแก เออเนอ เฮ๊อ.

เพรโด่แนพู๊ เต๊เห่ 21:13

หม่าแน๊เรอ คูเปาโล เฮ๊ฉื่อ เป เน๊อ, “ซีโหง่ซีเห่ เร๊อ ซี เม ซิเปลซิหย่อ แว เมเต? แว โอ่ตี๊หรี่แตแร หนื่ออื่อ เฮ๊อ แวเหน่ เด๊อ อู เก่ปื่อเก่จอ แว เบ๊อะวีเยรูซาเล็ม เออเนอ ปา ตื๊อดื่อ หม่าโต่, แว ตี๊หรี่แตแร หนื่ออื่อ โป่ เจ๊อเฮ๊อ เด๊อ แว เก่ เซอ เด๊อ แบ่เจ่ เหย่ซู่ อาเง เจ๊อ.”

เพรโด่แนพู๊ เต๊เห่ 26:11

แวมือแวปอ, เมจาเมจือ น๊อ เอ๊ลา เหย่ซี เด๊อ เตจ๊อเบโฮ เต๊เห่ อากู, เร๊อ แว เฮ๊ชอ เหย่ซี เร๊อ แว นอเฮ๊ เหย่ซี เน๊อ, ‘แว หยื่อเอ่ ปา เหย่ซู่ โต่’ ฮู๊เนอ, เร๊อ แว ซิปล่อดุ โกโน๋ เหย่ซี โต่. โต่ เจ๊อ เด๊อ แว เก่ เถ่จว๊า เด๊อ เมวเจอะโรพู๊ โอ่ เกอเร๊อ วีเต๊เห่ อากู เร๊อ, แว เก่ จว๊า เมจาเมจือ เจ๊อ เหย่ซี เจ๊อ.”

เพรโด่แนพู๊ เต๊เห่ 26:25

คูเปาโล เฮ๊ฉื่อ ลู เน๊อ, “เพ คุ๊ยดุ เฟสทั๋ส, แว ตีมุย หม่าโต่. แว เฮ๊ เออเต๊เห่ เนอหม่า เตจ๊ออาเต แพ๊.

เพรโด่แนพู๊ เต๊เห่ 6:8

คูสเทเฟน เด๊อ อา เล๊อบา เร๊อ จอแปแหร่ อาบุ๊ยอาเตเตอเรอ เร๊อ อา เพรโพรเตเตอเรอ เออเตเพรเนอ, อา เมโล เป่ อู โอ่ เบ๊อะเนอ เต๊เห่ เร๊อ เตเม อาโค๊ตีกลี๊ เต๊เห่ เร๊อ เตเม อาตาปา คย๊ายื๊อ เต๊เห่ เบ๊อะเนอ.

เพรโด่แนพู๊ เต๊เห่ 9:22

คูเซาโล อา เหล่แด๊โฉ่โด่แน เป่ อู เออเนอ, อา เตอเรอฉว่าชอ ดุแถ่ เร๊อ ดุแถ่ เจ๊อ เร๊อ อา ข่าเฮ๊โล ตาเต เป่ อู เร๊อ เหย่ซู่ หม่า ครี๊ หม่าแหน่ เจ๊อ เตเพร อาขว่าอาคยา, โต่ เจ๊อ เด๊อ แกแยยิวพู๊ โอ่ เบ๊อะวีดามัสกัส อากู เนอเต๊เห่ เฮ๊ฉื่อกาคยา แจ่ ปา เจ๊อ ลู เตอเจ๋อ โต่.

ꤚꤥꤗꤢꤩ꤬ 5:5

เบ๊อะเป แม๊ชือ เร๊อ จอแปแหร่ เก่ เม เป่ เป เบ๊อะเนอ, เป ซิปล่อปย๊า โต่, เมเตเฮ๊เรอ, เบ๊อะจอแปแหร่ เด๊อะตา เป แหย่โยบูโพ๊ แบ่เจ่ เบ๊อะเนอ, อา กลอ แล แล๊แล เป่เฮ๊อ เป อาเตโม เด๊อ เป ซิปล่อกู เฮ๊อ.

ꤚꤥꤗꤢꤩ꤬ 8:15

เมเตเฮ๊เรอ แหย่โยบูโพ๊ แบ่เจ่ เด๊อ จอแปแหร่ เด๊อ ซี เออเนอ, อา นอโต๊โหร่ ซี, อา นอซิอิเช คยาแซ๊ ซี ฮู๊ หลู่เล๊ เนอ หม่าโต่. หม่าแน๊เรอ, แหย่โยบูโพ๊ แบ่เจ่ เมทวาแถ่ เป่โทเฮ๊อ ซี เน๊อ ซี ทวาเฮ๊อ จอแปแหร่ อา พู๊เหมาะพู๊คู อาขว่าอาคยา, อา แด่ เฮ๊อ ซี ฮู๊ อา พู๊เหมาะพู๊คู เต๊เห่เนอ เฮ๊อ. เด๊อ แหย่โยบูโพ๊ แบ่เจ่ อาขว่าอาคยาเร๊อ, เป เอ๊ จอแปแหร่ เน๊อ, “อับบา, เพ” ฮู๊ ซีเพ เน๊อซีเหน่ เตเพร เนอหม่า อาหนิ เฮ๊อ.

โครินธ์ อาเหร่อเล๊อ ต๊าบ่า 2:4

โท๊โต่ เบ๊อะแว แด๊โฉ่โด่แน เป่ ซี เบ๊อะเนอ, แว เฮ๊เบ่ อิลออี๊โหล่ น๊อ ซี เน๊อ แกแย เห่ขุพู๊ อา เตแจ่เตลีแม โตโพ๋ โต่. หม่าแน๊เรอ ซี หยื่อเอ่ แลแค เต เด๊อ แว แด๊โฉ่ เป่ ซี เออเนอ เต๊เห่, เมเตเฮ๊เรอ จอแปแหร่ อา แหย่โยบูโพ๊ เออเนอ อา โพรฉว่าชอ เร๊อ อา เด๊อะซิเงโปล เป่ ซี เร๊อ ซี หยื่อเอ่ เฮ๊อ.

ꤊꤢ꤬ꤜꤢ꤬ꤒꤤ 5:22

หม่าแน๊เรอ แหย่โยบูโพ๊ แบ่เจ่ เนอหม่า อา เด๊อะ โอ่แถ่ เตโม, เตซิครือซิลอ, อาเพรอาดือ, เตแด่ทูซิปล่อ, เตซิยอกล่าเบ่, เตตว่าเตแร๊, เตจูลาพย๊าโหง่,

โคโลสี 1:8

อา แด๊โฉ่โล เป่ เป เร๊อ แหย่โยบูโพ๊แบ่เจ่ ถู่แร ซี เด๊อ ซี เก่ โมหนิเร๊อ อู.

ꤟꤤꤙꤚꤢꤨ 2:15

โท๊โต่ เด๊อ อา ข่าเซอ เฮ๊อ อาขว่าอาคยา อา ปลวาเถ่ ปาลาแก ลอเฮ๊อ แกแย เด๊อ อา ซิอิเช เตเซอ อาเหล่ เนอเต๊เห่ เฮ๊อ. เหย่ซี เออเต๊เห่เนอ อา แซ่เฮ๊อ เน๊อ อา ทวา เตเซอ อาหลู่เล๊ เต๊เห่ เฮ๊อ, เร๊อ เป๊อแถ่ เด๊อ อา โอ่เป๊เจ่แลลู่ อาเคปา อา ซิอิเช แลแค เตเซอ อาเหล่.

เปโตร อาเหร่อเล๊อ ต๊าบ่า 1:22

กู๊แหน่เรอ เด๊อ ซี จูเอ่ เฮ๊อ จอแปแหร่ อา เตอิซว๊า อา เตหมะเตจ๊อ เต๊เห่ อาขว่าอาคยา, ซี เมโพ๊เมปลี เฮ๊อ ซี ซิปล่อ เร๊อ ซี ทวา เฮ๊อ แกแย เด๊อ อา โมหนิ หม่าแหน่ เจ๊อเฮ๊อ โป่แหว่ ครี๊พู๊ เออเต๊เห่ เฮ๊อ. เมฮู๊เนอเรอ โมลอ แคลูเน๊อ ซิปล่อซีเม เตเพร เร๊อ เตเพร นี๋.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:18

เด๊อ เตโม ฮู๊เออ อากู เนอหม่า เตต๊อหร่อเซ๊ ซิอิเช โอ่โต่. จอแปแหร่ อาเตโม เด๊อ อา เมเล๊อเมบา เป เฮ๊อ เด๊อ เปกู เออเนอ, อา เหว่เถ่แก เป่ เฮ๊อ เป เตต๊อหร่อเซ๊ ซิอิเช เนอเต๊เห่ เฮ๊อ, เมเตเฮ๊เร๊อ เตต๊อหร่อเซ๊ ซิอิเช เออเนอหมา, อา หม่าดื่อ เตเมจากาคยา แพ๊. แกแย เตเพรเพร เก่ ซิอิเช ปา ดื่อเง แพ๊ เฮ๊เนอหม่า, จอแปแหร่ อาเตโม โอ่เล๊อโอ่บา เด๊อ อากู โต่.