ทิโมธี เนอบ่า ต๊าบ่า 1:6 - ลีเทส่อพ๊าอาเซ เร๊อ เห่ขุทวาลู๊

⁶ เด๊อ เน หยื่อเอ่แหน่ ตาเตแร๊ อาขว่าอาคยา, แว เด๊อะ ซิเหน่แถ่ เน เน๊อ เน เก่ นอเอ่ แฮเงลา เน เชหยู่ เออเนอ. เบ๊อะแว แด่แถ่ แว กู๊ขุ เด๊อ เนลู เบ๊อะเนอ, จอแปแหร่ เด๊อะโทเฮ๊อ เน เชหยู่ เฮ๊อ.

Eastern Kayah Shadaw Dialect

⁶ ꤘꤣ ꤔꤢꤧ꤬ ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ ꤒꤢ꤭ꤒꤢꤩ꤬ꤚꤢꤧ ꤢ꤬ꤋꤝꤢ꤬ꤢ꤬ꤋꤛꤢ꤭, ꤠꤢꤧ꤭ ꤘꤣꤧ ꤞꤤꤔ꤫ꤢꤩ꤬ꤓꤢꤧ꤬ ꤔꤢꤧ꤬ ꤔꤢꤧ ꤔꤢꤧ꤬ ꤊ꤫ꤢꤦ꤬ ꤔꤢꤪ꤭ꤢꤩ꤬ ꤟꤢꤧ꤭ꤑꤢꤩ꤭ꤜꤢ꤭ ꤔꤢꤧ꤬ ꤏꤢ꤭ꤛ꤫ꤢꤨ꤬ ꤣꤧ꤭ꤔꤣꤧ꤬꤯ ꤙꤣꤧ ꤠꤢꤧ꤭ ꤘꤢꤧ꤬ꤓꤢꤧ꤬ ꤠꤢꤧ꤭ ꤊꤢꤨꤋꤢꤨ꤬ ꤘꤣ ꤔꤢꤧ꤬ꤜꤥ꤬ ꤢ꤬ꤋꤢꤩ꤭ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤓꤥ꤭ꤟꤣꤧ ꤔꤢꤧ꤬ ꤏꤢ꤭ꤛ꤫ꤢꤨ꤬ ꤟꤣꤧ꤯

ทิโมธี เนอบ่า ต๊าบ่า 1:6 Iomraidhean Croise

ꤜꤢꤨꤊꤢ꤬ 19:13

เบ๊อะอา เถ่จว๊า แต่ล๋ายโต่ เบ๊อะเนอ, อา เอ๊ปล๊อ อาหลู่เล๊ เพรเช๊อ. เร๊อ อา เด๊อ เหย่ซี เทบ่า เตเพร ต๊าบ่า, เร๊อ อา เฮ๊ เหย่ซี เน๊อ, ‘เบ๊อะแว โอ่โต่ เออเบ๊อะเนอ, จว๊า เมเก่เมค๊า แลแค, เมมย๊าเถ่ เกอเร๊อ แลแค โต่เด๊อ แว กาคยา ปา เนอ นี๋,’ อา เฮ๊แก เหย่ซี ฮู๊เนอ.

เพรโด่แนพู๊ เต๊เห่ 19:6

เบ๊อะคูเปาโล แด่แถ่ อากู๊ขุ เด๊อ เหย่ซี ลูอาเค, แหย่โยบูโพ๊แบ่เจ่ แฮแล เด๊อ เหย่ซีโอ่ เร๊อ เด๊อ แหย่โยบูโพ๊แบ่เจ่ อาขว่าอาคยา, เหย่ซี เฮ๊เบ่เถ่โหง่ เด๊อ อา อาโค๊ตีกลี๊ เต๊เห่ เร๊อ อา แด๊โฉ่โด่แน เป่ แลแค อู เร๊อ จอแปแหร่ อาลาอาโหง่ เต๊เห่.

เพรโด่แนพู๊ เต๊เห่ 6:6

เหย่ซี อาตู๊หมู่ตอกล๊อเออ ซูแฮ แกแยเออ โซซว๊าเตเพร เด๊อ เพรโด่แนพู๊ เต๊เห่ อา โอ่. เร๊อ อา กุยจ๊อเบ เป่ โท เหย่ซี เร๊อ อา แด่แถ่ แลแค อากู๊ขุ เด๊อ เหย่ซี เออเต๊เห่ อาโอ่.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:19

เมโอ่โก๊ แก แต่ แหย่โยบูโพ๊ แบ่เจ่ นอเมซี เด๊อซี ซิปล่อกู เนอเต๊เห่ แต่เหม่ นี๋.

ทิโมธี อาเหร่อเล๊อ ต๊าบ่า 4:14

แม๊ตาเบ๊แก แต่ แหย่โยบูโพ๊ แบ่เจ่ อาเชหยู่ เด๊อ จอแปแหร่ เด๊อะโทเฮ๊อ เนเนอ แต่เหม่ นี๋. เบ๊อะเพรหยื่อเอ่ตู๊หมู่ตอกล๊อ โหมะพรูโหมะเผร่ เด๊อ อา ทวา ทวาดุทวาเต เต๊เห่ แด่แถ่ เฮ๊อ อากู๊ขุ เด๊อ เนโอ่ เบ๊อะเนอ, เน พย๊าหนิ แฮเงเฮ๊อ เชหยู่ เออเนอ เด๊อ แกแย เฮ๊โพร หนื่ออื่อ เนหรี่เนแก เนอเต๊เห่ อา โอ่ เฮ๊อ.

ทิโมธี อาเหร่อเล๊อ ต๊าบ่า 4:6

เน เก่ อิซว๊าเป่ โป่แหว่ ครี๊พู๊ เต๊เห่ เน๊อ เตเออเต๊เห่ เฮ๊เนอหม่า เน เก่ ทวาดื่อ เหย่ซู่ครี๊ เด๊อ อาหลู่เล๊ เด๊อ อา แร๊ เตเพรปา. เบ๊อะเน เมฮู๊เนอ เบ๊อะเนอ, เน เก่ โบ่ดุแถ่ หนิ เกอดื่อ เนเหน่ เน๊อ เตหมะเตจ๊อ เด๊อ เตหยื่อเตแหน่ อากู เนอเต๊เห่ เน๊อ เตอิซว๊าอี๊แส่ อาแร๊ เด๊อ เน ครวา เมเฮ๊อ เนอเต๊เห่ ปา.

ทิโมธี เนอบ่า ต๊าบ่า 2:14

เด๊อะ ซิเหน่แถ่ คยาแซ๊ ล๋อ เพรหยื่อเอ่ เออ เนอเต๊เห่ เน๊อ เตเออเต๊เห่ นี๋. เร๊อ แซ่ฮู๊ เหย่ซี เก่เคร๊เก่แขระ เกอ เร๊อ คยาลู เร๊อ โหง่เฮ๊เบ่ เออเต๊เห่ แต่เหม่เนอ นอรอ นอเร ส่าเผร่ เหย่ซี เด๊อ แบ่เจ่ อา เป๊เส่เง เนอ นี๋. เตเนอเต๊เห่ หม่า อา เมแร๊ เต หม่าโต่. โท๊โต่ อา เมปย๊าเมหลู่ แพ๊ แกแย เด๊อ อา แฮ หนิโฮ เหย่ซี เคร๊แขระ เกอเร๊อ คยาลู เน๊อ โหง่ เนอเต๊เห่ แพ๊.

ทิโมธี เนอบ่า ต๊าบ่า 4:2

แด๊โฉ่โด่แน แลแค เตซิครือมีลา นี๋. ค๊าขิ แร๊ เบ่เบ่, ค๊าขิ แร๊โต่ เบ่เบ่, ตูรู๊ โด่แน แฮเง ตื๊อดื่อ ลาโป่ เตซิครือมีลา เออเนอ นี๋. โทเร๊อ ซิพรวาหนิ เหย่ซี นี๋, อิซว๊าอี๊แส่ แร๊กาคยา เหย่ซี นี๋, เร๊อ เด๊อะอ๊าเด๊อะเหร่ เหย่ซี, อิซว๊าอี๊แส่ เหย่ซี เน๊อ เตแด่ทูซิปล่อ เนอ นี๋.

ꤟꤤꤙꤚꤢꤨ 6:2

เตเจเทอ อาหรี่อาแก, แด่แถ่ กู๊ขุ เด๊อ อูลู เต๊เห่, เตเซอ ก๊อถ่อกาคยา, เตเมจากาคยา ตูจูเพร อาหรี่อาแก เออเต๊เห่เนอ, เป โหล่ อิซว๊า ซิเง ตื๊อดื่อ ปา เปเหน่ โต่.

เปโตร เนอบ่า ต๊าบ่า 1:12

ซี ซิเง โทเฮ๊อ เตเออเต๊เห่ เฮ๊อ. เร๊อ ซี โอ่หม่าโอ่กลอ เฮ๊อ เร๊อ เตหมะเตจ๊อ เด๊อ ซี พย๊าหนิ โทเฮ๊อ เนอเต๊เห่ หม่าแน๊เรอ ปวาโพ๊โพ๋ แว เด๊อะ ซิเหน่แถ่ คยาแซ๊ ซี เร๊อ เตหรี่เตแก เออเต๊เห่ ฮู๊เนอ แพ๊.

เปโตร เนอบ่า ต๊าบ่า 3:1

โคแบ๊ซว๊าโม ซี๋, แว ราจว๊า โป่ ซี ลี เนอบา ต๊าบ่า. ลี เนอบ่าลอ เด๊อ แว ราจว๊า เป่ ซี เออเนอหมา, แซ่ฮู๊ ซี เก่ เตเน อาโพ๊อาแปละ เกอ แลแค อู เนอเรอ, แว แอ๊จื๊อ ถู่แร ซิเหน่แถ่ คยาแซ๊ ซี เร๊อ เต เด๊อ ซี อิซว๊าโทเฮ๊อ เนอเต๊เห่ แพ๊.

ꤛꤢꤨꤘꤢ꤬ 1:5

ซี ซิเง โทลอเฮ๊อ เตเออ ล๋อ ปลี หม่าแน๊เรอ แว ซิหยื่อ เด๊อ ซิเหน่แถ่ คยาแซ๊ เกอโป่ ซี เร๊อ เร๊อ โตโพ๊เค เนอ แบ่เจ่ เมแลเปล๊ เถ่กาโทเฮ๊อ อิสราเอล พู๊ เด๊อ อียิปต์เก่. หม่าแน๊เรอ เด๊อ คยา เนอ อา เมเซอแก ลอคยาแซ๊ ล๋อ แกแย เด๊อ อา หยื่อเอ่เกอ ลู โต่ เนอ เต๊เห่.