ทิโมธี เนอบ่า ต๊าบ่า 1:5 - ลีเทส่อพ๊าอาเซ เร๊อ เห่ขุทวาลู๊

⁵ แว ซิเหน่แถ่เบ่ เน เตหยื่อเตแหน่ เด๊อ อา ตาเต โทเร๊อ เด๊อ อา หม่า เต๊อเจ๋อ โต ลู เน๊อ เนเพอ โหล่เอ่ เน๊อ เนโหมะ อู๊นี๋เก่ หยื่อเอ่ โทเฮ๊อ เนอเต๊เห่. แว หยื่อเอ่ ชาเผร่แหน่เจ เจ๊อ เน๊อ เหย่ซี เตหยื่อ เออเนอ อา โอ่เกอดื่อ เด๊อ เนกู แพ๊.

Eastern Kayah Shadaw Dialect

⁵ ꤠꤢꤧ꤭ ꤞꤤꤔ꤫ꤢꤩ꤬ꤓꤢꤧ꤬ꤙꤢꤩ꤬ ꤔꤢꤧ꤬ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤘꤣ ꤢ꤬ ꤒꤢ꤭ꤒꤢꤩ꤬ ꤓꤥ꤭ꤚꤣꤧ꤬ ꤘꤣ ꤢ꤬ ꤗ꤫ꤢ꤬ ꤒꤣ꤬ꤡꤣ꤬ꤡꤢꤦ꤭ ꤜꤢꤨ꤭ ꤔꤢꤧ ꤔꤢꤧ꤬ꤖꤣꤧ꤭ ꤜꤥꤢꤩ꤬ ꤔꤢꤧ ꤔꤢꤧ꤬ꤗ꤫ꤥ꤬ ꤢꤨꤔꤤꤊꤢꤩ꤬ ꤛ꤫ꤢꤦ꤬ꤢꤩ꤬ ꤓꤥ꤭ꤟꤣꤧ ꤔꤣꤧ꤬ꤒꤣꤧ꤬ꤟꤢꤩ꤬ ꤠꤢꤧ꤭ ꤛ꤫ꤢꤦ꤬ꤢꤩ꤬ ꤏꤢ꤭ꤖꤚ꤫ꤢꤩ꤬ꤔꤢꤧ꤬ꤡꤢꤩ꤭ ꤡꤣꤧ ꤔꤢꤧ ꤛꤢꤩ꤬ꤞꤤ꤭ ꤒꤢꤩ꤬ꤛ꤫ꤢꤦ꤬ ꤣꤧ꤭ꤔꤣꤧ꤬ ꤢ꤬ ꤥ꤬ꤊꤣꤧ꤭ꤘꤢꤦ꤬ ꤘꤣ ꤔꤢꤧ꤬ꤊꤢꤨ꤭ ꤖꤢꤧ꤯

ทิโมธี เนอบ่า ต๊าบ่า 1:5 Iomraidhean Croise

ꤛꤥ꤭ꤟꤢ꤬ 1:47

เบ๊อะเหย่ซู่ แม๊เถอะ คูนาธานาเอล แฮ เด๊อ ลูโอ่ เบ๊อะเนอ, อา เฮ๊ คูนาธานาเอล อาหรี่อาแก เน๊อ, “อา หม่า อิสราเอลพู๊ หม่าแหน่ เตเพร. อา แลโฮแลแห่ เกออู แตแค๋โต่.”

เพรโด่แนพู๊ เต๊เห่ 16:1

คูเปาโล จว๊า เป่แฮ โป่ เด๊อ เง เร๊อ อา จว๊าโต่ เด๊อ วีเตอร์บี เร๊อ วีลิสตรา. เบ๊อะวีลิสตรา อากูเนอ, แกแย หยื่อเอ่ โอ่เตเพร เด๊อ อามุย เร๊อ คูทิโมธี. เร๊อ อาโหมะ หม่า แกแยยิวพู๊ เด๊อ อา หยื่อเอ่แหน่หยื่อรี เตเพร, หม่าแน๊เรอ อาเพ หม่า แกแยกรีกเมวเจอะพู๊ เตเพร.

เพรโด่แนพู๊ เต๊เห่ 26:26

เพ คุ๊ยดุ อากริปปา, แว เฮ๊เบ่ ฮา เด๊อ เนเป๊เส่เง ฮู๊เออ เมเตเฮ๊เรอ, เน ซิเงดื่อเฮ๊อ เตหรี่เตแก เออเต๊เห่ เฮ๊อ. เมเตเฮ๊เรอ แว หยื่อเอ่ ตาเต เจ๊อ เร๊อ เน เกล๊ ซิเง โทแหน่เฮ๊อ เตหรี่เตแก เออ เฮ๊อ, เมเตเฮ๊เรอ เตหรี่เตแก เออเต๊เห่ เนอหม่า อา ทวา แถ่โห่แถ่เซ๊ หม่าโต่.

ꤚꤥꤗꤢꤩ꤬ 14:14

แว ย๋อ ทวาแถ่ เฮ๊อ เร๊อ แบ่เจ่ เหย่ซู่ เตอเจ๋อ โตเฮ๊อ อาขว่าอาคยา, แว ซิเง ตาเต เร๊อ เหล่เอ่ โอ่ดื่อ อาเหน่ เร๊อ อา อาโพ๊อาแปละ โต่เนอ อา โอ่ เตอเจ๋อ โต่. อาโพ๊อาแปละ ลอ แพ๊. หม่าแน๊เรอ เก่ เน หยื่อเอ่ เร๊อ เหล่เอ่ เต๊เห่เห่เนอ, อา โพ๊อาแปละ โต่ เก่เฮ๊เรอ เหล่เอ่เออ อา โพ๊อาแปละ เด๊อ เนเง โต่.

ꤚꤥꤗꤢꤩ꤬ 14:5

แซ่ฮู๊เนอเฮ๊อ, แกแย เต๊เห่เห่เนอ อา เตเน แลแค เน๊อ, ม๊อเนอ เต๊เห่เห่เนอ อู แด่ บูโพ๊ ข่อดื่อ ลู, หม่าแน๊เรอ เต๊เห่เห่เนอ อา เตเน แลแคเน๊อ ม๊อเนอ ล๋อ ปลี เนอ อา แซ่ลอ แพ๊ ลู. แกแย เตเพร เร๊อ เตเพร เนอ, อา เบ่ หยื่อเอ่ หม่า เตอเกล๊อ เกอ เร๊อดื่อ อา เหล่เตเน แพ๊.

ꤚꤥꤗꤢꤩ꤬ 15:14

โป่แหว่ ซี๋, แว หยื่อเอ่ ตาเต หนิ เจ๊อ ซี เร๊อ ซี โอ่เซอเพร เล๊อบา เจ๊อ เร๊อ เตตว่าเตแร๊, เร๊อ เตซิคว๊าซิเง เด๊อ อาเล๊ออาบา, เร๊อ ซี อิซว๊าอี๊แส่ แจ่ เกอเร๊อ เฮ๊อ แลแค ลู เตเพร เร๊อ เตเพร เฮ๊อ.

ꤚꤥꤗꤢꤩ꤬ 4:21

จอแปแหร่ เก่ เม ฮู๋ อา อ๊อแลเนอ ปาเนอ, อา หยื่อเอ่ลอ เจ๊อ ซิปล่อซีเมเจ๊อ.

ꤚꤥꤗꤢꤩ꤬ 8:38

เตเซอ เบ่เบ่, เตเซอเพร เบ่เบ่, ม๊อขุเตเน่วพู๊ เบ่เบ่, โลเน๊มู๊แหม่รีแจ่ เบ่เบ่, เตเมทวาแถ่ อาเหน่ กู๊แหน่เออ เต๊เห่ เบ่เบ่, ช๋า เนอปา เต๊เห่ เบ่เบ่, เตโพรเตเตอเรอ เต๊เห่ เบ่เบ่, แว หยื่อเอ่ ตาเต เร๊อ อา ท๊อเปแกแจ่ เป เร๊อ จอแปแหร่ อาเตโม โต่.

โครินธ์ เนอบ่า ต๊าบ่า 6:6

เด๊อ เป ทวา หม่าเฮ๊อ จอแปแหร่ อาหลู่เล๊ เต๊เห่ อาขว่าอาคยา, เป เด๊อะโล เป่ อู เร๊อ เป ซิปล่อ อาโพ๊อาแปละ, เป เตซิคว๊าซิเง, เป เตซิปล่อทู, เป เตซิยอเร๊อ อู เออเต๊เห่ เฮ๊อ. แหย่โยบูโพ๊ แบ่เจ่ โอ่ เด๊อ เปกู เร๊อ เป โม ลอซิปล่อสู่เทอ เจ๊อ อู เจ๊อ.

ทิโมธี อาเหร่อเล๊อ ต๊าบ่า 1:5

เตเฮ๊ตา โหง่เออ อา เหล่เซเร แม๊ชือ หม่า แซ่ฮู๊ อา เก่ ถู่แรแถ่ เตโม อาเง เนอแพ๊. เตโม เออเนอหมา อา แฮเถ่ เด๊อ แกแย ซิปล่อ เนอเต๊เห่ อากู. โทเรอ อา แฮเถ่ เด๊อ แกแย โอ่ เร๊อ เตซิเง เตแร๊ เร๊อ เตมู๊แหม่ เร๊อ อา นว๊าพย๊า เต เด๊อ อาแร๊ เนอเต๊เห่ อากู. โท๊โต่ อา แฮเถ่ เด๊อ แกแย โอ่ เร๊อ เตหยื่อเตแหน่ หม่าแหน่ เนอเต๊เห่ อากู.

ทิโมธี อาเหร่อเล๊อ ต๊าบ่า 4:6

เน เก่ อิซว๊าเป่ โป่แหว่ ครี๊พู๊ เต๊เห่ เน๊อ เตเออเต๊เห่ เฮ๊เนอหม่า เน เก่ ทวาดื่อ เหย่ซู่ครี๊ เด๊อ อาหลู่เล๊ เด๊อ อา แร๊ เตเพรปา. เบ๊อะเน เมฮู๊เนอ เบ๊อะเนอ, เน เก่ โบ่ดุแถ่ หนิ เกอดื่อ เนเหน่ เน๊อ เตหมะเตจ๊อ เด๊อ เตหยื่อเตแหน่ อากู เนอเต๊เห่ เน๊อ เตอิซว๊าอี๊แส่ อาแร๊ เด๊อ เน ครวา เมเฮ๊อ เนอเต๊เห่ ปา.

ทิโมธี เนอบ่า ต๊าบ่า 1:12

เมฮู๊เนอเรอ เด๊อ เตเออเต๊เห่ อาขว่าอาคยา, แว ข่าเบ่เฮ๊อ เตเออ เต๊เห่ เฮ๊อ. หม่าแน๊เรอ แว ซิเตเร โต่, เมเตเฮ๊เรอ, แว ซิเงเฮ๊อ เพร เด๊อ แว หยื่อเอ่ อา เออเตเพร เฮ๊อ. โทเรอ แว หยื่อเอ่เฮ๊อ เน๊อ เต เด๊อ อา เด๊อะแล เด๊อ แว กู๊ยากู เออเต๊เห่เนอ, อา เก่ โอ่ป่อหม่า หนิโต่เร๊อดื่อ เด๊อ ม๊อเนอ ตื๊อดื่อปา เนอเตอเนอ ปา.

ทิโมธี เนอบ่า ต๊าบ่า 3:15

เด๊อ เน เป๊เจ่เค เนอ, อู อิซว๊า โทเฮ๊อ เน เน๊อ ลีเทส่อพ๊า เออเนอ เฮ๊อ. แซ่ฮู๊ เน เก่ หยื่อเอ่ แบ่เจ่ เหย่ซู่ครี๊ เร๊อ เน เก่ พย๊าหนิ จอแปแหร่ อา เมแลเปล๊กา เน อาเงเนอ, ลีเทส่อพ๊าเออ เด๊อะโทเฮ๊อ เน เตลีแมลีเพ๊ เฮ๊อ.

ꤟꤤꤙꤚꤢꤨ 11:13

ล๋อ แกแย เด๊อ จอแปแหร่ อ๊อแล เด๊อ อา เก่ เด๊อะ ลู เออเต๊เห่เนอ อา หยื่อเอ่ ตื๊อดื่อหนิ จอแปแหร่ โต่ เจ๊อ เบ๊อะอา เซอ แลแค เนอเตอเนอ เจ๊อ. เต เด๊อ จอแปแหร่ อ๊อแลแก ลู เด๊อ อา เก่ เด๊อะ เหย่ซี เออเต๊เห่เนอ, อา พย๊าหนิ ล๋ายโต่, หม่าแน๊เรอ เหย่ซี แม๊เถอะ หนื่ออื่อ เหร่อ งย๋า ลาเฮ๊อ เร๊อ อา ซิครือ พย๊าฉื่อ หนื่ออื่อ เหร่อเฮ๊อ เตอ๊อแล เออเต๊เห่ เฮ๊อ. เหย่ซี อ๊อแล แลแค เร๊อ เหย่ซี หม่า อา จว๊า ทวา ซิเผระ เด๊อ อูเทออูเก่ แพ๊, เร๊อ เหย่ซี แฮ โอ่โก๊ล๊าเกอ เบ๊อะเห่ขุเออ แตแปล๊เตอเปลอฮู๊ แพ๊, อา เฮ๊ แลแค ฮู๊เนอ.

ꤟꤤꤙꤚꤢꤨ 6:9

หม่าแน๊เรอ โคแบ๊ซว๊า ซี๋, เป เฮ๊เจ๊อ ฮู๊เออ หม่าแน๊เรอ เป หยื่อเอ่เร๊อ ซี แพ๊. เป หยื่อเอ่เร๊อ หม่าแหน่ เจ๊อ เร๊อ ซี เก่ เม แพ๊ เตแร๊ เต๊เห่ ปา. เตแร๊ เออเต๊เห่เนอ, อา แฮ เด๊อ ซี พย๊าหนิเฮ๊อ เตเมแลเปล๊กา เออเนอ อา โอ่ แพ๊.

เปโตร อาเหร่อเล๊อ ต๊าบ่า 1:22

กู๊แหน่เรอ เด๊อ ซี จูเอ่ เฮ๊อ จอแปแหร่ อา เตอิซว๊า อา เตหมะเตจ๊อ เต๊เห่ อาขว่าอาคยา, ซี เมโพ๊เมปลี เฮ๊อ ซี ซิปล่อ เร๊อ ซี ทวา เฮ๊อ แกแย เด๊อ อา โมหนิ หม่าแหน่ เจ๊อเฮ๊อ โป่แหว่ ครี๊พู๊ เออเต๊เห่ เฮ๊อ. เมฮู๊เนอเรอ โมลอ แคลูเน๊อ ซิปล่อซีเม เตเพร เร๊อ เตเพร นี๋.