ทิโมธี เนอบ่า ต๊าบ่า 1:3 - ลีเทส่อพ๊าอาเซ เร๊อ เห่ขุทวาลู๊

³ แว เฮ๊บุ๊ยเฮ๊เตอเรอ จอแปแหร่ เด๊อเนเง. อา หม่า จอแปแหร่ เตเพร เด๊อ แว เม อาเต เน๊อ แว ซิปล่อ อา เหล่เตเน อาโพ๊อาแปละ ฮู๊ แว โหมะเพเพอโพ เด๊อ เด๋อ งย๊า เต๊เห่ เมโทเฮ๊อ เนอเฮ๊อ. เบ๊อะแว ซิเหน่แถ่เบ่ เน ปว๋า โตโพ๊ เบ๊อะเนอ, แว เฮ๊บุ๊ยเฮ๊เตอเรอ จอแปแหร่ เร๊อ แว กุยจ๊อเบ เด๊อ เนเง เหมาะคี๊คี๊ เหมาะเชเกลเกล เจ๊อ.

Eastern Kayah Shadaw Dialect

³ ꤠꤢꤧ꤭ ꤟꤢꤩꤙꤝꤤꤟꤢꤩꤒꤣꤧ꤬ꤚꤣꤧ꤭ ꤡꤢꤪꤗꤣꤧ꤬ꤚꤢꤧ꤬ ꤘꤣ ꤔꤢꤧ꤬ꤑꤢꤩ꤭꤯ ꤢ꤬ ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤒꤣ꤬ꤖꤚꤢꤩ꤬ ꤘꤣ ꤠꤢꤧ꤭ ꤗꤢꤩ꤬ ꤢ꤬ꤒꤢꤩ꤬ ꤔꤢꤧ ꤠꤢꤧ꤭ ꤞꤤꤕꤜꤢꤪ꤬ ꤢ꤬ ꤒꤢꤩ꤬ꤒꤣꤧ꤬ꤔꤢꤩ꤬ ꤕꤜꤤ꤭ꤖꤥ ꤟꤢꤨ ꤠꤢꤧ꤭ ꤗ꤫ꤥ꤬ꤖꤢꤩ꤭ꤖꤣꤧ꤭ꤖꤥ꤭ ꤘꤣ꤮ ꤑꤢꤔꤢꤨ꤬ ꤒꤣꤧ꤬ꤟꤢꤩ꤬ ꤗꤢꤩ꤬ꤓꤥ꤭ꤟꤣꤧ ꤔꤣꤧ꤬ꤟꤣꤧ꤯ ꤙꤣꤧ ꤠꤢꤧ꤭ ꤞꤤꤔ꤫ꤢꤩ꤬ꤓꤢꤧ꤬ꤙꤢꤩ꤬ ꤔꤢꤧ꤬ ꤕꤝꤢ꤭꤮ ꤒꤣ꤬ꤖꤥ ꤢ꤬ꤋꤢꤩ꤭ꤔꤣꤧ꤬, ꤠꤢꤧ꤭ ꤟꤢꤩꤙꤝꤤꤟꤢꤩꤒꤣꤧ꤬ꤚꤣꤧ꤭ ꤡꤢꤪꤗꤣꤧ꤬ꤚꤢꤧ꤬ ꤚꤣꤧ꤬ ꤠꤢꤧ꤭ ꤊꤝꤤ꤭ꤡꤢꤪꤙꤢꤩ꤭ ꤘꤣ ꤔꤢꤧ꤬ꤑꤢꤩ꤭ ꤗ꤫ꤢꤪ꤬ꤋꤤꤋꤤ ꤗ꤫ꤢꤪ꤬ꤞꤤ꤭ꤊꤜꤢꤩ꤭ꤊꤜꤢꤩ꤭ ꤡꤣꤧ꤯

ทิโมธี เนอบ่า ต๊าบ่า 1:3 Iomraidhean Croise

ꤜꤢꤨꤊꤢ꤬ 2:37

อาเว เซอแก ลูเหล่ เร๊อ อา โอ่แคร๊แก เร๊อดื่อ แพ๊. กู๊แหน่เรอ อาหน่า โอ่ เฮ๊อ เชอลุยซว๊า เร๊อ ลุยหน่า เฮ๊อ. อา เถ่จว๊า โตโพ๋ โต่, อา โอ่แพ๊ เบ๊อะเตหลู่แตโฮกูเนอ แพ๊. อา จ๊อบู่จ๊อเบแถ่ จอแปแหร่ เด๊อ เตเตหลู่แตโฮกู เหมาะคี๊คี๊ เหมาะเชเกลเกล เจ๊อ, โท๊โต่ อา โด่เอ่ เหล่เอ่เหล่โอ เร๊อ อา กุยจ๊อเบ ปวาเนอปวาเซ เจ๊อ.

เพรโด่แนพู๊ เต๊เห่ 22:3

“แว หม่า แกแยยิวพู๊ เตเพร, แว กาโอ่เป๊เจ่แล เด๊อ วีทาร์ชัส, เด๊อ ชิลีเซียเก่ อา เตเป๊ออาเล, หม่าแน๊เรอ แว ดุแถ่ เด๊อ วีเยรูซาเล็ม. คูกามาลิเอล หม่า แว ซ๊าร๊า เร๊อ อา อิซว๊า ตาเต แหน่เจ๊อ แว เร๊อ เตซว๊าเตแส่ เด๊อ โหมะเพเพอโพ เด๋อ งย๊าเค เต๊เห่ ครวาเมเกอ โทเฮ๊อ เนอเต๊เห่. แว ซิปล่อฉว่า เมลอซิปล่อชีเม แหน่ ลอ เจ๊อ จอแปแหร่ อา เตเอ่เตแร แซ่เน๊อ ซี เด๊อ อา โอ่ เบ๊อะเออ เต๊เห่ ปวาเพร ซิปล่อฉว่า แหน่เจ๊อ กู๊แหน่ เออเนอเฮ๊อ.

เพรโด่แนพู๊ เต๊เห่ 23:1

คูเปาโล แม๊จว๊าโต แกแยยิวพู๊ เด๊อ อา ทวาดุทวาเต เออเต๊เห่ เร๊อ อา เฮ๊ เหย่ซี เน๊อ, “แว โป่แหว่ ซี๋, เด๊อ แว ซิปล่อกูเนอ อา เด๊อะโล แว เร๊อ แว เตโอ่เซอเพร เด๊อ จอแปแหร่ อา เป๊เส่เงเออ, โต่กู๊แหน่เนอ, อาโพ๊อาแปละ เล๊อบา ลอปลี แพ๊.”

เพรโด่แนพู๊ เต๊เห่ 24:14

หม่าแน๊เรอ, แว อ๊อแล เน๊อ แว จ๊อบู่จ๊อเบแถ่ เป โหมะเพเพอโพ เด๋อ งย๊าเค เต๊เห่ อา จอแปแหร่, เร๊อ หม่า เด๊อ แว โครครวา แกล๊ เด๊อ แบ่เจ่ เด๊อะโล เออเนอ เร๊อ เหย่ซี เฮ๊ แลแค แว เร๊อ แวหยื่อแวแหน่ ซื๊อเฮ๊อ เตเฮ๊อ, อา เฮ๊ แลแค ฮู๊เนอ. ล๋อ คูโมเสส อา เตซว๊าเตแส่ เด๊อ อา ราหนื่ออื่อ เหร่อ เต๊เห่เน๊อ เร๊อ ล๋อ เพรโพร อาลี เต๊เห่เนอ, แว หยื่อเอ่ เกอ ลอ แพ๊แพ๊.

เพรโด่แนพู๊ เต๊เห่ 24:16

แซ่ฮู๊ แว ซิปล่อ อา เตเตเนเออ อา เก่ โพ๊แปละ เด๊อ จอแปแหร่ เน๊อ แกแยเห่ขุพู๊ อา เป๊เส่เง เนอ, แว แอ๊จื๊อ เมเต อาแร๊ ตื๊อดื่อ ปว๋า โตโพ๊ เจ๊อ.

เพรโด่แนพู๊ เต๊เห่ 26:4

“เป๊อแถ่ เด๊อ แว เป๊เจ่เค, เบ๊อะแว โอ่ เร๊อดื่อ เด๊อ แว เก่กู อาเค, เร๊อ เด๊อคยาเนอ แว จว๊าโอ่ เด๊อ วีเยรูซาเล็ม เร๊อ แว โอ่เซอเพร แคร๋ ฮู๊เตเนอ, แกแยยิวพู๊ เต๊เห่ ซิเงลอ ดื่อเฮ๊อ ปว๋า เตเพร.

เพรโด่แนพู๊ เต๊เห่ 27:23

เมเตเฮ๊เรอ, เออเตเซ, จอแปแหร่ เด๊อ แว ทวาเฮ๊อ อาเต เร๊อ แว เมเฮ๊อ อาเตเม เออเตเพร อา เตเน่วม๊อขุ แฮ ก๊อถ่อโอ่ เด๊อ แว ช๊า,

ꤚꤥꤗꤢꤩ꤬ 9:1

แว เร๊อ ครี๊ ลอ ทวาแถ่ เฮ๊อ ลู เตอเจ๋อ โต เฮ๊อ อาขว่าอาคยา, แว เฮ๊เบ่จ๊อเฮ๊เบ่เต แพ๊ ซี แพ๊. แว แลโฮ ซี โต่. แหย่โยบูโพ๊ แบ่เจ่ เป๊อหนิ ซูหนิ แว ซิปล่อเออ, เร๊อ แว ซิปล่อเออ อา เฮ๊หม่าเฮ๊กลอจว่า เกอโป่ เร๊อ แว เฮ๊เบ่ เตเออเนอหม่า อาโต แพ๊.

โครินธ์ เนอบ่า ต๊าบ่า 1:12

หม่าเมเตเรอ เป เฮ๊เบ่แถ่โล บื่อ เปโหง่ เฮ๊เรอ, เด๊อ เป ซิปล่อกูเออ เป ซิเง ตาเต เร๊อ เป เมซื๊อเมปล๊า, เป เฮ๊ซื๊อน๊อ อู เตเพร่ว โต่, โท๊โต่ เป แด่ จ๊อจื้อแพ๊ เป ซิปล่อสู่เทอ เด๊อ ซีขุ แพ๊. เป เมฮู๊เออ เนอหม่า หม่า เด๊อ จอแปแหร่ อาบุ๊ยอาเตอเรอ อา เตโพร อาขว่าอาคยา แพ๊, หม่าเด๊อ แกแย เห่ขุพู๊ อา เตลีแมลีเพ๊ อาขว่าอาคยา เนอ หม่าโต่.

ꤊꤢ꤬ꤜꤢ꤬ꤒꤤ 1:14

โทเรอ ฮู๊ แกแยยิวพู๊ เต๊เห่ อา เตจ๊อบู่จ๊อเบ เหล่โกลเหล่แบ่ โอ่เนอ, แว แม๊ปูซิเง แจ่เล๊อ เร๊อ แกแยยิวพู๊ เด๊อ อาหน่า ครือแน เร๊อ แว เนอเต๊เห่ เด๊อ เงเจ๊อ, โท๊โต่ เด๊อ แว โหมะเพเพอโพ หม่าเฮ๊อ แกแยยิวพู๊ อาเหล่โกล เต๊เห่ อาเงเนอ, แว ซิปล่อฉว่า แหน่เจ๊อเจ๊อ.

เอเฟซัส 1:16

แว เฮ๊บุ๊ยเฮ๊เตอเรอ จอแปแหร่ เด๊อ ซิเงเนอ, อา แลตือเป่ปา เจ๊อ โตโพ๊ โต่. แว กุยจ๊อเบ บ๊อเกเต๊ เบ่เบ่เนอ, แว ซิเงแถ่เบ่ โต่ ซี.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:10

แซ่ฮู๊ เป เก่ แม๊เถอะ ตาฉื่อเบ๊ คยาแซ๊ เร๊อ ซี เร๊อ เป เก่ เมจว่า เอ๊แถ่โป่ ซี เตหยื่อ เด๊อ อา โหล่ เต๊เห่เนอเรอ, เป กุยจ๊อเบ เหมาะคี๊คี๊ เหมาะเชเกลเกล เจ๊อ.

ทิโมธี อาเหร่อเล๊อ ต๊าบ่า 1:19

เร๊อ ปื่อหม่าหนิ เน เตหยื่อเตแหน่ เน๊อ เน ซิปล่อ อา เหล่เตเน อาโพ๊อาแปละ เนอเต๊เห่ นี๋. แกแย เต๊เห่เห่เนอ, อา ปลวาแก แลแค อาเต เออเต๊เห่ อาขว่าอาคยา อา เตหยื่อเตแหน่ ปย๊าแก ลอ แพ๊.

ทิโมธี อาเหร่อเล๊อ ต๊าบ่า 1:5

เตเฮ๊ตา โหง่เออ อา เหล่เซเร แม๊ชือ หม่า แซ่ฮู๊ อา เก่ ถู่แรแถ่ เตโม อาเง เนอแพ๊. เตโม เออเนอหมา อา แฮเถ่ เด๊อ แกแย ซิปล่อ เนอเต๊เห่ อากู. โทเรอ อา แฮเถ่ เด๊อ แกแย โอ่ เร๊อ เตซิเง เตแร๊ เร๊อ เตมู๊แหม่ เร๊อ อา นว๊าพย๊า เต เด๊อ อาแร๊ เนอเต๊เห่ อากู. โท๊โต่ อา แฮเถ่ เด๊อ แกแย โอ่ เร๊อ เตหยื่อเตแหน่ หม่าแหน่ เนอเต๊เห่ อากู.

ทิโมธี อาเหร่อเล๊อ ต๊าบ่า 5:5

เพรเหมาะ เตเพร เด๊อ อา โอ่แคร๊ หม่าแหน่ เร๊อ อู เพรแม๊เพรตุ ลู โอ่โต่ เตเพรเนอ, อา แม๊ชือ อา เตเมจว่า เด๊อ จอแปแหร่ อา โอ่. โทเรอ เหมาะคี๊คี๊ เหมาะเชเกลเกล อา กุยจ๊อเบ โตโมโม เจ๊อ. โท๊โต่ อา กุยซิยอ จอแปแหร่ เร๊อ อา เก่ เมจว่า ลู.

ทิโมธี เนอบ่า ต๊าบ่า 1:5

แว ซิเหน่แถ่เบ่ เน เตหยื่อเตแหน่ เด๊อ อา ตาเต โทเร๊อ เด๊อ อา หม่า เต๊อเจ๋อ โต ลู เน๊อ เนเพอ โหล่เอ่ เน๊อ เนโหมะ อู๊นี๋เก่ หยื่อเอ่ โทเฮ๊อ เนอเต๊เห่. แว หยื่อเอ่ ชาเผร่แหน่เจ เจ๊อ เน๊อ เหย่ซี เตหยื่อ เออเนอ อา โอ่เกอดื่อ เด๊อ เนกู แพ๊.

ทิโมธี เนอบ่า ต๊าบ่า 3:15

เด๊อ เน เป๊เจ่เค เนอ, อู อิซว๊า โทเฮ๊อ เน เน๊อ ลีเทส่อพ๊า เออเนอ เฮ๊อ. แซ่ฮู๊ เน เก่ หยื่อเอ่ แบ่เจ่ เหย่ซู่ครี๊ เร๊อ เน เก่ พย๊าหนิ จอแปแหร่ อา เมแลเปล๊กา เน อาเงเนอ, ลีเทส่อพ๊าเออ เด๊อะโทเฮ๊อ เน เตลีแมลีเพ๊ เฮ๊อ.

ꤟꤤꤙꤚꤢꤨ 13:8

เหย่ซู่ครี๊ เออเนอ, ป่าเฮ๊หนื่อ เบ่เบ่, เออเตอเนอ เบ่เบ่, ป่าโรปา เบ่เบ่, อา แต๊แกละแจ่ โต่, โอ่เหล่โกลโกล๋ แพ๊.