เธสะโลนิกา เนอบ่า ต๊าบ่า 1:3 - ลีเทส่อพ๊าอาเซ เร๊อ เห่ขุทวาลู๊

³ โป่แหว่ ครี๊พู๊ ซี๋, เป ซิเงแถ่เบ่ ซี เบ๊อะเกเต๋ เบ่เบ่ เนอ, เป เบ่ เฮ๊บุ๊ยเฮ๊เตอเรอ เจ๊อ จอแปแหร่ เด๊อ ซีเง ปว๋า โตโพ๊ เจ๊อ, เมเตเฮ๊เรอ ซี เตหยื่อเตแหน่ เร๊อ ซี เตโมเร๊อ ลู เตเพร เร๊อ เตเพร เนอ, อา ดุแถ่ เร๊อ ดุแถ่ อาขว่าอาคยา, เป โตเบ่ เฮ๊บุ๊ยเฮ๊เตอเรอ แหน่ เฮ๊อ.

Eastern Kayah Shadaw Dialect

³ ꤕ꤫ꤥ꤬ꤠ꤫ꤢꤧ꤬ ꤋꤚꤤꤖꤢꤨ ꤞꤤ꤭꤮, ꤕꤢꤩ꤬ ꤞꤤꤔ꤫ꤢꤩ꤬ꤓꤢꤧ꤬ꤙꤢꤩ꤬ ꤞꤤ꤭ ꤙꤢꤪꤋꤢꤩ꤭ꤒꤢꤩ꤭꤮ ꤙꤢꤩ꤬ꤙꤢꤩ꤬ ꤔꤣꤧ꤬, ꤕꤢꤩ꤬ ꤙꤢꤩ꤬ ꤟꤢꤩꤙꤝꤤꤟꤢꤩꤒꤣꤧ꤬ꤚꤣꤧ꤭ ꤡꤣꤧ ꤡꤢꤪꤗꤣꤧ꤬ꤚꤢꤧ꤬ ꤘꤣ ꤞꤤꤑꤢꤩ꤭ ꤕꤝꤢ꤭꤮ ꤒꤣ꤬ꤖꤥ ꤡꤣꤧ, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤞꤤ꤭ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤔꤢꤧ ꤞꤤ꤭ ꤒꤢꤩ꤬ꤗꤥ꤬ꤚꤣꤧ ꤜꤢꤨ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤔꤣꤧ꤬, ꤢ꤬ ꤘꤢꤨ꤬ꤓꤢꤧ꤬ ꤔꤢꤧ ꤘꤢꤨ꤬ꤓꤢꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤕꤢꤩ꤬ ꤒꤥ꤭ꤙꤢꤩ꤬ ꤟꤢꤩꤙꤝꤤꤟꤢꤩꤒꤣꤧ꤬ꤚꤣꤧ꤭ ꤔꤢꤧ꤭ ꤟꤣꤧ꤯

เธสะโลนิกา เนอบ่า ต๊าบ่า 1:3 Iomraidhean Croise

ꤜꤢꤨꤊꤢ꤬ 15:32

หม่าแน๊เรอ เน โป่เพรคู เออเนอ อาแซ่เน๊อ อา เซอโทเฮ๊อ เร๊อ กู๊แหน่เออ อา เซอเพร กาคยา เนอเฮ๊อ, อาแซ่เน๊อ อา โอ่เหม่ เร๊อ แม๊เถอะ กาคยา คยาแซ๊ อา เออเตอเนอ เนอเฮ๊อ อาขว่าอาคยา, เป โตเบ่ เมป่วยเมลา เกอเร๊อ อา, เร๊อ เป โตเบ่ ซิครือซิลอ โอ่ปล๊อโอ่ปลูโหร่ลู กอกอ.’”

ꤜꤢꤨꤊꤢ꤬ 17:5

เพรโด่แนพู๊ เต๊เห่ แด๊โฉ่ แบ่เจ่ เน๊อ, “เมชอแถ่ เป่ เป เตหยื่อ.”

ꤛꤥ꤭ꤟꤢ꤬ 15:2

แท๊ทือแพ เด๊อ อา จิจือหมะ เร๊อ แว เร๊อ อาเส่อาโพ เถ่โต่ เต๊เห่เนอ, อา เก่ ปาแก ลอ ปา. อาแพ เด๊อ อาเส่อาโพเถ่ เต๊เห่เนอ เบ่เบ่, แซ่ฮู๊ อา เก่ เส่เถ่ เอ๊แถ่โป่ อาเงเนอ อา กล๊าแก แลเก่ อาแพ เต๊เห่.

ꤚꤥꤗꤢꤩ꤬ 1:8

เด๊อ เหย่ซู่ครี๊ อาขว่าอาคยาเรอ, แว เฮ๊บุ๊ยเฮ๊เตอเรอ เหร่อเล๊อ เฮ๊อ แว จอแปแหร่ เด๊อ ซี ล๋อ ปลี อาเง เฮ๊อ, เมเตเฮ๊เรอ ซี เตหยื่อเตแหน่ เออเนอ, อู หนิโฮ ลอเฮ๊อ เห่ขุ ต๊าบ่า เฮ๊อ.

โครินธ์ อาเหร่อเล๊อ ต๊าบ่า 1:4

เด๊อ เหย่ซู่ครี๊ อาขว่าอาคยาเร๊อ, จอแปแหร่ เด๊อะตาเฮ๊อ ซี อาบุ๊ยอาเตอเรอ เฮ๊อ. เด๊อ อา เด๊อะ ซี ฮู๊เออ อาขว่าอาคยา, แว เฮ๊บุ๊ยเฮ๊เตอเรอ เป่ ซี จอแปแหร่ ปว๋า โตโพ๊ เจ๊อ.

โครินธ์ เนอบ่า ต๊าบ่า 10:15

ฮู๊เนอเรอ เป เฮ๊เบ่ถู่เซ๊ เกอเร๊อ เกอ เน๊อ เปเหน่ เร๊อ เตเม เด๊อ อูโร เมทวาแถ่ เหร่อโทเฮ๊อ เนอเต๊เห่ อาหรี่อาแก โต่. หม่าแน๊เรอ เป แม๊ชือ โค๊ดื่อ เร๊อ ซี เตหยื่อ เก่ ชอแถ่, โท๊โต่ เป แฮเม เตเม เด๊อ ซีเกล เออ เก่ ดุแถ่ทูแถ่ เร๊อ ทูแถ่ โป่ เด๊อ เง ตากยา อาเง เนอแพ๊.

เอเฟซัส 5:20

อิเตเต๋ อาเง เบ่เบ่, เด๊อ เป แบ่เจ่ เหย่ซู่ครี๊ อามุย อาขว่าอาคยา, ตูรู๊ เฮ๊บุ๊ยเฮ๊เตอเรอ เปเพ จอแปแหร่ ปว๋า โตโพ๊ นี๋.

ฟีลิปปี 1:7

แว ย๋อ โม แหน่เจ๊อ ซี อาขว่าอาคยา, แว เตเน ซีหรี่ซีแก ฮู๊เออเนอหม่า อาโต แพ๊. เบ๊อะแว โอ่ปา เด๊อ ทอกู อาเคเออเนอ เบ่เบ่, เบ๊อะแว โต เฮ๊เบ่ เตเก ตาตือ ฉื่อบี๊ เกอเร๊อ แว เตซิครือมีลา เร๊อ แว โต เฮ๊เบ่ หม่ากลอ ฉื่อ เกอเร๊อ แว เตซิครือมีลา อาเคเออเนอ เบ่เบ่, จอแปแหร่ เมแร๊ แหน่เจ๊อ เป เร๊อ อา เด๊อะตา โค๊ดื่อ เป เตเม เด๊อ เป เก่ เมโหร่ลู เต เร๊อ เล แด๊โฉ่โด่แน เป่ อู เร๊อ เตซิครือมีลา.

ฟีลิปปี 1:9

แซ่ฮู๊ ซี เตโม เกอเร๊อ ลู เตเพร เร๊อ เตเพร เออ, อา เก่ ฉว่าแถ่ เร๊อ ฉว่าแถ่, โท๊โต่ แซ่ฮู๊ ซี เก่ ซิเงแฮ เอ๊แถ่ เร๊อ เอ๊แถ่ โป่ แลแค โท๊โต่ แซ่ฮู๊ ซี เก่ ซิเง ลีแมลีเพ๊ แลแค เต เด๊อ อาซื๊อ เร๊อ อาโต เต๊เห่ อาเงเนอเรอ, แว กุยจ๊อเบ เป่ เด๊อ ซีเง แพ๊.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:12

แบ่เจ่ เก่ เมเอ๊แถ่ เป่ดื่อ ซี เตโมหนิ ลู เร๊อ, ซี เก่ โม หนิ ซิปล่อ เตเมจือ เกอเร๊อลู เตเพร เร๊อ เตเพร, โทเร๊อ ซี เก่ โมเอ๊แถ่ หนิเกอโป่ แกแย เด๊อ อาโร เต๊เห่ แซ่เน๊อ เป โมหนิเร๊อ ซีเนอ นี๋.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:6

หม่าแน๊เรอ กู๊แหน่เออ คูทิโมธี โอ่ เด๊อ ซีโอ่ เร๊อ อา กาโต่ คยาแซ๊เฮ๊อ เด๊อ เปโอ่ เฮ๊อ. เร๊อ อา กา โด่แน เป่ เป เร๊อ เตหรี่เตแก เด๊อ อา โม เต๊เห่. อา เฮ๊โล เป่ เป เร๊อ ซี เตหยื่อเตแหน่ เร๊อ ซี เตโม เต๊เห่ อาหรี่อาแก. โท๊โต่ อา เฮ๊โล เป่ เป เร๊อ ซี ซิเงแถ่เบ่ เป ปว๋า โตโพ๊ เจ๊อ, เร๊อ ซี โอ่ เร๊อ เตซิครือซิลอ. โท๊โต่ ซี ซิหนิโส่ แม๊เถอะเกอ แหน่เจ๊อ เป ฮู๊ เป ซิหนิโส่ แม๊เถอะ ซีเนอ, อา โด่แนโล เป่ เป ฮู๊เนอ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:9

เด๊อ ซี ขว่าคยาเรอ, เป เฮ๊บุ๊ยเฮ๊เตอเรอ แหน่เจ๊อ เป จอแปแหร่ เร๊อ เป ซิครือซิลอ หม่าแหน่ เจ๊อ เด๊อ อา เป๊เส่เง เจ๊อ. เร๊อ เป ซิครือซิลอ เฮ๊บุ๊ยเฮ๊เตอเรอ จอแปแหร่ เออเนอ, อา ก๊อ เป่ ปา เจ๊อ โต่.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:1

โป่แหว่ ซี, เด๊อ คยาเล๊อเนอ, ซี โตเบ่ โอ่เซอเพร โต เร๊อ จอแปแหร่ อาซิปล่อ ฮู๊เตเนอ, เป อิซว๊า โทเฮ๊อ ซี เฮ๊อ. เร๊อ กู๊แหน่เออ ซี โอ่เซอเพร เนอหม่า อา หม่าเฮ๊อ. กู๊แหน่เออ เป กุยซิยอ ซี เร๊อ เป ครอครวาเกอ ซีคยา เด๊อ แบ่เจ่ เหย่ซู่ อาเหล่โอ่ เนอ, ซี เก่ เม แฮเง เอ๊แถ่เอ๊แถ่ โป่ ฮู๊เนอ.

เธสะโลนิกา เนอบ่า ต๊าบ่า 2:1

โป่แหว่ ครี๊พู๊ ซี๋, แว ซิหยื่อ แด๊โฉ่โล เป่ ซี เร๊อ ช๋า แบ่เจ่ เหย่ซู่ครี๊ แฮ เบ๊อะเนอ ปา อาหรี่อาแก เร๊อ เป เก่ กาโอ่ปล๊อ เต่อคยาลู เด๊อ อา โอ่ ปา อาหรี่อาแก เออเนอ แพ๊.

เธสะโลนิกา เนอบ่า ต๊าบ่า 2:13

โป่แหว่ ซี๋, ซี หม่า แกแย เด๊อ แบ่เจ่ โมหนิเร๊อ ซีเต๊เห่ เร๊อ เป เบ่ เฮ๊บุ๊ยเฮ๊เตอเรอ จอแปแหร่ เด๊อ ซีเง ปว๋า โตโพ๊ เจ๊อ, เมเตเฮ๊เรอ แซ่ฮู๊ ซี เก่ พย๊าหนิ เกอ เตเมแลเปล๊กา อาเงเนอ, จอแปแหร่ นว๊าแถ่ หนื่ออื่อ โทเฮ๊อ ซี เด๊อ กูลู่เค ปาเนอ เจ๊อ เฮ๊อ. เด๊อ แหย่โยบูโพ๊ แบ่เจ่ เมบูโพ๊ เฮ๊อ ซี เร๊อ ซี หยื่อเอ่ เตหมะเตจ๊อ อาขว่าอาคยา, จอแปแหร่ เมแลเปล๊กา ซี เฮ๊อ.

เปโตร อาเหร่อเล๊อ ต๊าบ่า 1:22

กู๊แหน่เรอ เด๊อ ซี จูเอ่ เฮ๊อ จอแปแหร่ อา เตอิซว๊า อา เตหมะเตจ๊อ เต๊เห่ อาขว่าอาคยา, ซี เมโพ๊เมปลี เฮ๊อ ซี ซิปล่อ เร๊อ ซี ทวา เฮ๊อ แกแย เด๊อ อา โมหนิ หม่าแหน่ เจ๊อเฮ๊อ โป่แหว่ ครี๊พู๊ เออเต๊เห่ เฮ๊อ. เมฮู๊เนอเรอ โมลอ แคลูเน๊อ ซิปล่อซีเม เตเพร เร๊อ เตเพร นี๋.

เปโตร เนอบ่า ต๊าบ่า 1:13

เบ๊อะแว โอ่เซอเพรปา เบ๊อะเนอ, แว ถู่แร ซิเหน่แถ่ คยาแซ๊ ซี เร๊อ เตหรี่เตแก เออเต๊เห่ หม่า แว เตเน เน๊อ อาโต แพ๊.

เปโตร เนอบ่า ต๊าบ่า 3:18

หม่าแน๊เรอ, ดุแถ่ แฮเงโป่ แลแค เด๊อ เตบุ๊ยดุเตอเรอทู อากู เร๊อ เด๊อ เตซิเง เพร เด๊อ อา เมแลเปล๊กา เป หม่าดื่อ เป แบ่เจ่ เหย่ซู่ครี๊ เออ อากู นี๋. กู๊แหน่เออ ตาแฮเงเนอ, อู เก่ ถู่เซ๊แถ่ ดื่อ เป แบ่เจ่ เหย่ซู่ครี๊ ตูจูเพร แตแลเคร๊ นี๋. อาเมน.