เปโตร เนอบ่า ต๊าบ่า 2:3 - ลีเทส่อพ๊าอาเซ เร๊อ เห่ขุทวาลู๊

³ ซ๊าร๊า กลว่าแลโฮ อาเหน่ เออเต๊เห่เนอ, เด๊อ อา เตแม๊ปู กู๊หว่ากู๊เว เอ่หนิเร๊อดื่อ อาเง เร๊อ อา แด๊ แลโฮแจ่ เป่ ซี เตโด่แน เด๊อ อู แด๊แจ่ เนอเต๊เห่ อาขว่าอาคยา, เร๊อ อา แม๊ปู เมเอ่เฉ่เด๊อะ ซีขุ ปา. เพร เด๊อ อา เก่ เมจากาคยา เหย่ซี เนอ อา โอ่ตี๊หรี่แตแร หนื่ออื่อ อาเหน่ อางยา ลาเฮ๊อ, โทเรอ เด๊อ อา เก่ เมปย๊าแก เหย่ซี อาเงเนอ อา โอ่มอ ตาปา น๊อโต่.

Eastern Kayah Shadaw Dialect

³ ꤞꤢꤚꤢ ꤊꤜꤝꤢ꤬ꤜꤣꤧ꤬ꤟꤥ꤭ ꤢ꤬ꤔ꤫ꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤘꤣ ꤢ꤬ ꤒꤢꤩ꤬ꤗꤢꤧꤕꤢꤨ꤭ ꤊꤢꤨꤠ꤫ꤢ꤬ꤊꤢꤨꤠꤢꤩ꤭ ꤢꤩ꤬ꤚꤣꤧꤘꤢꤦ꤬ ꤢ꤬ꤑꤢꤩ꤭ ꤔꤢꤧ ꤢ꤬ ꤘꤢꤧ ꤜꤣꤧ꤬ꤟꤥ꤭ꤡ꤫ꤢꤧ꤬ ꤕ꤫ꤢꤩ꤬ ꤞꤤ꤭ ꤒꤢꤩ꤬ꤘꤥ꤬ꤔꤢꤧ꤭ ꤘꤣ ꤢꤨ꤭ ꤡ꤫ꤢꤧ꤬ꤘꤢꤧꤊꤢꤧ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤚꤣꤧ꤬ ꤢ꤬ ꤗꤢꤧꤕꤢꤨ꤭ ꤗꤢꤩ꤬ꤢꤩ꤬ꤏꤢꤩ꤬ ꤘꤣ ꤞꤤ꤭ꤋꤢꤨ꤬ ꤕꤢ꤭꤯ ꤖꤚꤢꤩ꤬ ꤘꤣ ꤢ꤬ ꤊ꤫ꤢꤦ꤬ ꤘꤣꤧꤡꤢ꤭ ꤛꤢꤩ꤬ꤞꤤ꤭ ꤔꤣꤧ꤬ ꤢ꤬ ꤥ꤬ꤒꤣꤧ꤬ꤚꤤ꤬ꤒꤣꤧ꤬ꤚꤢꤧ꤭ ꤥ꤬ꤔꤢꤩ꤬ ꤢ꤬ꤔ꤫ꤢꤩ꤬ ꤑꤢ꤭ꤜꤥ꤬ꤟꤣꤧ, ꤓꤥ꤭ꤚꤣꤧ꤬ ꤘꤣ ꤢ꤬ ꤊ꤫ꤢꤦ꤬ ꤗꤢꤩ꤬ꤕꤛꤢꤊꤢꤧ꤭ ꤛꤢꤩ꤬ꤞꤤ꤭ ꤢ꤬ꤑꤢꤩ꤭ꤔꤣꤧ꤬ ꤢ꤬ ꤥ꤬ꤗꤣꤧ꤭ ꤒꤣꤧ꤬ꤕꤢ꤬ ꤒꤥ꤬꤯

เปโตร เนอบ่า ต๊าบ่า 2:3 Iomraidhean Croise

มัทธิว 23:14

แกแยยิวพู๊ อา เพรอิซว๊า เตซว๊าเตแส่ อาซ๊าร๊า ซีเต๊เห่ เร๊อ ฟาริสีพู๊ ซี๋, เตหร่าเตดวา เก่ เบ่ ดื่อ ซี ปา. ซีหม่า แกแย เด๊อ เกล แอ๊จ๊อแอ๊เต อาเหน่ เต๊เห่, เมเตเฮ๊เรอ ซี จว๊า พย๊าเผ่ แก ลอ เพรเหมาะโอ่แคร๊ อาหี่ เน๊อ ตาหมื่อ ตาเต เต๊เห่, เร๊อ แซ่ฮู๊ อู เก่ แม๊เถอะ ซีฮู๊ แกแยจ๊อ แกแยเต เต๊เห่เนอเรอ ซีกุย จ๊อเบทู ฮู๊เนอเรอ จอแปแหร่ เก่ เมจากาคยา จาเล๊อ เจ๊อ ซี เร๊อ อู ปา.

ꤜꤢꤨꤊꤢ꤬ 18:8

แว เฮ๊ ซี, จอแปแหร่ เก่ เด๊อะจ๊อเต แพรแพร เป่ เหย่ซี ปา. หม่าแน๊เรอ เบ๊อะแกแยพู๊คู หม่าเฮ๊อ แวเออ แฮ ปา เบ๊อะเนอ, เด๊อ เห่ขุเออ ปา แว แม๊เถอะ แม๊ปู แกแย เต๊เห่ เก่ โอ่ปา แลแค เร๊อ เตหยื่อเตแหน่ ปา แอ?”

ꤜꤢꤨꤊꤢ꤬ 20:20

ฮู๊เนอ อาขว่าอาคยา, แซ่ฮู๊ เหย่ซี เก่ ปื่อหนิ เหย่ซู่ เตเฮ๊เบ่ซื๊อโหง่ เต๊เห่, โท๊โต่ แซ่ฮู๊ เหย่ซี เก่ ปื่อซูจว๊าแก ลู เด๊อ โรมัน คุ๊ยซีซาร์ เด๊อ อา โอ่ เร๊อ อา เตอเรอฉว่าชอ เร๊อ อา เตโพรเตเตอเรอ เออเตเพร อา กู๊ยากู อาเงเนอปา, เหย่ซี โอ่ป่อแม๊ เบ๊อะตาโตตาเบ่ เร๊อ อา นอจว๊า เพรทื๊อแม๊ เต๊เห่ อา เกล๊เมโข่ อาเหน่ ฮู๊ แกแยจ๊อจื้อ เต๊เห่เนอ เร๊อ เหย่ซี เก่ แด๊เฮอ โข่ แลแค เหย่ซู่ โหง่ เต๊เห่.

ꤜꤢꤨꤊꤢ꤬ 22:47

เบ๊อะแบ่เจ่ เหย่ซู่ เฮ๊เบ่ ปาแพ๊ เบ๊อะเนอ, แกแย เบ๊หมู่ ตู๊หมู่ แฮโต่. คูยูดาส เด๊อ อา โคเจ่ เช๊อซิเนอ อาเกล เออเตเพรเนอ, อา ซูแฮ เหย่ซี เด๊อ เหย่ซู่ อา โอ่, โทเรอ อา แฮโต เหย่ซู่ เร๊อ อา แฮโนมื๊อ ลู.

ꤛꤥ꤭ꤟꤢ꤬ 2:16

โทเรอ อา เฮ๊ แกแย อิเช ถู่หลุ่ย เนอเต๊เห่ เน๊อ, “จอเถ่ ตาพาแก ลอ เออเต๊เห่. นอทวาแถ่ แต่ แวเพ อาหี่ เออเนอ เร๊อ เกล๊กู แต่เหม่.”

ꤚꤥꤗꤢꤩ꤬ 16:18

เมเตเฮ๊เรอ แกแย ฮู๊เนอ เต๊เห่ หม่า อา เม แบ่เจ่ ครี๊ อาเตเม หม่าโต่. โท๊โต่ อา ลือเมโม เมเป่ หนิแลแค อาซิปล่อ เกอเร๊อ แลแค อาเหน่กล่อ อา เตซิหยื่อซิลอ เต๊เห่ แพ๊. อา เฮ๊เบ่โม เฮ๊เบ่แจ่ อู, ถู่เซ๊หนิ อู เร๊อ เหย่ซี อี๊หล่าแลโฮหนิ แกแย เด๊อ อา จูเอ่ยู เตเนอเต๊เห่ ปา.

โครินธ์ เนอบ่า ต๊าบ่า 2:17

แกแย เม แลแค จอแปแหร่ อาเตเม เร๊อ อา อิซว๊าอี๊แส่ เป่ อู เนอ อา โอ่ เอ๊ลู หม่าแน๊เรอ เป แม๊บือ เมเกอ ฮู๊ เหย่ซี เมเนอ โต่. เมเตเฮ๊เรอ, แซ่ฮู๊ เหย่ซี เก่ พย๊าหนิ แลแค รือ เร๊อ เหย่ซี แด๊โฉ่โด่แน เป่ อู เร๊อ จอแปแหร่ อาลาอาโหง่ แพ๊. หม่าแน๊เรอ เป เออเต๊เห่เนอ, จอแปแหร่ นอจว๊า แด๊โฉ่โด่แน เป เร๊อ ครี๊ อาหรี่อาแก, เป แด๊โฉ่โด่แน เป่ อู เออเนอ จอแปแหร่ แม๊เถอะ, เป ทวาเฮ๊อ เตเต๊อเจ๋อ โต เร๊อ ครี๊ เฮ๊อ เร๊อ เป หม่า เพรโด่แนพู๊ เต๊เห่ เด๊อ อา ซิปล่อจ๊อจื้อ เต๊เห่ เฮ๊อ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:5

ฮู๊ ซี ซิเง โทเฮ๊อเนอเฮ๊อ, เป แฮ เฮ๊เบ่ถู่เซ๊ แลโฮน๊อ เร๊อ ซี โตโพ๋ โต่. เป ซิหยื่อ ลอพาเอ่ หนิรือหนิเท เร๊อ เป แฮ จ่าค๊าจ่าโข่ น๊อ เร๊อ เปเหน่ โตโพ๋ โต่. เป เมน๊อเกอ เร๊อ ฮู๊เออ โต่ เนอหม่า จอแปแหร่ ยูโลเบ๊ แพ๊.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:3

เบ๊อะอู เฮ๊ เน๊อ, “เก่โส่เก่เคร เฮ๊อ, เตเบ่ยอเบ่สี่ โอ่ ปา โต่เฮ๊อ” อู เฮ๊ เฮ๊อ ฮู๊เออ เบ๊อะเนอ, เตปย๊าเตหลู่ เก่ แฮโตคย๊า เป่ เหย่ซี แซ่เน๊อ เพรเหมาะ พู๊โอ่ฮ๊อเช เนอปา เร๊อ เหย่ซี แลเปล๊เบ๊ เตเพร่ว โต่ ปา.

ทิโมธี อาเหร่อเล๊อ ต๊าบ่า 3:3

โทเรอ อา เบ่ เอ่มือโอแพร๊ หนิ โต่, อา เบ่ ซิปล่อโผ่ หนิ โต่, โท๊โต่ อา เบ่ แม๊ แกแย เด๊อ อา ซิโดซิ งา, แกแย เด๊อ อาเคร๊อาแขระ เกออู โต่, อา เบ่โมหนิ รือเท โต่.

ทิโมธี อาเหร่อเล๊อ ต๊าบ่า 3:8

แซ่ฮู๊เนอเฮ๊อ แกแย ทวา ทวาดุทวาเต เด๊อ อา เมจว่า เพรหยื่อเอ่ตู๊หมู่ตอกล๊อ เต๊เห่เนอ, อู ปว๋า เตเพร โตเบ่ แด่ดุ เหย่ซี, เร๊อ เหย่ซี โตเบ่ เฮ๊เบ่จ๊อ โหง่, เหย่ซี โตเบ่ โอ ตาลว๊าตาแกหนิ แท๊ทือเส่เทอแย โต่, โทเรอ อา โตเบ่ แลโฮ กู๊หว่ากู๊เว เอ่หนิ รือ เด๊อ อูขุ โต่.

ทิโมธี อาเหร่อเล๊อ ต๊าบ่า 6:5

โท๊โต่, อา นอโอ่แถ่ เตเคร๊แขะ อู ปว๋า โตโพ๊. แกแย เด๊อ อา เคร๊แขะ อู เออเต๊เห่ อา เหล่เตเน เนอหม่า อา มู๊แหม่รีแจ่ เร๊อ เตหมะเตจ๊อ โอ่ปา เจ๊อ เด๊อ เหย่ซีกู โต่. เตจ๊อบู่จ๊อเบ เนอหม่า เกล๊ เด๊อ อู เก่ ดุแหย่แถ่เซ อาเง โตโบ เหย่ซี เตเน แลแค ฮู๊เนอ แพ๊.

ꤒꤤꤒꤢꤨ 1:11

โตเบ่ นอโอ่โส่แก เหย่ซี เตเฮ๊เบ่ เนอเต๊เห่, เมเตเฮ๊เรอ เตอิซว๊าอี๊แส่ เด๊อ อา โตอิซว๊า โต่ เต๊เห่เนอ เหย่ซี จว๊าอิซว๊า อู อาขว่าอาคยา, เหย่ซี จว๊า เมซู๊ซ๊า ดู๊แด ลอ อู ตี๊หี่แตแพ ลอ อา เตหยื่อเตแหน่ เจ๊อ. เหย่ซี ซิหยื่อ พย๊าหนิ แลแค รือ เร๊อ อา จว๊า เล อิซว๊า อู แพ๊.

ꤒꤤꤒꤢꤨ 1:7

เมเตเฮ๊เรอ, เพรหยื่อเอ่ตู๊หมู่ตอกล๊อ ทวาดุทวาเต เตเพรเนอ, แรเต ตาเบ่ อา เด๊อ อา โตเบ่ เม จอแปแหร่ อา เหล่เอ่เหล่แร อาขว่าอาคยา, อู เหล่แด่ อา เตซื๊อ หม่า อา โตเบ่ โอ่หนิเกอ โต่. กู่กล๊อเพรอ เร๊อ ซิปล่อ ดุแถ่แพร เต๊เห่เนอ อา โตเบ่ โอ่หนิเกอ โต่, เบ่ เอ่มือโอแพร๊ หนิโต่, เบ่มือเบ่ปอหนิ อูโรโต่, เบ่ เอ่ตือโอตือ หนิ อูขุ โต่.

เปโตร อาเหร่อเล๊อ ต๊าบ่า 2:8

“หล่อเออ เตเมเนอ อา เก่ หม่าดื่อ หล่อ เด๊อ อู เหล่ตาพอ อา อาเง, เร๊อ อา เก่ เมแลคื๊อ อู อาเง.” อา ย๋อ หนิดา เกออู จอแปแหร่ อาลาอาโหง่ โต่ อาขว่าอาคยา, อา ตอพอ แลคื๊อ แพ๊. จอแปแหร่ ตี๊หรี่แตแร เป่แหน่ เหยซีเง ฮู๊เนอเฮ๊อ.

เปโตร อาเหร่อเล๊อ ต๊าบ่า 5:2

ซี เด๊อ อา ทวา เพรหยื่อเอ่ตู๊หมู่ตอกล๊อ กู่กล๊อดุกู๊ฉู่ทู เด๊อ อาแซ่เน๊อ เพรเกซิหมิ ซี เต๊เห่เนอ, แม๊ตู่หนิ แลแค จอแปแหร่ อาซิหมิหมู่ เด๊อ อา เด๊อะ ซี เออเนอตู๊หมู่, เร๊อ โอ่ป่อแม๊แร๊ แลแค เพรหยื่อเอ่ เออ เนอเต๊เห่. เร๊อ ซิปล่อ โอ่ แม๊แร๊ แลแค เหย่ซี ฮู๊ จอแปแหร่ ซิหยื่อ นอแม๊ ซี เนอ นี๋. เม แต่ ฮู๊ อู นอตือดื๊อ ซี เร๊อ ซี เมแพ๊เนอ แต่เหม่นี๋. แม๊ดุ แลแค คว๊าเก่ เร๊อ เม แลแค แต่เหม่ นี๋. หม่าแน๊เรอ, ซี เก่ ทวา โค๊ดื่อ แกแย เด๊อ อา ซิปล่อฉว่า เม จอแปแหร่ อา เตเอ่เตแร เต๊เห่ นี๋.

เปโตร เนอบ่า ต๊าบ่า 1:16

เบ๊อะเป เด๊อซิเง เป่ เฮ๊อ ซี เร๊อ เป แบ่เจ่ เหย่ซู่ครี๊ อา เตลีเตเตเค เร๊อ อาแฮ อาหรี่อาแก เออ เบ๊อะเนอ, เตโด่แน เด๊อ อาหม่าโต่ หม่าแน๊เรอ แกแย แจ่แด๊ แลโฮ เต๊เห่ แด๊เป่ ซี เต๊เห่เนอ, เป ครวาแด๊ เกออู โต่. เป แม๊เถอะ อา เตลีเตเตเค เต๊เห่ เร๊อ เปเป๊เส่ เร๊อดื่อ เจ๊อ.

เปโตร เนอบ่า ต๊าบ่า 2:1

เพรโพร กลว่าแลโฮ อาเหน่ เต๊เห่ โอ่แถ่โล โทเฮ๊อ เด๊อ แกแย เบ๊หมู่ อาเกล เด๊อ เหร่อเคเนอ เฮ๊อ. แซ่ฮู๊เนอเฮ๊อ, ซ๊าร๊า กลว่าแลโฮ อาเหน่ เต๊เห่ เก่ แฮ โอ่แถ่โล เกอ เด๊อ ซีเกล ปา. เหย่ซี เก่ พย๊าแฮโห่หนิ เตอิซว๊าอี๊แส่ซื๊อ เด๊อ อา เมปย๊าเต เต๊เห่ ปา. อา เก่ เท๊ฉื่อแก เจ๊อ แบ่เจ่ เด๊อ อา อี๊ถ่ากา โทเฮ๊อ เหย่ซี เนอเตเพรปา. เด๊อ เหย่ซี เมฮู๊เนอ อาขว่าอาคยา, จอแปแหร่ เมปย๊าแก เหล่แพร เหย่ซี ปา.

เปโตร เนอบ่า ต๊าบ่า 2:9

ฮู๊เนอเรอ แบ่เจ่ จอแปแหร่ เก่ เมแลเปล๊กา แกแย เด๊อ อา เมโต ลูซิปล่อ เร๊อ อา โอ่ เด๊อ เตจาเตจือ อากู เนอเต๊เห่ ฮู๊เต ปาเนอ อา ซิเง แพ๊. โท๊โต่ อา ปื่อโอ่หม่าหนิ แกแยจา เออเต๊เห่ เร๊อ อา เก่ เมจากาคยา แฮเง ตื๊อดื่อลอ เหย่ซี โต่เด๊อ เตเมจากาคยา อาม๊อเนอ เนอเตอเนอ ปา.

ꤛꤢꤨꤘꤢ꤬ 1:11

จอแปแหร่ เก่ เมจากาคยา หม่าแหน่ เจ๊อ เหย่ซี ปา, เมเตเฮ๊เรอ เหย่ซี ครวาเมเกอ ฮู๊ คูคาอิน เมเนอ เฮ๊อ. เด๊อ เหย่ซี แม๊ดุ รือเท อาขว่าอาคยาเร๊อ, อา ซิปล่อฉว่า ครวาเมเกอ ฮู๊ คูบาลาอัม เมซื๊อ โทเฮ๊อ เนอเฮ๊อ. เหย่ซี ช๊าฉื่อ อู ทวา ทวาดุทวาเต เต๊เห่ แซ่เน๊อ คูโคราห์ เมโทเฮ๊อ เนอ เฮ๊อ. อู เก่ เมปย๊าแก เหย่ซี ฮู๊ อู เมปย๊าแก คูโคราห์ เนอ ปา.

ꤛꤢꤨꤘꤢ꤬ 1:15

เมเตเฮ๊เรอ อา เก่ แฮ เมจากาคยา ลอ แกแย ปว๋า เตเพร ปา. อา เก่ เมจากาคยา ลอ แกแย เด๊อ อา แด่ดุหยื่อแหน่ เกออู จอแปแหร่ โต่ เนอเต๊เห่ ปา. อา เก่ เมจากาคยา เหย่ซี อาเตซื๊อเตปล๊า เด๊อ เหย่ซี เม โต เร๊อ จอแปแหร่ อาแกล๊อาโกล โต่ เนอเต๊เห่ ปา. เหย่ซี ย๋อ เท๊ตาแอ ฉื่อ จอแปแหร่ อาขว่าอาคยา, อา เก่ เมจากาคยา เหย่ซี ปา.”

ꤛꤢꤨꤘꤢ꤬ 1:16

แกแย เออเต๊เห่ เนอหม่า แกแย เด๊อ อา ตามวาเตเล ฉว่า เร๊อ อา แด่ ดื่อเง เตซื๊อ เด๊อ อูโร อาโอ่ ปว๋า โตโพ๊ เจ๊อ. เหย่ซี ครวาลือเม หนิเกอดื่อ อาเหน่กล่อ อา เตซิหยื่อซิลอ มู๊แหม่รีแจ่ เนอเต๊เห่ อาคยา แพ๊. เหย่ซี เฮ๊เบ่ ถู่เซ๊ เกอเร๊อ แลแค อาเหน่, โท๊โต่ แซ่ฮู๊ เหย่ซี เก่ พย๊าหนิ เต เด๊อ อา ซิหยื่อ เนอเต๊เห่ เนอ, อา เฮ๊เบ่ ถู่เซ๊หนิ แลแค อู.

ꤛꤢꤨꤘꤢ꤬ 1:4

เมเตเฮ๊เรอ, แกแย เด๊อ อา แด่ดุหยื่อแหน่ จอแปแหร่ โต่ เต๊เห่เนอ, อา แฮโนโห่ เฮ๊อ เด๊อ ซีเกล เฮ๊อ. แซ่ฮู๊ เหย่ซี เก่ เฮ๊เบ่ แลเปล๊ อาเหน่ เร๊อ อา เตโอ่เซอเพร แลโพร๊แลแพร เต๊เห่ อาเงเนอเรอ, อา ถู่แหล่ เต๊เปล่ ปย๊าแก เป แบ่เจ่ จอแปแหร่ อาบุ๊ยอาเตอเรอ เออเนอเต๊เห่ อาหรี่อาแก เฮ๊อ. โท๊โต่ เหย่ซี เออเต๊เห่เนอ อา หยื่อเอ่ เกออู เป ทวาดุทวาเต แบ่เจ่ เหย่ซู่ครี๊ เออเนอ โต่. ฮู๊ ลีเทส่อพ๊า แด๊โฉ่ หนื่ออื่อ เฮ๊อ เตเมจากาคยา เต๊เห่เนอ เหย่ซี เก่ พย๊าหนิ ลอปลี เจ๊อ ปา.

ꤛꤢꤨꤘꤢ꤬ 1:7

ฮู๊เนอเฮ๊อ, เตเนแถ่ หนิคยาดื่อ แลแค วีโสโดม เร๊อ วีโกโมราห์ เร๊อ วี โอ่ เด๊อ อา โอ่ผื่อโอ่ว๊า เนอเต๊เห่. แกแยวีกู เบ๊อะเนอ เต๊เห่ หม่า อา เมซื๊อ แซ่เกอ ดื่อ เต ฮู๊เนอ เนอ เฮ๊อ. เหย่ซี ลือครวาเม แลแค สุ่ยหย่าเทอ เหล่โกล ซิหยื่อ มู๊แหม่ เต๊เห่. เร๊อ เมโมหนิ แลแค อาเหน่ เร๊อ เพรเหมาะเพรคู เหล่โกล มู๊แหม่รีแจ่ เต๊เห่. เหย่ซี ข่าเบ่ เตโซพ๊าโซแร เด๊อ หมิเผ่กู ตูจูเพร เออเนอหมา อา ทวาแถ่ ดื่อ เฮ๊อ อู เหล่แม๊บือ เด๊อ แกแย ล๋อ ปลี อาเง เฮ๊อ.