เปโตร เนอบ่า ต๊าบ่า 2:2 - ลีเทส่อพ๊าอาเซ เร๊อ เห่ขุทวาลู๊

² เร๊อ แกแย เก่ ครวาเอ๊เกอ แหน่เจ๊อ เหย่ซี แกล๊ เด๊อ อา ลือ สุ่ยเทอพ๊าหย่า อา เตซิหยื่อซิลอ มู๊แหม่รีแจ่ เออเนอ เต๊เห่ ปา. เด๊อ เหย่ซี เมฮู๊เนอ อาขว่าอาคยา, แกแย เด๊อ อาโร เต๊เห่ เฮ๊เบ่ เป๊อเจ่ออิแช๊ เจ๊อ เตหมะเตจ๊อ อาแกล๊ ปา.

Eastern Kayah Shadaw Dialect

² ꤚꤣꤧ꤬ ꤊꤣꤧ꤬ꤛꤢꤧ꤭ ꤊ꤫ꤢꤦ꤬ ꤋꤚꤝꤢ꤭ꤢꤩꤊꤣꤧ꤭ ꤔꤢꤧ꤬ꤡꤣꤧ ꤛꤢꤩ꤬ꤞꤤ꤭ ꤊꤜꤢꤧ ꤘꤣ ꤢ꤬ ꤜꤢꤦ꤬ ꤞꤝꤤ꤬ꤓꤣꤧ꤭ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ꤞꤤꤜꤢꤪ꤭ ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤣꤧ꤭ꤔꤣꤧ꤬ ꤒꤣꤧ꤬ꤟꤢꤩ꤬ ꤕꤢ꤭꤯ ꤘꤣ ꤛꤢꤩ꤬ꤞꤤ꤭ ꤗꤢꤩ꤬ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤊꤣꤧ꤬ꤛꤢꤧ꤭ ꤘꤣ ꤢ꤬ꤚꤥ꤬ ꤒꤣꤧ꤬ꤟꤢꤩ꤬ ꤟꤢꤩꤙꤢꤩ꤬ ꤕꤣꤧ꤬ꤡ꤫ꤣꤧ꤬ꤕꤣꤧ꤬ꤢ ꤡꤣꤧ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤢ꤬ꤊꤜꤢꤧ ꤕꤢ꤭꤯

เปโตร เนอบ่า ต๊าบ่า 2:2 Iomraidhean Croise

เห่ขุทวาลู่ 19:5

เร๊อ เหย่ซี เอ๊โทแถ่ แลแค เพโลท เน๊อ, “เป่ ซิเง เน๊อ เออเตเฮ๊ ซิเผระ เพรคู แฮโอ่เมอ เกอ เด๊อ เนหี่ ซิเนอ ว๊า, เหย่ซี โอ่โต แลแค เบ๊อะเต? เอ๊เถ่ เป่ เป เด๊อ อากลอเออ, เป ซิหยื่อ โอ่เมอเต่อ, แลวอเต่อ เน๊อ เหย่ซี.”

มัทธิว 22:16

เหย่ซี นอจว๊า เต่อเกอ อา โคเจ่ เต๊เห่ เนอ คุ๊ยเฮโรด ตู๊หมู่ตอกล๊อ เต๊เห่ เด๊อ แบ่เจ่ อา โอ่ เร๊อ เหย่ซี จว๊าเฮ๊ แบ่เจ่ เน๊อ, “ซ๊าร๊าดุ, เป ซิเง เร๊อ เน หม่า แกแย จ๊อจื้อเจ๊อ เตเพร. เน อิซว๊า เจ๊อ อู ฮู๊ จอแปแหร่ ซิหยื่อ นอ โอ่ เซอเพร อู เนอเต๊เห่เจ๊อ. เน ด๋า อิซว๊าอี๊แส่ อู เฮ๊ เร๊อหม่า เน อิซว๊า เป่แพ๊ อู เตจ๊ออาเต แพ๊. แกแย เห่ขุพู๊ เต๊เห่ เตเน เจ๊อ เน ฮู๊ เต๋ เบ่เบ่, เน ซิอิเช เกอ อู เตอเจ๋อ โต่. เน แม๊ดุ แม๊ปีตี๊ เกออู โต่โต่.

มัทธิว 24:24

เมเตเฮ๊เรอ เพรกลว่า แลโฮ ฮู๊ ครี๊เนอ เนอ เพรกลว่า แลโฮ ฮู๊ เพรโพร ซี เต๊เห่เนอ อา เก่ โอ่แถ่ เอ๊ลา ปา. เหย่ซี เก่ เมตาปา คย๊ายื๊อ ลออู เร๊อ อาเต เมโค๊ตีกลี๊ เป่อู เต๊เห่ ปา. อา เก่ เมแจ่ เฮ๊เนอหม่า อา ซิหยื่อ อิลออี๊โหล่ แลโฮ หนิ เจ๊อ แกแย เด๊อ จอแปแหร่ นว๊าพย๊า โทเฮ๊อ ลู เนอ เต๊เห่เจ๊อ.

มัทธิว 7:14

หม่าแน๊เรอ กู่ดา อาอิ เออตูกู เนอ แกล๊อิ เร๊อ แกล๊อิ เออโตโบ เด๊อ อา ซูจว๊า อู เด๊อ เตเซอเพร ตูจูเพร เออเนอ, แกแย แม๊เถอะ ปีตี๋ แหน่เจ๊อ ลู.”

ꤗꤢ꤬ꤊꤢꤨ 12:14

เหย่ซี จว๊า เด๊อ เหย่ซู่ อา โอ่ เร๊อ อา เฮ๊ แลแค ลู เน๊อ, “ซ๊าร๊าดู๋ เป ซิเง เร๊อ เน หม่า แกแยจ๊อแกแยเตเร๊อ อา เฮ๊เบ่จ๊อแพ๊ โหง่ เตเพร. เน ซิอิเช เกออูเหล่ เตเพร่ว โต่, เน แม๊ดุแม๊ปีตี๊ เกออู เตเพร่ว โต่โต่. เน เก่ อิซว๊าอี๊แส่เฮ๊อ อู เตหมะเตจ๊อ เฮ๊เนอหม่า, เน อิซว๊า เป เจ๊อ อู ฮู๊ จอแปแหร่ ซิหยื่อ นออิซว๊า เน เนอ เจ๊อ. ฮู๊เนอเรอ เป เด๊อ อาหมู่อาร๊า เด๊อ คุ๊ยซีซาร์ อา โอ่ เนอหมา อาโต แอ? หม่า อาซื๊อ แอ?

ꤗꤢ꤬ꤊꤢꤨ 13:22

เมเตเฮ๊เรอ แกแย เด๊อ กลว่า อาแลโฮ อาเหน่ ฮู๊ ครี๊ เด๊อ อา เมแลเปล๊ กา อู เออเตเพร เต๊เห่เนอ เร๊อ แกแย เด๊อ อากลว่า แลโฮ อาเหน่ ฮู๊ เพรโพร เต๊เห่เนอ, อา โอ่โลแถ่ ปา. แซ่ฮู๊ เหย่ซี เก่ อี๊ลอแลโฮ หนิโต่ เกอ ดื่อ แกแย เด๊อ จอแปแหร่ นว๊าเถ่ โทเฮ๊อ ลู เออเนอเต๊เห่เนอ, เหย่ซี เก่ เมแจ่ เฮ๊เรอ, อา เก่ เมโลแถ่ อาเตเม อาโค๊ตีกลี๊ เต๊เห่ เร๊อ อาเตเม เมตาปา อาคย๊าอายื๊อ อู เนอเต๊เห่ ปา.

ꤛꤥ꤭ꤟꤢ꤬ 14:6

เร๊อ แบ่เจ่ เหย่ซู่ เฮ๊ฉื่อ ลู เน๊อ, “แว หม่า แกล๊ เน๊อ เตหม่า เตจ๊อ เร๊อ เตเซอเพร เฮ๊อ. แว ทวา เป่เฮ๊อ อู แกล๊จว๊า เด๊อ เพ อา โอ่ อาขว่าอาคยา, อูเปเป๋ เบ่เบ่, อา เก่ จว๊า เต่อ เร๊อ แว โต่ เฮ๊เนอ, อา จว๊าโต่ แจ่ เด๊อ เพ อา โอ่ เตเพร่ว โต่.

เพรโด่แนพู๊ เต๊เห่ 13:10

เร๊อ อา เฮ๊ ลู เน๊อ, “เน หม่า เพร เด๊อ อา เม โลเน๊โลหน่า กู่กล๊อ อาเตเม เตเพร. เน หม่า แกแย เด๊อ อา ซิเถ่ ล๋อ เต เด๊อ อาจ๊ออาเต เนอเต๊เห่. เน เล๊อบา เจ๊อ เร๊อ เตแลโฮแลแห่ เร๊อ เตมู๊แหม่รีแจ่ ปว๊าเต๊อเจอะ. เน เมตาปลอตาเปล่ แลโฮ ลอ แบ่เจ่ อา เตหมะเตจ๊อ เออเนอ ปว๋า โตโพ๊ เจ๊อ.

เพรโด่แนพู๊ เต๊เห่ 14:2

หม่าแน๊เรอ แกแยยิวพู๊ เด๊อ อา หยื่อเอ่ เกออู โต่ เต๊เห่เนอ, อา นอฉว่านอชอ แฉ่ครวา แกแยยิวพู๊ หม่าโต่ เต๊เห่ เด๊อ อา เก่ เท๊แตแอฉื่อแก แกแย เด๊อ อา หยื่อเอ่แลแค เนอเต๊เห่.

เพรโด่แนพู๊ เต๊เห่ 16:17

อา ครวาจว๊าเกอ คูเปาโล เร๊อ เป เต๊เห่ เด๊อคยา เร๊อ, อา เอ๊โทแถ่ เน๊อ, “เพรคู เออเต๊เห่ หม่า จอแปแหร่ เด๊อ อาดุอาทู ตื๊อดื่อ เออเตเพร อาหลู่ เต๊เห่ เฮ๊อ. อา แด๊โฉ่โด่แน โล เป่ ซี เน๊อ จอแปแหร่ เมแลเปล๊ กา ซี อาหรี่อาแก เฮ๊อ.”

เพรโด่แนพู๊ เต๊เห่ 18:26

อา เป๊อแถ่ เฮ๊เบ่บื่อเฮ๊เบ่คือ เด๊อ เตจ๊อเบโฮ อากู เบ๊อะโหมะปลิสสิลลา เร๊อ เพอาควิลลา หนิโฮ อา เตเฮ๊เบ่ เบ๊อะเนอ, อา เอ๊กา ลู เด๊อ อาหี่. แซ่ฮู๊ อา เก่ ซิเงแฮ ตาเต อากลอเล๊อโป่ เร๊อ อา เหล่โกลเล๊อ เออเนอเรอ, โหมะปลิสสิสลา เร๊อ เพอาควิลลา แด๊โฉ่โล เป่ โป่ ลู เนอ จอแปแหร่ อาแกล๊อาโกล เต๊เห่.

เพรโด่แนพู๊ เต๊เห่ 19:9

หม่าแน๊เรอ เต๊เห่เห่เนอ อา ซิปล่อชอ เร๊อ หยื่อเอ่ เกออู โต่. เร๊อ อา เป๊อเจ่ออิแช๊ แลแค แบ่เจ่ อาแกล๊อาโกล เด๊อ อู เด๊อะโล เออเนอ เด๊อ แกแย ตูปลูเต๊เผ่ เป๊เส่เง เจ๊อ. ฮู๊เนอ อาขว่าอาคยา, คูเปาโล เถ่จว๊า ตาพาแก เร๊อ เหย่ซี. เร๊อ อา เอ๊หนิ อา โคเจ่ เต๊เห่ เร๊อ ปวาเนอเน๋อ. อา เร๊อ อา โคเจ่ เต๊เห่ จว๊า เฮ๊เบ่โด่แน โหร่ลู เด๊อ อู เอ๊ เน๊อ ซ๊าร๊า ทีรันนัส เหล่อิซว๊าเต เบ๊อะเนอ เนอโต๊โผะ.

เพรโด่แนพู๊ เต๊เห่ 22:4

แกแย เด๊อ อา โครครวา แกล๊ เด๊อ เหย่ซู่ครี๊ เด๊อะโล เออเนอ, แว เมจาเมจือ เจ๊อ เหย่ซี บ๋า เต เฮ๊เนอ, แว เมจาเมจือ โต่ เจ๊อ เหย่ซี เด๊อ อา อาเซอ เจ๊อ. โทเร๊อ แว ปื่อ ลอ เพรเหมาะเพรคู เต๊เห่ เร๊อ แว ด๊อตาลอ เหย่ซี เด๊อ ทอกู.

เพรโด่แนพู๊ เต๊เห่ 24:14

หม่าแน๊เรอ, แว อ๊อแล เน๊อ แว จ๊อบู่จ๊อเบแถ่ เป โหมะเพเพอโพ เด๋อ งย๊าเค เต๊เห่ อา จอแปแหร่, เร๊อ หม่า เด๊อ แว โครครวา แกล๊ เด๊อ แบ่เจ่ เด๊อะโล เออเนอ เร๊อ เหย่ซี เฮ๊ แลแค แว เร๊อ แวหยื่อแวแหน่ ซื๊อเฮ๊อ เตเฮ๊อ, อา เฮ๊ แลแค ฮู๊เนอ. ล๋อ คูโมเสส อา เตซว๊าเตแส่ เด๊อ อา ราหนื่ออื่อ เหร่อ เต๊เห่เน๊อ เร๊อ ล๋อ เพรโพร อาลี เต๊เห่เนอ, แว หยื่อเอ่ เกอ ลอ แพ๊แพ๊.

ꤚꤥꤗꤢꤩ꤬ 2:24

“เด๊อ ซี แกแยยิวพู๊ เต๊เห่ อาขว่าอาคยาเร๊อ, แกแยยิวพู๊ หม่าโต่ เต๊เห่ เป๊อเจ่ออิแช๊ ลอ เฮ๊อ จอแปแหร่,” ลีเทส่อพ๊ากู เฮ๊ฮู๊เนอ.

ทิโมธี อาเหร่อเล๊อ ต๊าบ่า 5:14

ฮู๊เนอเรอ แว ซิหยื่อ เน๊อ เพรเหมาะโอ่แคร๊ เด๊อ อาหน่าเจ่ปา เต๊เห่ เก่ พย๊า แลแค อาเว. โทเรอ พู๊โอ่เลอโอ่ แลแค, เร๊อ แม๊ตู่หนิ แลแค หี่แพ เนอหม่า ตื๊อเรอ แกแย เด๊อ อา แม๊ปู เป เตซื๊อ เด๊อ อา เก่ เฮ๊มู๊แหม่รีแจ่ เป เต๊เห่เนอ, อา แม๊เถอะปา อาเหล่เฮ๊ เป เต๊เห่ โต่ เฮ๊อ.

ꤒꤤꤒꤢꤨ 2:5

แซ่ฮู๊ อู เก่ เป๊อเจ่ออิแช๊ ดื่อ จอแปแหร่ อาลาอาโหง่ แต่เหม่เนอ, เพรเหมาะ โหมะเผระ เออเต๊เห่เนอ, อา เบ่ อิซว๊าเป่ เพรเหมาะ หน่าเจ่ เต๊เห่. เร๊อ อา เบ่ อิซว๊า เหย่ซี เนอ เหย่ซี เบ่ ทวา เพรเหมาะ เต๊เห่ เด๊อ อา ค๊อเป่ เกอเร๊อ อาซิปล่อ, เหย่ซี ซิปล่อ เบ่ อาโพ๊อาแปละ, เหย่ซี เบ่ ทวา เม เด๊อ อา แม๊ตู่ หนิ แร๊ อาหี่อาแพ, เหย่ซี เบ่ เมเต เด๊อ อาแร๊, เร๊อ อา เบ่ จูเอ่ อาเว โหง่.

ꤒꤤꤒꤢꤨ 2:8

เบ๊อะเน อิซว๊าอี๊แส่ อู เบ๊อะเนอ, แซ่ฮู๊ อู เก่ แม๊ปู แด่แจ่ ปา ดื่อ เร๊อ เตซื๊อ แต่เหม่เนอ, เฮ๊เบ่จ๊อจ๋อ เนโหง่ นี๋. เร๊อ เน เก่ เมฮู๊เนอ เฮ๊เรอ เหย่ซี เหล่เฮ๊ มู๊แหม่รีแจ่ เปหรี่เปแก อา โอะ ปา โต่ อาขว่าอาคยา, เหย่ซี เก่ ซิเตเรแก แพ๊.

เปโตร อาเหร่อเล๊อ ต๊าบ่า 2:12

เบ๊อะซี โอ่เซอเพร เด๊อ เมวจ่อโรพู๊ เด๊อ อา หยื่อเอ่ เกออู จอแปแหร่ โต่ เออเต๊เห่ อาเกล, เร๊อ อา แด่ เตซื๊อ ซี เร๊อ ซี หม่า แกแย เด๊อ อา เม เตมู๊แหม่รีแจ่ เบ๊อะเนอ, โอ่เซอเพร แซแร แร๊ แลแค ซีเหน่ นี๋. เหย่ซี เก่ แม๊เถอะ ซี เตแรแร๊ เต๊เห่ ปา เร๊อ ช๋า จอแปแหร่ แฮแล อาม๊อเนอ ปา เตอเนอเนอ, อา เก่ แด่ดุแด่หยื่อ ลู ปา.

เปโตร เนอบ่า ต๊าบ่า 2:12

เหย่ซี หม่า อาแซ่เน๊อ เตมีเตดอ เด๊อ อา เตเนแจ่ เกออู โต่ เต๊เห่. โทเรอ อา เม แลแค ฮู๊ อาเหล่โกล ซิหยื่อโอ่ เนอ เร๊อ อา โอ่เป๊เจ่แล เด๊อ อู เหล่ลือปื่อ เมเซอ เหย่ซี อาเง แพ๊. แกแย เออเต๊เห่ เนอหม่า อาเท๊อาแตแอ ฉื่อ, เป๊อเจ่ออิแช๊ ฉื่อ เต เด๊อ อา ซิเง ตาปลู๊โต่ เต๊เห่. อู เก่ เมเซอแก เหย่ซี ฮู๊ อู เมเซอ เตมีเตแหม่ เนอ ปา.

เปโตร เนอบ่า ต๊าบ่า 2:15

เหย่ซี เถ่จว๊าเปแก เร๊อ แกล๊โต เร๊อ อา จว๊า ซิปล่อ ตาปาแก. เหย่ซี จว๊าครวาเกอ แกล๊ เด๊อ เพโบโซร์ อาพู๊คู คูบาลาอัม ครวา เนอโตโบ. แกล๊ เนอโตโบ หม่า แกล๊ เด๊อ อา แม๊ดุ รือ เร๊อ อา พย๊าหนิ แลแค รือ เด๊อ เตจ๊อเตเต อากู หม่าโต่.

เปโตร เนอบ่า ต๊าบ่า 2:18

เหย่ซี เฮ๊เบ่ แถ่ม๊อแถ่โผ่ แลแค อา โหง่ เด๊อ อาบุ๊ยเตอเรอ โอ่โต่ เต๊เห่. เหย่ซี จว๊า อิซว๊า อู เร๊อ อู เก่ เมเตตาเร เด๊อ สุ่ยเทอพ๊าหย่า อา เตซิหยื่อ ปาต๊า เต๊เห่. เหย่ซี อี๊หล่า จว๊า ตาพาแก อู เร๊อ แกล๊โตแกล๊เบ่ เต๊เห่. แกแย เด๊อ เหย่ซี อี๊หล่า เต๊เห่เนอ, อา ตื๊อ โอ่โก๊เซ ปาแพ๊ เร๊อ อา เตซื๊อ ฮู๊ เหย่ซี เนอเต๊เห่ เมเนอ แพ๊.

เปโตร เนอบ่า ต๊าบ่า 2:21

เด๊อ เหย่ซี อาเงเนอ, เก่ อา ซิเงน๊อ เตจ๊อเตเต อาแกล๊ โตโพ๋ โต่ เฮ๊เนอหม่า, อาแร๊เล๊อ ปา เจ๊อเร๊อ อา ซิเง โทเรอ อา จว๊า วีแก เกอเร๊อ คยา โหง่เฮ๊แก บูโพ๊ เด๊อ อู เด๊อะแล โทเฮ๊อ เหย่ซี เออเนอ เต๊เห่.

เปโตร เนอบ่า ต๊าบ่า 2:7

อา เด๊อะ แลเปล๊แก แกแย จ๊อเต เตเพร เด๊อ อามุย เร๊อ เพโลท. เด๊อ แกแยจา เออเต๊เห่ ลือ อาสุ่ยเทอพ๊าหย่า อา เตซิหยื่อซิลอ มู๊แหม่รีแจ่ เต๊เห่ อาขว่าอาคยา, เพโลท ซิปล่อโม ตีกี๋โต่.

ꤛꤢꤨꤘꤢ꤬ 1:10

หม่าแน๊เรอ แกแย เออเต๊เห่เนอ อา เป๊อะเจ่ออิแช๊เต เด๊อ อา ซิเง ตาปลู๊โต่ เนอเต๊เห่. เหย่ซี ซิปล่อ แซ่ แลแค เร๊อ เตมีเตดอ อาขว่าอาคยา, อา ลือครวา เมเกอ แลแค ฮู๊ อาซิปล่อ นอเม ลู เนอ แพ๊. เด๊อ เหย่ซี เมฮู๊เนอ อาขว่าอาคยา, อา เมปย๊าเมหลู่ เกอเร๊อ แลแค อาเหน่ เฮ๊อ.

ꤛꤢꤨꤘꤢ꤬ 1:15

เมเตเฮ๊เรอ อา เก่ แฮ เมจากาคยา ลอ แกแย ปว๋า เตเพร ปา. อา เก่ เมจากาคยา ลอ แกแย เด๊อ อา แด่ดุหยื่อแหน่ เกออู จอแปแหร่ โต่ เนอเต๊เห่ ปา. อา เก่ เมจากาคยา เหย่ซี อาเตซื๊อเตปล๊า เด๊อ เหย่ซี เม โต เร๊อ จอแปแหร่ อาแกล๊อาโกล โต่ เนอเต๊เห่ ปา. เหย่ซี ย๋อ เท๊ตาแอ ฉื่อ จอแปแหร่ อาขว่าอาคยา, อา เก่ เมจากาคยา เหย่ซี ปา.”

ꤛꤢꤨꤘꤢ꤬ 1:4

เมเตเฮ๊เรอ, แกแย เด๊อ อา แด่ดุหยื่อแหน่ จอแปแหร่ โต่ เต๊เห่เนอ, อา แฮโนโห่ เฮ๊อ เด๊อ ซีเกล เฮ๊อ. แซ่ฮู๊ เหย่ซี เก่ เฮ๊เบ่ แลเปล๊ อาเหน่ เร๊อ อา เตโอ่เซอเพร แลโพร๊แลแพร เต๊เห่ อาเงเนอเรอ, อา ถู่แหล่ เต๊เปล่ ปย๊าแก เป แบ่เจ่ จอแปแหร่ อาบุ๊ยอาเตอเรอ เออเนอเต๊เห่ อาหรี่อาแก เฮ๊อ. โท๊โต่ เหย่ซี เออเต๊เห่เนอ อา หยื่อเอ่ เกออู เป ทวาดุทวาเต แบ่เจ่ เหย่ซู่ครี๊ เออเนอ โต่. ฮู๊ ลีเทส่อพ๊า แด๊โฉ่ หนื่ออื่อ เฮ๊อ เตเมจากาคยา เต๊เห่เนอ เหย่ซี เก่ พย๊าหนิ ลอปลี เจ๊อ ปา.

ꤛꤢꤨꤘꤢ꤬ 1:7

ฮู๊เนอเฮ๊อ, เตเนแถ่ หนิคยาดื่อ แลแค วีโสโดม เร๊อ วีโกโมราห์ เร๊อ วี โอ่ เด๊อ อา โอ่ผื่อโอ่ว๊า เนอเต๊เห่. แกแยวีกู เบ๊อะเนอ เต๊เห่ หม่า อา เมซื๊อ แซ่เกอ ดื่อ เต ฮู๊เนอ เนอ เฮ๊อ. เหย่ซี ลือครวาเม แลแค สุ่ยหย่าเทอ เหล่โกล ซิหยื่อ มู๊แหม่ เต๊เห่. เร๊อ เมโมหนิ แลแค อาเหน่ เร๊อ เพรเหมาะเพรคู เหล่โกล มู๊แหม่รีแจ่ เต๊เห่. เหย่ซี ข่าเบ่ เตโซพ๊าโซแร เด๊อ หมิเผ่กู ตูจูเพร เออเนอหมา อา ทวาแถ่ ดื่อ เฮ๊อ อู เหล่แม๊บือ เด๊อ แกแย ล๋อ ปลี อาเง เฮ๊อ.

เตเด๊อะโลแถ่ 12:9

แปล่ดุ มู๊หนู่มู๊ส่าเค โตโบ เด๊อ อู เอ๊ ลูมูย เร๊อ โลเน๊มู๊แหม่รีแจ่ กู่กล๊อ หม่าโต่เรอ ลูซีเฟอร เด๊อ อา จว๊า อิลออี๊โหล่ ลอ อู เห่ขุต๊าบ่า เออโตโบ เนอ, อู วีตาแก ลอ อา เร๊อ อา เตเน่วพู๊ เต๊เห่ เด๊อ เห่ขุ.

เตเด๊อะโลแถ่ 13:14

โทเรอ เด๊อ อา เด๊อะโล อา เตโค๊ตีกลี๊ เด๊อ เตมีเตแหม่ เด๊อ อาเหร่อเคเนอ โตโด นอเม ลู เด๊อ อาเป๊เส่เง เนอเต๊เห่ อาขว่าอาคยา, อา อิลออี๊โหล่ แลโฮ หนิลอ แกแย โอ่เซอเพร เด๊อ เห่ขุ เออ เต๊เห่. เตมีเตแหม่ เนอโด โตโดเออ, อา นอแบ๊แถ่ เหย่ซี เตแหย่โย โตโด แซ่ฮู๊ อา เก่ เมลีเมเตเค กาคยา เตมีเตแหม่ เด๊อ อา เบ่ เต๊เหม่น๊อ เร๊อ เน๊ เร๊อ อา โอ่เซอเพร ปา เนอโตโด.

เตเด๊อะโลแถ่ 13:8

ล๋อ แกแย เด๊อ อา โอ่ เด๊อ เห่ขุเออ ปว๋า เตเพร เนอ, อา เก่ จ๊อบู่จ๊อเบแถ่ ลอ ลู ปา. เป๊อะแถ่ เด๊อ อู แบ๊แลลู่ เห่ขุ อาเคปา, แกแย เด๊อ อา โอ่เซอเพร เด๊อ เห่ขุ เออเต๊เห่ เร๊อ อู ราโอ่เต่อเกอ ลา เหย่ซีมุย เด๊อ ซิหมิพู๊ เนอโตโด อา ลีเซอเพร อากู ล๋ายโต่ เต๊เห่เนอ, อา เก่ จ๊อบู่จ๊อเบแถ่ ลอ แลแค เตมีเตแหม่ เออโตโด. ซิหมิพู๊ เนอโตโด หม่า หม่าเฮ๊อ อู เมเซอ อาเนอ เตเพร เฮ๊อ.