เปโตร เนอบ่า ต๊าบ่า 1:1 - ลีเทส่อพ๊าอาเซ เร๊อ เห่ขุทวาลู๊1 เป จอแปแหร่ เร๊อ เพรเมแลเปล๊กา เป แบ่เจ่ เหย่ซู่ครี๊ เออเตเพร อา เตจ๊อเตเต อาขว่าอาคยา, ซี หม่า แกแย เต๊เห่ เด๊อ อา พย๊าหนิ เกอดื่อเฮ๊อ เตหยื่อเตแหน่ เด๊อ อาแซ่เน๊อ เป เออเต๊เห่ เฮ๊อ. เร๊อ แว ราจว๊าเป่ ซี ลีเออ. แว หม่า คูซีโมน เปโตร, เร๊อ แว ทวาดื่อ เหย่ซู่ครี๊ อาหลู่ เร๊อ อา เพรโด่แน เตเพร. Faic an caibideilEastern Kayah Shadaw Dialect1 ꤕꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤔꤢꤧ ꤖꤚꤢꤩ꤬ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤕꤢꤩ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ ꤒꤢꤩ꤬ꤡꤢꤪꤒꤢꤩ꤬ꤒꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤞꤤ꤭ ꤗꤢ꤬ ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ ꤘꤣ ꤢ꤬ ꤔ꤫ꤤ꤬ꤙꤢꤩ꤬ ꤊꤣꤧ꤭ꤘꤢꤦ꤬ꤟꤣꤧ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤘꤣ ꤢ꤬ꤞꤢꤧꤔꤢꤧ ꤕꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ ꤟꤣꤧ꤯ ꤚꤣꤧ꤬ ꤠꤢꤧ꤭ ꤚꤢ꤭ꤡꤝꤢꤕ꤫ꤢꤩ꤬ ꤞꤤ꤭ ꤜꤤ꤬ꤣꤧ꤭꤯ ꤠꤢꤧ꤭ ꤗꤢ꤬ ꤋꤢꤨ꤭ꤏꤛꤤꤗꤥ꤬ ꤕꤢꤩ꤬ꤒꤢ꤬ꤚꤢꤨ, ꤚꤣꤧ꤬ ꤠꤢꤧ꤭ ꤓꤝꤢ꤭ꤘꤢꤦ꤬ ꤛꤢꤩ꤬ꤏꤛꤢꤨꤋꤚꤤ ꤢ꤬ꤜꤢꤨ꤬ꤜꤢꤩ ꤔꤢꤧ ꤢ꤬ ꤖꤚꤢꤩ꤬ꤘꤥ꤬ꤔꤢꤧ꤭ꤖꤢꤨ ꤒꤣ꤬ꤖꤚꤢꤩ꤬꤯ Faic an caibideil |
เปโตร เนอบ่า ต๊าบ่า 1:1
40 Iomraidhean Croise
คูซีโมน เปโตร เฮ๊โฉ่โปลโล โทเซ เป่ แพ๊ เป เร๊อ จอแปแหร่ เป๊อแถ่ เด๊อะโล เป่ เฮ๊อ อา เตแม๊เตตู่หนิ เออเนอ เด๊อ แกแยยิวพู๊ หม่าโต่ เต๊เห่ อา โอ่ เฮ๊อ. เมเตเฮ๊เร๊อ เด๊อ แกแยยิวพู๊ หม่าโต่ อาเกล เต๊เห่เห่เนอ, แซ่ฮู๊ อา เก่ ทวาแถ่ หนิเกอดื่อ จอแปแหร่ อาเต อาเงเนอเร๊อ, อา นอ หยื่อเอ่แลแค เฮ๊อ เหย่ซี เฮ๊อ.
จอแปแหร่ แด่จ๊อแด่เต เฮ๊อ แกแย เต๊เห่ อาเหน่ เร๊อดื่อ ฮู๊เตเนอ, เตซิครือมีลา เออ เด๊อะโลแถ่ เป่ เฮ๊อ. เตจ๊อเตเต เออเนอหมา, อา เป๊อแถ่ เน๊อ เตหยื่อ เร๊อ อา ตื๊อดื่อ เน๊อ เตหยื่อ. ลีเทส่อพ๊า เฮ๊ เน๊อ, “แกแย เด๊อ จอแปแหร่ แด่จ๊อแด่เต อา เน๊อ อาเตหยื่อ เต๊เห่เนอ, เหย่ซี เก่ พย๊าหนิ เตโอ่เซอเพร อาเซ หม่าแหน่ ปา.”
จอแปแหร่ เมทวาแถ่ โต่เฮ๊อ ซี เน๊อ เหย่ซู่ครี๊ เตอเจ๋อ โต เฮ๊อ. อา เมทวา เป่ เฮ๊อ ซี เต๊อะเจ้อ แพ๊ เน๊อ ครี๊ เออเนอ, อา เก่ ทวาแถ่ เฮ๊อ เป เตลีแมลีเพ๊ เฮ๊อ. เด๊อ ครี๊ อาขว่าอาคยาเร๊อ, จอแปแหร่ แด่ เฮ๊อ เป ฮู๊ แกแยจ๊อแกแยเต เต๊เห่เนอ เฮ๊อ. โท๊โต่ เป ทวาแถ่ เฮ๊อ จอแปแหร่ อาแกแย บูโพ๊ เร๊อ ครี๊ ปลวาเถ่ ปาลา เฮ๊อ เป เน๊อ เตซื๊อ เฮ๊อ.
เด๊อ เพรโด่แนพู๊ เต๊เห่ ล๋อ ปลี อาเกลเนอ, แว หม่า แกแย เด๊อ อาต่าเจ๊อ เกออู ฮู๊ เพรโด่แนพู๊ เต๊เห่ เด๊อ อาโร เนอเต๊เห่ ตีกี๋ โต่ เตเพร เฮ๊อ, เมเตเฮ๊เรอ เบ๊อะแว หยื่อเอ่ แต่ลา เหย่ซู่ครี๊ โต่ เบ๊อะเนอ, แว เมจาเมจือ แกแย เด๊อ อา หยื่อเอ่ เหย่ซู่ครี๊ เต๊เห่ อาขว่าอาคยา, อู เก่ เอ๊ เกอ แว เร๊อ เพรโด่แนพู๊ เต๊เห่ เตเพรแพ๊เน๋อ อา ต่าเจ๊อ ตีกี๋ โต่.
ครี๊เนอ อาเตซื๊อ โอ่ เต๊อเจ๋อ โต่. หม่าแน๊เรอ, แซ่ฮู๊ อา เก่ ปล๊าลีแก เป่ เป เตซื๊อ อาโหน่อาฉู่ เต๊เห่ อาเงเนอ, จอแปแหร่ นอข่าเซอ ลู เด๊อ เป เตซื๊อ อาเง. เด๊อ ครี๊ เม เป่ เฮ๊อ เป ฮู๊เนอ อาขว่าอาคยา, เป เก่ ทวาแถ่ เฮ๊อ เตเต๊อเจ๋อ แพ๊เน๊อ ครี๊ เฮ๊อ เร๊อ, จอแปแหร่ เก่ แด่จ๊อแด่เต เฮ๊อ เป เด๊อ อาเป๊เส่เง ปา.
แซ่ฮู๊ อู เก่ ทวา เพรโดแนพู๊ เต๊เห่, อู เก่ ทวา เพรโพร เต๊เห่, อู เก่ ทวา เพรโด่แน เตซิครือมีลา เต๊เห่, อู เก่ ทวา เพรหยื่อเอ่ตู๊หมู่ตอกล๊อ ซ๊าร๊า เต๊เห่, อู เก่ ทวา เพรอิซว๊า ลีเทส่อพ๊า อาซ๊าร๊า เต๊เห่เนอเรอ, เพร เด๊อ อา เด๊อะตา อู เตแจ่เตลีแม เด๊อ อา โค๊คยาดื่อ ลู เต๊เห่ เออเตเพร เนอหม่า หม่าเฮ๊อ ครี๊ เฮ๊อ.
เป หม่า คูเปาโล เร๊อ คูทิโมธี. เป หม่า เหย่ซู่ครี๊ อาหลู่ เต๊เห่. เป ราจว๊า เป่ ลี เออต๊าบ่า เนอ จอแปแหร่ อาแกแย เด๊อ อา ทวาแถ่ เฮ๊อ เตเตอเจ๋อ โต เร๊อ เหย่ซู่ครี๊ เร๊อ อา โอ่ แลแค เด๊อ วีฟีลิปปี อากู เนอเต๊เห่ อา โอ่. เป ราจว๊าป่าเต่อ เป่เกอ เร๊อ เพรหยื่อเอ่ตู๊หมู่ตอกล๊อ ทวาดุ ทวาเต เต๊เห่ เร๊อ เพรเมจว่า เพรหยื่อเอ่เต ตู๊หมู่ตอกล๊อพู๊ เต๊เห่.
แว หม่า คูเปาโล, แว ราจว๊า เป่ เน ลี เออต๊าบ่า. แว หม่า จอแปแหร่ อาหลู่ เน๊อ เหย่ซู่ครี๊ อา เพรโด่แนพู๊ เต๊เห่ เตเพร. จอแปแหร่ นว๊าแถ่ แว เร๊อ อา นอจว๊า เมจว่าเฮ๊อ แว เร๊อ แกแย เด๊อ อา นว๊าแถ่เฮ๊อ ลู เนอเต๊เห่ อา เตหยื่อเตแหน่, เร๊อ อา เก่ ซิเง แลแค เตจ๊ออาเต. เตจ๊อเตเต เออเนอหม่า หม่าเฮ๊อ อา เมจว่าเฮ๊อ เหย่ซี เด๊อ อา เก่ โอ่เซอเพร โต เร๊อ จอแปแหร่ อาซิปล่อ เออเนอเต๊เห่ เฮ๊อ.
แว ราจว๊าเป่ ลีเออ เด๊อ แกแย เด๊อ จอแปแหร่ นว๊าแถ่ ลู เร๊อ อา จว๊า โอ่โก๊ แตแปล๊เตอเปล๊อ, อา จว๊า ทวา ซิเผระ เด๊อ อูเทออูเก่, เร๊อ อา โอ่ จว๊าปีชี ลอ เด๊อ อาเหล่โอ่ ปว๋า โต๊โผ่ เด๊อ ปอนทัสเก่, กาลาเทียเก่, คัปปาโดเซียเก่, กาลาเทียเก่, คัปปาโดเซียเก่, เอเซียเก่ เร๊อ บิธีเนียเก่กู เนอเต๊เห่ อา โอ่. แว หม่า คูเปโตร, แว หม่า เหย่ซู่ครี๊ อา เพรโด่แน เตเพร.
เร๊อ ซี เตหยื่อเตแหน่ เออเนอหมา อา หม่าแหน่ แอ? หม่า อา หม่าแหน่ โต่ แอ? เนอ, เตแป่เตเช เก่ ข่าเฮ๊โลปา. เท เด๊อ อา ปย๊าแจ่ เจ๊อ เออเนอ, อู เบ่ โต ทื๊อแม๊ ปา อา หมิ, ฮู๊เนออาขว่าอาคยา, ซี เตหยื่อเตแหน่ เด๊อ อางูดุงูชอ เล๊อ เร๊อ เทเออ, แซ่ฮู๊ อา เก่ เด๊อะโล เร๊อ เตหยื่อ หม่าแหน่ อาเงเนอ, อู โตเบ่ ทื๊อแม๊ เกอ ดื่อ อา ฮู๊เนอ. โทเรอ ช๋า เหย่ซู่ครี๊ แฮ เด๊อะโล แถ่เฮ๊อ อาเหน่ เคปาเนอ, ซี เก่ พย๊าหนิ เตถู่เซ๊แถ่, เตเตอเรอดุเตอเรอทู เน๊อ เตแด่ดุแด่ทู ซี ปา.
แว หม่า เพรหยื่อเอ่ตู๊หมู่ตอกล๊อ โหมะเผระ กู่กล๊อ เตเพร, โทเรอ แว หม่า เพรข่าเฮ๊โล เป่ ครี๊ อา เตข่าจาข่าจือ อาหรี่อาแก เตเพร. โท๊โต่ ช๋า จอแปแหร่ เด๊อะโล เฮ๊อ อู เร๊อ อา เตเตอเรอดุ เตอเรอทู เบ๊อะเนอปาเนอ, แว เบ่เบ่, แว เก่ โอ่เต่อเกอ เร๊อ อา เตเตอเรอดุ เตอเรอทู เออเนอ ปา. กู๊แหน่เรอ แว กุยซิยอ ซี เพรหยื่อเอ่ตู๊หมู่ตอกล๊อ โหมะพรูโหมะเผระ เด๊อ อา ทวา ทวาดุทวาเต เต๊เห่ เนอ,
เด๊อ อา เตโพรเตเตอเรอ เด๊อ อาดุอาทู เร๊อ อาเตแร๊ หม่าแหน่ เร๊อดื่อ เออเต๊เห่ อาขว่าอาคยา, อา เด๊อะแล โทเฮ๊อ เป อา เตอ๊อแล เด๊อ อางูดุ เร๊อ อาดุอาแย แหน่เจ๊อ เออเต๊เห่ เฮ๊อ. เด๊อ อา เด๊อะแล เตเออเต๊เห่ อาขว่าอาคยา, ซี เก่ แลเปล๊เถ่แก เร๊อ เหล่เตเน ปาต๊า มู๊แหม่รีแจ่ เด๊อ อา เมปย๊า ซี เด๊อ เห่ขุ เออเนอเต๊เห่ ปา. โท๊โต่ ซี เก่ ทวาแถ่ แซ่เกอดื่อ ฮู๊ จอแปแหร่ อาเหล่โกล เนอ ปา.
Sanasan