ทิโมธี อาเหร่อเล๊อ ต๊าบ่า 6:6 - ลีเทส่อพ๊าอาเซ เร๊อ เห่ขุทวาลู๊

⁶ หม่าแน๊เรอ, แกแย เด๊อ อา เก่ จูเอ่หยื่อเอ่ จอแปแหร่ เตเพรเพร เก่เฮ๊เนอ อา โอ่ เร๊อ เต ซิปล่อ เป่. ตื๊อเร๊อ เตแร๊ เด๊อ แหย่โย ตากยา เต๊เห่เนอ อา เก่ เมเล๊อเมบา เป่ ลู เตโอ่เซอเพร เต๊เห่ ปา.

Eastern Kayah Shadaw Dialect

⁶ ꤗꤢ꤬ꤔꤢꤧꤚꤣꤧ꤬, ꤊꤣꤧ꤬ꤛꤢꤧ꤭ ꤘꤣ ꤢ꤬ ꤊꤢꤩ꤬ ꤡꤢꤨ꤭ꤢꤩ꤬ꤛ꤫ꤢꤦ꤬ꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤊꤢꤩ꤬ꤟꤢꤩꤔꤣꤧ꤬ ꤢ꤬ ꤥ꤬ ꤔꤢꤧ ꤒꤢꤩ꤬ꤞꤤꤕꤜꤢꤪ꤬ꤗꤤ꤭꤯ ꤒꤢꤦꤚꤣꤧ꤬ ꤒꤢꤩ꤬ꤚꤢꤧ ꤘꤣ ꤢ꤬ꤞꤤꤕꤜꤢꤪ꤬ꤊꤢꤨ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤊ꤫ꤢꤦ꤬ ꤗꤢꤩ꤬ꤜꤣꤗꤢꤩ꤬ꤙꤢ꤭ ꤕ꤫ꤢꤩ꤬ ꤜꤢꤨ꤭ ꤒꤢꤩ꤬ꤥ꤬ꤞꤣꤧ꤭ꤖꤚꤢꤩ꤬ ꤒꤣꤧ꤬ꤟꤢꤩ꤬ ꤕꤢ꤭꤯

ทิโมธี อาเหร่อเล๊อ ต๊าบ่า 6:6 Iomraidhean Croise

ꤜꤢꤨꤊꤢ꤬ 12:15

โทเร๊อ อา เฮ๊ โป่ เหย่ซี เน๊อ, “โอ่รอโอ่เร แลแค, จว๊าวอ เควอแก แลแค เตแม๊ปู กู๊หว่ากู๊เวเอ่ เกอเร๊อ ดื่อเง เนอเต๊เห่ นี๋, เมเตเฮ๊เรอ แกแย เตเพรเนอ, อา ดุแหย่แถ่เซ เจ๊อบ๋า เต๋ เบ่เบ่, อา เตดุแหย่แถ่เซ เออเนอ อา เมแร๊ จว่าแจ่ ลู เตโอ่เซอเพร เตอเจ๋อ โต่.”

ꤜꤢꤨꤊꤢ꤬ 3:14

เกลอฮู๊ เต๊เห่ แด๊เฮอเกอ ลู เน๊อ, “เป ล๊า? เป โตเบ่ เมฮู๊เต?” เร๊อ อา เฮ๊ฉื่อ เหย่ซี เน๊อ, “เบ่ ปื่อเผ่ พย๊าเผ่ หนิ อูรืออูเท โต่. เกบู เกบย่า แต่ อู เตเพร๊ แต่เหม่ โตซิปล่อ หนิ แลแค เร๊อ คว๊าเก่ เด๊อ ซี พย๊าหนิ เนอเต๊เห่.”

ꤚꤥꤗꤢꤩ꤬ 8:28

แกแย เด๊อ อา โม จอแปแหร่, เร๊อ จอแปแหร่ เอ๊ ลู เน๊อ อา เหล่เตเน แม๊ชือ หนื่ออื่อ อาเง เต๊เห่เนอ, เตเมทวาแถ่ อาเหน่ เน๊อ เหย่ซี ฮู๊เตเต๋ เบ่เบ่เนอ, จอแปแหร่ เม เป่ เตแร๊ เด๊อ เหย่ซี เง เนอหม่า, เป ซิเง แพ๊.

โครินธ์ เนอบ่า ต๊าบ่า 4:17

เมเตเฮ๊เรอ เตแป่เตเช เด๊อ เป ข่าเบ่ อา เบ๊อะเห่ขุ เออเต๊เห่ เนอหม่า แตแปล๊เตอเปลอฮู๊ แพ๊. เป เก่ โต๊โหล่แม๊ เร๊อ เตตว่าเตแร๊ เด๊อ เป เก่ พย๊าหนิ อา ช๋า โหน่ปา ตือทือ ปา เต๊เห่ เฮ๊เนอหม่า, อาหม่า เร๊อ เตอเจ๋อ ล๋ายโต่. เบ๊อะเห่ขุเออ เป ข่าเบ่ เจ๊อ เตแป่เตเช เออเต๊เห่ หม่าแน๊เรอ เด๊อ ม๊อขุ ปาเนอ เตลีเตเตเค ตูจูเพร เด๊อ อาตว่าอาแร๊ เล๊อ, เร๊อ อาดุอาโถ่ เล๊อ เจ๊อ เร๊อ เตแป่เตเช เด๊อ เป ข่าเบ่ เด๊อ เห่ขุ เออเนอ, เป เก่ พย๊าหนิ ปา.

ฟีลิปปี 1:21

เตโอ่เซอเพร เด๊อ แวเง หม่า อิเต เฮ๊เรอ, แว ซิหยื่อ โอ่เซอเพร เป่ตื๊อแพ๊ เด๊อ ครี๊ อาเง แพ๊, เร๊อ แว เก่ เซอ เฮ๊เนอหม่า เตบุ๊ยเตเตอเรอ โอ่เอ๊ เล๊อ เจ๊อ เด๊อ แวเง เจ๊อ.

ทิโมธี อาเหร่อเล๊อ ต๊าบ่า 4:8

เตอิซว๊า แจ่แถ่ เนเหน่ เด๊อ เหน่กล่อพ๊าหย่า ตากยา เนอหม่า, อาบุ๊ยอาเตอเรอ โอ่ เต๊เห่. หม่าแน๊เรอ อิซว๊า แจ่แถ่ หนิ เนเหน่ ฮู๊ จอแปแหร่ ซิหยื่อ นอ โอ่เซอเพร เน เนอหม่า อาบุ๊ยเตอเรอ โอ่ ลอปลี เจ๊อ. เป จว๊าอิซว๊า แจ่แถ่ หนิโต่ เปเหน่ ฮู๊ จอแปแหร่ อา เตซิหยื่อ เนอ เมเตเฮ๊เรอ, เตเออเนอ อา เก่ ทวาบุ๊ยทวาเตอเรอ หม่าแหน่ ตื๊อเออ ตือทือ อาเงเนอ หม่าโต่, ช๋า เนอปา ตือทือ อาเง เบ่เบ่, อา ทวาบุ๊ยทวาเตอเรอ หม่าแหน่ เจ๊อ ปา.

ทิโมธี อาเหร่อเล๊อ ต๊าบ่า 6:8

หม่าแน๊เรอ, เป เหล่เอ่เหล่โอ เน๊อ เป เตกือเตแซ๊ เต๊เห่ เก่โอ่เฮ๊อ เนอ, เป เป่ซิปล่อ เฮ๊อ.

ꤟꤤꤙꤚꤢꤨ 13:5

โอ่ตาพา แลแค เน๊อ เตโมเร๊อ รือ เต๊เห่ นี๋. ซิปล่อโป่เป่ เกอเร๊อ แลแค เร๊อ เต เด๊อ อา โอ่ เน๊อ เนเนอ เต๊เห่, เมเตเฮ๊เรอ จอแปแหร่ เฮ๊ เน๊อ, “แว แด่โอ่แก เน๊อ เน ตีกี๋ โต่, แว วีแก เร๊อ เน แตแค๋ โต่,” อา เฮ๊ ฮู๊เนอ.