คูเปาโล เร๊อ คูบารนาบัส เคร๊แขะ ชอฉื่อ แหน่เจ๊อ แกแย เออเต๊เห่ เน๊อ เตหรี่เตแก เออเต๊อเจ่อ. ฮู๊เนอเรอ เด๊อ เตหรี่เตแก เออ อาขว่าอาคยา, อู นว๊าแถ่ คูเปาโล เร๊อ คูบารนาบัส เร๊อ แกแย โอ่ เด๊อ วีอันทิโอก อากู เต๊เห่, เร๊อ เหย่ซี โตเบ่ จว๊า แม๊เถอะฉื่อ เร๊อ เพรโด่แนพู๊ เต๊เห่ เร๊อ เพรหยื่อเอ่ตู๊หมู่ตอกล๊อ โหมะพรูโหมะเผร่ อา ทวาดุทวาเต เด๊อ วีเยรูซาเล็ม อากู เนอเต๊เห่.
ทิโมธี อาเหร่อเล๊อ ต๊าบ่า 6:4 - ลีเทส่อพ๊าอาเซ เร๊อ เห่ขุทวาลู๊4 ฮู๊เนอเรอ แกแย เออเต๊เห่เนอ, อา แด่ดุ พย๊าแถ่โล ตาลว๊าซิลือ แลแค เจ๊อ อาซิปล่อ เร๊อ อา ซิเง แลแค เตอเจ๋อ โต่. เหย่ซี ซิปล่อฉว่า ตาลว๊าซิลือ เด๊อ อา เก่ เคร๊แขะ อู เร๊อ ลีปล่อ ตอปล๊อ เร๊อ ตอปล๊อ อาโหง่แลช๊า เต๊เห่ อาขว่าอาคยา, เตเออเต๊เห่เนอ, อา นอโอ่แถ่ เตซิค๊า ลู, เตกย๊าตางา, เตเป๊อเจ่ออิแช๊, เร๊อ เตเนซื๊อ เกอลู เต๊เห่ แพ๊. Faic an caibideilEastern Kayah Shadaw Dialect4 ꤟꤢꤨꤔꤣꤧ꤬ꤚꤣꤧ꤬ ꤊꤣꤧ꤬ꤛꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤖꤛꤢꤘꤢꤨ꤬ ꤖꤛꤢꤓꤢꤧ꤬ꤜꤥ꤭ ꤒꤣꤧ꤬ꤜꤝꤢꤏꤢꤦꤜꤢꤦ꤭ ꤜꤢ꤭ꤋꤢꤧ꤭ ꤡꤣꤧ ꤢ꤬ꤞꤤꤕꤜꤢꤪ꤬ ꤚꤣꤧ꤬ ꤢ꤬ ꤞꤤꤑꤢꤩ꤭ ꤜꤢ꤭ꤋꤢꤧ꤭ ꤒꤣ꤬ꤡꤣ꤬꤮ ꤒꤥ꤬꤯ ꤛꤢꤩ꤬ꤞꤤ꤭ ꤞꤤꤕꤜꤢꤪ꤬ꤏꤝꤢ꤬ ꤒꤣꤧ꤬ꤜꤝꤢꤏꤢꤦꤜꤢꤦ꤭ ꤘꤣ ꤢ꤬ ꤊ꤫ꤢꤦ꤬ ꤋꤚꤢꤩꤋꤚ꤫ꤢꤧ꤬ ꤢꤨ꤭ ꤔꤢꤧ ꤜꤤ꤬ꤕꤜꤢꤪ꤬ ꤒꤣ꤬ꤕꤜꤢꤪ꤬ ꤔꤢꤧ ꤒꤣ꤬ꤕꤜꤢꤪ꤬ ꤢ꤬ꤍ꤫ꤥ꤬ꤜꤣꤧ꤬ꤏꤢ ꤒꤣꤧ꤬ꤟꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤒꤢꤩ꤬ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤔꤢꤪ꤭ꤥ꤬ꤓꤢꤧ꤬ ꤒꤢꤩ꤬ꤞꤤꤋꤢ ꤜꤢꤨ꤭, ꤒꤢꤩ꤬ꤊꤛꤢꤒꤢꤩ꤬ꤒꤣꤧ꤬ꤍꤢ꤭, ꤒꤢꤩ꤬ꤕꤣꤧ꤬ꤡ꤫ꤣꤧ꤬ꤕꤣꤧ꤬ꤢ, ꤔꤢꤧ ꤒꤢꤩ꤬ꤒꤣꤧ꤬ꤔꤢꤩ꤬ꤞꤢꤦ ꤋꤛꤢ꤭ꤜꤢꤨ꤭ ꤒꤣꤧ꤬ꤟꤢꤩ꤬ ꤖꤢꤧ꤯ Faic an caibideil |
ทิโมธี อาเหร่อเล๊อ ต๊าบ่า 6:4
44 Iomraidhean Croise
เออโตโพ๊เรอ, เป โอ่เซอเพร แซแร เอ่โอ เกออู ฮู๊ แกแย เด๊อ อา โอ่เซอ เพร เด๊อ เหมาะเชเกล เนอเต๊เห่ โป๋. เม ตอปลอแลยอ ป่วย เบ่เบ่, เอ่มือโอแพร๊ เบ่เบ่, สุ่ยหย่าเทอ อา เตซิหยื่อ มู๊แหม่ เต๊เห่ เบ่เบ่, เตเตเน ปาต๊าเปอเตอ เต๊เห่ เบ่เบ่, เตเตกย๊าตางา ลู เต๊เห่ เบ่เบ่, เตเตเน ซิเคว๊ ลู เต๊เห่ เบ่เบ่, เป เมปาโต่ เฮ๊อ โป๋.
หม่าแน๊เรอ, แว เฮ๊ ฮู๊เออ เร๊อ เด๊อ ซีเกล เนอ, แกแย เด๊อ อาซิปล่อ โต เกอ โต่ เนอ อาโอ่ เต๊เห่. เต เด๊อ แว ซิหยื่อ เฮ๊ เหย่ซี เนอหม่า ฮู๊เตเฮ๊เร๊อ, เป เพรโด่แนพู๊ เต๊เห่ อิซว๊าโค๊ เป่ อู เร๊อ เหล่โกลเหล่แบ่ เด๊อ อาโรเนอ อาโอ่ เตอเจ๋อ โต่. โท๊โต่ เพรหยื่อเอ่ เออ เด๊อ อา โอ่ เด๊อ วี เบ๊อะเต๋ ตีวี อากู เต๊เห่เนอ เบ่เบ่, เบ๊อะเหย่ซี จ๊อเบ เบ๊อะเนอ, อา เมแซ่ เกอ ลอ ฮู๊เนอ แพ๊.
แลโฮแล เกอเร๊อ แต่ ซีเหน่ เตเพร่ว แต่เหม่. แกแย เตเพรเพร เก่ เตเนโต่ เกอเร๊อ อาเหน่ เร๊อ แว หม่า เพรลีแมลีเพ๊ เตเพร เฮ๊เนอ, อา เบ่ ทวาแถ่ แกแย โอ่เล๊อโอ่กลอ เตเพร แว ซิหยื่อ เฮ๊เนอหม่า ฮู๊เตเฮ๊เนอ, อา เก่ เตเน เกอเร๊อ อาเง เร๊อ แว หม่า เพรลีแมลีเพ๊ เตเพร เออเนอ อาแซ่เน๊อ แกแย เด๊อ อา ซิเง เกออู จอแปแหร่ โต่ เต๊เห่ อาเต เตเน เนอ เฮ๊อ. แซ่ฮู๊ อา เก่ ทวาแถ่ เพรลีแมลีเพ๊ หม่าแหน่ เด๊อ จอแปแหร่ อาเป๊เส่เง เตเพรเนอ, อา เบ่ ทวาแถ่ แกแย โอ่เล๊อโอ่กลอ เตเพร เด๊อ แกแย เห่ขุพู๊ เต๊เห่ อา เป๊เส่เง.
เมเตเฮ๊เรอ ซี โอ่เซอเพร แซ่ ปาแพ๊ เน๊อ แกแย เห่ขุพู๊ เด๊อ อา ครวาลือ เม ปาแพ๊ แลแค ฮู๊ อา เตซิหยื่อซิลอ โอ่ เนอเต๊เห่ แพ๊. ซี ซิเคว๊ เกอเร๊อ เกอลู เตเพร เร๊อ เตเพร, ซีกย๊าตางา เกอเร๊อ เกอลู เนอหม่า อา เด๊อะโลแถ่เฮ๊อ เร๊อ ซี แซ่ ปาแพ๊ เน๊อ แกแย เห่ขุพู๊ เนอเต๊เห่ แพ๊ แวเฮ๊โต่? ซี เมแซ่ ปาแพ๊ เน๊อ แกแย เด๊อ อา หยื่อเอ่ เกออู ครี๊ โต่ เนอเต๊เห่ แพ๊.
แซ่ฮู๊ ซี เก่ ทวาแถ่ แกแย อาโพ๊อาแปละ เร๊อ อู เหล่แด่ เตซื๊อ เด๊อ ซีลู เก่ โอ่ ปา แต่เหม่, โท๊โต่ แซ่ฮู๊ ซี เก่ ทวาดื่อ จอแปแหร่ อา พู๊เหมาะพู๊คู เด๊อ อาเตซื๊อ โอ่ โต่ เต๊เห่, เร๊อ เบ๊อะซี โอ่เซอเพร เด๊อ แกแย มู๊แหม่ จ๊อเตโต่ เออเต๊เห่ อาเกล เอออาเค, แซ่ฮู๊ ซี เก่ ลีเตเคแถ่ เป่ อู ฮู๊ เฉ่เต๊เห่ เด๊อ เห่ขุต๊าบ่า เอออาเงเนอ, ซี เมเต อิเตเต๋ เบ่เบ่, ตามวาเตเล เคร๊แขะ แต่ แลแค แต่เหม่ นี๋.
แกแย เด๊อ อา นอฉว่า ซี เน๊อ ซี เบ่ แด่หยว่า ซี ซิปล่อ เร๊อ อา นอจ๊อเบแถ่ เกอ ซี เน๊อ ม๊อขุเตเน่วพู๊ เต๊เห่ ฮู๊ เหย่ซี จ๊อเบแถ่ เออเนอ เต๊เห่เนอ, ครวาเม เกอ แต่ เหย่ซี แต่เหม่ นี๋. ซี เก่ ครวาเกอ เหย่ซี อาเตอิซว๊าอี๊แส่ เต๊เห่ เฮ๊เนอหม่า, เตเมหนิคว๊าเก่ เด๊อ จอแปแหร่ อ๊อแล โทเฮ๊อ ซี เน๊อ อา เก่ เด๊อ ซี เนอเต๊เห่ ปาเนอ, ซี พย๊าหนิ ปา โต่. แกแย ฮู๊เนอเต๊เห่ หม่า อา เฮ๊ หนิเกอเร๊อ แลแค เจ๊อ อาเหน่ เน๊อ เป แม๊เถอะ เตแม๊ลว๊า เด๊อ จอแปแหร่ อา โอ่ อาขว่าอาคยา, เป พย๊าหนิ โค๊ดื่อ เตซิคว๊าซิเง เด๊อ จอแปแหร่ อา โอ่, อา เฮ๊ แลแค ฮู๊เนอ. เหย่ซี พย๊าแถ่โล หนิเกอเร๊อ แหน่เจ๊อ อา เหล่เตเน เออเต๊เห่ เน๊อ อา เตแด๊เล๊อแด๊กลอ เออเนอเต๊เห่ เจ๊อ.
ล๋อ เตเด๊อ อู เอ๊ เร๊อ จอแปแหร่, หม่าโต่เรอ, ล๋อ เตเด๊อ แกแย จ๊อเบแถ่ อา เต๊เห่เนอ, แกแย จามู๊แหม่ เออเตเพร เก่เท๊ เก่แตแอ ฉื่อแก ปา เร๊อ อา เก่ แด่แถ่โล อาเหน่ เร๊อ อาดุเล๊อ เจ๊อ เร๊อ ล๋อ เตเออเต๊เห่ ฮู๊เนอ เจ๊อ ปา. ฮู๊เนอ อาขว่าอาคยา, อา เก่ แฮโน โอ่แนโอ่ เด๊อ จอแปแหร่ เตหลู่แตโฮอากู ปา, เร๊อ อา เก่ แด๊กว๊าแล เกอ เร๊อ เจ๊อ อาเหน่ เร๊อ แว หม่า จอแปแหร่ เตเพร ฮู๊เนอ เจ๊อ ปา.
เตเฮ๊โฉ่หนิ เหย่ซี เน๊อ อา เก่ เมลอ แกเด ม๊อเนอม๊อเซ เน๊อ เตแด๊ กู๊นีกู๊โหน่ มู๋ หนู่เค เนอเต๊เห่ เน๊อ เตแด๊กลุยแด๊แล เด๊อ อาทู เนอเต๊เห่ แต่เหม่. เตเนอเต๊เห่ หม่า อา เด๊อะโอ่แถ่ แพ๊ เตเคร๊แขระ ลู, โท๊โต่ อา เมดู๊แด ตาตือ เต่อเกอโป่ดื่อ จอแปแหร่ อาเตเม เด๊อ เป เมแจ่ ตื๊อแพ๊ อา เน๊อ เตหยื่อเตแหน่ เออเนอเนอ.
เด๊อะ ซิเหน่แถ่ คยาแซ๊ ล๋อ เพรหยื่อเอ่ เออ เนอเต๊เห่ เน๊อ เตเออเต๊เห่ นี๋. เร๊อ แซ่ฮู๊ เหย่ซี เก่เคร๊เก่แขระ เกอ เร๊อ คยาลู เร๊อ โหง่เฮ๊เบ่ เออเต๊เห่ แต่เหม่เนอ นอรอ นอเร ส่าเผร่ เหย่ซี เด๊อ แบ่เจ่ อา เป๊เส่เง เนอ นี๋. เตเนอเต๊เห่ หม่า อา เมแร๊ เต หม่าโต่. โท๊โต่ อา เมปย๊าเมหลู่ แพ๊ แกแย เด๊อ อา แฮ หนิโฮ เหย่ซี เคร๊แขระ เกอเร๊อ คยาลู เน๊อ โหง่ เนอเต๊เห่ แพ๊.
เหย่ซี หม่า อาแซ่เน๊อ เตมีเตดอ เด๊อ อา เตเนแจ่ เกออู โต่ เต๊เห่. โทเรอ อา เม แลแค ฮู๊ อาเหล่โกล ซิหยื่อโอ่ เนอ เร๊อ อา โอ่เป๊เจ่แล เด๊อ อู เหล่ลือปื่อ เมเซอ เหย่ซี อาเง แพ๊. แกแย เออเต๊เห่ เนอหม่า อาเท๊อาแตแอ ฉื่อ, เป๊อเจ่ออิแช๊ ฉื่อ เต เด๊อ อา ซิเง ตาปลู๊โต่ เต๊เห่. อู เก่ เมเซอแก เหย่ซี ฮู๊ อู เมเซอ เตมีเตแหม่ เนอ ปา.
เหย่ซี เฮ๊เบ่ แถ่ม๊อแถ่โผ่ แลแค อา โหง่ เด๊อ อาบุ๊ยเตอเรอ โอ่โต่ เต๊เห่. เหย่ซี จว๊า อิซว๊า อู เร๊อ อู เก่ เมเตตาเร เด๊อ สุ่ยเทอพ๊าหย่า อา เตซิหยื่อ ปาต๊า เต๊เห่. เหย่ซี อี๊หล่า จว๊า ตาพาแก อู เร๊อ แกล๊โตแกล๊เบ่ เต๊เห่. แกแย เด๊อ เหย่ซี อี๊หล่า เต๊เห่เนอ, อา ตื๊อ โอ่โก๊เซ ปาแพ๊ เร๊อ อา เตซื๊อ ฮู๊ เหย่ซี เนอเต๊เห่ เมเนอ แพ๊.
แกแย เออเต๊เห่ เนอหม่า แกแย เด๊อ อา ตามวาเตเล ฉว่า เร๊อ อา แด่ ดื่อเง เตซื๊อ เด๊อ อูโร อาโอ่ ปว๋า โตโพ๊ เจ๊อ. เหย่ซี ครวาลือเม หนิเกอดื่อ อาเหน่กล่อ อา เตซิหยื่อซิลอ มู๊แหม่รีแจ่ เนอเต๊เห่ อาคยา แพ๊. เหย่ซี เฮ๊เบ่ ถู่เซ๊ เกอเร๊อ แลแค อาเหน่, โท๊โต่ แซ่ฮู๊ เหย่ซี เก่ พย๊าหนิ เต เด๊อ อา ซิหยื่อ เนอเต๊เห่ เนอ, อา เฮ๊เบ่ ถู่เซ๊หนิ แลแค อู.
Sanasan