ทิโมธี อาเหร่อเล๊อ ต๊าบ่า 5:5 - ลีเทส่อพ๊าอาเซ เร๊อ เห่ขุทวาลู๊

⁵ เพรเหมาะ เตเพร เด๊อ อา โอ่แคร๊ หม่าแหน่ เร๊อ อู เพรแม๊เพรตุ ลู โอ่โต่ เตเพรเนอ, อา แม๊ชือ อา เตเมจว่า เด๊อ จอแปแหร่ อา โอ่. โทเรอ เหมาะคี๊คี๊ เหมาะเชเกลเกล อา กุยจ๊อเบ โตโมโม เจ๊อ. โท๊โต่ อา กุยซิยอ จอแปแหร่ เร๊อ อา เก่ เมจว่า ลู.

Eastern Kayah Shadaw Dialect

⁵ ꤖꤚꤢꤩ꤬ꤗꤢꤪ꤬ ꤒꤣ꤬ꤖꤚꤢꤩ꤬ ꤘꤣ ꤢ꤬ ꤥ꤬ꤋꤚꤢꤧ ꤗ꤫ꤢ꤬ꤔꤤꤔꤢꤧ꤬ ꤚꤣꤧ꤬ ꤢꤨ꤭ ꤖꤚꤢꤩ꤬ꤗꤢꤧꤖꤚꤢꤩ꤬ꤡꤢꤧ꤬ ꤜꤢꤨ꤭ ꤥ꤬ꤒꤥ꤬ ꤒꤣ꤬ꤖꤚꤢꤩ꤬ꤔꤣꤧ꤬, ꤢ꤬ ꤗꤢꤧꤏꤢꤦ꤭ ꤢ꤬ ꤒꤢꤩ꤬ꤗꤢꤩ꤬ꤡꤝ꤫ꤢ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤥ꤬꤯ ꤓꤥ꤭ꤚꤣꤧ꤬ ꤗ꤫ꤢꤪ꤬ꤋꤤꤋꤤ ꤗ꤫ꤢꤪ꤬ꤞꤤ꤭ꤊꤜꤢꤩ꤭ꤊꤜꤢꤩ꤭ ꤢ꤬ ꤊꤝꤤ꤭ꤡꤢꤪꤙꤢꤩ꤭ ꤒꤣꤧ꤬ꤗꤥ꤭ꤗꤥ꤭ ꤡꤣꤧ꤯ ꤓꤥ꤭ꤒꤥ꤬ ꤢ꤬ ꤊꤝꤤ꤭ꤞꤤꤛꤢꤪ꤬ ꤡꤢꤪꤗꤣꤧ꤬ꤚꤢꤧ꤬ ꤔꤢꤧ ꤢ꤬ ꤊ꤫ꤢꤦ꤬ ꤗꤢꤩ꤬ꤡꤝ꤫ꤢ꤬ ꤜꤢꤨ꤭꤯

ทิโมธี อาเหร่อเล๊อ ต๊าบ่า 5:5 Iomraidhean Croise

ꤜꤢꤨꤊꤢ꤬ 18:1

โทเรอ เหย่ซู่ ซิหยื่อ เร๊อ อา โคเจ่ เต๊เห่ เก่ กุยจ๊อเบ แลแค ปว๋า โตโพ๊. เร๊อ เหย่ซี เก่ ซิปล่อปย๊า แต่ ตีกี๋ แต่เหม่ เนอเรอ, อา แด๊ค๊าโข่ เป่ อา โคเจ่ เต๊เห่ เน๊อ โหง่ ตือมือ.

ꤜꤢꤨꤊꤢ꤬ 18:7

แกแย เด๊อ จอแปแหร่ นว๊าแถ่ อา เต๊เห่เนอ, เก่ อา กุย เตเมจว่า ปวาเนอปวาเซ เฮ๊เรอ, จอแปแหร่ เด๊อะโตเด๊อะเบ่ เป่ เหย่ซี โต่หม่า อา โอ่แจ่ แหน่ แอ? แซ่ฮู๊ อา เก่ เมจว่า เป่ อู อาเง เนอเร๊อ อา เก่ เมคอเมยอ ปา แอ?

ꤜꤢꤨꤊꤢ꤬ 2:37

อาเว เซอแก ลูเหล่ เร๊อ อา โอ่แคร๊แก เร๊อดื่อ แพ๊. กู๊แหน่เรอ อาหน่า โอ่ เฮ๊อ เชอลุยซว๊า เร๊อ ลุยหน่า เฮ๊อ. อา เถ่จว๊า โตโพ๋ โต่, อา โอ่แพ๊ เบ๊อะเตหลู่แตโฮกูเนอ แพ๊. อา จ๊อบู่จ๊อเบแถ่ จอแปแหร่ เด๊อ เตเตหลู่แตโฮกู เหมาะคี๊คี๊ เหมาะเชเกลเกล เจ๊อ, โท๊โต่ อา โด่เอ่ เหล่เอ่เหล่โอ เร๊อ อา กุยจ๊อเบ ปวาเนอปวาเซ เจ๊อ.

เพรโด่แนพู๊ เต๊เห่ 26:7

จอแปแหร่ อา เตอ๊อแล เออเนอหมา หม่าเฮ๊อ กู๊แหน่เออ แกแยยิวพู๊ เช๊อเนอโหมะ เม เป่เฮ๊อ ลู อา เตเอ่เตแร, เร๊อ เหย่ซี โอ่ป่อแม๊ชือ เกอเร๊อเฮ๊อ เหมาะเฮ๊เหมาะลี เด๊อ อาแซ่เน๊อ แว แม๊ชือ เออเนอ เต๊อเจ่อเฮ๊อ. เพคุ๊ยดู๋ เด๊อ แว แม๊ชือเฮ๊อ เออเนอ อาขว่าอาคยา, แกแยยิวพู๊ เต๊เห่ แม๊ปู เก่ ลอเฮ๊อ แว เตซื๊อ เฮ๊อ.

เพรโด่แนพู๊ เต๊เห่ 6:1

เบ๊อะเนอ เค, เพรหยื่อเอ่ เต๊เห่ โอ่โหร่แถ่ เร๊อ โอ่โหร่แถ่ เร๊อ แกแยยิวพู๊ เด๊อ อา เฮ๊เบ่ กรีกโหง่ เต๊เห่ เร๊อ แกแยยิวพู๊ เด๊อ อา เฮ๊เบ่ หนิเร๊อดื่อ อาโหง่ เต๊เห่ เคร๊แขระคยาลู. แกแยยิวพู๊ เด๊อ อา เฮ๊เบ่ กรีกโหง่ เต๊เห่ เฮ๊ เร๊อ แกแย เด๊อ อา เบเอ่เบโอ เหล่เอ่เหล่โอ เตอเนอ เร๊อ เตอเนอ เต๊เห่เนอ อา แม๊ตาโผ่ เบ๊ขุแก เหย่ซี เพรเหมาะโอ่แคร๊ เต๊เห่, อา เฮ๊ แลแค ฮู๊เนอ.

เพรโด่แนพู๊ เต๊เห่ 9:39

เร๊อ คูเปโตร ตี๊หรี่แตแรแถ่หนิ อาเหน่ เร๊อ อา เถ่จว๊า เต่อโหร่เกอ เร๊อ เหย่ซี. อา จว๊าโต่ เด๊อ เหย่ซีโอ่ เบ๊อะเนอ, เหย่ซี เอ๊แถ่ ลู เด๊อ หี่ด๊อกู เด๊อ อาขุ โต๊โต่. เร๊อ ล๋อ เพรเหมาะโอ่แคร๊ เต๊เห่ โอ่ แลแค เบ๊อะเนอ เร๊อ เหย่ซี ก๊อถ่อ โหง่ ตาวา ลอปลี เร๊อ คูเปโตร. เร๊อ อา เด๊อะโล เป่ คูเปโตร เร๊อ จา เร๊อ อาจากลอ ซีเต๊เห่ เด๊อ เหมาะโดรคัส เช๊ เป่ เหย่ซี เบ๊อะอา โอ่เซอเพร เต่อเกอปา เร๊อ เหย่ซี เค เนอเต๊เห่.

เพรโด่แนพู๊ เต๊เห่ 9:41

คูเปโตร บ๊อแฮ อากู๊ขุ เร๊อ อา จุ่ยก๊อถ่อ ลู. โทเรอ อา เอ๊โน คยาแซ๊ เพรหยื่อเอ่ เต๊เห่ เร๊อ เพรเหมาะโอ่แคร๊ เต๊เห่ เร๊อ อา เด๊อะโล เหย่ซี เร๊อ เพร เหมาะ เด๊อ อา เซอเพร กาคยา คยาแซ๊ เออเตเพร.

ꤚꤥꤗꤢꤩ꤬ 1:12

แว ซิหยื่อ เฮ๊ ฮู๊เต เฮ๊เรอ เป เด๊อะอ๊าเด๊อะเหร่ เมจว่าเลอ เมจว่าเก่ คยาแซ๊ลู ซี เตหยื่อ เร๊อ แว เตหยื่อ ฮู๊เนอ เต๊อะเจ่อแพ๊.

ꤚꤥꤗꤢꤩ꤬ 1:5

เด๊อ ครี๊ อาขว่าอาคยาเร๊อ, จอแปแหร่ เด๊อะตา เป อา เตบุ๊ยเตเตอเรอ เร๊อ ม๊อเนอม๊อเซโตแร๊ เด๊อ เป เก่ ทวาแถ่ เพรโด่แนพู๊ เต๊เห่ เด๊อ ครี๊ อาเง. แซ่ฮู๊ ล๋อ แกแยยิวพู๊ หม่าโต่ เต๊เห่ เก่ หยื่อเอ่แหน่ เกออู เหย่ซู่, เร๊อ เหย่ซี เก่ หนิดา เกอ จอแปแหร่ โหง่ อาเงเนอเรอ, อา นอทวาแถ่ เป แพ๊.

โครินธ์ อาเหร่อเล๊อ ต๊าบ่า 7:32

เห่ขุ อา ตาหมื่อตาเต เออเต๊เห่เนอ, แว ซิหยื่อ นอกู่นอแก ซี โต่. แกแย เด๊อ อาเม โอ่ โต่ เตเพรเนอ, อา ซิหยื่อ ครวาลือ เมโต แบ่เจ่ อาซิปล่อ อาขว่าอาคยา, อา เบ่ บูโพ๊ อา เตเตเน เต๊เห่ เด๊อ แบ่เจ่ อาเง.

โครินธ์ อาเหร่อเล๊อ ต๊าบ่า 7:34

ฮู๊เนอเรอ, แกแย เด๊อ อาเม โอ่ เตเพรเนอ, อาซิปล่อ โอ่ เนอเม. เพรเหมาะ เด๊อ อาเว โอ่น๊อ โตโพ๋ โต่ เตเพร, หม่าโต่เรอ เพรเหมาะโอ่แคร๊ เตเพรเนอ, อา แด่ บูโพ๊ อา เตเตเน เต๊เห่ เด๊อ แบ่เจ่ อา เตเอ่เตแร เต๊เห่อาเง. เมเตเฮ๊เรอ อา ซิหยื่อ เด๊อะแล ลอ อาเหน่กล่อ เร๊อ อาซิปล่อ เนอเจ่อลอ เด๊อ จอแปแหร่ อาเง. หม่าแน๊เรอ เพรเหมาะ เด๊อ อาเว โอ่ เตเพรเนอ, อา เบกู่เบ่แก เร๊อ เห่ขุเน๊ขุ อา เตเอ่เตแร เต๊เห่. เมเตเฮ๊เรอ อา ซิหยื่อ ครวาลือ เมโต อาเว ซิปล่อ.

เอเฟซัส 6:18

กุยจ๊อเบ จอแปแหร่ เร๊อ กุยซิยอ หนิ ลู เด๊อ อา เก่ เมจว่า ซี เตปว๋า เต๊อเจ่อ นี๋. กุยจ๊อเบ แลแค ฮู๊ แหย่โยบูโพ๊แบ่เจ่ ยูแกล๊ยูโกล ซี เนอ ปว๋า โตโพ๊ นี๋. เร๊อ เบ๊อะซี กุยจ๊อเบ ฮู๊เนอ อาเค, โอ่ส่าเซ เร๊อ รอหนิ แลแค ซีเหน่ นี๋. กุยจ๊อเบ หนิเป่ลอ ล๋อ จอแปแหร่ อาแกแย เนอเต๊เห่ ปว๋า โตโพ๊ นี๋.

ฟีลิปปี 4:6

เบ่ยอ แต่ แลแค เตอเจ๋อ แต่เหม่ นี๋. หม่าแน๊เร๊อ เด๊อ เตล๋อ ปลี อากูเนอ, กุยจ๊อเบ เร๊อ กุย แลแค เต เด๊อ ซี โอ่ เนอเต๊เห่, เร๊อ กุย แลแค เน๊อ เตเฮ๊บุ๊ยเฮ๊เตอเรอ จอแปแหร่ นี๋.

ทิโมธี อาเหร่อเล๊อ ต๊าบ่า 2:1

เด๊อ เตล๋อ ปลี อาเกลเนอ เตเด๊อ อา โหล่ดุเล๊อ เด๊อ แว ซิหยื่อ เด๊อะอ๊าเด๊อะเหร่ ซี เนอหม่า หม่าเฮ๊อ ซี เก่ กุยจ๊อเบ เป่ เด๊อ อูเง ปว๋า เตเพร. เร๊อ กุยหนิ เป่ เกอ อูโร อาเตโหล่ เต๊เห่, โทเรอ เฮ๊บุ๊ยเฮ๊เตอเรอแถ่ เป่ จอแปแหร่ เด๊อ แกแย ล๋อ ปลี อาเง.

ทิโมธี อาเหร่อเล๊อ ต๊าบ่า 5:16

เพรเหมาะ เด๊อ อา ทวา ครี๊พู๊ เต๊เห่เนอ, เด๊อ อา กลุยแล อาเกลเนอ, เพรเหมาะโอ่แคร๊ เก่ โอ่ เตเพรเพร เฮ๊เรอ เหย่ซี เบ่ แม๊ตู่หนิ ลู. แด่แถ่ แต่ เตวี๊เตแย๊ เออเนอ เด๊อ เพรหยื่อเอ่ตู๊หมู่ตอกล๊อ อาโอ่ แต่เหม่, เมเตเฮ๊เรอ แซ่ฮู๊ เพร หยื่อเอ่ตู๊หมู่ตอกล๊อ เก่ แม๊ เมจว่า แพ๊ตื๊อ เพรเหมาะโอ่แคร๊ เด๊อ เพรเมจว่า ลู โอ่โต่ เต๊เห่ อาเงเนอเรอ, แม๊ตู่หนิ แลแค เหย่ซี นี๋.

ทิโมธี อาเหร่อเล๊อ ต๊าบ่า 5:3

เพรเหมาะโอ่แคร๊ เด๊อ อู เพร เมจว่า ลู โอ่โต่ เต๊เห่เนอ, แด่ดุหยื่อแหน่ เหย่ซี เร๊อ แม๊ตู่เมจว่า หนิ เหย่ซี นี๋.

ทิโมธี เนอบ่า ต๊าบ่า 1:3

แว เฮ๊บุ๊ยเฮ๊เตอเรอ จอแปแหร่ เด๊อเนเง. อา หม่า จอแปแหร่ เตเพร เด๊อ แว เม อาเต เน๊อ แว ซิปล่อ อา เหล่เตเน อาโพ๊อาแปละ ฮู๊ แว โหมะเพเพอโพ เด๊อ เด๋อ งย๊า เต๊เห่ เมโทเฮ๊อ เนอเฮ๊อ. เบ๊อะแว ซิเหน่แถ่เบ่ เน ปว๋า โตโพ๊ เบ๊อะเนอ, แว เฮ๊บุ๊ยเฮ๊เตอเรอ จอแปแหร่ เร๊อ แว กุยจ๊อเบ เด๊อ เนเง เหมาะคี๊คี๊ เหมาะเชเกลเกล เจ๊อ.

เปโตร อาเหร่อเล๊อ ต๊าบ่า 3:5

เมเตเฮ๊เรอ เพรเหมาะ เด๋อ งย๊าเค เด๊อ อา แด่ อา เตแม๊ชือ เด๊อ จอแปแหร่ อา โอ่ เนอเต๊เห่ อา เตตี๊หรี่ตว่า อาเหน่ หม่า หม่าเฮ๊อ อา แด่หยว่า แลแค อาซิปล่อ เด๊อ อาเวเล เออเนอ เฮ๊อ.