ทิโมธี อาเหร่อเล๊อ ต๊าบ่า 5:1 - ลีเทส่อพ๊าอาเซ เร๊อ เห่ขุทวาลู๊

¹ ซิพรวา แต่ เพรคู โหมะเผระ แต่เหม่ นี๋, หม่าแน๊เรอ กุยซิยอ เฮ๊เบ่ แด่ดุหยื่อแหน่ อา ฮู๊ เน กุยซิยอ เนเพ เนอ นี๋. เพรคู เด๊อ อาหน่าเจ่ เต๊เห่เนอ แด่ อา ฮู๊ เนโป่ เร๊อ เนเหน่ เนอ นี๋.

Eastern Kayah Shadaw Dialect

¹ ꤞꤤꤖꤚꤝꤢ꤭ ꤒ꤫ꤢꤧ꤬ ꤖꤚꤢꤩ꤬ꤋꤢꤨ꤭ ꤗ꤫ꤥ꤬ꤖꤚ꤫ꤢꤩ꤬ ꤒ꤫ꤢꤧ꤬ꤗꤢꤩ꤬ ꤔꤤ꤮, ꤗꤢ꤬ꤔꤢꤧꤚꤣꤧ꤬ ꤊꤝꤤ꤭ꤞꤤꤛꤢꤪ꤬ ꤟꤢꤩꤙꤢꤩ꤬ ꤘꤢꤧ꤬ꤘꤢꤨ꤬ꤛ꤫ꤢꤦ꤬ꤔ꤫ꤢꤧ꤬ ꤢ꤬ ꤟꤢꤨ ꤔꤢꤧ꤬ ꤊꤝꤤ꤭ꤞꤤꤛꤢꤪ꤬ ꤔꤢꤧ꤬ꤖꤢꤩ꤭ ꤔꤣꤧ꤬ ꤔꤤ꤮꤯ ꤖꤚꤢꤩ꤬ꤋꤢꤨ꤭ ꤘꤣ ꤢ꤬ꤔꤢ꤬ꤡ꤫ꤢꤩ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤘꤢꤧ꤬ ꤢ꤬ ꤟꤢꤨ ꤔꤢꤧ꤬ꤕ꤫ꤥ꤬ ꤔꤢꤧ ꤔꤢꤧ꤬ꤔ꤫ꤢꤩ꤬ ꤔꤣꤧ꤬ ꤔꤤ꤮꤯

ทิโมธี อาเหร่อเล๊อ ต๊าบ่า 5:1 Iomraidhean Croise

มัทธิว 23:8

“หม่าแน๊เรอ ซี เร๊อ นอ เอ๊ ‘ซ๊าร๊า’ แต่ อู เร๊อ ซีเหน่ แต่เหม่ นี๋, เมเตเฮ๊เรอ ซีซ๊าร๊า หม่า อา โอ่ แพ๊ เตเพรเพร่ว แพ๊.

เพรโด่แนพู๊ เต๊เห่ 14:23

เด๊อ เพรหยื่อเอ่ตู๊หมู่ตอกล๊อ ตู๊หมู่ เร๊อ ตู๊หมู่ อากูเนอ, คูเปาโล เร๊อ คูบารนาบัส นว๊าแถ่ เป่ เหย่ซี โหมะพรูโหมะเผระ เด๊อ อา เบ่ ทวา ทวาดุทวาเต เต๊เห่. เร๊อ อา กุยจ๊อเบ เป่ เหย่ซี, โทเรอ อา โด่เอ่ เหล่เอ่เหล่โอ, อา เมโท ฮู๊เนอเรอ อา เด๊อะตาแก แกแย เออเต๊เห่ เด๊อ แบ่เจ่ เด๊อ เหย่ซี หยื่อเอ่ เกอเร๊อ เออเตเพร อา กู๊ยากู.

เพรโด่แนพู๊ เต๊เห่ 15:4

เบ๊อะเหย่ซี จว๊าโต่ เด๊อ วีเยรูซาเล็ม เบ๊อะเนอ, เพรหยื่อเอ่ ตู๊หมู่ตอกล๊อ เต๊เห่ เร๊อ เพรโด่แนพู๊ เต๊เห่ เร๊อ เพรหยื่อเอ่ตู๊หมู่ตอกล๊อ โหมะพรูโหมะเผร่ เด๊อ อา ทวา ทวาดุทวาเต เต๊เห่ เอ๊โมฉื่อ เหย่ซี เร๊อ แด๊โฉ่ เป่ อู เร๊อ เตหรี่เตแก เด๊อ จอแปแหร่ เม แฮเง เต เด๊อ เหย่ซีกู เต๊เห่ อาหรี่อาแก.

เพรโด่แนพู๊ เต๊เห่ 15:6

เพรโด่แนพู๊ เต๊เห่ เร๊อ เพร เด๊อ อา ทวา เพรหยื่อเอ่ตู๊หมู่ตอกล๊อ โหมะพรูโหมะเผร่ ทวาดุทวาเต เต๊เห่เนอ, เหย่ซี โอ่ปล๊อเฮ๊เบ่ แคลู เร๊อ เหย่ซี เตเน โหร่แคลู เตหรี่เตแก เออเต๊อเจ่อ.

เพรโด่แนพู๊ เต๊เห่ 20:17

เบ๊อะคูเปาโล โอ่เบ๊อะวีมิเลทัส เบ๊อะเนอ, อา หม่าแฮ เพรหยื่อเอ่ตู๊หมู่ตอกล๊อ โหมะพรูโหมะเผร่ เด๊อ อา ทวา ทวาดุทวาเต เร๊อ อา โอ่ แลแค เด๊อ วีเอเฟซัส อากู เนอเต๊เห่ เด๊อ อา โอ่. เร๊อ อา เฮ๊ เหย่ซี เน๊อ อา เก่ จว๊า แม๊เถอะ ตาฉื่อ ลู เบ๊อะวีมิเลทัส อากูเออ.

ꤚꤥꤗꤢꤩ꤬ 13:7

ฮู๊เนอเรอ, ซี โหล่ เด๊อ อู เต๊เห่เนอ, เด๊อ แลแค, เก่ ซี โหล่ เด๊อะ ซีเงเร๊อดื่อ อาหมู่อาร๊า เก่เฮ๊เรอ เด๊อ แลแค นี๋. ซี เก่ โหล่เด๊อะ อาหมู่อาร๊า เด๊อ อาโร เต๊เห่ เฮ๊เรอ ตูรู๊ เด๊อ แลแค นี๋. ซี โต เบ่หยื่อเบ่แหน่ อู เต๊เห่เนอ เบ่หยื่อเบ่แหน่ แลแค อู นี๋. ซี โต เมลีเมเตเค อู เต๊เห่เนอ เมลีเมเตเค แลแค อู นี๋.

ꤊꤢ꤬ꤜꤢ꤬ꤒꤤ 6:1

โป่แหว่ ซี๋, ซี เก่ แม๊เถอะ แกแย เตเพรเพร เด๊อ อา เมซื๊อ เต เต๊อเจ่อเจ่อ เฮ๊เนอ, ซี เด๊อ อา โอ่เซอเพร ฮู๊ แหย่โยบูโพ๊ แบ่เจ่ ยูแกล๊ยูโกล หนิ ซี เออ เต๊เห่เนอ, ซี โหล่ จว๊า อิซว๊าอี๊แส่ กาคยา อา. ซี เบ่ อี๊ลอ ซิโดซิงา อา โทเรอ แซ่ฮู๊ ซี เก่ ครวาจว๊าเกอ แต่ เด๊อ อิลออี๊โหล่ อากู แต่เหม่ เนอ, รอหนิ แลแค ซีเหน่ นี๋.

ทิโมธี อาเหร่อเล๊อ ต๊าบ่า 5:17

โหมะพรูโหมะเผระ เด๊อ อา ทวา ทวาดุทวาเต เด๊อ อา เมแร๊เต เต๊เห่เนอ, ซี โตเบ่ แด่หยื่อแด่แหน่ เหย่ซี, โท๊โต่ เหย่ซี โตเบ่ พย๊าหนิ โป่เอ่โป่โอ เลคว๊าเลเก่. โหมะพรูโหมะเผระ เด๊อ อา ทวา ทวาดุทวาเต เด๊อ อา ครือเม จอแปแหร่ อาเตเม เต๊เห่, เร๊อ อา แด๊โฉ่โด่แน เป่ อู เน๊อ จอแปแหร่ อาลาอาโหง่ เร๊อ อา อิซว๊าอี๊แส่ เป่ อู เน๊อ จอแปแหร่ อาลาอาโหง่ เต๊เห่เนอ, ซี โตเบ่ แด่หยื่อแด่แหน่ เหย่ซี, เด๊อะโป่เอ่โป่โอ เป่ เหน่เจ๊อ เหย่ซี เลคว๊าเลเก่ เจ๊อ.

ทิโมธี อาเหร่อเล๊อ ต๊าบ่า 5:2

แด่หยื่อแด่แหน่ แลแค เพรเหมาะ โหมะเผระ เต๊เห่ ฮู๊ เนโหมะ เนอ นี๋. โทเรอ เพรเหมาะ เด๊อ อาหน่าเจ่ เต๊เห่เนอ, แด่หยื่อแด่แหน่ เหย่ซี เร๊อ เตเน อาโพ๊อาแปละ เหย่ซี ฮู๊ เน โป่เพรเหมาะ เนอ นี๋.

ꤒꤤꤒꤢꤨ 2:2

แซ่ฮู๊ โหมะเผระ เพรคู เต๊เห่ เก่ แอ๊ แซแรฉ่าเผระ เกอ แลแค อาเหน่, แซ่ฮู๊ อู เก่ แด่ดุหยื่อแหน่ เกอ เหย่ซี, เร๊อ แซ่ฮู๊ เหย่ซี เก่ ค๊อเบ๊ เร๊อ แลแค อาซิปล่อ เนอเรอ, อิซว๊าอี๊แส่ แลแค เหย่ซี นี๋. เหย่ซี โตเบ่ โอะ เร๊อ อา เบหยื่อเบแหน่ เด๊อ อาฉว่าอาชอ, เหย่ซี โตเบ่ เล๊อบา เร๊อ เตโมหนี่เร๊ออู, เหย่ซี โตเบ่ ข่าจาข่าจือ แด่ทูซิปล่อเบ๊ แลแค.

ꤒꤤꤒꤢꤨ 2:6

ฮู๊เนอเฮ๊อ, เด๊อะอ๊าเด๊อะเหร่ เป่เกอ เพรคู หน่าเจ่ เต๊เห่เนอ เร๊อ อา เก่ ค๊อเบ๊ หนิแจ่ เร๊อเกอ แลแค อาซิปล่อ.

ꤡꤛꤢꤩ꤭ꤗꤢ꤬ꤎꤣ꤬ 3:17

หม่าแน๊เรอ เตเตเนแจ่ เด๊อ อา โอ่ เด๊อ ม๊อขุ แฮ เฮ๊เนอหม่า อา อาโพ๊อาแปละ เหร่อเล๊อ ปา, โทปาเรอ อา เด๊อะ โอ่แถ่ดื่อ เตโมเตเป, เหล่เตเน แจ่เป่ เด๊อ อูเง, ซิปล่อโอ่ หนิดา อู เตเฮ๊เบ่, เล๊อบา เร๊อ เตซิยอ เร๊อ เมเตแร๊ เต๊เห่, แม๊ดุ แม๊ปีตี๊ อู โต่, โทเรอ เตจ่า เมค๊าเมโข่ เต๊เห่ โอ่ โต่.

ꤡꤛꤢꤩ꤭ꤗꤢ꤬ꤎꤣ꤬ 5:14

เด๊อ ซีเกล เนอ, แกแยชู๊ยแกแยเช โอ่ เตเพรเพร แอ? อา เก่ โอ่ เฮ๊เรอ, อา โตเบ่ เอ๊ เพรหยื่อเอ่ตู๊หมู่ตอกล๊อ โหมะพรูโหมะเผร่ เด๊อ อา ทวา ทวาดุทวาเต เต๊เห่ เร๊อ โหมะพรูโหมะเผร่ เออเต๊เห่ เก่ โปล่ ลู เร๊อ ถ่าเทอ เด๊อ แบ่เจ่ อามุย อากู เร๊อ เหย่ซี โตเบ่ กุยจ๊อเบ เป่ เด๊อ ลูเง.

เปโตร อาเหร่อเล๊อ ต๊าบ่า 5:1

แว หม่า เพรหยื่อเอ่ตู๊หมู่ตอกล๊อ โหมะเผระ กู่กล๊อ เตเพร, โทเรอ แว หม่า เพรข่าเฮ๊โล เป่ ครี๊ อา เตข่าจาข่าจือ อาหรี่อาแก เตเพร. โท๊โต่ ช๋า จอแปแหร่ เด๊อะโล เฮ๊อ อู เร๊อ อา เตเตอเรอดุ เตอเรอทู เบ๊อะเนอปาเนอ, แว เบ่เบ่, แว เก่ โอ่เต่อเกอ เร๊อ อา เตเตอเรอดุ เตอเรอทู เออเนอ ปา. กู๊แหน่เรอ แว กุยซิยอ ซี เพรหยื่อเอ่ตู๊หมู่ตอกล๊อ โหมะพรูโหมะเผระ เด๊อ อา ทวา ทวาดุทวาเต เต๊เห่ เนอ,

ยอห์น เนอบ่า ต๊าบ่า 1:1

แว หม่า โหมะพรูโหมะเผร่ เด๊อ อา ทวา ทวาดุทวาเต เตเพร เร๊อ แว ราจว๊าเป่ ลีเออ เด๊อ โหมะ เด๊อ จอแปแหร่ นว๊าแถ่ อา เออเนอ เตเพร เร๊อ อาพู๊ ซีเต๊เห่ อา โอ่. ซี หม่า แกแย เด๊อ แว โมเร๊อ หม่าแหน่ เจ๊อ เต๊เห่. แว เตเพร โม ตื๊อดื่อ ซี เนอ หม่าโต่, แกแย เด๊อ อา ซิเง เตหมะเตจ๊อ ปว๋า เตเพร เต๊เห่ โมเร๊อ เกอดื่อ ซีซี.

ยอห์น โซบ่า ต๊าบ่า 1:1

แว หม่า โหมะพรูโหมะเผระ เด๊อ อา ทวา ทวาดุทวาเต เตเพร เร๊อ แว ราจว๊าเป่ ลีเออต๊าบ่า เด๊อ คูกายอัส อาโอ่. คูกายอัส หม่า แกแย เด๊อ แว โมเร๊อ หม่าแหน่ เจ๊อ อา เตเพร เจ๊อ.

เตเด๊อะโลแถ่ 4:4

จ๊อแผ่ กู่แกล๊เท แถ่โล เด๊อ อาโร เนอเชอ เร๊อ ลุยเม เออเนอ อา โอ่ตาวา เร๊อ จ๊อแผ่ กู่แกล๊เท แถ่โล เออ เร๊อ จ๊อแผ่ กู่แกล๊เท แถ่โล เออเต๊เห่ อาขุ เนอ, โหมะพรูโหมะเผร่ เนอเชอ เร๊อ ซิลุย เด๊อ อา กือแซ๊แถ่ เห่อจาบู เร๊อ อา โก่แถ่ กู๊โก่เท เต๊เห่ โอ่แนโอ่ แลแค เบ๊อะเนอ.