ทิโมธี อาเหร่อเล๊อ ต๊าบ่า 4:8 - ลีเทส่อพ๊าอาเซ เร๊อ เห่ขุทวาลู๊

⁸ เตอิซว๊า แจ่แถ่ เนเหน่ เด๊อ เหน่กล่อพ๊าหย่า ตากยา เนอหม่า, อาบุ๊ยอาเตอเรอ โอ่ เต๊เห่. หม่าแน๊เรอ อิซว๊า แจ่แถ่ หนิ เนเหน่ ฮู๊ จอแปแหร่ ซิหยื่อ นอ โอ่เซอเพร เน เนอหม่า อาบุ๊ยเตอเรอ โอ่ ลอปลี เจ๊อ. เป จว๊าอิซว๊า แจ่แถ่ หนิโต่ เปเหน่ ฮู๊ จอแปแหร่ อา เตซิหยื่อ เนอ เมเตเฮ๊เรอ, เตเออเนอ อา เก่ ทวาบุ๊ยทวาเตอเรอ หม่าแหน่ ตื๊อเออ ตือทือ อาเงเนอ หม่าโต่, ช๋า เนอปา ตือทือ อาเง เบ่เบ่, อา ทวาบุ๊ยทวาเตอเรอ หม่าแหน่ เจ๊อ ปา.

Eastern Kayah Shadaw Dialect

⁸ ꤒꤢꤩ꤬ꤤ꤬ꤞꤝꤢ ꤡ꤫ꤢꤧ꤬ꤓꤢꤧ꤬ ꤚꤣꤧꤔ꤫ꤢꤩ꤬ ꤘꤣ ꤔ꤫ꤢꤩ꤬ꤊꤜ꤫ꤢꤪ꤬ꤖꤢꤛꤢ꤬ ꤒꤣ꤬ꤊꤛꤢ꤭ ꤔꤣꤧ꤬ꤗꤢ꤬, ꤢ꤬ꤙꤝꤤꤢ꤬ꤒꤣꤧ꤬ꤚꤣꤧ꤭ ꤥ꤬ ꤒꤣꤧ꤬ꤟꤢꤩ꤬꤯ ꤗꤢ꤬ꤔꤢꤧꤚꤣꤧ꤬ ꤤ꤬ꤞꤝꤢ ꤡ꤫ꤢꤧ꤬ꤓꤢꤧ꤬ ꤚꤣꤧ ꤔꤢꤧ꤬ꤔ꤫ꤢꤩ꤬ ꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤞꤤꤛ꤫ꤢꤦ꤬ ꤔꤢꤪ꤭ ꤥ꤬ꤞꤣꤧ꤭ꤖꤚꤢꤩ꤬ ꤔꤢꤧ꤬ ꤔꤣꤧ꤬ꤗꤢ꤬ ꤢ꤬ꤙꤝꤤꤒꤣꤧ꤬ꤚꤣꤧ꤭ ꤥ꤬ ꤜꤢꤪ꤭ꤕꤜꤤ꤭ ꤡꤣꤧ꤯ ꤕꤢꤩ꤬ ꤡꤝꤢꤤ꤬ꤞꤝꤢ ꤡ꤫ꤢꤧ꤬ꤓꤢꤧ꤬ ꤚꤣꤧꤒ꤫ꤥ꤬ ꤕꤢꤩ꤬ꤔ꤫ꤢꤩ꤬ ꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ ꤔꤣꤧ꤬ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤒꤢꤩ꤬ꤣꤧ꤭ꤔꤣꤧ꤬ ꤢ꤬ ꤊ꤫ꤢꤦ꤬ ꤓꤝꤢ꤭ꤙꤝꤤꤓꤝꤢ꤭ꤒꤣꤧ꤬ꤚꤣꤧ꤭ ꤗ꤫ꤢ꤬ꤔꤤꤔꤢꤧ꤬ ꤒꤢꤦꤣꤧ꤭ ꤒꤣ꤬ꤓꤢꤦ꤭ ꤢ꤬ꤑꤢꤩ꤭ꤔꤣꤧ꤬ ꤗ꤫ꤢ꤬ꤒꤥ꤬, ꤏꤢ꤮ ꤔꤥ꤬ꤕꤢ꤭ ꤒꤣ꤬ꤓꤢꤦ꤭ ꤢ꤬ꤑꤢꤩ꤭ ꤙꤢꤩ꤬ꤙꤢꤩ꤬, ꤢ꤬ ꤓꤝꤢ꤭ꤙꤝꤤꤓꤝꤢ꤭ꤒꤣꤧ꤬ꤚꤣꤧ꤭ ꤗ꤫ꤢ꤬ꤔꤤꤔꤢꤧ꤬ ꤡꤣꤧ ꤕꤢ꤭꤯

ทิโมธี อาเหร่อเล๊อ ต๊าบ่า 4:8 Iomraidhean Croise

มัทธิว 12:32

แกแย เตเพรเพร เก่ เฮ๊ซื๊อ แกแยเห่ขุ อาพู๊คู หม่าเฮ๊อ แว เออเนอ, จอแปแหร่ เก่ ปลวาแก ลูเตซื๊อ แพ๊, หม่าแน๊เรอ แกแย เด๊อ อา เฮ๊ซื๊อ แหย่โยบูโพ๊ แบ่เจ่ เนอ, เออเตอทือ เบ่เบ่, โหน่ปา ตือทือ เบ่เบ่, จอแปแหร่ ปลวาแก แจ่ ปา ลูเตซื๊อ โต่.

มัทธิว 19:29

โท๊โต่ อูเปเป๋ เบ่เบ่, เด๊อ แวขว่า แวคยาเรอ, อา แด่แก อาหี่อาเพร๊ เบ่เบ่, อาโป่อาแหม่ เต๊เห่ เบ่เบ่, อาโหมะอาเพ เบ่เบ่, อาพู๊ อาเลอ เต๊เห่ เบ่เบ่, อา เก่ พย๊าหนิ เอ๊เล๊อ ปา เจ๊อ เร๊อ อา แด่แก เนอเต๊เห่ อาโพ๊ เด๊อ อาเยกู ปา, โทเรอ อา เก่ พย๊าหนิ ซิปล่อเซอเพร ตูจูเพร ปา.

มัทธิว 6:33

แม๊ปู เหร่อ แลแค จอแปแหร่ อาเทออาเก่ เน๊อ เตจ๊อ เตเต เต๊เห่เนอ, เร๊อ ล๋อ เตเด๊อ ซี โหล่ เออเต๊เห่เนอ, จอแปแหร่ เก่ เด๊อะ เกอโป่ดื่อ ซี ปา.

ꤗꤢ꤬ꤊꤢꤨ 10:30

อา โอ่เซอเพร เออตือทือเรอ, อา เก่ พย๊าหนิ เอ๊แถ่ เล๊อโป่อาเลอ อาหี่, อาโป่อาแหม่, อาโหมะอาเพ, อาพู๊อาเลอ, อาเพเร๊อาแหล่ ซีเต๊เห่ เด๊อ อาโพ๊ เตเย เจ๊อ ปา หม่าแน๊เรอ อู เก่ เมจาเมจือ อา ปา เนอปา ตือทือ เร๊อ อา เก่ พย๊าหนิ ซิปล่อเซอเพร ตูจูเพร ตาแลเคร๊ ปา.

ꤜꤢꤨꤊꤢ꤬ 5:38

อู โตเบ่ ยือโน แพ๊ เทอแยเซ เด๊อ เทอโอพ๊าเซ อากู แพ๋.

ꤚꤥꤗꤢꤩ꤬ 8:28

แกแย เด๊อ อา โม จอแปแหร่, เร๊อ จอแปแหร่ เอ๊ ลู เน๊อ อา เหล่เตเน แม๊ชือ หนื่ออื่อ อาเง เต๊เห่เนอ, เตเมทวาแถ่ อาเหน่ เน๊อ เหย่ซี ฮู๊เตเต๋ เบ่เบ่เนอ, จอแปแหร่ เม เป่ เตแร๊ เด๊อ เหย่ซี เง เนอหม่า, เป ซิเง แพ๊.

โครินธ์ อาเหร่อเล๊อ ต๊าบ่า 3:22

คูเปาโล เบ่เบ่, คูอปอลโล เบ่เบ่, คูเปโตร เบ่เบ่, เห่ขุต๊าบ่า ลอ เจ๊อ เบ่เบ่, เตเซอ เร๊อ เตเซอเพร เบ่เบ่, ทือเค กู๊แหน่เค เออเบ่เบ่, ช๋า เนอปา ตือทือ เบ่เบ่, จอแปแหร่ เด๊อะตา ลอ เตเออเต๊เห่ เด๊อ อา เก่ ทวาบุ๊ยทวาเตอเรอ เด๊อ ซีเง แพ๊.

โครินธ์ อาเหร่อเล๊อ ต๊าบ่า 8:8

เหล่เอ่เหล่โอ เออเนอ อา เมแร๊แถ่โต่ เป เตแบ๊ซว๊าแบ๊โค เร๊อ จอแปแหร่ ตีกี๋ โต่. เป เอ่ เบ่เบ่, เป เอ่ โต่ เบ่เบ่, อา เหล่ทวาบุ๊ย ทวาเตอเรอ เอ๊แถ่ โป่ เด๊อ เปเง เตอเจ๋อ โต่.

ทิโมธี อาเหร่อเล๊อ ต๊าบ่า 4:7

หม่าแน๊เรอ เตแด๊ เด๋อ งย๊าเค เด๊อ อา ตาโตตาเบ่ เกอ เน๊อ จอแปแหร่ หม่าโต่ เนอเต๊เห่ เนอ, เตแด๊ เด๊อ อาบุ๊ยอาเตอเรอ โอ่เกออูโต่ เนอเต๊เห่เนอ, จว๊าวอ เค วอ แก แลแค นี๋ โท๊โต่ แซ่ฮู๊ เน เก่ โอ่เซอเพร ฮู๊ จอแปแหร่ อา เตซิหยื่อ อาเงเนอ อิซว๊า แจ่แถ่ หนิคยา เนเหน่ ปว๋า โตโพ๊ นี๋.

ทิโมธี อาเหร่อเล๊อ ต๊าบ่า 6:3

แกแย เต๊เห่เห่ เนอ อา อิซว๊าอี๊แส่ ซื๊อ แลแค อู. เหย่ซี อาเตอิซว๊าอี๊แส่ เออเนอ, อาโต เกอ เร๊อ เป แบ่เจ่ เหย่ซู่ ครี๊ อา เตอิซว๊าอี๊แส่ เด๊อ อาหม่าอาจ๊อ เออเนอ โต่. เตอิซว๊าอี๊แส่ เด๊อ อา เก่ เมจว่า เป่ เกออู ฮู๊ จอแปแหร่ ซิหยื่อ นอ โอ่เซอเพร อู เต๊เห่เนอ เหย่ซี อิซว๊า เป่ เกออู โต่โต่.

ทิโมธี อาเหร่อเล๊อ ต๊าบ่า 6:5

โท๊โต่, อา นอโอ่แถ่ เตเคร๊แขะ อู ปว๋า โตโพ๊. แกแย เด๊อ อา เคร๊แขะ อู เออเต๊เห่ อา เหล่เตเน เนอหม่า อา มู๊แหม่รีแจ่ เร๊อ เตหมะเตจ๊อ โอ่ปา เจ๊อ เด๊อ เหย่ซีกู โต่. เตจ๊อบู่จ๊อเบ เนอหม่า เกล๊ เด๊อ อู เก่ ดุแหย่แถ่เซ อาเง โตโบ เหย่ซี เตเน แลแค ฮู๊เนอ แพ๊.

ทิโมธี อาเหร่อเล๊อ ต๊าบ่า 6:6

หม่าแน๊เรอ, แกแย เด๊อ อา เก่ จูเอ่หยื่อเอ่ จอแปแหร่ เตเพรเพร เก่เฮ๊เนอ อา โอ่ เร๊อ เต ซิปล่อ เป่. ตื๊อเร๊อ เตแร๊ เด๊อ แหย่โย ตากยา เต๊เห่เนอ อา เก่ เมเล๊อเมบา เป่ ลู เตโอ่เซอเพร เต๊เห่ ปา.

ทิโมธี เนอบ่า ต๊าบ่า 3:5

เหย่ซี จ่า ครวาเมเกอบย่า แพ๊ เป เตจ๊อบู่จ๊อเบ อาเหล่โกล เหล่แบ่ ปา. หม่าแน๊เรอ เหย่ซี เก่ โชโม๊บิแก เตจ๊อบู่จ๊อเบ อา เตอเรอฉว่าชอ เด๊อ อา หม่าแหน่ เออเนอเต๊เห่ ปา. จว๊า ตาพาแก เน๊อ แกแย ฮู๊เนอเต๊เห่ อาเหล่นี๋.

ꤒꤤꤒꤢꤨ 3:8

เตเฮ๊เบ่ เออเนอหมา อาจ๊ออาเต. แซ่ฮู๊ แกแย เด๊อ อา หยื่อเอ่แลแค จอแปแหร่ เต๊เห่ เก่ ซิปล่อป่า เร๊อ เด๊อะแลเกอ แลแค ซิปล่อ เด๊อ อา เก่ เม เตแร๊ เต๊เห่ อาเงเนอ, แว ซิหยื่อ เด๊อ เน เก่ อิซว๊า ซิปล่อป่า ตาเต เป่อู เร๊อ เตหรี่เตแก เออเต๊เห่. เตเออเต๊เห่ หม่า อาแร๊ แหน่เจ๊อ เร๊อ อา ทวาบุ๊ยทวาเตอเรอ แหน่เจ๊อ เด๊อ อู ปว๋า เตเพร อาเง เจ๊อ.

ꤟꤤꤙꤚꤢꤨ 13:9

นออิลออี๊โหล่ จว๊าซื๊อ แต่ ซี เน๊อ ล๋อ เตอิซว๊าอี๊แส่ เด๊อ อา โค๊คยา เนอเต๊เห่ แต่เหม่ นี๋. ครวาจว๊าเกอ แต่เหม่ นี๋. ซี ซิปล่อ เออเนอ, อา โต อ๊าฉว่าเหร่ชอแถ่ เน๊อ จอแปแหร่ อาบุ๊ยอาเตอเรอ อาคยาแพ๊. เด๊อ ซี หนิดา ครวาเมเกอ เหล่เอ่เหล่โอ อา เตซว๊าเตแส่ เต๊เห่ อาคยา เร๊อ ซี ซิปล่อ อ๊าฉว่าเหร่ชอแถ่ โต่ ฮู๊เนอ หม่าโต่. ซี หนิดา ครวาเมเกอ เตซว๊าเตแส่ อาคยา เออเนอ, อา หนิบุ๊ยหนิเตอเรอ เด๊อ ซีเง เตอเจ๋อ โต่.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:25

โทเร๊อ ครี๊ อาแหน่แบ่เจ่ เร๊อดื่อ อา อ๊อแล เร๊อ อา เก่ เด๊อ เป ปาเนอหม่า หม่าเฮ๊อ เตเซอเพร ตูจูเพร แตแลเคร๊ เออเนอเฮ๊อ.

เตเด๊อะโลแถ่ 3:12

แกแย เด๊อ อา เมเป่ เตเนอ, แว เก่ เด๊อะทวาแถ่ อา เร๊อ แว จอแปแหร่ อา เตหลู่เเตโฮ อาอี๊ถื่อ ปา, โทเรอ อา เก่ โอ่ ตื๊อดื่อลา เบ๊อะเนอ ปา. แว เก่ ราโอ่หนิ แว จอแปแหร่ อามุย เด๊อ อาลู ปา. โทเรอ แว เก่ ราโอ่ แว จอแปแหร่ อาวี หม่าดื่อ เยรูซาเล็ม วีเซ อามุย เออเนอ เด๊อ อาลู ปา. เยรูซาเล็ม วีเซ เออเนอ, อา โอ่ เด๊อ ม๊อขุ เด๊อ แว จอแปแหร่ อาโอ่ เร๊อ อา แฮแล. เร๊อ แว เก่ ราโอ่เกอ แว มุยเซ เด๊อ อาลู ปา.

เตเด๊อะโลแถ่ 3:21

“แว เมเป่ โทเฮ๊อ เร๊อ แว โอ่แนหนิ เต่อเกอ เฮ๊อ เร๊อ แวเพ เด๊อ กู่แกล๊เท แถ่โล อาขุ เฮ๊อ. ฮู๊เนอเรอ แกแย เด๊อ อา เมเป่เต เต๊เห่เนอ, แว เก่ นอโอ่แนโอ่ เต่อเกอ เหย่ซี เร๊อ แว เด๊อ แว กู่แกล๊เท แถ่โล อาขุ เออเนอ ปา.