ทิโมธี อาเหร่อเล๊อ ต๊าบ่า 4:13 - ลีเทส่อพ๊าอาเซ เร๊อ เห่ขุทวาลู๊

¹³ เด๊อ เน เตอาเค๊อาขิ เร๊อ แอ๊จื๊อ แด๊ เป่ อู ลีเทส่อพ๊า เด๊อ อู เป๊เส่เง นี๋, แด๊โฉ่โด่แน โล เป่ อู เรอ, อิซว๊าอี๊แส่ โต่ เป่ อู ช๋า แว แฮโต่เกอ เน ปาเนอ นี๋.

Eastern Kayah Shadaw Dialect

¹³ ꤘꤣꤧ ꤔꤢꤧ꤬ ꤒꤢꤩ꤬ꤏꤣꤧꤒꤢꤩ꤬ꤋꤢꤩ꤭ ꤚꤣꤧ꤬ ꤢꤧꤡꤢꤦ ꤘꤢꤧ ꤕ꤫ꤢꤩ꤬ ꤢꤨ꤭ ꤜꤤ꤬ꤓꤢꤩ꤭ꤞꤢꤪ꤬ꤖꤢ ꤘꤣ ꤢꤨ꤭ ꤕꤣꤧꤞꤢꤩ꤬ꤑꤢꤩ꤭ ꤔꤤ꤮, ꤟꤢꤩꤏꤥ꤬ꤘꤥ꤬ꤔꤢꤧ꤭ ꤜꤥ꤭ ꤕ꤫ꤢꤩ꤬ ꤢꤨ꤭ ꤚꤣꤧ꤬, ꤤ꤬ꤞꤝꤢꤤ꤬ꤞꤢꤧ꤬ ꤒ꤫ꤥ꤬ ꤕ꤫ꤢꤩ꤬ ꤢꤨ꤭ ꤏꤢ꤮ ꤠꤢꤧ꤭ ꤟꤢꤧ꤭ꤒ꤫ꤥ꤬ꤊꤣꤧ꤭ ꤔꤢꤧ꤬ ꤕꤢ꤭ꤔꤣꤧ꤬ ꤔꤤ꤮꤯

ทิโมธี อาเหร่อเล๊อ ต๊าบ่า 4:13 Iomraidhean Croise

ꤛꤥ꤭ꤟꤢ꤬ 5:39

ซี แม๊ปูซิเง แลแค ลีเทส่อพ๊า เต๊เห่ เมเตเฮ๊เรอ ซี เตเน เร๊อ ซี เก่ แม๊เถอะ ซิปล่อเซอเพร ตูจูเพร เบ๊อะลี เออเนอเต๊เห่ อากู ปา. ลีเทส่อพ๊า เออเต๊เห่ เนอหม่า อา ข่าเฮ๊โล เป่เฮ๊อ ซิปล่อ เร๊อ แวหรี่แวแก เฮ๊อ.

เพรโด่แนพู๊ เต๊เห่ 17:11

แกแยยิวพู๊ โอ่ เบ๊อะวีเบโรอา เต๊เห่เนอ อา ซิปล่อทู แม๊เถอะ ยาเล๊อ เร๊อ วีเธสะโลนิกา ซีเต๊เห่. เหย่ซี หนิดา ฉ่าเผร่ ฉ่าอ่อ แหน่เจ๊อ เตหรี่เตแก เด๊อ เตซิปล่อฉว่า อากูเจ๊อ. โทเร๊อ แซ่ฮู๊ เหย่ซี เก่ ซิเง ตาเต เร๊อ คูเปาโล อา เตเฮ๊เบ่ เออเนอหม่า, อาหม่า แอ? หม่า หม่าโต่ แอเนอ? เร๊อ อา แม๊ปูซิเง แลแค เจ๊อ ลีเทส่อพ๊า ปวาเนอเนอ ปวาเซเซ เจ๊อ.

เพรโด่แนพู๊ เต๊เห่ 6:4

เป เออเต๊เห่ เกอลาติ เร๊อ เป โตเบ่ เมบาม๊อเนอม๊อเซ เด๊อ เตกุยจ๊อเบ เร๊อ เหล่แด๊โฉ่โด่แน เป่ อู เร๊อ จอแปแหร่ อาลาอาโหง่ ตากยา.”

ꤚꤥꤗꤢꤩ꤬ 12:8

เก่ จอแปแหร่ เด๊อ แกแย เตเพรเพร อา เตแจ่เตลีแม เด๊อ อา เบ่ แฉ่ครวา อูคยา เก่เฮ๊เรอ อา โตเบ่ แฉ่ครวา อู. เก่ แกแย เตเพร อา ซิปล่อฉว่า เมหลู่เมแต แกแย โซพ๊าโซแรพู๊ เต๊เห่ เร๊อ อา ตาหมื่อตาเต เต๊เห่ เก่เฮ๊เรอ อา โตเบ่ ซิปล่อฉว่า เมหลู่เมแต เป่ดื่อ อู. จอแปแหร่ เก่ เด๊อ แกแย เตเพรเพร อา เตแจ่เตลีแม เด๊อ อา เบ่ ทวา ทวาดุทวาเต เฮ๊เรอ อา โตเบ่ เม ชาเผร่ชาอ่อ เร๊อดื่อ. แกแย เตเพรเพร เก่ อา ซิยอ เมจว่าหนิ อู เก่เฮ๊เรอ, อา โตเบ่ เม เด๊อ เตซิครือซิลอ อากู.

โครินธ์ อาเหร่อเล๊อ ต๊าบ่า 14:26

แว โคแบ๊ซว๊า ซี, ฮู๊เนอเรอ เบ๊อะซี แฮจ๊อเบ โหร่ลู เบ๊อะเนอ, ซี โต เม ฮู๊เต? เต๊เห่เห่เนอ อา เก่ อิโร ถู่เซ๊แถ่ จอแปแหร่, เต๊เห่เห่เนอ อา เก่ อิซว๊าอี๊แส่ อู เร๊อ จอแปแหร่ อาลาอาโหง่, เต๊เห่เห่เนอ อา เก่ แด๊โฉ่ เป่ อู เร๊อ จอแปแหร่ เด๊อะโล ลู เต๊เห่, เต๊เห่เห่ เกอลาติ เร๊อ อา เก่ เฮ๊เบ่ เร๊อ โหง่โค๊ตีกลี๊ เต๊เห่, เต๊เห่เห่ ลาติ เร๊อ อา เก่ เฮ๊โปลเถ่ เป่ อู โหง่โค๊ตีกลี๊ เออเต๊เห่ อาโหง่แลช๊า. ซี เม แลแค ฮู๊เออ หม่า อาแร๊ วา. หม่าแน๊เรอ ซี เม เต อิเตเต๋ เบ่เบ่ เนอ, นอ หนิอ๊าหนิเหร่, นอ ทวาบุ๊ยทวาเตอเรอ เป่ เพร เด๊อ อา หนิโฮ เต เต๊เห่ อาเง เนอ.

โครินธ์ อาเหร่อเล๊อ ต๊าบ่า 14:3

เก่ แม๊ลาติ แกล๊ เด๊อ อาโร โตโบ เฮ๊เนอ, แกแย เด๊อ อา แด๊โฉ่โด่แน เป่ อู เร๊อ จอแปแหร่ อาลาอาโหง่ เต๊เห่เนอหม่า, อา เฮ๊เบ่ เร๊อ แกแยเหขุ เต๊เห่ เฮ๊อ, เร๊อ อา ทวา เตเมจว่า เด๊อ แกแยเหขุ เต๊เห่ อาเง, อา เด๊อะอ๊าเด๊อะเหร่ แกแยเหขุ, เร๊อ อา เมโมแถ่ คยาแซ๊ แกแยเหขุ เต๊เห่ อาซิปล่อ.

โครินธ์ อาเหร่อเล๊อ ต๊าบ่า 14:6

ฮู๊เนอเรอ แว โคแบ๊ซว๊า ซี, แว เก่ แฮ เฮ๊เบ่ เป่ ซี เร๊อ โหง่โค๊ตีกลี๊ เออ เก่เฮ๊เรอ อา เก่ หนิบุ๊ยหนิเตอเรอ เด๊อ ซิเง ฮู๊เต? หม่าแน๊เรอ, แว เก่ พย๊าแฮหนิ เป่ ซี เตหรี่เตแก เด๊อ จอแปแหร่ เด๊อะโล เป่ แว เต๊เห่เนอ เบ่เบ่, เตซิคว๊าซิเง เต๊เห่เนอ เบ่เบ่, เตเฮ๊โพรเฮ๊ลว๊า หนื่ออื่อ เต๊เห่เนอ เบ่เบ่, เร๊อ เตอิซว๊าอี๊แส่ เต๊เห่เนอ เบ่เบ่, เก่เฮ๊เนอ, อา เก่ ทวาบุ๊ยทวาเตอเรอ เด๊อ ซิเง ปา.

ทิโมธี อาเหร่อเล๊อ ต๊าบ่า 4:16

เน เฮ๊เบ่เฮ๊โช เบ่เบ่, เน เมเต อิเตเต๋ เบ่เบ่, เน อิซว๊าอี๊แส่ อู เต๊เห่เนอ เบ่เบ่, รอเกอเร๊อ อา นี๋. โอ่หม่าโอ่กลอ เด๊อ เตเออเต๊เห่ อากู ปว๋า โตโพ๊ นี๋, เมเตเฮ๊เรอ, เน เก่ เมฮู๊เนอ เฮ๊เรอ เน เก่ เมแลเปล๊กา หนิตื๊อดื่อ เนเหน่ หม่าโต่, เน เก่ เมแลเปล๊กา โต่ เป่เกอ แกแย เด๊อ อา หนิโฮเกอ เน เนอเต๊เห่ ปา.

ทิโมธี อาเหร่อเล๊อ ต๊าบ่า 4:6

เน เก่ อิซว๊าเป่ โป่แหว่ ครี๊พู๊ เต๊เห่ เน๊อ เตเออเต๊เห่ เฮ๊เนอหม่า เน เก่ ทวาดื่อ เหย่ซู่ครี๊ เด๊อ อาหลู่เล๊ เด๊อ อา แร๊ เตเพรปา. เบ๊อะเน เมฮู๊เนอ เบ๊อะเนอ, เน เก่ โบ่ดุแถ่ หนิ เกอดื่อ เนเหน่ เน๊อ เตหมะเตจ๊อ เด๊อ เตหยื่อเตแหน่ อากู เนอเต๊เห่ เน๊อ เตอิซว๊าอี๊แส่ อาแร๊ เด๊อ เน ครวา เมเฮ๊อ เนอเต๊เห่ ปา.

ทิโมธี เนอบ่า ต๊าบ่า 3:15

เด๊อ เน เป๊เจ่เค เนอ, อู อิซว๊า โทเฮ๊อ เน เน๊อ ลีเทส่อพ๊า เออเนอ เฮ๊อ. แซ่ฮู๊ เน เก่ หยื่อเอ่ แบ่เจ่ เหย่ซู่ครี๊ เร๊อ เน เก่ พย๊าหนิ จอแปแหร่ อา เมแลเปล๊กา เน อาเงเนอ, ลีเทส่อพ๊าเออ เด๊อะโทเฮ๊อ เน เตลีแมลีเพ๊ เฮ๊อ.

ทิโมธี เนอบ่า ต๊าบ่า 4:2

แด๊โฉ่โด่แน แลแค เตซิครือมีลา นี๋. ค๊าขิ แร๊ เบ่เบ่, ค๊าขิ แร๊โต่ เบ่เบ่, ตูรู๊ โด่แน แฮเง ตื๊อดื่อ ลาโป่ เตซิครือมีลา เออเนอ นี๋. โทเร๊อ ซิพรวาหนิ เหย่ซี นี๋, อิซว๊าอี๊แส่ แร๊กาคยา เหย่ซี นี๋, เร๊อ เด๊อะอ๊าเด๊อะเหร่ เหย่ซี, อิซว๊าอี๊แส่ เหย่ซี เน๊อ เตแด่ทูซิปล่อ เนอ นี๋.

ꤒꤤꤒꤢꤨ 2:15

อิซว๊าอี๊แส่ เป่เกอ แลแค เหย่ซี เออเนอเต๊เห่. เด๊อะอ๊าเด๊อะเหร่ เป่ เหย่ซีเนอ. ซิพรวา แลแค เหย่ซี เร๊อ นอจ่อ ลอ เน เตอเรอฉว่าชอ เนอ นี๋. นอเตเนปีตี๊ แต่อู เร๊อ เนเหน่ แต่เหม่ นี๋.