ทิโมธี อาเหร่อเล๊อ ต๊าบ่า 4:10 - ลีเทส่อพ๊าอาเซ เร๊อ เห่ขุทวาลู๊

¹⁰ หม่าเด๊อ เออ อาขว่าอาคยา, เป จ่าเพรอ เมแหน่เจ๊อ เต, เมเตเฮ๊เรอ เป แด่ เป เตแม๊ชือ เด๊อ จอแปแหร่ เด๊อ อา เซอเพร เออเตเพร อาลู. อา หม่า เพรเมแลเปล๊กา แกแย ล๋อ ปลี, หม่าแน๊เรอ แกแย เด๊อ อา หยื่อเอ่ อา เต๊เห่ อาเงเนอ, อา หม่า เมแลเปล๊กา เด๊อ อา ตาเต เล๊ออูโค เตเพรเฮ๊อ.

Eastern Kayah Shadaw Dialect

¹⁰ ꤗ꤫ꤢ꤬ꤘꤣ ꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤕꤢꤩ꤬ ꤡ꤫ꤢ꤬ꤖꤚꤣꤧ꤭ꤡ꤫ꤢ꤬ꤚ꤫ꤢꤪ꤬ ꤗꤢꤩ꤬ꤔꤢꤧ꤬ꤡꤣꤧ ꤒꤢꤩ꤬, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤕꤢꤩ꤬ ꤘꤢꤧ꤬ ꤕꤢꤩ꤬ ꤒꤢꤩ꤬ꤗꤢꤧꤏꤢꤦ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤘꤣ ꤢ꤬ ꤞꤣꤧ꤭ꤖꤚꤢꤩ꤬ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ꤜꤥ꤬꤯ ꤢ꤬ ꤗꤢ꤬ ꤖꤚꤢꤩ꤬ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤊꤣꤧ꤬ꤛꤢꤧ꤭ ꤜꤢꤪ꤭꤮ ꤕꤜꤤ꤭, ꤗꤢ꤬ꤔꤢꤧꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ ꤢ꤬ ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ꤔꤣꤧ꤬, ꤢ꤬ ꤗꤢ꤬ ꤖꤚꤢꤩ꤬ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤘꤣ ꤢ꤬ ꤒꤢ꤭ꤒꤢꤩ꤬ ꤜꤣꤢꤨ꤭ꤋꤥ꤭ ꤒꤣ꤬ꤖꤚꤢꤩ꤬ꤟꤣꤧ꤯

ทิโมธี อาเหร่อเล๊อ ต๊าบ่า 4:10 Iomraidhean Croise

มัทธิว 16:16

คูซีโมน เปโตร เฮ๊ฉื่อ ลู เน๊อ, “เน หม่า ครี๊ เด๊อ อา เมแลเปล๊ กา อู เตเพรเฮ๊อ. เนหม่า อา ทวา จอแปแหร่ เด๊อ อา เซอเพร เตเพร อาพู๊คู.”

มัทธิว 27:43

อา หยื่อเอ่ จอแปแหร่ แวเฮ๊. จอแปแหร่ เก่ซิปล่อ โอ่เร๊อลู เฮ๊เรอ นอเมแลเปล๊กา มอลู กู๊แหน่เออเนอ กอกอ? เมเตเฮ๊เร๊อ อา เฮ๊ เด๊อะ อาเหน่ เน๊อ, ‘แว หม่า จอแปแหร่ อาพู๊คู เม’”

ꤛꤥ꤭ꤟꤢ꤬ 1:29

เด๊อคยา เตอเนอเนอ, คูยอห์น แม๊เถอะ เหย่ซู่ แฮ เด๊อ อา โอ่ เร๊อ อา เฮ๊ เน๊อ, “แม๊มอ, จอแปแหร่ อาซิหมิพู๊ เด๊อ อา พย๊าวีแกแก แกแย เห่ขุพู๊ อา เตซื๊อเตโอ่หร่า เต๊เห่ เออเนอ เตเพร.

ꤛꤥ꤭ꤟꤢ꤬ 4:42

เหย่ซี เฮ๊ เพรเหมาะ เนอเตเพร เน๊อ, “เป หยื่อเอ่ เหย่ซู่ กู๊แหน่เออ เนอหม่า หม่าเด๊อ เน แด๊โฉ่ เป่ เป อาขว่าอาคยา เนอ หม่าโต่. เด๊อ เป หนิโฮ อา เตแด๊โฉ่โด่แน เร๊อ เปเหน่ โทเรอ เป ซิเง เร๊อ อา หม่า ครี๊ เด๊อ อา เมแลเปล๊กา เห่ขุพู๊ เออเนอ เตเพร หม่าแหน่ เฮ๊อ, อาขว่าอาคยา เนอแพ๊.”

ꤛꤥ꤭ꤟꤢ꤬ 5:24

“แว เฮ๊จ๊อจ๊อ ซี, แกแย เด๊อ อา หนิโฮ แว ลาโหง่ เออเรอ อา หยื่อเอ่แหน่ เพร เด๊อ อา นอแฮแล แว เออเตเพร เต๊เห่เนอ, อา พย๊าหนิ ซิปล่อเซอเพร ตูจูเพร เฮ๊อ. เร๊อ อา แม๊เถอะ เบ่น๊อปา เด๊อ เตเมจากาคยาโต่. อา จว๊า ตาลว๊าเบ๊ เฮ๊อ เร๊อ เตเซอ เร๊อ อา จว๊าโน เฮ๊อ เด๊อ เตเซอเพร อากูเฮ๊อ.

โครินธ์ อาเหร่อเล๊อ ต๊าบ่า 15:10

หม่าแน๊เรอ, เด๊อ แบ่เจ่ อาบุ๊ยอาเตอเรอ อาขว่าอาคยา, กู๊แหน่เรอ แว ทวาแถ่เฮ๊อ เพรโด่แนพู๊ เต๊เห่ เตเพรเฮ๊อ. เตบุ๊ยเตเตอเรอ เด๊อ จอแปแหร่ เด๊อะตา แว เออเนอ อา แกเด โต่. เมเตเฮ๊เรอ แว แอ๊จื๊อ จ่าเพรอจ่าหร่อ เม เล๊อ เจ๊อ เร๊อ เพรโด่แนพู๊ เต๊เห่ เด๊อ อาโร เต๊เห่ เจ๊อ. แว เมเบ๊ ฮู๊เออ เนอหม่า แวอ๊าแวเหร่ เร๊อดื่อ หม่าโต่. จอแปแหร่ อาบุ๊ยอาเตอเรอ เม เต่อเกอ เร๊อ แว อาขว่าอาคยา, แว เมเบ๊ ฮู๊เออ เนอแพ๊.

โครินธ์ เนอบ่า ต๊าบ่า 1:10

เร๊อ จอแปแหร่ เมแลเปล๊กา เฮ๊อ เป เด๊อ เตเซอ อา เตต๊อหร่อเซ๊ ซิอิเช เด๊อ อาดุอาแย อากู เออเนอ เฮ๊อ. เป หยื่อเอ่หนิ เร๊อ จอแปแหร่ แกล๊ เมแลเปล๊กา แฮเง ตือดื๊อโป่ แหน่ เป แพ๊.

ทิโมธี อาเหร่อเล๊อ ต๊าบ่า 2:3

เออ หม่า เตเด๊อ อาแร๊ เร๊อ อา เมซิครือ เป จอแปแหร่ เด๊อ อา เมแลเปล๊กา เป เออเตเพร อาซิปล่อ.

ทิโมธี อาเหร่อเล๊อ ต๊าบ่า 2:4

จอแปแหร่ ซิปล่อโอ่ เด๊อ แกแย ปว๋า เตเพร เก่ พย๊าหนิ เตเมแลเปล๊ กา เร๊อ อา เก่ ซิเง แลแค เตหมะเตจ๊อ.

ทิโมธี อาเหร่อเล๊อ ต๊าบ่า 2:6

แซ่ฮู๊ อา เก่ อี๊ถ่า กาคยา แกแย เห่ขุพู๊ ล๋อ ปลี อาเงเนอ อา เด๊อะแลแก อา ซิปล่อเซอเพร. อา หม่า เพรข่าเฮ๊โล เด๊อ อา แฮ โตค๊าโตขิ เตเพร.

ทิโมธี อาเหร่อเล๊อ ต๊าบ่า 3:15

หม่าแน๊เรอ แว เก่ แฮ แป่เหย่ลา เฮ๊เรอ เป โตเบ่ โอ่เซอเพร เด๊อ จอแปแหร่ อา หี่ด๊อหี่แพกู อาเง ฮู๊เต เนอ, แว ลี เออ เก่ เด๊อซิเง เน ปา. หี่เออ เนอหม่า หม่า เฮ๊อ จอแปแหร่ เด๊อ อา เซอเพร เตเพร อา เพรหยื่อเอ่ตู๊หมู่ตอกล๊อ เออเนอเฮ๊อ. เพรหยื่อเอ่ตู๊หมู่ตอกล๊อ เออเนอหมา อา เด๊อ ชอแถ่ เตจ๊อเตเต อา เตอิซว๊า เต๊เห่ เด๊อ อาแซ่เน๊อ อี๊ถื่อ เร๊อ หี่แกแร เด๊อ อา ช๊าต๊อป่อ หม่าหนิ หี่เออ เตเม เนอเฮ๊อ.

ทิโมธี อาเหร่อเล๊อ ต๊าบ่า 6:17

เฮ๊แก เนโหง่ เน๊อ แกแย ดุแหย่แถ่เซ เด๊อ เห่ขุ เออเต๊เห่เนอ, เร๊อ เฮ๊ เหย่ซี เน๊อ พย๊าแด่ดุแถ่โล แต่ ซีเหน่ แต่เหม่, ซิเลแถ่ หนิ แต่ ซี เตดุแหย่แถ่เซ เนอเต๊เห่ แต่เหม่. เตดุแหย่แถ่เซ เออเต๊เห่เนอ, อา โอ่โล แพ๊ เตอเปลอฮู๊ ปา เร๊อ อา เก่ โอ่เหม่แก ปา เฮ๊ เหย่ซี ฮู๊เนอ นี๋. หม่าแน๊เรอ เหย่ซี โตเบ่ แม๊ชือแถ่ เด๊อ จอแปแหร่ อา โอ่. แซ่ฮู๊ เป เก่ ซิครือซิลอ อาเงเนอ, จอแปแหร่ เด๊อ ตาปอตาเป เป่ เจ๊อ เป ปว๋า โตโพ๊ เจ๊อ.

ꤟꤤꤙꤚꤢꤨ 11:26

คูโมเสส แด่แล เฮ๊อ อาซิปล่อ เน๊อ, ข่าเบ่ เตเป๊อเจ่ออิแซ๊ เด๊อ ครี๊ อาเงเนอ, อางูดุงูชอ เล๊อปา เจ๊อ เร๊อ อียิปต์เก่ อา เตดุแหย่แถ่เซ เต๊เห่ เจ๊อ, เมเตเฮ๊เรอ อา โอ่ป่อแม๊ชือ เน๊อ จอแปแหร่ เก่ เด๊อะ ลู อา เตเมหนิคว๊าเก่ ช๋า เนอปา.

ꤟꤤꤙꤚꤢꤨ 13:13

ฮู๊เนอเรอ เป เก่ จว๊า ข่าโหร่เกอ เตเป๊อเจ่ออิแช๊ เน๊อ อา เด๊อ วีกลอ เออเนอ โป๋.

เปโตร อาเหร่อเล๊อ ต๊าบ่า 1:21

เด๊อ ครี๊ อาขว่าอาคยา, ซี หยื่อเอ่แหน่ จอแปแหร่ เด๊อ อา เม ก๊อถ่อเซอเพร กาคยา คยาแซ๊ ครี๊ เด๊อ เตเซอ เร๊อ อา แด่ดุแด่แถ่โล เล๊อ เฮ๊อ ลู เออเตเพร เฮ๊อ. ฮู๊เนอเร๊อ ซี เตหยื่อ เร๊อ ซี เตแม๊ชือ เออเนอ, อา โอ่ เฮ๊อ เด๊อ จอแปแหร่ อาลูเฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:2

แซ่ฮู๊ จอแปแหร่ เก่ ปลวาแก เป เตซื๊อเตปล๊า เออเนอเร๊อ ครี๊ ข่าเซอโทเฮ๊อ อาซิปล่อ เฮ๊อ. หม่าแน๊เรอ ตื๊อแพ๊ เป เตซื๊อเตปล๊า ตื๊อดื่อ อาเงเนอ หม่าโต่, อา ปลวาแก โต่เป่เกอดื่อ ล๋อ เห่ขุพู๊ เต๊เห่ อา เตซื๊อเตปล๊า.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:14

เป แม๊เถอะน๊อ โทเฮ๊อ, เร๊อ เป แด๊โฉ่โล เป่ เฮ๊อ อูโร เต๊เห่ เน๊อ แซ่ฮู๊ จอแปแหร่ อาพู๊คูเออ เก่ แฮ ทวาเป่ อู เพรเมแลเปล๊กา แกแย เห่ขุพู๊ เต๊เห่ อาเงเนอ, เพ จอแปแหร่ นอแฮแลเฮ๊อ ลู เด๊อ เห่ขุ เออเนอ เฮ๊อ.