ทิโมธี อาเหร่อเล๊อ ต๊าบ่า 4:1 - ลีเทส่อพ๊าอาเซ เร๊อ เห่ขุทวาลู๊1 แหย่โยบูโพ๊ แบ่เจ่ แด๊โฉ่ ตาเต เฮ๊อ เร๊อ ช๋า ม๊อเนอ เด๊อคยา เต๊เห่ อากู ปาเนอ, แกแย เต๊เห่เห่ เก่ วีแก แลแค อา เตหยื่อเตแหน่ ปา เร๊อ เหย่ซี เก่ หนิดา โลเน๊มู๊แหม่รีแจ่ เด๊อ อา แลโฮ ดื่อเง เนอเต๊เห่ ปา. เร๊อ อา เก่ ครวาเกอ โลเน๊มู๊แหม่รีแจ่ เด๊อ อา แลโฮแลแห่ เต๊เห่ อา เตอิซว๊าอี๊แส่ เต๊เห่ ปา. Faic an caibideilEastern Kayah Shadaw Dialect1 ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤟꤢꤩꤏꤥ꤬ ꤒꤢ꤭ꤒꤢꤩ꤬ ꤟꤣꤧ ꤔꤢꤧ ꤏꤢ꤮ ꤗ꤫ꤢꤪ꤬ꤔꤣꤧ꤭ ꤘꤣꤋꤛꤢ꤭ ꤒꤣꤧ꤬ꤟꤢꤩ꤬ ꤢ꤬ꤊꤢꤨ꤭ ꤕꤢ꤭ꤔꤣꤧ꤬, ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ꤟꤢꤩ꤬ ꤊ꤫ꤢꤦ꤬ ꤠꤤ꤭ꤊꤢꤧ꤭ ꤜꤢ꤭ꤋꤢꤧ꤭ ꤢ꤬ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤕꤢ꤭ ꤚꤣꤧ꤬ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤔ꤫ꤤ꤬ꤘꤢ꤭ ꤜꤥ꤭ꤔꤢꤩ ꤘꤣ ꤢ꤬ ꤜꤣꤧ꤬ꤟꤥ꤭ ꤘꤢꤦ꤬ꤑꤢꤩ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤕꤢ꤭, ꤚꤣꤧ꤬ ꤢ꤬ ꤊ꤫ꤢꤦ꤬ ꤋꤚꤝꤢ꤭ꤊꤣꤧ꤭ ꤜꤥ꤭ꤔꤢꤩ ꤘꤣ ꤢ꤬ ꤜꤣꤧ꤬ꤟꤥ꤭ꤜꤣꤧ꤬ꤟꤢꤧ꤬ ꤒꤣꤧ꤬ꤟꤢꤩ꤬ ꤢ꤬ ꤒꤢꤩ꤬ꤤ꤬ꤞꤝꤢꤤ꤬ꤞꤢꤧ꤬ ꤒꤣꤧ꤬ꤟꤢꤩ꤬ ꤕꤢ꤭꤯ Faic an caibideil |
ทิโมธี อาเหร่อเล๊อ ต๊าบ่า 4:1
64 Iomraidhean Croise
เบ๊อะแหย่โยบูโพ๊แบ่เจ่ เด๊อ อา เด๊อะโล เตหมะเตจ๊อเออ แฮปา เบ๊อะเนอ, อา เก่ ยูแกล๊ยูโกล เป่ ซี เน๊อ ล๋อ เตหมะเตจ๊อ เนอเต๊เห่ ปา. อา เก่ แด๊โฉ่โล เป่ ซี เร๊อ อา เต เตเน เร๊อดื่อเนอ หม่าโต่. อา เก่ แด๊โฉ่โล เป่ ซี ฮู๊ อา หนิโฮ แฮหนิ เด๊อ จอแปแหร่ อา โอ่ เนอเต๊เห่ ปา. อา เก่ เด๊อะโล เป่ ซี เร๊อ เต เด๊อ อา ทวาแถ่ ล๋ายโต่ เนอเต๊เห่ ปา.
ซ๊าร๊า เด๊อ อู เอ๊ เร๊อ, เอปิคูเรียนพู๊ เร๊อ สโตอิกพู๊ เต๊เห่ เฮ๊เบ่โด่แน เคร๊แขระ แลแค เร๊อ คูเปาโล. เหย่ซี อาเกล เต๊เห่เห่เนอ, อา เฮ๊ แลแค คูเปาโล เน๊อ, “แกแย เตซิเง โอ่เกออู เตอเจ๋อ โต่ เร๊อ อา จว๊าจ่าเม อาเหน่ ฮู๊ เพรเบ่แจ่เฮ๊แจ่ เออเตเพรเออ อา จว๊า เฮ๊แคร๋ อิเตเต?” เต๊เห่เรอ อา เฮ๊ติ เน๊อ, “อา แซ่เน๊อ อา โด่แน เทอโรเก่กลอ อา จอแปแหร่ เต๊เห่ อาหรี่อาแก,” อา เฮ๊ ฮู๊เนอ. เหย่ซี จว๊าเฮ๊โต่ แลแค ฮู๊เออ เมเตเฮ๊เรอ อา โตเบ๊อะคูเปาโล แด๊โฉ่โด่แน เป่ อู เร๊อ เหย่ซู่ อาหรี่อาแก เร๊อ อาเตเซอ ก๊อถ่อ เซอเพร กาคยา อาหรี่อาแก เบ๊อะเนอ อาขว่าอาคยา อา เฮ๊ แลแค ฮู๊เนอ.
อา แฮ เด๊อ เปโอ่ เร๊อ อา พย๊าเถ่ คูเปาโล ฮ๊อท๊อ เร๊อ อา จอกลอ เกอ เร๊อ คยาดื่อ เด๊อ อากู๊ขุ เร๊อ กู๊โด่ เร๊อ ฮ๊อท๊อ เออต๊าบ่า เร๊อ อา เฮ๊ เน๊อ, “แหย่โยบูโพ๊แบ่เจ่ เฮ๊ เน๊อ, ‘แกแยยิวพู๊ โอ่ เบ๊อะวีเยรูซาเล็ม อากู เนอเต๊เห่ เก่ จอกลอ ฮ๊อท๊อ แบ่เจ่ เออเตเพรเนอ ฮู๊เออ ปา เร๊อ อา เก่ เด๊อะตาแก ลู เด๊อ แกแยยิวพู๊ หม่าโต่ เต๊เห่ อา กู๊ยากู ปา.’”
ฮู๊ โลเน๊มู๊แหม่รีแจ่ กู่กล๊อ กลว่าอาเหน่ แซ่เร๊อ หรู่ เร๊อ อา แฮ อิลอแลโฮ โหมะเอวา เนอ, แว เบ่รอ หนื่ออื่อ เร๊อ ปาหม่า อู แฮ อิลอแลโฮ เกอดื่อ เฮ๊อ ซี ฮู๊เนอ ปา เฮ๊อ. โท๊โต่ ปาหม่า อู แฮ เมปย๊าเมหลู่ ลอดื่อเฮ๊อ ซี ซิปล่อ อา เตเตเน เต๊เห่ เร๊อ ซี วีแกดื่อ เฮ๊อ ซี เตซิหยื่อ โมเร๊อ ลอซิปล่อสู่เทอ ครี๊ เร๊อ ซี เตซิหยื่อโม จ๊อจื้อ ครี๊ เออเนอ ปา เฮ๊อ แว เบ่รอ แหน่เจ๊อ เด๊อ ซิเง ฮู๊เนอ.
แกแย เด๊อ อา นอฉว่า ซี เน๊อ ซี เบ่ แด่หยว่า ซี ซิปล่อ เร๊อ อา นอจ๊อเบแถ่ เกอ ซี เน๊อ ม๊อขุเตเน่วพู๊ เต๊เห่ ฮู๊ เหย่ซี จ๊อเบแถ่ เออเนอ เต๊เห่เนอ, ครวาเม เกอ แต่ เหย่ซี แต่เหม่ นี๋. ซี เก่ ครวาเกอ เหย่ซี อาเตอิซว๊าอี๊แส่ เต๊เห่ เฮ๊เนอหม่า, เตเมหนิคว๊าเก่ เด๊อ จอแปแหร่ อ๊อแล โทเฮ๊อ ซี เน๊อ อา เก่ เด๊อ ซี เนอเต๊เห่ ปาเนอ, ซี พย๊าหนิ ปา โต่. แกแย ฮู๊เนอเต๊เห่ หม่า อา เฮ๊ หนิเกอเร๊อ แลแค เจ๊อ อาเหน่ เน๊อ เป แม๊เถอะ เตแม๊ลว๊า เด๊อ จอแปแหร่ อา โอ่ อาขว่าอาคยา, เป พย๊าหนิ โค๊ดื่อ เตซิคว๊าซิเง เด๊อ จอแปแหร่ อา โอ่, อา เฮ๊ แลแค ฮู๊เนอ. เหย่ซี พย๊าแถ่โล หนิเกอเร๊อ แหน่เจ๊อ อา เหล่เตเน เออเต๊เห่ เน๊อ อา เตแด๊เล๊อแด๊กลอ เออเนอเต๊เห่ เจ๊อ.
เพรโพร กลว่าแลโฮ อาเหน่ เต๊เห่ โอ่แถ่โล โทเฮ๊อ เด๊อ แกแย เบ๊หมู่ อาเกล เด๊อ เหร่อเคเนอ เฮ๊อ. แซ่ฮู๊เนอเฮ๊อ, ซ๊าร๊า กลว่าแลโฮ อาเหน่ เต๊เห่ เก่ แฮ โอ่แถ่โล เกอ เด๊อ ซีเกล ปา. เหย่ซี เก่ พย๊าแฮโห่หนิ เตอิซว๊าอี๊แส่ซื๊อ เด๊อ อา เมปย๊าเต เต๊เห่ ปา. อา เก่ เท๊ฉื่อแก เจ๊อ แบ่เจ่ เด๊อ อา อี๊ถ่ากา โทเฮ๊อ เหย่ซี เนอเตเพรปา. เด๊อ เหย่ซี เมฮู๊เนอ อาขว่าอาคยา, จอแปแหร่ เมปย๊าแก เหล่แพร เหย่ซี ปา.
หม่าแน๊เรอ เป หม่า จอแปแหร่ อาแกแย เต๊เห่. อูเป๋ เตเพร เบ่เบ่ เด๊อ อา ซิเง จอแปแหร่ เตเพรเนอ, อา ครวาหนิดา เกอดื่อ เปโหง่. หม่าแน๊เรอ จอแปแหร่ อาแกแย หม่าโต่ เต๊เห่เนอ, อา ครวา หนิดา เกอ เปโหง่ โต่. ฮู๊เนอ อาขว่าอาคยา, แกแย เด๊อ อา พย๊าหนิ แหย่โยบูโพ๊ แบ่เจ่ เด๊อ อา เฮ๊เบ่ เตหมะเตจ๊อ เออเตเพร เต๊เห่ เนอหม่า อูเป, เร๊อ แกแย เด๊อ อา พย๊าหนิ ซิปล่อ เด๊อ อา เฮ๊เบ่ แลโฮแลแห่ดื่อเง เนอโตโด เต๊เห่ เนอหม่า อูเปเนอ, เป ซิเง เบโปล แจ่ ดื่อ แพ๊.
เมเตเฮ๊เรอ, แกแย เด๊อ อา แด่ดุหยื่อแหน่ จอแปแหร่ โต่ เต๊เห่เนอ, อา แฮโนโห่ เฮ๊อ เด๊อ ซีเกล เฮ๊อ. แซ่ฮู๊ เหย่ซี เก่ เฮ๊เบ่ แลเปล๊ อาเหน่ เร๊อ อา เตโอ่เซอเพร แลโพร๊แลแพร เต๊เห่ อาเงเนอเรอ, อา ถู่แหล่ เต๊เปล่ ปย๊าแก เป แบ่เจ่ จอแปแหร่ อาบุ๊ยอาเตอเรอ เออเนอเต๊เห่ อาหรี่อาแก เฮ๊อ. โท๊โต่ เหย่ซี เออเต๊เห่เนอ อา หยื่อเอ่ เกออู เป ทวาดุทวาเต แบ่เจ่ เหย่ซู่ครี๊ เออเนอ โต่. ฮู๊ ลีเทส่อพ๊า แด๊โฉ่ หนื่ออื่อ เฮ๊อ เตเมจากาคยา เต๊เห่เนอ เหย่ซี เก่ พย๊าหนิ ลอปลี เจ๊อ ปา.
โทเรอ เด๊อ อา เด๊อะโล อา เตโค๊ตีกลี๊ เด๊อ เตมีเตแหม่ เด๊อ อาเหร่อเคเนอ โตโด นอเม ลู เด๊อ อาเป๊เส่เง เนอเต๊เห่ อาขว่าอาคยา, อา อิลออี๊โหล่ แลโฮ หนิลอ แกแย โอ่เซอเพร เด๊อ เห่ขุ เออ เต๊เห่. เตมีเตแหม่ เนอโด โตโดเออ, อา นอแบ๊แถ่ เหย่ซี เตแหย่โย โตโด แซ่ฮู๊ อา เก่ เมลีเมเตเค กาคยา เตมีเตแหม่ เด๊อ อา เบ่ เต๊เหม่น๊อ เร๊อ เน๊ เร๊อ อา โอ่เซอเพร ปา เนอโตโด.
เหย่ซี หม่า โลเน๊มู๊แหม่รีแจ่ เด๊อ อา เมแจ่ เตโค๊ตีกลี๊ เต๊เห่. ซิปล่อเซอเพร เออโซโด เนอ อา เก่ เถ่จว๊า ลอ เด๊อ เห่ขุ คุ๊ย เต๊เห่ อา โอ่, เร๊อ อา เก่ จว๊า ท๊อปล๊อจุ่ยจือ ลอ เหย่ซี, เมเตเฮ๊เรอ ช๋า จอแปแหร่ เด๊อ อา แจ่เตลอ อา แบ่เจ่ เออเตเพร เก่ เมจากาคยา อู อา ม๊อเนอดุ ปา เตอเนอเนอ, เหย่ซี เก่ ช๊า แลแค แบ่เจ่ ปา.
แม๊เถอะน๊อ ปา หมิลี เด๊อ เนกู โต่. หนิโฮน๊อ ปา กาฉู่แด่เพรคู เบ่เบ่, กาฉู่แด่ เพรเหมาะ เบ่เบ่, อาตาลา โต่. เน เพรเมกื่อเมค๊า เตฮู๊ เต๊เห่เนอ, อา ดุแหย่แถ่เซ เล๊ออูโค เร๊อ อา เตอเรอฉว่าชอ เล๊ออูโค เด๊อ เห่ขุเออ เจ๊อ. โทเรอ โลเน๊ ซ๊าร๊า เอ่อูแหย่โย โอ่ เด๊อ เน วีกู เต๊เห่เนอ, เด๊อ เหย่ซี ย๋อ อิลออี๊โหล่ แลโฮ เห่ขุพู๊ เออเต๊เห่ อาขว่าอาคยา, เห่ขุพู๊ เต๊เห่ เก่ ครวาซื๊อ เกอลอ เน คยา ปา.
อู ปื่อหนิแก เตมีเตแหม่ เนอโตโด เร๊อ อู ปื่อหนิ เต่อโหร่ เกอโป่ เร๊อ เพรโพร แลโฮ เด๊อ อา เมโล เป่ อู เตโค๊ตีกลี๊ เด๊อ เตมีเตแหม่ เนอโตโด อาเป๊เส่เง เนอเตเพร. เด๊อ อา เม โค๊ตีกลี๊ เป่ อู อาขว่าอาคยา, อา อิลออี๊โหล่ แลโฮ ลอ แกแย เด๊อ อา พย๊าหนิ เตมีเตแหม่ เนอโตโด อา เตเมม๊าเมแด เร๊อ อา จ๊อเบ ลู เนอเต๊เห่. เตมีเตแหม่ เนอโตโด เร๊อ เพรโพร เด๊อ อา อิลออี๊โหล่ แลโฮ อู เนอเตเพร ซิเนอ ลอ อู ต่าตา เซอเพร แก เหย่ซี เด๊อ หมิเผ่ เด๊อ อู ชื๊ออือ เร๊อ หย่าซู๊แบ เนอเต๊เผ่ อากู.
“เน กู๊หลิโกะ เก่ โอ่ เร๊อ หนิดา เต เด๊อ จอแปแหร่ อา แหย่โยบูโพ๊ แด๊โฉ่ เพรหยื่อเอ่ตู๊หมู่ตอกล๊อ เออเต๊เห่เนอ. อา เฮ๊ ฮู๊เตเฮ๊เร๊อ, ล๋อ แกแย เด๊อ อา เมเป่ เต เต๊เห่เนอ แว เก่ เด๊อะ อา ค๊อมูมานา เด๊อ อู แด่โอ๊ อา เออเนอต๊อกล่อ ปา. โทเรอ แว เก่ เด๊อะ เหย่ซี หล่อบู เตเพร เตเม ปา, เร๊อ อู ราโอ่ มุยเซ เด๊อ อาลู เออเนอ ปา. มุยเซ เออเนอ อู ซิเง อา เตเพร่ว โต่, ซิเง ตื๊อแพ๊ แกแย เด๊อ อา พย๊าหนิ หล่อเออเนอ เตเพรเพร่ว แพ๊.”
“เน กู๊หลิโกะ เก่ โอ่ เร๊อ หนิดา เต เด๊อ จอแปแหร่ อา แหย่โยบูโพ๊ แด๊โฉ่ เพรหยื่อเอ่ตู๊หมู่ตอกล๊อ เออเต๊เห่เนอ. แกแย เด๊อ อา เมเป่เต เตเพรเนอ, แว เก่ เด๊อะ อา เตอเรอฉว่าชอ เด๊อ อา เก่ โนเอ่หนิ ส่อเซอเพร อาเส่ เด๊อ อา เด๊ออู ซิปล่อเซอเพร เออเนอ ต๊อเสาะ ปา. ส่อเออ ต๊อเสาะเนอ อา แด๊ เด๊อ จอแปแหร่ อา เตเร๊กู เด๊อ อู เอ๊ เร๊อ บรมสุขเกษม อากูเนอ ปา.”
โลเน๊มู๊แหม่รีแจ่ กู่กล๊อ เด๊อ อา อิลออี๊โหล่ แลโฮ เหย่ซี เออโตโดเนอ, อู วีตาแก ลู เด๊อ หมิเผ่ เด๊อ อู ชื๊ออือ เร๊อ หย่าซู๊แบ เออเนอ เต๊เผ่อากู. หมิเออ เต๊เผ่ เนอหม่า หม่าเฮ๊อ อู เหล่วีตา เตมีเตแหม่ เนอโตโด เร๊อ เพรโพร แลโฮ เนอเต๊เห่ อาเหล่โอ่ เนอ เฮ๊อ. เร๊อ เหย่ซี เก่ ข่าเบ่ เตจาเตจือ เหมาะคี๊คี๊ เหมาะเชเกลเกล ตูจูเพร แตแลเคร๊ เจ๊อ ปา.
แกแย เด๊อ อาโอ่ แลเปล๊แก เร๊อ เตเมจาเมจือ อาเต เซอหร่า เออเต๊เห่เนอ, อา เม แฮเง ตื๊อดื่อ หนิเร๊อปา อา เตมู๊แหม่รีแจ่ เนอเต๊เห่. อาถู่แหล่แต๊แกละกา เป่ แลแค อาซิปล่อ โต่. เหย่ซี จ๊อเบ ตื๊อดื่อปา แลแค โลเน๊มู๊แหม่รีแจ่, เตแหย่โย เด๊อ อู เมเร๊อ เท, อู เมเร๊อ รือ, อู เมเร๊อ ตีลี เร๊อ หล่อ เร๊อ ส่อ เด๊อ อา แม๊เถ่แจ่โต่, โทเรอ อา หนิโฮ แจโต่, อา จว๊าแจ่โต่ เนอเต๊เห่.
Sanasan