ทิโมธี อาเหร่อเล๊อ ต๊าบ่า 3:7 - ลีเทส่อพ๊าอาเซ เร๊อ เห่ขุทวาลู๊

⁷ แกแย เด๊อ อา หยื่อเอ่เกอ เหย่ซู่ โต่ เต๊เห่ เก่ แด่หยื่อแด่แหน่ ลู อาเงเนอ, อา เตก๊อถ่อโอ่แน เฮ๊เบ่เฮ๊โช เต๊เห่ เบ่ แร๊ ปว๋า โตโพ๊ เจ๊อ. แกแย เด๊อ อา หยื่อเอ่เกอ เหย่ซู่ โต่ เต๊เห่ เก่ แด่หยื่อแด่แหน่ ลู ฮู๊เนอโต่ เฮ๊เนอ, อา เก่ เมเตเร ลู ปา, โท๊โต่ อา เก่ หนิแก โลเน๊มู๊แหม่รีแจ่ กู่กล๊อ อา แตแจ ปา.

Eastern Kayah Shadaw Dialect

⁷ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ꤊꤣꤧ꤭ ꤛꤢꤩ꤬ꤏꤛꤢꤨ ꤒꤥ꤬ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤘꤢꤧ꤬ꤛ꤫ꤢꤦ꤬ꤘꤢꤧ꤬ꤔ꤫ꤢꤧ꤬ ꤜꤢꤨ꤭ ꤢ꤬ꤑꤢꤩ꤭ꤔꤣꤧ꤬, ꤢ꤬ ꤒꤢꤩ꤬ꤊꤣꤧ꤬ꤓꤢꤪ꤬ꤥ꤬ꤔꤢꤧ꤭ ꤟꤢꤩꤙꤢꤩ꤬ꤟꤢꤩꤏꤥ꤭ ꤒꤣꤧ꤬ꤟꤢꤩ꤬ ꤒꤥ꤭ꤙꤢꤩ꤬ ꤚꤢꤧ ꤕꤝꤢ꤭꤮ ꤒꤣ꤬ꤖꤥ ꤡꤣꤧ꤯ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ꤊꤣꤧ꤭ ꤛꤢꤩ꤬ꤏꤛꤢꤨ ꤒꤥ꤬ ꤒꤣꤧ꤬ꤟꤢꤩ꤬ ꤊꤢꤩ꤬ ꤘꤢꤧ꤬ꤛ꤫ꤢꤦ꤬ꤘꤢꤧ꤬ꤔ꤫ꤢꤧ꤬ ꤜꤢꤨ꤭ ꤟꤢꤨꤔꤣꤧ꤬ꤒꤥ꤬ ꤟꤢꤩꤔꤣꤧ꤬, ꤢ꤬ ꤊ꤫ꤢꤦ꤬ ꤗꤢꤩ꤬ꤞꤤꤒꤣꤧ꤬ꤚꤢꤩ꤭ ꤜꤢꤨ꤭ ꤕꤢ꤭, ꤓꤥ꤭ꤒꤥ꤬ ꤢ꤬ ꤊ꤫ꤢꤦ꤬ ꤔ꤫ꤤ꤬ꤊꤢꤧ꤭ ꤜꤥ꤭ꤔꤢꤩꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤊꤢꤨ꤬ꤊꤜꤢꤪ ꤢ꤬ꤘꤢꤘꤥ꤭ ꤕꤢ꤭꤯

ทิโมธี อาเหร่อเล๊อ ต๊าบ่า 3:7 Iomraidhean Croise

ꤗꤢ꤬ꤊꤢꤨ 4:11

เร๊อ เหย่ซู่ เฮ๊ฉื่อ เหย่ซี เน๊อ, “จอแปแหร่ เด๊อะซิเงโปล เป่เฮ๊อ ซี เร๊อ อา เทอเก่กู อา เตซิคว๊าซิเง เด๊อ อา ด๊อโอ๊ด๊อบี๊ เกอเร๊อ เออเต๊เห่ เฮ๊อ หม่าแน๊เรอ แกแย เด๊อ อาโร เต๊เห่ อาเงเน๊อ,

เพรโด่แนพู๊ เต๊เห่ 10:22

เร๊อ เหย่ซี เฮ๊ฉื่อ เน๊อ, “เกลอฮู๊ทวาดุ เพโครเนลิอัส นอแฮ เป. อา หม่า แกแยจ๊อแกแยเต เตเพร, โท๊โต่ แกแย เด๊อ อา เบ่หยื่อเบ่แหน่เกอ จอแปแหร่ เตเพร. แกแยยิวพู๊ เต๊เห่ เบ่หยื่อแหน่หนิ ลอปลี เจ๊อ ลู ปว๋า เตเพร เจ๊อ. แซ่ฮู๊ อา เก่ หนิโฮน๊อ เกอ เน เตเฮ๊เบ่อี๊โช เต๊เห่เนอ เร๊อ, จอแปแหร่ อา เตเน่วม๊อขุพู๊ แฮ เฮ๊ ลู เร๊อ เบ่ จว๊า เอ๊แฮ เน เด๊อ อาหี่.”

เพรโด่แนพู๊ เต๊เห่ 22:12

“แกแย อามุย เร๊อ คูอานาเนีย อาโอ่ เตเพร, อา หม่า แกแย เตเพร เด๊อ อา โมแหน่เจ๊อ จอแปแหร่, เร๊อ อา ลือ ครวาเมเกอ ฮู๊ เตซว๊าเตแส่ โอ่ เนอ. เร๊อ แกแยยิวพู๊ โอ่ เบ๊อะวีดามัสกัส อากู เนอเต๊เห่ แด่ดุหยื่อแหน่ แหน่เจ๊อ ลู เจ๊อ.

เพรโด่แนพู๊ เต๊เห่ 6:3

ฮู๊เนอ อาขว่าอาคยา, โป่แหว่ ซี๋, นว๊าแถ่ แลแค แกแย โซซว๊าเตเพร เด๊อ อา เล๊อบา เร๊อ แหย่โยบูโพ๊แบ่เจ่ เร๊อ เตลีแม เต๊เห่ เร๊อ เป เก่ นอเม เหย่ซี เตเม เด๊อ อา เบ่ เด๊อะเอ่เด๊อะโอ เป่ อู เหล่เอ่เหล่โอ เต๊เห่.

โครินธ์ อาเหร่อเล๊อ ต๊าบ่า 10:32

เด๊อ แกแยยิวพู๊ เต๊เห่ อาเง เบ่เบ่, แกแยยิวพู๊ หม่าโต่ เต๊เห่ อาเง เบ่เบ่, จอแปแหร่ อา เพรหยื่อเอ่เต ตู๊หมู่ตอกล๊อ เต๊เห่ เบ่เบ่, ซี เม เต อิเตเต๋ เนอ นอทวาแถ่ แต่ เตแลคื๊อแลลอ เด๊อ เหย่ซี อาเง แต่เหม่.

โครินธ์ อาเหร่อเล๊อ ต๊าบ่า 5:12

เฮ๊ตาต๋า หม่า, เมจากาคยา แกแย โอ่ เด๊อ เพรหยื่อเอ่ตู๊หมู่ตอกล๊อ อากลอ เนอเต๊เห่ หม่า แว เตเม หม่าโต่. แกแย ฮู๊เนอ เต๊เห่ หม่า จอแปแหร่ เมจากาคยา ดื่อ เหย่ซี ปา. หม่าแน๊เรอ ซี โตเบ่ เมจากาคยา เกอเร๊อดื่อ ซี เพรหยื่อเอ่เต ตู๊หมู่ตอกล๊อ เต๊เห่ เนอหม่า หม่าโต่ แอ? ลีเทส่อพ๊ากู เฮ๊ เน๊อ, “เหว่เถ่แก แกแย มู๊แหม่ เด๊อ ซีเกล เนอ,” เร๊อ ซี เบ่ เม เกอ ฮู๊เนอ.

โครินธ์ เนอบ่า ต๊าบ่า 6:3

เป โด่แน เป่ อู เร๊อ เหย่ซู่ครี๊ อาหรี่อาแก เออ แซ่ฮู๊ อู เก่ เท๊ฉื่อแก แต่เหม่ เนอเรอ, เตเม เด๊อ อา ทวาแถ่ เหย่ซี เตเป๊อเจ่ออิแช๊ เต๊เห่เนอ เป เม เตอเจ๋อ โต่.

โครินธ์ เนอบ่า ต๊าบ่า 8:21

เป แด่ เร๊อ เป เก่ เมจ๊อ แพ๊ตื๊อ เบ๊อะจอแปแหร่ อา เป๊เส่เง เออเนอ หม่าโต่, เด๊อ แกแยเห่ขุพู๊ อาเง เนอหม๋า เป เบ่ เมจ๊อเมเตเต.

โคโลสี 4:5

แจ่เตเน ลีแม แลแค เร๊อ แอ๊แซแร ซีเหน่ เด๊อ แกแย เด๊อ อา หยื่อเอ่แต่ล๋าย ครี๊ โต่ เต๊เห่ อาเป๊เส่เง นี๋. บ๊อเกเต๋ เบ่เบ่, เบ๊อะซี พย๊าหนิ เตโตเตเบ่แร๊ เด๊อ ซี เก่ เม เตแร๊ เบ๊อะเนอ, ตูรู๊ เมแร๊ แลแค ปว๋า โตโพ๊ นี๋.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:12

แซ่ฮู๊ แกแย เด๊อ อา หยื่อเอ่แหน่ เกอแต่ลา จอแปแหร่ โต่ เต๊เห่ เก่ แม๊เถอะ ซี เตโอ่เซอเพร เร๊อ เหย่ซี เก่ แด่หยื่อ ซี, โท๊โต่ เต เด๊อ ซี โหล่เอ่โหล่โอ เต๊เห่เนอ, แซ่ฮู๊ ซี เก่ ซิเลแถ่หนิ แต่ อูโร แต่เหม่เนอ, เม แลแค ฮู๊ เป เฮ๊ ซี เนอ นี๋.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:22

จว๊าวอ เควอแก แลแค เตมู๊แหม่รีแจ่ ปว๋า เต๊อเจ่อ นี๋.

ทิโมธี อาเหร่อเล๊อ ต๊าบ่า 3:6

แซ่ฮู๊ อา เก่ แด่แถ่โล แต่ อาซิปล่อ แต่เหม่, โทเรอ แซ่ฮู๊ จอแปแหร่ เก่ เมจากาคยา แต่ อา แซ่เน๊อ อา เมจากาคยา โลเน๊มู๊แหม่รีแจ่ กู่กล๊อ เนอแต่เหม่ เนอเรอ, อา เบ่ ทวาหนิ แกแย เด๊อ อา หยื่อเอ่เซ ตื่อป่าแพ๊ เนอโต่.

ทิโมธี อาเหร่อเล๊อ ต๊าบ่า 5:14

ฮู๊เนอเรอ แว ซิหยื่อ เน๊อ เพรเหมาะโอ่แคร๊ เด๊อ อาหน่าเจ่ปา เต๊เห่ เก่ พย๊า แลแค อาเว. โทเรอ พู๊โอ่เลอโอ่ แลแค, เร๊อ แม๊ตู่หนิ แลแค หี่แพ เนอหม่า ตื๊อเรอ แกแย เด๊อ อา แม๊ปู เป เตซื๊อ เด๊อ อา เก่ เฮ๊มู๊แหม่รีแจ่ เป เต๊เห่เนอ, อา แม๊เถอะปา อาเหล่เฮ๊ เป เต๊เห่ โต่ เฮ๊อ.

ทิโมธี อาเหร่อเล๊อ ต๊าบ่า 6:9

หม่าแน๊เรอ แกแย เด๊อ อา ซิหยื่อ ดุแหย่แถ่เซ เต๊เห่เนอ, อา แลตาโนเฮ๊อ เด๊อ เตอิลออี๊โหล่ อากูเฮ๊อ. โท๊โต่ อา แลตา โนเฮ๊อ เด๊อ เตซิหยื่อซิลอ เด๊อ อา แกเด เออเนอ เต๊เห่ อากู เน๊อ เตซิหยื่อซิลอ เด๊อ อา เมเบ่เช กาคยา เกอเร๊อ คยา ลู เออเนอ อากู เฮ๊อ. อา เตซิหยื่อซิลอ เออเนอ อา จอกลอหม่าเฮ๊อ ลู เน๊อ สู่เปลอ เฮ๊อ เร๊อ เตซิหยื่อซิลอ เออเนอ อา แฉ่ตาเฮ๊อ เหย่ซี เด๊อ เตปย๊าเตหลู่ เร๊อ เตแลโพร๊แลแพร อากู เออเนอเฮ๊อ.

ทิโมธี เนอบ่า ต๊าบ่า 2:26

เร๊อ เหย่ซี เก่ ซิเงแถ่ หนิคยา อาเหน่ ปา เร๊อ อา เก่ เมแลเปล๊กา เกอเร๊อ อาเหน่ เน๊อ โลเน๊มู๊แหม่รีแจ่ กู่กล๊อ แตแจ เออ อากู ปา. หม่าเมเตเฮ๊เรอ โลเน๊มู๊แหม่รีแจ่ กู่กล๊อ ปื่อหนิ เฮ๊อ เหย่ซี เร๊อ อา นอเม เฮ๊อ เหย่ซี ฮู๊ อาโต ลูซิปล่อ เนอ เฮ๊อ.

ꤒꤤꤒꤢꤨ 2:5

แซ่ฮู๊ อู เก่ เป๊อเจ่ออิแช๊ ดื่อ จอแปแหร่ อาลาอาโหง่ แต่เหม่เนอ, เพรเหมาะ โหมะเผระ เออเต๊เห่เนอ, อา เบ่ อิซว๊าเป่ เพรเหมาะ หน่าเจ่ เต๊เห่. เร๊อ อา เบ่ อิซว๊า เหย่ซี เนอ เหย่ซี เบ่ ทวา เพรเหมาะ เต๊เห่ เด๊อ อา ค๊อเป่ เกอเร๊อ อาซิปล่อ, เหย่ซี ซิปล่อ เบ่ อาโพ๊อาแปละ, เหย่ซี เบ่ ทวา เม เด๊อ อา แม๊ตู่ หนิ แร๊ อาหี่อาแพ, เหย่ซี เบ่ เมเต เด๊อ อาแร๊, เร๊อ อา เบ่ จูเอ่ อาเว โหง่.

ꤒꤤꤒꤢꤨ 2:8

เบ๊อะเน อิซว๊าอี๊แส่ อู เบ๊อะเนอ, แซ่ฮู๊ อู เก่ แม๊ปู แด่แจ่ ปา ดื่อ เร๊อ เตซื๊อ แต่เหม่เนอ, เฮ๊เบ่จ๊อจ๋อ เนโหง่ นี๋. เร๊อ เน เก่ เมฮู๊เนอ เฮ๊เรอ เหย่ซี เหล่เฮ๊ มู๊แหม่รีแจ่ เปหรี่เปแก อา โอะ ปา โต่ อาขว่าอาคยา, เหย่ซี เก่ ซิเตเรแก แพ๊.

ยอห์น โซบ่า ต๊าบ่า 1:12

อู ถู่เซ๊ ลอปลี เจ๊อ คูเดเมตริอัสเจ๊อ. เตหมะเตจ๊อ ข่าเฮ๊โล เจ๊อดื่อ เร๊อ อา แร๊ อาหรี่อาแก เจ๊อ. แว ถู่เซ๊ เกอเร๊อ เกอ ดื่อ อา อาหรี่อาแก, เร๊อ เน ซิเง เร๊อ เป เฮ๊เออ เนอหม่า อาจ๊ออาเต แพ๊.