ทิโมธี อาเหร่อเล๊อ ต๊าบ่า 3:6 - ลีเทส่อพ๊าอาเซ เร๊อ เห่ขุทวาลู๊

⁶ แซ่ฮู๊ อา เก่ แด่แถ่โล แต่ อาซิปล่อ แต่เหม่, โทเรอ แซ่ฮู๊ จอแปแหร่ เก่ เมจากาคยา แต่ อา แซ่เน๊อ อา เมจากาคยา โลเน๊มู๊แหม่รีแจ่ กู่กล๊อ เนอแต่เหม่ เนอเรอ, อา เบ่ ทวาหนิ แกแย เด๊อ อา หยื่อเอ่เซ ตื่อป่าแพ๊ เนอโต่.

Eastern Kayah Shadaw Dialect

⁶ ꤞꤢꤧꤟꤢꤨ ꤢ꤬ ꤊ꤫ꤢꤦ꤬ ꤘꤢꤧ꤬ꤓꤢꤧ꤬ꤜꤥ꤭ ꤒ꤫ꤢꤧ꤬ ꤢ꤬ꤞꤤꤕꤜꤢꤪ꤬ ꤒ꤫ꤢꤧ꤬ꤗꤢꤩ꤬, ꤓꤥ꤭ꤚꤣꤧ꤬ ꤞꤢꤧꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤘꤣꤧꤡꤢ꤭ ꤒ꤫ꤢꤧ꤬ ꤢ꤬ ꤞꤢꤧꤔꤢꤧ ꤢ꤬ ꤘꤣꤧꤡꤢ꤭ ꤜꤥ꤭ꤔꤢꤩꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤊꤢꤨ꤬ꤊꤜꤢꤪ ꤔꤣꤧ꤬ꤒ꤫ꤢꤧ꤬ꤗꤢꤩ꤬ ꤔꤣꤧ꤬ꤚꤣꤧ꤬, ꤢ꤬ ꤙꤢꤩ꤬ ꤓꤝꤢ꤭ꤔ꤫ꤤ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ꤞꤢꤩ꤭ ꤗꤥꤕꤢ꤬ꤖꤢꤧ ꤔꤣꤧ꤬ꤒꤥ꤬꤯

ทิโมธี อาเหร่อเล๊อ ต๊าบ่า 3:6 Iomraidhean Croise

ꤜꤢꤨꤊꤢ꤬ 10:18

เหย่ซู่ เฮ๊ฉื่อ เหย่ซี เน๊อ, “แว แม๊เถอะ จอแปแหร่ เมเป่ โลเน๊ กู่กล๊อ เร๊อ อา โอ่ เด๊อ ม๊อขุ ตาแล แซ่ เจ๊อ เร๊อ ฉ่าลีบ๊อ เนอ เจ๊อ.

โครินธ์ อาเหร่อเล๊อ ต๊าบ่า 3:1

โป่แหว่ ซี๋, แว โอ่เต่อเกอ เน๊อ ซี เด๊อ อาเหร่อเค เนอหม่า, แว อิซว๊า เป่ ซี ฮู๊ แว อิซว๊า เป่ แกแย เด๊อ อา หนิดา จูเอ่ แหย่โยบูโพ๊ แบ่เจ่ อาโหง่ เต๊เห่ เนอหม่า อาหนิ แล๋ โต่. แว เบ่ อิซว๊า เป่ ซี ฮู๊ แกแยเห่ขุพู๊ เด๊อ อา ลือครวา เม ปาแพ๊ อา เตซิหยื่อซิลอ เต๊เห่ เนอเต๊เห่ แพ๊. เมเตเฮ๊เรอ ซี เตหยื่อเอ่ ครี๊ เนอ อาฉว่าอาชอ ล๋ายโต่ อาขว่าอาคยา ซี แซ่ปาแพ๊ เน๊อ เป๊เจ่พู๊ เด๊อ อา อินู๊ปา เนอเต๊เห่ แพ๊.

โครินธ์ อาเหร่อเล๊อ ต๊าบ่า 8:1

กู๊แหน่เรอ แว ซิหยื่อ ราจว๊า เป่ ซี เหล่เอ่ เด๊อ อู โบ่แถ่ เร๊อ เตแหย่โย เนอเต๊เห่ อาหรี่อาแก. ซี เฮ๊ เร๊อ เตแหย่โย เต๊เห่ เนอหม่า อา เตโพรเตเตอเรอ ฉว่าชอ เด๊อ อา เหล่เมเป่ เป เนอ อาโอ่ โต่ เนอ เป ซิเง, ซี เฮ๊ ฮู๊เนอ หม่า อาหม่า ว๊า. ซี เตซิเง เออเนอ, อา นอพย๊าแด่โล ซี เน๊อ ซี เหน่ หม่าแน๊เรอ เตโม เนอ อา เมจว่า หม่าแหน่ เจ๊อ อู เจ๊อ.

โครินธ์ เนอบ่า ต๊าบ่า 12:7

แซ่ฮู๊ แว เก่ เฮ๊เบ่ ถู่เซ๊ เกอเร๊อ แต่ แวเหน่ เร๊อ แว แม๊เถอะ เตแร๊ เด๊อ ม๊อขุ เนอเต๊เห่ แต่เหม่เนอ, จอแปแหร่ เด๊อะ เฮ๊อ แว เด๊อ แว เก่ ข่าเบ่ เตจาเตจือ เต๊อเจ่อ เด๊อ อา แซ๊ เร๊อ ส่อแซ๊ กีแซ๊ โอ่แต่ เด๊อ แว พ๊าเลเนอ. โลเน๊มู๊แหม่รีแจ่ กู่กล๊อ นอแฮ อา เตเน่วพู๊ โตโด เด๊อ อา เก่ แฮ เมจาเมจือ แว เร๊อ เตจาเตจือ เออเต๊อเจ่อ เฮ๊อ. เด๊อ เตแป่เตเช เออ อาขว่าอาคยาเร๊อ แว แด่แถ่โลแจ่ ปา แวเหน่ โต่ เฮ๊อ.

ทิโมธี อาเหร่อเล๊อ ต๊าบ่า 3:7

แกแย เด๊อ อา หยื่อเอ่เกอ เหย่ซู่ โต่ เต๊เห่ เก่ แด่หยื่อแด่แหน่ ลู อาเงเนอ, อา เตก๊อถ่อโอ่แน เฮ๊เบ่เฮ๊โช เต๊เห่ เบ่ แร๊ ปว๋า โตโพ๊ เจ๊อ. แกแย เด๊อ อา หยื่อเอ่เกอ เหย่ซู่ โต่ เต๊เห่ เก่ แด่หยื่อแด่แหน่ ลู ฮู๊เนอโต่ เฮ๊เนอ, อา เก่ เมเตเร ลู ปา, โท๊โต่ อา เก่ หนิแก โลเน๊มู๊แหม่รีแจ่ กู่กล๊อ อา แตแจ ปา.

ทิโมธี อาเหร่อเล๊อ ต๊าบ่า 6:4

ฮู๊เนอเรอ แกแย เออเต๊เห่เนอ, อา แด่ดุ พย๊าแถ่โล ตาลว๊าซิลือ แลแค เจ๊อ อาซิปล่อ เร๊อ อา ซิเง แลแค เตอเจ๋อ โต่. เหย่ซี ซิปล่อฉว่า ตาลว๊าซิลือ เด๊อ อา เก่ เคร๊แขะ อู เร๊อ ลีปล่อ ตอปล๊อ เร๊อ ตอปล๊อ อาโหง่แลช๊า เต๊เห่ อาขว่าอาคยา, เตเออเต๊เห่เนอ, อา นอโอ่แถ่ เตซิค๊า ลู, เตกย๊าตางา, เตเป๊อเจ่ออิแช๊, เร๊อ เตเนซื๊อ เกอลู เต๊เห่ แพ๊.

ทิโมธี เนอบ่า ต๊าบ่า 3:4

เหย่ซี เก่ หม่า แกแย เด๊อ อา อิแช๊เอ่ อูมุย, อา อิแช๊เอ่ อูเหน่ เร๊อ เมบูเมบย่า อาเหน่, จ่า แถ่ม๊อแถ่โผ่ อาเหน่, ซิหยื่อ เมโม ตาปา โชชื่อ เจ๊อ อาเหน่ เออเนอ อาดุเล๊อ เจ๊อเน๊อ เตโมหนิ จอแปแหร่ ปา.

เปโตร อาเหร่อเล๊อ ต๊าบ่า 2:2

ซี ซิเงน๊อ โทเฮ๊อ จอแปแหร่ อาบุ๊ยอาเตอเรอ เฮ๊อ. ฮู๊เนอเรอ ทวาแถ่ แซ่เกอ แลแค ฮู๊ เป๊เจ่ฮู๊ โอ่เซ เด๊อ อา ซิเอ่ซิโอ หม่าแหน่ อินู๊เทอ คูทิโมธี เนอเต๊เห่ นี๋. เด๊อ ซี ซิเอ่ซิโอ อินู๊เทอ เจ๊แร๊ ฮู๊เนอ อาขว่าอาคยา, ซี เก่ ดุแถ่เผร่แถ่ โต่เด๊อ เมแลเปล๊กา เก่ เล๊อแถ่บาแถ่ เฮ๊อปา เนอ ปา.

เปโตร อาเหร่อเล๊อ ต๊าบ่า 5:5

ฮู๊ แว เฮ๊ เป่ โทเฮ๊อ ซี เร๊อ เตแด่แลซิปล่อ อาหรี่อาแก เนอ เฮ๊อ, ซี เด๊อ อา หน่าเจ่เล๊อ เต๊เห่เนอ, ซี เบ่ แด่แล แลแค ซี ซิปล่อ เด๊อ โหมะพรูโหมะเผระ เต๊เห่ อาเล. ซี ปว๋า เตเพร โตเบ่ กือแซ๊แถ่ แลแค แด่แล ซิปล่อ เตเพร เร๊อ เตเพร แซ่เน๊อ ซี กือแซ๊แถ่ เห่อจาเนอ, เมเตเฮ๊เรอ, ลีเทส่อพ๊ากู เฮ๊ เนอ, “จอแปแหร่ เมตาตือแก แกแย เด๊อ อา แด่แถ่โล อาซิปล่อ เนอเต๊เห่ หม่าแน๊เรอ เตบุ๊ยเตเตอเรอ เออเนอ, อา เด๊อะ ตา เป่ เร๊อ แกแย เด๊อ อา แด่หยว่า อาซิปล่อ เนอเต๊เห่ แพ๊”

เปโตร เนอบ่า ต๊าบ่า 2:4

ม๊อขุ เตเน่วพู๊ เด๊อ อา เมซื๊อเต เต๊เห่เนอ, จอแปแหร่ แด่ลว๊าแก เหย่ซี โต่. อา วีตาแก เหย่ซี เด๊อ ง่าหร่าปอรากยากู. อา ด๊อโน เหย่ซี เด๊อ เห่กู คี๊ตือรือ เต๊เห่ อากู เร๊อ อา แด่โอ่ โต่ เหย่ซี เด๊อ เตเมจากาคยา อาม๊อเนอ เนอเตอเนอ ปา.

ꤛꤢꤨꤘꤢ꤬ 1:6

ซิเงแถ่เบ่ หนิคยาแซ๊ แลแค ดื่อ เตเน่วพู๊ เด๊อ อา วีแก แก จอแปแหร่ เด๊อ เหย่ซี อาเตเป๊อตี๊หรี่ เออเนอ, เร๊อ เถ่จว๊า โค๊แกลา เร๊อ อา เหล่โอ่เหล่แบ่ เออเนอ เต๊เห่. จอแปแหร่ จอหม่า ลอเฮ๊อ เหย่ซี เร๊อ สู่เปลอต่อเท๊ เร๊อ อา แด่โน เฮ๊อ เหย่ซี เด๊อ เตคี๊เตลอ อากู เฮ๊อ. เร๊อ อา เก่ แด่โอ่ โต่ เหย่ซี เด๊อ เตเมจากาคยาอา ม๊อเนอดุ เนอเตอเนอ ปา.