ทิโมธี อาเหร่อเล๊อ ต๊าบ่า 3:1 - ลีเทส่อพ๊าอาเซ เร๊อ เห่ขุทวาลู๊

¹ เตเฮ๊เบ่ เออเนอหมา อาจ๊ออาเต เร๊อ แกแย เตเพรเพร เก่ ซิหยื่อ ทวา เพรหยื่อเอ่ตู๊หมู่ตอกล๊อ ทวาดุทวาเต เฮ๊เนอ, เตเม เด๊อ อา ซิหยื่อเม เออเนอหมา เตเม เด๊อ อาแร๊ เต๊อเจ่อ เฮ๊อ.

Eastern Kayah Shadaw Dialect

¹ ꤒꤢꤩ꤬ꤟꤢꤩꤙꤢꤩ꤬ ꤣꤧ꤭ꤔꤣꤧ꤬ꤗꤢ꤬ ꤢ꤬ꤡꤢꤪꤢ꤬ꤒꤢꤩ꤬ ꤚꤣꤧ꤬ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤊꤢꤩ꤬ ꤞꤤꤛ꤫ꤢꤦ꤬ ꤓꤝꤢ꤭ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤕꤜꤢꤪꤗꤢꤨ꤬ ꤊꤢꤨ꤬ꤊꤜꤢꤪꤊꤢꤨ꤬ꤊꤜꤢꤧ꤭ ꤟꤢꤩꤔꤣꤧ꤬, ꤒꤢꤩ꤬ꤗꤢꤩ꤬ ꤘꤣ ꤢ꤬ ꤞꤤꤛ꤫ꤢꤦ꤬ꤗꤢꤩ꤬ ꤣꤧ꤭ꤔꤣꤧ꤬ꤗꤢ꤬ ꤒꤢꤩ꤬ꤗꤢꤩ꤬ ꤘꤣ ꤢ꤬ꤚꤢꤧ ꤒꤣ꤬ꤡꤣ꤬ ꤟꤣꤧ꤯

ทิโมธี อาเหร่อเล๊อ ต๊าบ่า 3:1 Iomraidhean Croise

ꤜꤢꤨꤊꤢ꤬ 15:10

ฮู๊เนอเฮ๊อ, แว เฮ๊ ซี๋, เพรเตเหล่ซื๊อโอ่ เตเพร ถู่แหล่แต๊แกละกาคยาแซ๊ อาซิปล่อ อาขว่าอาคยา, จอแปแหร่ อา เตเน่วม๊อขุพู๊ เต๊เห่ ซิครือซิลอ แหน่เจ๊อ.”

เพรโด่แนพู๊ เต๊เห่ 1:20

“อู ราโอ่ เด๊อ ลีถู่เซ๊แถ่ อากูเนอ เร๊อ อา เฮ๊ เน๊อ, ‘อาหี่ เก่ โอ่แหร่แก ดื่อ ปา นี๋. อู เก่ โนโอ่ แต่ เด๊อ อาเหล่โอ่ อากูเนอ เตเพร่ว แต่เหม่ นี๋.’ โทเร๊อ อา เฮ๊โป่ เน๊อ, ‘อู เก่ โนเมดื่อ อาเตเม เตเพร ปา นี๋.’

เพรโด่แนพู๊ เต๊เห่ 20:28

แม๊ตู่ เร๊อ ดื่อ แลแค ซีเหน่ เร๊อ แม๊ตู่ เกอเร๊อ แลแค ล๋อ ซิหมิ เด๊อ แหย่โยบูโพ๊ เด๊อะตาแก เป่ ซี เด๊อ ซี เบ่ แม๊ตู่หนิ เออเนอ เต๊เห่ นี๋. ทวา แลแค เพรเกซิหมิพู๊ เด๊อ อา แม๊ตู่หนิ อาซิหมิ เออเต๊เห่ เนอ เต๊เห่ นี๋ แม๊ตู่หนิ แลแค จอแปแหร่ อา เพรหยื่อเอ่ ตู๊หมู่ตอกล๊อ เด๊อ อาพู๊คู พรีกา โทเฮ๊อ เน๊อ อาสุ่ย เร๊อดื่อ เออเนอ นี๋.

ꤚꤥꤗꤢꤩ꤬ 11:13

กู๊แหน่เออ, แว เฮ๊เบ่ เร๊อ ซี แกแยยิวพู๊ หม่าโต่ เต๊เห่. จอแปแหร่ นอ แว ฮู๊ เพรโด่แนพู๊ เต๊เห่ เตเพร เด๊อ แกแยยิวพู๊ หม่าโต่ เต๊เห่ อาเง อาขว่าอาคยา, เตเม เด๊อ จอแปแหร่ เด๊อ แว เออ แว เตเนดุ เกอ เร๊อ แหน่เจ๊อ อา.

เอเฟซัส 4:12

แซ่ฮู๊ จอแปแหร่ อาแกแย เต๊เห่ เก่ โอ่ ตี๊หรี่แตแร อาเหน่ เร๊อ อา เก่ เม เป่ ลู เตเม อาเง, โท๊โต่ แซ่ฮู๊ อา เก่ เด๊อะฉว่าเด๊อะชอแถ่ เพรหยื่อเอ่อา ตู๊หมู่ตอกล๊อ เด๊อ อา หม่า ครี๊ อาเหน่กล่อเออ อาเงเนอเรอ, อา เด๊อะตา ดื่อเฮ๊อ ฮู๊เนอเฮ๊อ.

ฟีลิปปี 1:1

เป หม่า คูเปาโล เร๊อ คูทิโมธี. เป หม่า เหย่ซู่ครี๊ อาหลู่ เต๊เห่. เป ราจว๊า เป่ ลี เออต๊าบ่า เนอ จอแปแหร่ อาแกแย เด๊อ อา ทวาแถ่ เฮ๊อ เตเตอเจ๋อ โต เร๊อ เหย่ซู่ครี๊ เร๊อ อา โอ่ แลแค เด๊อ วีฟีลิปปี อากู เนอเต๊เห่ อา โอ่. เป ราจว๊าป่าเต่อ เป่เกอ เร๊อ เพรหยื่อเอ่ตู๊หมู่ตอกล๊อ ทวาดุ ทวาเต เต๊เห่ เร๊อ เพรเมจว่า เพรหยื่อเอ่เต ตู๊หมู่ตอกล๊อพู๊ เต๊เห่.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:14

โป่แหว่ ซี, เป กุยซิยอ คยาแซ๊ โป่ ซี เนอ, เด๊อะรอเด๊อะเร เร๊อดื่อ แกแย เตเกลแลแบ๊ เนอเต๊เห่ นี๋. โทเรอ เด๊อะอ๊าเด๊อะเหร่ เป่ แกแย เด๊อ อา โต๊โหร่ ดื่อเง เนอเต๊เห่ เร๊อ เมจว่า เป่เกอ แกแย เด๊อ อา อ๊าเจ่เหร่เจ่ เนอเต๊เห่. โทเร๊อ เย๊อ แด่ทูซิปล่อ เป่ อู ปว๋า เตเพร นี๋.

ทิโมธี อาเหร่อเล๊อ ต๊าบ่า 1:15

แซ่ฮู๊ เหย่ซู่ครี๊ เก่ แฮ เมแลเปล๊กา แกแย เตซื๊อเตปล๊าพู๊ เต๊เห่ เรอ, อา แฮแล เด๊อ เห่ขุ เออ เฮ๊อ. เตเฮ๊เบ่ เออเนอหมา อาจ๊ออาเต เร๊อ แกแย ล๋อ ปลี โตเบ่ พย๊าฉื่อ ลอ อา ซีปล่อชีเม. เพรเมซื๊อเตพู๊ ล๋อ ปลี อาเกลเนอหม่า แว หม่า แกแย เด๊อ อา เมซื๊อ ดุเล๊ออู เตเพร เฮ๊อ.

ทิโมธี อาเหร่อเล๊อ ต๊าบ่า 4:9

เตเฮ๊เบ่ เออเนอหมา อาจ๊ออาเต เร๊อ แกแย ล๋อ ปลี โตเบ่ พย๊าฉื่อ ลอซิปล่อสู่เทอ อา,

ทิโมธี เนอบ่า ต๊าบ่า 2:11

เตเฮ๊เบ่ โอ่ เน๊อ, “เป เก่ เซอเต่อเกอ เฮ๊อ เน๊อ ครี๊ เร๊อ เป เก่ เซอเพร เต่อเกอ เน๊อ อา ปา.

ꤒꤤꤒꤢꤨ 1:7

เมเตเฮ๊เรอ, เพรหยื่อเอ่ตู๊หมู่ตอกล๊อ ทวาดุทวาเต เตเพรเนอ, แรเต ตาเบ่ อา เด๊อ อา โตเบ่ เม จอแปแหร่ อา เหล่เอ่เหล่แร อาขว่าอาคยา, อู เหล่แด่ อา เตซื๊อ หม่า อา โตเบ่ โอ่หนิเกอ โต่. กู่กล๊อเพรอ เร๊อ ซิปล่อ ดุแถ่แพร เต๊เห่เนอ อา โตเบ่ โอ่หนิเกอ โต่, เบ่ เอ่มือโอแพร๊ หนิโต่, เบ่มือเบ่ปอหนิ อูโรโต่, เบ่ เอ่ตือโอตือ หนิ อูขุ โต่.

ꤒꤤꤒꤢꤨ 3:8

เตเฮ๊เบ่ เออเนอหมา อาจ๊ออาเต. แซ่ฮู๊ แกแย เด๊อ อา หยื่อเอ่แลแค จอแปแหร่ เต๊เห่ เก่ ซิปล่อป่า เร๊อ เด๊อะแลเกอ แลแค ซิปล่อ เด๊อ อา เก่ เม เตแร๊ เต๊เห่ อาเงเนอ, แว ซิหยื่อ เด๊อ เน เก่ อิซว๊า ซิปล่อป่า ตาเต เป่อู เร๊อ เตหรี่เตแก เออเต๊เห่. เตเออเต๊เห่ หม่า อาแร๊ แหน่เจ๊อ เร๊อ อา ทวาบุ๊ยทวาเตอเรอ แหน่เจ๊อ เด๊อ อู ปว๋า เตเพร อาเง เจ๊อ.

ꤟꤤꤙꤚꤢꤨ 12:15

แซ่ฮู๊ ซี ปว๋า เตเพร เก่ พย๊าหนิ เกอ แลแค จอแปแหร่ อาบุ๊ยอาเตออเรอ เออเนอเร๊อ, รอเร๊อ แลแค ซีเหน่ นี๋. นอทวาแถ่ แต่ แลแค ซีเหน่ ฮู๊ ส่อเหมาะ เด๊อ อู เอ่ อา เร๊อ อา มือเซอแจ่ อู เนอเต๊เห่ เตเพร่ว แต่เหม่ นี๋. แกแย เด๊อ อาแซ่เน๊อ ส่อเหมาะ เด๊อ อา เม มือเซอแจ่ อู เออเต๊เห่เนอ, อา เก่ แด๊แถ่ เด๊อ ซีเกล เร๊อ อา เก่ เมแป่เมเช โหร่เอ๊ อู เน๊อ อา เตมือเซอ เออเนอ ปา.

เปโตร อาเหร่อเล๊อ ต๊าบ่า 2:25

ซี เออเนอ, อาแซ่เน๊อ ซิหมิ เด๊อ อา จว๊าซื๊อแกล๊ เต๊เห่. หม่าแน๊เรอ กู๊แหน่เออ ซี กาคยาโต คยาแซ๊ เฮ๊อ เด๊อ เพรเก ซิหมิ เด๊อ อา แม๊ตู่เร๊อ ซี ซิปล่อเซอเพร เออเตเพร อา โอ่ เฮ๊อ.

เปโตร อาเหร่อเล๊อ ต๊าบ่า 4:15

ซี เก่ เมเซอ แกแย, หม่าโต่เรอ ซี เก่ เอ่โห่เอ่ฮี๊, หม่าโต่เร๊อ ซี เก่ เม เตมู๊แหม่รีแจ่, หม่าโต่เร๊อ ซี เก่ จว๊าโนเม ดู๊แด อู เก่เฮ๊เรอ ซี โตเบ่ ข่าเบ่แหน่ เตจาเตจือ เฮ๊อ. หม่าแน๊เรอ ซี เออเต๊เห่ เนอหม่า, ซี โต ข่าเบ่หนิ เตจาเตจือ เร๊อ ซี เม เตมู๊แหม่ เออเต๊เห่ อาคยา โต่.

เปโตร อาเหร่อเล๊อ ต๊าบ่า 5:2

ซี เด๊อ อา ทวา เพรหยื่อเอ่ตู๊หมู่ตอกล๊อ กู่กล๊อดุกู๊ฉู่ทู เด๊อ อาแซ่เน๊อ เพรเกซิหมิ ซี เต๊เห่เนอ, แม๊ตู่หนิ แลแค จอแปแหร่ อาซิหมิหมู่ เด๊อ อา เด๊อะ ซี เออเนอตู๊หมู่, เร๊อ โอ่ป่อแม๊แร๊ แลแค เพรหยื่อเอ่ เออ เนอเต๊เห่. เร๊อ ซิปล่อ โอ่ แม๊แร๊ แลแค เหย่ซี ฮู๊ จอแปแหร่ ซิหยื่อ นอแม๊ ซี เนอ นี๋. เม แต่ ฮู๊ อู นอตือดื๊อ ซี เร๊อ ซี เมแพ๊เนอ แต่เหม่นี๋. แม๊ดุ แลแค คว๊าเก่ เร๊อ เม แลแค แต่เหม่ นี๋. หม่าแน๊เรอ, ซี เก่ ทวา โค๊ดื่อ แกแย เด๊อ อา ซิปล่อฉว่า เม จอแปแหร่ อา เตเอ่เตแร เต๊เห่ นี๋.