ทิโมธี อาเหร่อเล๊อ ต๊าบ่า 2:6 - ลีเทส่อพ๊าอาเซ เร๊อ เห่ขุทวาลู๊

⁶ แซ่ฮู๊ อา เก่ อี๊ถ่า กาคยา แกแย เห่ขุพู๊ ล๋อ ปลี อาเงเนอ อา เด๊อะแลแก อา ซิปล่อเซอเพร. อา หม่า เพรข่าเฮ๊โล เด๊อ อา แฮ โตค๊าโตขิ เตเพร.

Eastern Kayah Shadaw Dialect

⁶ ꤞꤢꤧꤟꤢꤨ ꤢ꤬ ꤊ꤫ꤢꤦ꤬ ꤤ꤬ꤓꤢ꤬ ꤊꤢ꤬ꤋꤛꤢ꤭ ꤖꤚꤢꤩ꤬ꤜꤢꤨ꤬ ꤟꤢꤩ꤬ꤋꤢꤨ꤬ꤖꤢꤨ ꤜꤢꤪ꤭꤮ ꤕꤜꤤ꤭ ꤢ꤬ꤑꤢꤩ꤭ꤔꤣꤧ꤬ ꤢ꤬ ꤘꤣꤧꤜꤢꤧ꤬ꤊꤢꤧ꤭ ꤢ꤬ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬꤯ ꤢ꤬ ꤗꤢ꤬ ꤖꤚꤢꤩ꤬ꤋꤢꤧꤟꤢꤩꤏꤥ꤬ꤜꤥ꤭ꤒꤢꤩ꤬ ꤘꤣ ꤢ꤬ ꤟꤢꤧ꤭ ꤒꤥ꤭ꤏꤣꤧꤒꤥ꤭ꤋꤢꤩ꤭ ꤒꤣ꤬ꤖꤚꤢꤩ꤬꤯

ทิโมธี อาเหร่อเล๊อ ต๊าบ่า 2:6 Iomraidhean Croise

มัทธิว 20:28

แกแย พู๊คู, แฮ เด๊อ เห่ขุเออ อาพย๊า ฉื่อ เป เมเป่ อา เนอ หม่าโต่. หม่าแน๊เรอ อาเก่ เมเป่ อู เงแพ๊. แซ่ฮู๊ แกแย เก่ แลเปล๊ กา อาเง เนอ, อา เด๊อ แล แก อา ซิปล่อ เซอเพร เด๊อ เหยซี อาเง เฮ๊อ.”

ꤗꤢ꤬ꤊꤢꤨ 1:15

เร๊อ อา เฮ๊ เน๊อ, “เบ๊อะแฮโต่เฮ๊อ. จอแปแหร่ อาเทออาเก่ ผื่อแฮเฮ๊อ เร๊อ เม เต๊เปล่ แลแค ซี ซิปล่อ เร๊อ หยื่อเอ่ แลแค มอ แลแค เตซิครือซิลอมีลา เออ.”

ꤗꤢ꤬ꤊꤢꤨ 10:45

เมเตเฮ๊เรอ แกแยพู๊คู หม่าเฮ๊อ แวเออ, แว แฮ เด๊อ อู เก่ เม เป่ แวเง เนอ หม่าโต่. แว แฮ เด๊อ แว เก่ เม เป อูเง แพ๊. เร๊อ แซ่ฮู๊ แว เก่ เอ๊ถ่ากาหนิ เหย่ซี อาเงเนอเรอ, แว เด๊อะแลแก แว ซิปล่อ เซอเพร เด๊อ แกแย โอ่โร๊ลู อาเง.”

ꤛꤥ꤭ꤟꤢ꤬ 10:15

อาแซ่เน๊อ เนอเฮ๊อ, แวเพ ซิเง แว เร๊อ แว ซิเง แวเพ, เร๊อ แว เด๊อะแลแก แว ซิปล่อ เด๊อ แว ซิหมิ เต๊เห่ อาเง.

ꤛꤥ꤭ꤟꤢ꤬ 6:51

แว หม่า เหล่เอ่ เด๊อ อา เด๊อะอู ซิปล่อเซอเพร เร๊อ อา โอ่ เด๊อ ม๊อขุ ตาแล. อูเปเป๋ เบ่เบ่, อา เก่ เอ่ เหล่เอ่ เออเนอ, อา เก่ เซอเพร ตูจูเพร ปา. เหล่เอ่ เออเนอหมา หม่าเฮ๊อ แวหย่า เออเนอ เฮ๊อ. แซ่ฮู๊ แกแย เห่ขุพู๊ เก่ เซอเพร อาเงเนอ แว เด๊อะแลแก แว เหน่กล่อ เออ เด๊อ เหย่ซีเง เฮ๊อ.”

ꤚꤥꤗꤢꤩ꤬ 16:26

หม่าแน๊เรอ กู๊แหน่เออ ฮู๊ เพรโพร เฮ๊หนื่ออื่อ โทเฮ๊อ เนอ, โทเรอ ฮู๊ จอแปแหร่ เด๊อ อา เซอเพร ตูจูเพร เออเตเพร หม่าแก หนื่ออื่อ โทเฮ๊อ อาโหง่ เต๊เห่ เน๊อ, แซ่ฮู๊ แกแยยิวพู๊ หม่าโต่ เต๊เห่ เก่ หยื่อเอ่ ครี๊ เร๊อ เหย่ซี เก่ หนิดา ลูโหง่ อาเงเนอ, อู เด๊อซิเง โลเป่ ลอเฮ๊อ เหย่ซี ปว๋า โต๊โผ่ เฮ๊อ.

ꤚꤥꤗꤢꤩ꤬ 5:6

เมเตเฮ๊เรอ, เบ๊อะเป เมจว่า แลเบ๊ แจ่ เกอเร๊อ ปา เปเหน่ โต่ เบ๊อะเนอ, เหย่ซู่ครี๊ แฮข่าเซอ ม๊อเนอม๊อเซ โตเป่ แกแยจา แกแยจือ เต๊เห่ อาเง.

โครินธ์ อาเหร่อเล๊อ ต๊าบ่า 1:6

เร๊อ เป แด๊โฉ่โล เป่ ซี ครี๊ อาหรี่อาแก เออเต๊เห่เนอ, อา โอ่หม่าโอ่กลอ ตาเต เฮ๊อ เด๊อ ซีกู เฮ๊อ.

โครินธ์ เนอบ่า ต๊าบ่า 5:21

ครี๊เนอ อาเตซื๊อ โอ่ เต๊อเจ๋อ โต่. หม่าแน๊เรอ, แซ่ฮู๊ อา เก่ ปล๊าลีแก เป่ เป เตซื๊อ อาโหน่อาฉู่ เต๊เห่ อาเงเนอ, จอแปแหร่ นอข่าเซอ ลู เด๊อ เป เตซื๊อ อาเง. เด๊อ ครี๊ เม เป่ เฮ๊อ เป ฮู๊เนอ อาขว่าอาคยา, เป เก่ ทวาแถ่ เฮ๊อ เตเต๊อเจ๋อ แพ๊เน๊อ ครี๊ เฮ๊อ เร๊อ, จอแปแหร่ เก่ แด่จ๊อแด่เต เฮ๊อ เป เด๊อ อาเป๊เส่เง ปา.

ꤊꤢ꤬ꤜꤢ꤬ꤒꤤ 1:4

แซ่ฮู๊ ครี๊ เก่ เมแลเปล๊กา เป่ เร๊อ เออตือทือ อา เตมู๊แหม่รีแจ่ เต๊เห่ อาเงเนอ, อา เด๊อะแลแก เฮ๊อ อา ซิปล่อเซอเพร เด๊อ เป่ เตซื๊อเตปล๊า เก่ ปลวาแก อาเง เฮ๊อ. ฮู๊ อา เพ จอแปแหร่ ซิหยื่อ นอเม ลู เต๊เห่เนอ, อา เมกาโทเฮ๊อ.

ꤊꤢ꤬ꤜꤢ꤬ꤒꤤ 4:4

หม่าแน๊เรอ เบ๊อะม๊อเนอโต ม๊อเนอเบ่ แฮโต่เฮ๊อ เบ๊อะเนอ, จอแปแหร่ นอแฮแล อาพู๊คู เร๊อ อา แฮ โอ่เป๊เจ่แล เด๊อ เพรเหมาะ เตเพร อา โอ่, เร๊อ อา แฮ โอ่ เป๊เจ่แล เด๊อ แกแยยิวพู๊ อา เตซว๊าเตแส่ อาเล.

เอเฟซัส 1:17

แว กุยจ๊อเบ ตื๊อดื่อปา เด๊อ เป แบ่เจ่ เหย่ซู่ครี๊ อา จอแปแหร่, หม่าเฮ๊อ เปเพ เด๊อ อาเตอเรอดุอาเตอเรอทู อาโพร อาเตอเรอ เออเตเพร อา โอ่. เร๊อ แซ่ฮู๊ ซี เก่ ซิเงแฮ ตาเต แร๊เล๊อโป่ จอแปแหร่ อาเงเนอ, แว กุยจ๊อเบ เร๊อ จอแปแหร่ อา แหย่โยบูโพ๊ เก่ เด๊อะ ซี เตลีแมลีเพ๊, เร๊อ อา เก่ เด๊อะโล เป่ ซี เร๊อ จอแปแหร่ ปา.

เอเฟซัส 1:7

เด๊อ ครี๊ ข่าเซอ อาเหน่ เร๊อ อาสุ่ย ทุ๊ยแล อาขว่าอาคยา, จอแปแหร่ อี๊ถ่า เฮ๊อ เป, เร๊อ อา ปลวาแก ลอเฮ๊อ เป เตซื๊อ เฮ๊อ. จอแปแหร่ อาบุ๊ยอาเตอเรอ เออเนอ, อาดุอาแย แหน่เจ๊อ เด๊อ เปเง เจ๊อ.

เอเฟซัส 3:5

เตจ่อแย เออเนอ, จอแปแหร่ เด๊อะโล เป่ แกแย มู๋ หนู่เค เนอเต๊เห่ โต่. หม่าแน๊เรอ กู๊แหน่เออ เด๊อ แหย่โยบูโพ๊แบ่เจ่ อาขว่าอาคยาเร๊อ, อา เด๊อะโล เป่ เฮ๊อ อา เพรโด่แน เด๊อ อา บูโพ๊ เออเต๊เห่ เร๊อ อาเพรโพร บูโพ๊ เออเต๊เห่ เฮ๊อ.

เอเฟซัส 5:2

ซี โต โอ่เซอเพร แลแค ฮู๊เต เฮ๊เนอหม่า, โมหนิเร๊อ แลแค อูโร ปว๋า เตอเนอ แซ่เน๊อ ครี๊ โม หนิเกอเร๊อ เป เร๊อ อา ข่าเซอ อาซิปล่อ เด๊อ เปเง เนอ นี๋. โท๊โต่ ครี๊ หลู่แถ่ อา ซิปล่อเซอเพร เด๊อ จอแปแหร่ อา เป๊เส่เง แซ่เน๊อ เตโนมื๊อโนชือ เด๊อ อาโต จอแปแหร่ อาซิปล่อ เออเนอ เฮ๊อ.

เธสะโลนิกา เนอบ่า ต๊าบ่า 1:10

ช๋า แบ่เจ่ เหย่ซู่ แฮคยาแซ๊ อาม๊อเนอ เตอเนอ ปาเนอ, อา เก่ ทวาแถ่ ดื่อ ฮู๊เนอ ปา. เบ๊อะเนอเตอเนอ ปาเนอ, แบ่เจ่ เหย่ซู่ เก่ พย๊าหนิ เตเตอเรอดุเตอเรอทู เด๊อ อา แกแย บูโพ๊ เต๊เห่ อาโอ่ ปา. เร๊อ แกแย เด๊อ อา หยื่อเอ่ ลู เต๊เห่เนอ, อา เก่ คย๊ายื๊อ ลอ ลู ปา. ฮู๊เนอเรอ ซีเออ เต๊เห่เห่ เบ่เบ่, ซี เก่ ถู่เซ๊แถ่ เต่อเกอ เด๊อ เหย่ซีเกล ปา, เมเตเฮ๊เรอ ซี ย๋อ หยื่อเอ่ โทเฮ๊อ เตซิครือมีลา เด๊อ เป แด๊โฉ่โด่แน โทเป่ เฮ๊อ ซี เนอเต๊เห่ เฮ๊อ.

ทิโมธี อาเหร่อเล๊อ ต๊าบ่า 6:15

จอแปแหร่ดุ เด๊อ แกแย ถู่เซ๊แถ่หนิ ลู เออเตเพร เน๊อ ตื๊อแพ๊ อา เตเพร เด๊อ อา เป๊อ เต ล๋อ ปลี เออเนอ, เน๊อ จ๊อแผ่ เต๊เห่ อาจ๊อแผ่, แบ่เจ่ เต๊เห่ อา แบ่เจ่ เออเตเพรเนอ, อา เก่ นอแฮ โอ่โลแถ่ ดื่อ เหย่ซู่ครี๊ เบ๊อะอา ค๊าขิ ตาโตตาเบ่ เฮ๊อ เนอ ปา.

ทิโมธี เนอบ่า ต๊าบ่า 1:8

ฮู๊เนอเร๊อ, เน เตเร ข่าเฮ๊โล เนเหน่ เด๊อ เป แบ่เจ่ อาเงเนอ ซิเตเร แต่เหม่, เด๊อ แบ่เจ่ อาขว่าอาคยาเร๊อ, อู ด๊อตา แว เด๊อ ทอกู เออเนอ เบ่เบ่, ซิเตเร แต่เหม่เหม่. โท๊โต่ ข่าโหร่เกอ เตโซพ๊าโซแร เน๊อ แว เด๊อ เตซิครือมีลา อาเง ฮู๊ จอแปแหร่ เด๊อะ เน เตอ๊าเหร่เตเหร่เนอ.

ꤒꤤꤒꤢꤨ 1:3

จอแปแหร่ เด๊อ อา เมแลเปล๊กา เป เออเตเพร เด๊อซิเง เป่ เป เตหรี่เตแก เออเนอหมา, อา ม๊อเนอม๊อเซโตเบ่เฮ๊อ เร๊อ อา หยื่อเอ่เกอ แว เร๊อ อา นอตา แว เด๊อ แว เก่ เด๊อซิเง เป่ ซี เร๊อ เตหรี่เตแก เออเนอ เฮ๊อ.

ꤒꤤꤒꤢꤨ 2:14

แซ่ฮู๊ อา เก่ เมแลเปล๊กา เป เด๊อ เตมู๊แหม่รีแจ่ ล๋อ ปลี เต๊เห่ อากู, โท๊โต่ แซ่ฮู๊ อา เก่ เม อาโพ๊อาแปละ กา เป เร๊อ เป เก่ ทวาแถ่ อาแกแย, โท๊โต่ เป เก่ ซิปล่อฉว่า เมเต เด๊อ อาแร๊ เต๊เห่ อาเงเนอ, อา ข่าเซอ เป่ เฮ๊อ อาซิปล่อ เด๊อ เปเง เฮ๊อ.

ꤟꤤꤙꤚꤢꤨ 9:12

เบ๊อะอา จว๊าโน หลู่แตแถ่เต เด๊อ เหล่โอ่ บูโพ๊ เล๊ออู เออตาดา เบ๊อะเนอ, อา พย๊าโนหนิ เปะ เต๊เห่ อาสุ่ย, ปู่เพ เต๊เห่ อาสุ่ย เนอหม่าโต่. อา เก่ โน หลู่แตแถ่เต อาเงเนอ, อา พย๊าโน เกอ เร๊อ ดื่อ เน๊อ อาสุ่ย อาขว่าอาคยา, อา แฮโน แพ๊ โตโพ๊ เร๊อ อาโทอาปลื๊อ ลาเฮ๊อ, เร๊อ อา เมแลเปล๊กา เป ตูจูเพร เฮ๊อ.

เปโตร อาเหร่อเล๊อ ต๊าบ่า 2:24

แซ่ฮู๊ เป เก่ จิจือปา แต่ เร๊อ เตซื๊อเตปล๊า เต๊เห่ แต่เหม่, โท๊โต่ แซ่ฮู๊ เป เก่ โอ่เซอเพรเบ๊ เกอ เด๊อ เตจ๊อเตเต ปา อาเงเนอเรอ, เบ๊อะอู มือเซอแถ่ ครี๊ เด๊อ อี๊ถื่อดีเต่ลู เบ๊อะเนอ, อา พย๊าแถ่แกเฮ๊อ เป เตซื๊อเตปล๊า เออเต๊เห่ เด๊อ อาเหน่ลู เฮ๊อ. เด๊อ อา ข่าเบ่ เตจาเตจือ เออเต๊เห่ อาขว่าอาคยา, อา แหย่โอ่เหม่แก ลอเฮ๊อ ซี เฮ๊อ.

เปโตร อาเหร่อเล๊อ ต๊าบ่า 3:18

เมเตเฮ๊เรอ ครี๊ ข่าเซอ เป่ แพ๊ อาเหน่ เด๊อ อู เตซื๊อ อาเง โตโพ๊แพ๊ เร๊อ อาโทอาปลื๊อ ลา เฮ๊อ, อา โหล่ ข่าเซอ ปาแหน่โต่ เฮ๊อ. แซ่ฮู๊ อา เก่ ซูจว๊า ซี เด๊อ จอแปแหร่ อา โอ่ เร๊อ แกแย จ๊อเต เออเตเพรเนอ, อา แฮ ข่าเซอ เป่โทเฮ๊อ แกแย เตซื๊อพู๊ เต๊เห่ อาเง เฮ๊อ. อู เมเซอ อาเหน่กล่อ หม่าแน๊เรอ จอแปแหร่ เมเซอเพร กาคยา อา เด๊อ แหย่โยบูโพ๊ แบ่เจ่ อากู.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:10

เตโม อาโหง่แลช๊า หม่าแหน่ หม่า จอแปแหร่ โม เป เร๊อ แซ่ฮู๊ เป เตซื๊อเตปล๊า ล๋อ ปลี เก่ ปลวาแก อาเงเนอ, อา นอแฮแล ข่าเซอ อาพู๊คู เด๊อเป เง. หม่าแน๊เรอ เป เตโม จอแปแหร่ เนอ อาดุ แซ่เน๊อ อาเตโม เป เออเนอ โต่.

เตเด๊อะโลแถ่ 1:5

ซี เก่ พย๊าหนิ เกอโป่ดื่อ เหย่ซู่ครี๊ เด๊อ อา ข่าเฮ๊โล จ๊อจ๊อเตเต เออเตเพร อาบุ๊ยอาเตอเรอ เร๊อ อา เตโส่เตเคร นี๋. แกแยเซอ เร๊อ อา เซอเพร กาคยา อาเกลเนอ, อา หม่า เพร เด๊อ อา เซอเพร เหร่อเล๊อ อู เตเพร เฮ๊อ. อา หม่า เพร เด๊อ อา เป๊อ เห่ขุ อาคุ๊ยจ๊อแผ่ เต๊เห่. อา หม่า อา โมเร๊อ แหน่เจ๊อ เป โท๊โต่ เด๊อ อา เซอ อาขว่าอาคยา, อา เมแลเปล๊กา เป เด๊อ เตซื๊อเตปล๊า อากู.

เตเด๊อะโลแถ่ 5:9

เหย่ซี อิโร ลีอิโร อาเซ โต๊โต่ เนอ, “เน ต่าดื่อเฮ๊อ เร๊อ เน เก่ พย๊า ลีตูลูเออ เร๊อ อ๊าโมแก เตเมม๊าเมแด เออเต๊เห่. เมเตเฮ๊เรอ อู เมเซอ โทเฮ๊อ เน อาขว่าอาคยา, แซ่ฮู๊ แกแย เต๊เห่ เก่ ทวาแถ่ จอแปแหร่ อาเต เนอ เน อี๊ถ่ากาเฮ๊อ เหย่ซี เร๊อ เนสุ่ย เร๊อ แกแยเห่ขุพู๊ เต๊เห่เห่ เด๊อ อา โอ่ เด๊อ แกแย ปว๊าโต๊โหมะ, โหง่ ปว๊าโต๊โหง่, เมวเจอะ ปว๊า เต๊อเจ่อ เร๊อ เก่ ปว๊าเต๊เก่ อาเกล เต๊เห่เนอ, เน อี๊ถ่ากา เป่ โทเฮ๊อ เร๊อ จอแปแหร่.