ทิโมธี อาเหร่อเล๊อ ต๊าบ่า 1:7 - ลีเทส่อพ๊าอาเซ เร๊อ เห่ขุทวาลู๊

⁷ เหย่ซี ซิหยื่อ ทวาแถ่ แลแค จอแปแหร่ อา เพรอิซว๊า เตซว๊าเตแส่ อาซ๊าร๊า เต๊เห่ หม่าแน๊เรอ เหย่ซี อาเตเฮ๊เบ่ เร๊อดื่อ เนอเต๊เห่ เบ่เบ่, เหย่ซี เฮ๊แคร๋ อิเตเนอ อา ซิเง กาคยา เกอเร๊อ แลแค โต่. เตหรี่เตแก เต๊เห่ เด๊อ เหย่ซี เฮ๊เบ่ เพรอเกอเด๊อ เด๊อ อาหรี่อาแกเนอ เบ่เบ่, เหย่ซี ซิเงโปล เกอเร๊อ เตอเจ๋อ โต่.

Eastern Kayah Shadaw Dialect

⁷ ꤛꤢꤩ꤬ꤞꤤ꤭ ꤞꤤꤛ꤫ꤢꤦ꤬ ꤓꤝꤢ꤭ꤓꤢꤧ꤬ ꤜꤢ꤭ꤋꤢꤧ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤖꤚꤢꤩ꤬ꤤ꤬ꤞꤝꤢ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤢ꤬ꤞꤢꤚꤢ ꤒꤣꤧ꤬ꤟꤢꤩ꤬ ꤒꤣꤧ꤬ꤘꤢꤦꤚꤣꤧ꤬ ꤛꤢꤩ꤬ꤞꤤ꤭ ꤢ꤬ꤒꤢꤩ꤬ꤟꤢꤩꤙꤢꤩ꤬ ꤚꤣꤧꤘꤢꤦ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤛꤢꤩ꤬ꤞꤤ꤭ ꤟꤢꤩꤋꤚꤢꤧ꤮ ꤤ꤬ꤒꤢꤩ꤭ꤔꤣꤧ꤬ ꤢ꤬ ꤞꤤꤑꤢꤩ꤭ ꤊꤢ꤬ꤋꤛꤢ꤭ ꤚꤣꤧꤘꤢꤦ꤬ ꤜꤢ꤭ꤋꤢꤧ꤭ ꤒꤥ꤬꤯ ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤒꤣꤧ꤬ꤟꤢꤩ꤬ ꤘꤣ ꤛꤢꤩ꤬ꤞꤤ꤭ ꤟꤢꤩꤙꤢꤩ꤬ ꤖꤚꤣꤧ꤭ꤊꤣꤧ꤬ꤘꤣ ꤘꤣ ꤢ꤬ꤚꤤ꤬ꤢ꤬ꤊꤢꤧ꤭ꤔꤣꤧ꤬ ꤙꤢꤩ꤬ꤙꤢꤩ꤬, ꤛꤢꤩ꤬ꤞꤤ꤭ ꤞꤤꤑꤢꤩ꤭ꤕꤜꤥ꤭ ꤚꤣꤧꤘꤢꤦ꤬ ꤒꤣ꤬ꤡꤣ꤬꤮ ꤒꤥ꤬꤯

ทิโมธี อาเหร่อเล๊อ ต๊าบ่า 1:7 Iomraidhean Croise

มัทธิว 15:14

เตเน แบ๊ซว๊า แบ๊โค เหย่ซี แต่เหม่, เหย่ซี หม่า แกแย เป๊เส่คี๊ เด๊อ อา ซูเป่ แกแย เป๊เส่คี๊ เต๊เห่ อาแกล๊ แพ๊. แกแย เป๊เส่คี๊ เตเพร เก่ ซูเป่ แกแย เป๊เส่คี๊ เด๊อ อาโรเตเพร แกล๊ เฮ๊เนอหม่า เหย่ซี อา ตาลอ เด๊อ ครอกู ซิเนอ ปา.”

มัทธิว 21:27

ฮู๊เนอ อาขว่าอาคยา, เหย่ซี เฮ๊ฉื่อ เหย่ซู่ เน๊อ, “เป ซิเงโต่.” เร๊อ เหย่ซู่ เฮ๊ฉื่อ เหย่ซี เน๊อ, “เก่เฮ๊ฮู๊เนอเรอ แว เมเต เออเต๊เห่ เน๊อ อูเป อา เตอเรอฉว่าชอ เป เนอ, แว แด๊โฉ่โล เป่ ซี โต่โต่.”

ꤜꤢꤨꤊꤢ꤬ 2:46

อาบาโซเนอเนอ, อา จว๊า แม๊เถอะเนอ เหย่ซู่ จว๊า โอ่ เด๊อ เตหลู่แตโฮกู แพ๊. อา จว๊า โอ่แนโอ่ เต่อเกอ เร๊อ ยูดาห์ อา ซ๊าร๊าดุ ซ๊ามาทู เต๊เห่ เร๊อ อา จว๊าหนิดา เกอ จอแปแหร่ อาลาอาโหง่ เต๊เห่ เร๊อ อา เฮ๊เบ่ แด๊เฮอ เกออู เบ๊อะเนอ.

เพรโด่แนพู๊ เต๊เห่ 15:1

แกแย โอ่ เด๊อ ยูดาห์เก่กู เต๊เห่ แฮแล แลแค เด๊อ วีอันทิโอก เร๊อ แฮ อิซว๊าอี๊แส่ ตา เพรหยื่อเอ่แหน่เอ่พู๊ เต๊เห่ เน๊อ, “ซี เก่ ดื๊อตีลี๊ พ๊า ฮู๋ คูโมเสส อา เตซว๊าเตแส่ โอ่แก เนอโต่ เฮ๊หม่า ซี พย๊าหนิแจ่ เตเมแลเปล๊กา โต่.”

ꤚꤥꤗꤢꤩ꤬ 1:22

เหย่ซี เฮ๊แล เกอเร๊อ แลแค อาเหน่ เน๊อ อา เตลีแมลีเพ๊ โอ่, หม่าแน๊เรอ อา ทวา แลแค แกแย ตอครอ แพ๊.

ꤊꤢ꤬ꤜꤢ꤬ꤒꤤ 3:2

เฮ๊ เป่แม๊ แว ตื๊อ เออเต๊อเจ่อเจ๋อ เนอแพ๊. เด๊อ ซี ครวาเมเกอ เตซว๊าเตแส่ อาคยา เร๊อ ซี พย๊าหนิ แหย่โยบูโพ๊ แบ่เจ่ แอ? เก่หม่าโต่เรอ เด๊อ ซี หนิโฮ เตซิครือมีลา เร๊อ ซี หยื่อเอ่แหน่ อาขว่าอาคยาเร๊อ, ซี พย๊าหนิ แหย่โยบูโพ๊ แบ่เจ่ ฮู๊เนอ แอ?

ꤊꤢ꤬ꤜꤢ꤬ꤒꤤ 3:5

ฮู๊เนอเรอ เด๊อ ซี ครวาเมเกอ เตซว๊าเตแส่ อาคยา เร๊อ จอแปแหร่ เด๊อ ซี แหย่โยบูโพ๊ แบ่เจ่ เร๊อ อา เม เตโค๊ตีกลี๊ เด๊อ ซีเกล ฮู๊เนอ แอ? ฮู๊เนอ หม่าโต่. เด๊อ ซี หนิโฮ เตซิครือมีลา เร๊อ ซี หยื่อเอ่ อาขว่าอาคยาเร๊อ อา เด๊อ แพ๊ ซี แพ๊. เด๊อ ซี ลือครวาเม เกอ เตซว๊าเตแส่ เออ อาคยา เนอ หม่าโต่.

ꤊꤢ꤬ꤜꤢ꤬ꤒꤤ 4:21

ซี เด๊อ อา ซิหยื่อ นอทวาแถ่ เตซว๊าเตแส่ เออเนอ เร๊อ ซีแบ่เจ่ เต๊เห่ ซี๋ เตซว๊าเตแส่ เฮ๊ ฮู๊เตเนอหม่า ซี หนิโฮน๊อ เกออู โต่ แอ? แด๊โฉ่ เป่แม๊ แว.

ทิโมธี อาเหร่อเล๊อ ต๊าบ่า 6:4

ฮู๊เนอเรอ แกแย เออเต๊เห่เนอ, อา แด่ดุ พย๊าแถ่โล ตาลว๊าซิลือ แลแค เจ๊อ อาซิปล่อ เร๊อ อา ซิเง แลแค เตอเจ๋อ โต่. เหย่ซี ซิปล่อฉว่า ตาลว๊าซิลือ เด๊อ อา เก่ เคร๊แขะ อู เร๊อ ลีปล่อ ตอปล๊อ เร๊อ ตอปล๊อ อาโหง่แลช๊า เต๊เห่ อาขว่าอาคยา, เตเออเต๊เห่เนอ, อา นอโอ่แถ่ เตซิค๊า ลู, เตกย๊าตางา, เตเป๊อเจ่ออิแช๊, เร๊อ เตเนซื๊อ เกอลู เต๊เห่ แพ๊.

ทิโมธี เนอบ่า ต๊าบ่า 3:7

เพรเหมาะ เนอเต๊เห่ หม่า อา อิซว๊า โตโมโตโม เกอ โทเฮ๊อ เต หม่าแน๊เรอ อา ซิเง เบ๊แถ่ เป่ เกออู จอแปแหร่ อา เตหมะเตจ๊อ โตโพ๋ โต่ เนอเต๊เห่ เฮ๊อ.

ꤡꤛꤢꤩ꤭ꤗꤢ꤬ꤎꤣ꤬ 3:1

แว โป่แหว่ ซี๋, ซี โต ทวา โหร่เอ๊ ซ๊าร๊า โต่, เมเตเฮ๊เรอ ฮู๊ ซี ซิเง โทดื่อเนอ เฮ๊อ, เป เด๊อ อา ทวา ซ๊าร๊า เต๊เห่เนอ, จอแปแหร่ เก่ เมจากาคยา ชอเล๊อ เป เน๊อ แกแย เด๊อ อาโร เนอเต๊เห่ ปา.

เปโตร เนอบ่า ต๊าบ่า 2:12

เหย่ซี หม่า อาแซ่เน๊อ เตมีเตดอ เด๊อ อา เตเนแจ่ เกออู โต่ เต๊เห่. โทเรอ อา เม แลแค ฮู๊ อาเหล่โกล ซิหยื่อโอ่ เนอ เร๊อ อา โอ่เป๊เจ่แล เด๊อ อู เหล่ลือปื่อ เมเซอ เหย่ซี อาเง แพ๊. แกแย เออเต๊เห่ เนอหม่า อาเท๊อาแตแอ ฉื่อ, เป๊อเจ่ออิแช๊ ฉื่อ เต เด๊อ อา ซิเง ตาปลู๊โต่ เต๊เห่. อู เก่ เมเซอแก เหย่ซี ฮู๊ อู เมเซอ เตมีเตแหม่ เนอ ปา.