ทิโมธี อาเหร่อเล๊อ ต๊าบ่า 1:5 - ลีเทส่อพ๊าอาเซ เร๊อ เห่ขุทวาลู๊

⁵ เตเฮ๊ตา โหง่เออ อา เหล่เซเร แม๊ชือ หม่า แซ่ฮู๊ อา เก่ ถู่แรแถ่ เตโม อาเง เนอแพ๊. เตโม เออเนอหมา อา แฮเถ่ เด๊อ แกแย ซิปล่อ เนอเต๊เห่ อากู. โทเรอ อา แฮเถ่ เด๊อ แกแย โอ่ เร๊อ เตซิเง เตแร๊ เร๊อ เตมู๊แหม่ เร๊อ อา นว๊าพย๊า เต เด๊อ อาแร๊ เนอเต๊เห่ อากู. โท๊โต่ อา แฮเถ่ เด๊อ แกแย โอ่ เร๊อ เตหยื่อเตแหน่ หม่าแหน่ เนอเต๊เห่ อากู.

Eastern Kayah Shadaw Dialect

⁵ ꤒꤢꤩ꤬ꤟꤢꤩꤒꤢ꤭ ꤍ꤫ꤥ꤬ꤣꤧ꤭ ꤢ꤬ ꤒꤢꤩ꤬ꤒꤣꤧ꤬ꤔꤢꤩ꤬ ꤗꤢꤧꤏꤢꤦ꤭ ꤗꤢ꤬ ꤞꤢꤧꤟꤢꤨ ꤢ꤬ ꤊ꤫ꤢꤦ꤬ ꤓꤢꤨ꤬ꤚꤢꤧ꤭ꤓꤢꤧ꤬ ꤒꤢꤩ꤬ꤗꤥ꤬ ꤢ꤬ꤑꤢꤩ꤭ ꤔꤣꤧ꤬ꤖꤢꤧ꤯ ꤒꤢꤩ꤬ꤗꤥ꤬ ꤣꤧ꤭ꤔꤣꤧ꤬ꤗꤢ꤬ ꤢ꤬ ꤟꤢꤧ꤭ꤓꤢꤩ꤬ ꤘꤣ ꤊꤣꤧ꤬ꤛꤢꤧ꤭ ꤞꤤꤕꤜꤢꤪ꤬ ꤕꤜꤤ꤭ꤖꤥ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤊꤢꤨ꤭꤯ ꤓꤥ꤭ꤚꤣꤧ꤬ ꤢ꤬ ꤟꤢꤧ꤭ꤓꤢꤩ꤬ ꤘꤣ ꤊꤣꤧ꤬ꤛꤢꤧ꤭ ꤥ꤬ ꤔꤢꤧ ꤒꤢꤩ꤬ꤞꤤꤑꤢꤩ꤭ ꤒꤢꤩ꤬ꤚꤢꤧ ꤔꤢꤧ ꤒꤢꤩ꤬ꤗꤢꤨꤗ꤫ꤢꤧ꤬ ꤚꤣꤧ꤬ ꤢ꤬ ꤔꤝꤢꤖꤛꤢ ꤒꤢꤩ꤬ ꤘꤣ ꤢ꤬ꤚꤢꤧ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤊꤢꤨ꤭, ꤓꤥ꤭ꤒꤥ꤬ ꤢ꤬ ꤟꤢꤧ꤭ꤓꤢꤩ꤬ ꤘꤣ ꤊꤣꤧ꤬ꤛꤢꤧ꤭ ꤥ꤬ ꤔꤢꤧ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤗ꤫ꤢ꤬ꤔꤤꤔꤢꤧ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤊꤢꤨ꤭꤯

ทิโมธี อาเหร่อเล๊อ ต๊าบ่า 1:5 Iomraidhean Croise

มัทธิว 12:35

แกแย แร๊ เตเพรเนอ, อา ย๋อ แด่โน โอ่ปล๊อ เตแร๊ เต๊เห่ เด๊อ อา ซิปล่อกู อาขว่าอาคยา, อา เบ่ เฮ๊เบ่ เถ่โหง่ เด๊อ อาแร๊ เต๊เห่ แพ๊. หม่าแน๊เรอ แกแยมู๊แหม่ รีแจ่ เตเพรเนอ, อา ย๋อ แด่โน โอ่ปล๊อ เตมู๊แหม่ รีแจ่ เด๊อ อา ซิปล่อกู อาขว่าอาคยา, อา เตเฮ๊เบ่ เถ่โหง่ เนอ, อา มู๊แหม่รีแจ่ แพ๊.

มัทธิว 5:8

แกแย เด๊อ อาซิปล่อ อาโพ๊อาแปละ เต๊เห่เนอ, อา พย๊าหนิ เตเด๊อะบุ๊ยเด๊อะเตอเรอ. เมเตเฮ๊เรอ อา เก่ แม๊เถอะ ผื่อต๊อต่อ เจ๊อ อาเหน่ เร๊อ จอแปแหร่ ปา.

เพรโด่แนพู๊ เต๊เห่ 15:9

จอแปแหร่ อา เตแม๊เถอะ เนอหม่า ฮู๊เตเฮ๊เรอ, แกแยยิวพู๊ เออเต๊เห่ เร๊อ แกแยยิวพู๊ หม่าโต่ เออเต๊เห่ เนอหม่า อาโค๊ เร๊อ ลู เตอเจ๋อ โต่. เด๊อ เหย่ซี หยื่อเอ่แลแค จอแปแหร่ อาขว่าอาคยา, อา ปลวาแก เหย่ซี เตซื๊อ เร๊อ อา เมโพ๊เมแปละเฮ๊อ เหย่ซี ซิปล่อ.

เพรโด่แนพู๊ เต๊เห่ 23:1

คูเปาโล แม๊จว๊าโต แกแยยิวพู๊ เด๊อ อา ทวาดุทวาเต เออเต๊เห่ เร๊อ อา เฮ๊ เหย่ซี เน๊อ, “แว โป่แหว่ ซี๋, เด๊อ แว ซิปล่อกูเนอ อา เด๊อะโล แว เร๊อ แว เตโอ่เซอเพร เด๊อ จอแปแหร่ อา เป๊เส่เงเออ, โต่กู๊แหน่เนอ, อาโพ๊อาแปละ เล๊อบา ลอปลี แพ๊.”

เพรโด่แนพู๊ เต๊เห่ 24:16

แซ่ฮู๊ แว ซิปล่อ อา เตเตเนเออ อา เก่ โพ๊แปละ เด๊อ จอแปแหร่ เน๊อ แกแยเห่ขุพู๊ อา เป๊เส่เง เนอ, แว แอ๊จื๊อ เมเต อาแร๊ ตื๊อดื่อ ปว๋า โตโพ๊ เจ๊อ.

ꤚꤥꤗꤢꤩ꤬ 10:4

แซ่ฮู๊ จอแปแหร่ เก่ แด่จ๊อแด่เต ลอ แกแย เด๊อ อา หยื่อเอ่ ครี๊ เนอเต๊เห่ อาเงเนอเรอ, ครี๊ เมโทแก ปลื๊อลอเฮ๊อ เตซว๊าเตแส่ อา เตเตเนหนื่ออื่อ เต๊เห่ เฮ๊อ.

ꤚꤥꤗꤢꤩ꤬ 12:9

โมค๊าโมโข่ แต่ อู แต่เหม่ นี๋. ซิหย่อแก เตมู๊แหม่รีแจ่ นี๋. ดี๊กลา หม่าหนิแร๊ แลแค เตแร๊ นี๋.

ꤚꤥꤗꤢꤩ꤬ 14:15

เด๊อ เน เอ่ เตเต๊อเจ่อเจ่อ อาขว่าอาคยาเร๊อ, เน โป่แหว่ เตเนโม ตีกี๋ โต่ เก่เฮ๊เรอ, เน เม เตเออเนอ เด๊อ เตโม อากู หม่าโต่. เด๊อ เน เอ่เฉ่ อาขว่าอาคยาเร๊อ, จว๊าเมปย๊าแก แต่ เน โป่แหว่ เด๊อ ครี๊ ข่าเซอ เป่ โทเฮ๊อ เด๊อ อาเง เออเนอ เตเพร แต่เหม่.

ꤚꤥꤗꤢꤩ꤬ 9:1

แว เร๊อ ครี๊ ลอ ทวาแถ่ เฮ๊อ ลู เตอเจ๋อ โต เฮ๊อ อาขว่าอาคยา, แว เฮ๊เบ่จ๊อเฮ๊เบ่เต แพ๊ ซี แพ๊. แว แลโฮ ซี โต่. แหย่โยบูโพ๊ แบ่เจ่ เป๊อหนิ ซูหนิ แว ซิปล่อเออ, เร๊อ แว ซิปล่อเออ อา เฮ๊หม่าเฮ๊กลอจว่า เกอโป่ เร๊อ แว เฮ๊เบ่ เตเออเนอหม่า อาโต แพ๊.

โครินธ์ อาเหร่อเล๊อ ต๊าบ่า 13:1

แว เก่ เฮ๊เบ่แจ่ ลอ เจ๊อ แกแยเห่ขุพู๊ อาโหง่ เต๊เห่ เน๊อ ล๋อ ม๊อขุ เตเน่วพู๊ เต๊เห่ อาโหง่ เจ๊อ หม่าแน๊เรอ แว เก่ โมเร๊อ อู โต่ เฮ๊เนอ, แว ทวา แพ๊ โม เร๊อ จี๊จ๊า เด๊อ อาพรา ตอปลอตือซือ กอออแกเด เออเนอเต๊เห่ แพ๊.

โครินธ์ เนอบ่า ต๊าบ่า 1:12

หม่าเมเตเรอ เป เฮ๊เบ่แถ่โล บื่อ เปโหง่ เฮ๊เรอ, เด๊อ เป ซิปล่อกูเออ เป ซิเง ตาเต เร๊อ เป เมซื๊อเมปล๊า, เป เฮ๊ซื๊อน๊อ อู เตเพร่ว โต่, โท๊โต่ เป แด่ จ๊อจื้อแพ๊ เป ซิปล่อสู่เทอ เด๊อ ซีขุ แพ๊. เป เมฮู๊เออ เนอหม่า หม่า เด๊อ จอแปแหร่ อาบุ๊ยอาเตอเรอ อา เตโพร อาขว่าอาคยา แพ๊, หม่าเด๊อ แกแย เห่ขุพู๊ อา เตลีแมลีเพ๊ อาขว่าอาคยา เนอ หม่าโต่.

ꤊꤢ꤬ꤜꤢ꤬ꤒꤤ 5:22

หม่าแน๊เรอ แหย่โยบูโพ๊ แบ่เจ่ เนอหม่า อา เด๊อะ โอ่แถ่ เตโม, เตซิครือซิลอ, อาเพรอาดือ, เตแด่ทูซิปล่อ, เตซิยอกล่าเบ่, เตตว่าเตแร๊, เตจูลาพย๊าโหง่,

ꤊꤢ꤬ꤜꤢ꤬ꤒꤤ 5:6

เมเตเฮ๊เรอ เบ๊อะซี ทวาแถ่เฮ๊อ เตเตอเจ๋อโต เร๊อ เหย่ซู่ครี๊ เบ๊อะเนอ, เตดื๊อตีลี๊พ๊า เบ่เบ่, เตดื๊อตีลี๊พ๊า โต่ เบ่เบ่, อา ทวาบุ๊ยทวาเตอเรอ เน๊อ เตอเจ๋อ โต่. เต เด๊อ อา ทวาบุ๊ยทวาเตอเรอ เล๊ออูโค เนอหม่า, เตหยื่อเตแหน่ เด๊อ อา เด๊อะโล เตโม จอแปแหร่ เร๊อ อูโร เออเนอ แพ๊.

ทิโมธี อาเหร่อเล๊อ ต๊าบ่า 1:18

แวพู๊คู คูทิโมธี, เตเด๊อ แว นอเม เน กู๊แหน่ เออเต๊เห่ เนอหม่า, อา ครวาเม เกอแพ๊ แกแย เต๊เห่ อา เตเฮ๊เบ่ หนื่ออื่อ เฮ๊อ เนหรี่เนแก เต๊เห่ เนอแพ๊. แซ่ฮู๊ เน เก่ เตช๊าแร๊ เต อาเงเนอ, นอเอ่ จอแปแหร่ อา เตเฮ๊เบ่ หนื่ออื่อ เออเต๊เห่ ฮู๊ อู นอ เอ่เน จู๊โกจู๊เบ เต๊เห่เนอ นี๋.

ทิโมธี อาเหร่อเล๊อ ต๊าบ่า 1:19

เร๊อ ปื่อหม่าหนิ เน เตหยื่อเตแหน่ เน๊อ เน ซิปล่อ อา เหล่เตเน อาโพ๊อาแปละ เนอเต๊เห่ นี๋. แกแย เต๊เห่เห่เนอ, อา ปลวาแก แลแค อาเต เออเต๊เห่ อาขว่าอาคยา อา เตหยื่อเตแหน่ ปย๊าแก ลอ แพ๊.

ทิโมธี อาเหร่อเล๊อ ต๊าบ่า 3:9

เตหยื่อเตแหน่ เด๊อ อาจ๊ออาเต อาดุอาแย เออเนอ, เหย่ซี โตเบ่ ปื่อหม่าหนิ แร๊ อา เน๊อ ซิปล่อ โพ๊แปละ.

ทิโมธี เนอบ่า ต๊าบ่า 1:3

แว เฮ๊บุ๊ยเฮ๊เตอเรอ จอแปแหร่ เด๊อเนเง. อา หม่า จอแปแหร่ เตเพร เด๊อ แว เม อาเต เน๊อ แว ซิปล่อ อา เหล่เตเน อาโพ๊อาแปละ ฮู๊ แว โหมะเพเพอโพ เด๊อ เด๋อ งย๊า เต๊เห่ เมโทเฮ๊อ เนอเฮ๊อ. เบ๊อะแว ซิเหน่แถ่เบ่ เน ปว๋า โตโพ๊ เบ๊อะเนอ, แว เฮ๊บุ๊ยเฮ๊เตอเรอ จอแปแหร่ เร๊อ แว กุยจ๊อเบ เด๊อ เนเง เหมาะคี๊คี๊ เหมาะเชเกลเกล เจ๊อ.

ทิโมธี เนอบ่า ต๊าบ่า 1:5

แว ซิเหน่แถ่เบ่ เน เตหยื่อเตแหน่ เด๊อ อา ตาเต โทเร๊อ เด๊อ อา หม่า เต๊อเจ๋อ โต ลู เน๊อ เนเพอ โหล่เอ่ เน๊อ เนโหมะ อู๊นี๋เก่ หยื่อเอ่ โทเฮ๊อ เนอเต๊เห่. แว หยื่อเอ่ ชาเผร่แหน่เจ เจ๊อ เน๊อ เหย่ซี เตหยื่อ เออเนอ อา โอ่เกอดื่อ เด๊อ เนกู แพ๊.

ทิโมธี เนอบ่า ต๊าบ่า 2:22

จว๊า ตาพาแก เน๊อ พู๊เส่ อา เตซิหยื่อซิลอ แร๊โต่ เนอเต๊เห่ นี๋, เร๊อ ลือ แลแค เตจ๊อเตเต, เตหยื่อเตแหน่, เตโม เน๊อ เตตู๊จุเตอเจ๊อ, เร๊อ โอ่เต่อเกอ เน๊อ แกแย เด๊อ อา เอ๊โทแถ่ แบ่เจ่เน๊อ อาซิปล่อ เด๊อ อา อาโพ๊อาแปละ เนอเต๊เห่ นี๋.

ꤒꤤꤒꤢꤨ 1:15

แกแย เตเพรเพร เด๊อ อา โพ๊แปละอาโพ๊อาแปละ เฮ๊อ เด๊อ จอแปแหร่ อา เป๊เส่เง เนอ, เตล๋อ ปลี โพ๊แปละอาโพ๊อาแปละ ลอ เฮ๊อ เด๊อ อาเง เฮ๊อ. หม่าแน๊เรอ แกแย เด๊อ อา โพ๊แปละอาโพ๊อาแปละ เกออู โต่ เร๊อ อา หยื่อเอ่แหน่ เกออู โต่ เนอเต๊เห่เนอ, เด๊อ อาเงเนอ อา โพ๊แปละอาโพ๊อาแปละ เตอเจ๋อ โต่. เหย่ซี เตซื๊อ เต๊เห่เนอ อา เม โตโพร๊ มู๊แหม่ ลอ หนิคยาดื่อ เหย่ซี อาเหล่เตเน เร๊อ อาซิปล่อ เด๊อ อา ซิเง เร๊อดื่อ เตแร๊ เร๊อ เตมู๊แหม่ เออเนอเฮ๊อ.

ꤟꤤꤙꤚꤢꤨ 10:22

ฮู๊เนอเรอ เป แฮผื่อ แลแค เด๊อ จอแปแหร่ อา โอ่ โป๊. เป เก่ แฮ เน๊อ เป ซิปล่อ เด๊อ อาจ๊ออาเต, เน๊อ เป เตหยื่อ เด๊อ อาตาอาเต เออเต๊เห่ โป๊. เมเตเฮ๊เนอ, เป ซิปล่อ อา เตเตเน มู๊แหม่เออ, แซ่ฮู๊ อา เก่ อาโพ๊อาแปละ อาเงเนอ, อู ซู๊ปลีแก โทเฮ๊อ เป เน๊อ ครี๊ อาสุ่ย เฮ๊อ. โท๊โต่ เปเหน่กล่อ เออเนอ, อู ซู๊ปลี โทเฮ๊อ เน๊อ เทอเช๊อ เออเนอเฮ๊อ.

ꤟꤤꤙꤚꤢꤨ 13:18

กุยจ๊อเบ เป่ โป่ แลแค เด๊อ เปเง. เป ซิเง ตาเต เจ๊อ เน๊อ เด๊อ เป ซิปล่อ ฮ๊อกู เออเนอ โมโม๋ อา โม แพ๊, อา แด่ เตซื๊อ เน๊อ เป เตอเจ๋อ โต่. โทเรอ เป เมเต อิเตเต๋ เบ่เบ่, เป ซิหยื่อ เมโชชื่อแพ๊ เต เด๊อ อาโต เต๊เห่ ปว๋า โตโพ๊ เจ๊อ.

ꤟꤤꤙꤚꤢꤨ 9:14

ฮู๊เนอเรอ, เตเน แม๊มอ แลแค ครี๊ อาสุ่ย เออเนอ, อา เก่ เม โพ๊เมแปล่ บูโพ๊เล๊อ เจ๊อ เป เร๊อ เตเออเต๊เห่ ปา เจ๊อ. เด๊อ จอแปแหร่ อา แหย่โยบูโพ๊ โอ่เซอเพร ตูจูเพร อาขว่าอาคยา, ครี๊ หลู่แถ่เฮ๊อ อาเหน่กล่อ เด๊อ อาเตซื๊อ โอ่ เตอเจ๋อ โต่ เออ เด๊อ จอแปแหร่ อา โอ่ เฮ๊อ. แซ่ฮู๊ เป เก่ เม เป่ จอแปแหร่ เด๊อ อา เซอ เพร เออเตเพร อาเตเม อาเงเนอ, ครี๊ เก่ ซู๊ปลีแก เป ซิปล่อ เออเต๊เห่ เร๊อ เป เตเม เด๊อ อาบุ๊ยอาเตอเรอ โอ่เกออู โต่ เออเต๊เห่ เน๊อ อาสุ่ย ปา.

ꤡꤛꤢꤩ꤭ꤗꤢ꤬ꤎꤣ꤬ 4:8

ซ๊าซื๊อ แฮผื่อ แลแค ซีเหน่ เร๊อ จอแปแหร่ ตื๊อหม่า อา ซ๊าซื๊อ แฮผื่อเกอ อาเหน่ เร๊อ ซี แพ๊. เพรเมเตซื๊อ ซี๋, ซู๊ปลีแก แลแค ซี กู๊ขุเนอ. แกแย ซิปล่อ โอ่เอ๊ ซี๋, เมโพ๊เมแปละ แลแค ซี ซิปล่อเนอ.

เปโตร อาเหร่อเล๊อ ต๊าบ่า 1:22

กู๊แหน่เรอ เด๊อ ซี จูเอ่ เฮ๊อ จอแปแหร่ อา เตอิซว๊า อา เตหมะเตจ๊อ เต๊เห่ อาขว่าอาคยา, ซี เมโพ๊เมปลี เฮ๊อ ซี ซิปล่อ เร๊อ ซี ทวา เฮ๊อ แกแย เด๊อ อา โมหนิ หม่าแหน่ เจ๊อเฮ๊อ โป่แหว่ ครี๊พู๊ เออเต๊เห่ เฮ๊อ. เมฮู๊เนอเรอ โมลอ แคลูเน๊อ ซิปล่อซีเม เตเพร เร๊อ เตเพร นี๋.

เปโตร อาเหร่อเล๊อ ต๊าบ่า 3:16

ซี ซิปล่อ เก่ เฮ๊แลหนิ ซี เร๊อ ซีเตซื๊อ โอ่โต่ เฮ๊เนอ, ตูรู๊ เม แฮเง ลา นี๋. ซี เก่ เมฮู๊เนอ เฮ๊เรอ แกแย เด๊อ อา เฮ๊บูเฮ๊บย่า, อา เฮ๊ มู๊แหม่รีแจ่ ซี เตโอ่แซแร แร๊ เด๊อ ครี๊ อากู เออเต๊เห่เนอ, อา เก่ ซิเตเร เกอเร๊อ คยาดื่อ เร๊อ อา เตเฮ๊เบ่เฮ๊โช อาคยา ปา.

เปโตร อาเหร่อเล๊อ ต๊าบ่า 3:21

ซี เจ ซีเหน่ เร๊อ เทอ เออเนอหมา, อา เด๊อะโล แบ๊บือ เฮ๊อ เทอ เด๊อ เพโนอาห์ ทือเค เนอ เนอ, จอแปแหร่ เมแลเปล๊กา เฮ๊อ ซี กู๊แหน่เออ เนอแพ๊. ซี เจ ซีเหน่ เร๊อ เทอ เนอหม่า อา ซู๊ปลีแก เหน่กล่อ กู่เขร่อ เนอ หม่าโต่. หม่าแน๊เรอ, อาเจอูเทอ เออเนอหมา หม่าดื่อ เตอ๊อแล จอแปแหร่ เร๊อ ซี เก่ เม อาเต เด๊อ ซิปล่อ อาโพ๊อาแปละ อากู ฮู๊เนอแพ๊. เหย่ซู่ครี๊ ย๋อ เซอ เร๊อ อา เซอเพร กาคยา อาขว่าอาคยา, ซี เจ ซีเหน่ เร๊อ เทอ เนอหม่า อา เมแลเปล๊กา ซี แพ๊.

เปโตร อาเหร่อเล๊อ ต๊าบ่า 4:8

เด๊อ เตล๋อ ปลี อาเกลเนอ, เตโม หม่าแหน่ ลู เตเพร เร๊อ เตเพร เนอหม่า อา โหล่ดุเล๊อ อู เฮ๊อ, เมเตเฮ๊เรอ เตโมเนอ อา ปลวาแก เอ๊แหน่เจ๊อ เตซื๊อ.

เปโตร เนอบ่า ต๊าบ่า 1:7

เด๊อ เตโอ่เซอเพร โตเบ่ เร๊อ จอแปแหร่ อาขุเนอ, แด่ปล๊อ เอ๊แถ่โป่ เตโมเร๊อ โป่แหว่, เด๊อ เตโมเร๊อ โป่แหว่ อาขุเนอ, แด่ปล๊อ เอ๊แถ่โป่ เตโมเตเกล นี๋.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:10

จอแปแหร่ อาพู๊อาเลอ เต๊เห่ เร๊อ โลเน๊มู๊แหม่รีแจ่ กู่กล๊อ อาพู๊อาเลอ เต๊เห่เนอ, เป ซิเง ตาเต แจ่ อา ฮู๊เออ เฮ๊เรอ, อูเปเป๋ เบ่เบ่ อา เก่ เม แฮเง ตื๊อดื่อปา เต เด๊อ อา โตโต่ เต๊เห่, โต่หม่าแน๊ อา โม เกอเร๊อ เกอ อาโป่อาแหม่ ครี๊พู๊ เต๊เห่ โต่ เฮ๊เนอหม่า จอแปแหร่ อาพู๊อาเลอ หม่าโต่.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:23

จอแปแหร่ เฮ๊แก อาโหง่ เร๊อ อา เฮ๊ เนอ, เป เบ่ หยื่อเอ่ อาพู๊คู เหย่ซู่ครี๊ อามุย เร๊อ เป เก่ โม เกอเร๊อ แคลู เตเพร เร๊อ เตเพร ฮู๊ อา เฮ๊แก โทเฮ๊อ อาโหง่ เร๊อ เป เออเนอ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:3

แกแย เด๊อ อา โอ่ป่อแม๊ชือ แลแค เร๊อ อา เก่ ทวาแถ่ แซ่เน๊อ เหย่ซู่ครี๊ ปา เต๊เห่เนอ, ฮู๊ ครี๊ บูโพ๊เนอ, อา เก่ แด่บูโพ๊ เกอ อาเหน่ ฮู๊เนอ ปา.