ทิโมธี อาเหร่อเล๊อ ต๊าบ่า 1:3 - ลีเทส่อพ๊าอาเซ เร๊อ เห่ขุทวาลู๊

³ เบ๊อะแว เถ่จว๊าแก เด๊อ มาซิโดเนียเก่ เบ๊อะเนอ, ฮู๊ แว นอโอ่ ตื๊อดื่อ โทเฮ๊อ เน เบ๊อะวีเอเฟซัส อากูเนอ, เร๊อ โอ่ ตื๊อดื่อ แฮเงโป่ โก๊หลื่อ เบ๊อะเนอ นี๋. แกแย โอ่ เบ๊อะเนอเต๊เห่ ย๋อ อิซว๊าอี๊แส่ อู เตอิซว๊าอี๊แส่ เด๊อ อาโร เร๊อ อาซื๊อ เต๊เห่ อาขว่าอาคยา, เน เบ่ เฮ๊ตาชอ เนโหง่ เน๊อ นอโอ่โก๊แก เหย่ซี อาเตอิซว๊าอี๊แส่ เนอเต๊เห่.

Eastern Kayah Shadaw Dialect

³ ꤙꤣꤧ ꤠꤢꤧ꤭ ꤓꤢꤩ꤬ꤡꤝꤢꤊꤢꤧ꤭ ꤘꤣ ꤗꤢꤧ꤬ꤎꤤ꤬ꤘꤥꤔꤤ꤬ꤛꤢ꤬ꤊ꤫ꤢꤩ꤬ ꤢ꤬ꤋꤢꤩ꤭, ꤟꤢꤨ ꤠꤢꤧ꤭ ꤔꤢꤪ꤭ꤥ꤬ ꤒꤣꤧ꤬ꤘꤢꤦ꤬ ꤓꤥ꤭ꤟꤣꤧ ꤔꤢꤧ꤬ ꤙꤣꤧ ꤠꤤ꤭ꤢꤩꤖꤢꤩꤎꤢꤨ꤬ ꤢ꤬ꤊꤢꤨ꤭ꤔꤣꤧ꤬, ꤚꤣꤧ꤬ ꤥ꤬ ꤒꤣꤧ꤬ꤘꤢꤦ꤬ ꤟꤢꤧ꤭ꤑꤢꤩ꤭ꤕ꤫ꤥ꤬ ꤊꤥꤚꤣꤧ ꤙꤣꤧꤔꤣꤧ꤬ ꤔꤤ꤮꤯ ꤊꤣꤧ꤬ꤛꤢꤧ꤭ ꤥ꤬ ꤙꤣꤧ ꤔꤣꤧ꤬ꤒꤣꤧ꤬ꤟꤢꤩ꤬ ꤜꤢ꤭ ꤤ꤬ꤞꤝꤢꤤ꤬ꤞꤢꤧ꤬ ꤢꤨ꤭ ꤒꤢꤩ꤬ꤤ꤬ꤞꤝꤢꤤ꤬ꤞꤢꤧ꤬ ꤘꤣ ꤢ꤬ꤚꤥ꤬ ꤚꤣꤧ꤬ ꤢ꤬ꤞꤢꤦ ꤒꤣꤧ꤬ꤟꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤔꤢꤧ꤬ ꤙꤢꤩ꤬ ꤟꤢꤩꤒꤢ꤭ꤏꤢꤪ꤭ ꤔꤢꤧ꤬ꤍ꤫ꤥ꤬ ꤔꤢꤧ ꤔꤢꤪ꤭ꤥ꤬ꤊꤥꤊꤢꤧ꤭ ꤛꤢꤩ꤬ꤞꤤ꤭ ꤢ꤬ꤒꤢꤩ꤬ꤤ꤬ꤞꤝꤢꤤ꤬ꤞꤢꤧ꤬ ꤔꤣꤧ꤬ꤒꤣꤧ꤬ꤟꤢꤩ꤬꤯

ทิโมธี อาเหร่อเล๊อ ต๊าบ่า 1:3 Iomraidhean Croise

เพรโด่แนพู๊ เต๊เห่ 18:19

เหย่ซี จว๊าโต่ เด๊อ วีเอเฟซัส เร๊อ อาแด่แก โหมะปริสสิลลา เร๊อ เพอาควิลลา เบ๊อะเนอ. อา จว๊าโน เด๊อ เตจ๊อเบโฮกู เร๊อ อา จว๊า เฮ๊เบ่โด่แน เคร๊แขระ เร๊อ แกแยยิวพู๊ เต๊เห่.

เพรโด่แนพู๊ เต๊เห่ 18:21

หม่าแน๊เรอ เบ๊อะอา เถ่จว๊า เฮ๊อ เบ๊อะเนอ, อา เฮ๊แก เหย่ซี เน๊อ, “อา เก่ โต จอแปแหร่ ซิปล่อ เฮ๊เรอ แว กาคยา เกอ คยาแซ๊ เด๊อ ซีโอ่ ปา.” อา เฮ๊ โทเรอ อา แถ่ แถ่แด๊ ส่อเกลอดุ เบ๊อะวีเอเฟซัส อากูเนอ เร๊อ อา เถ่จว๊าแก.

ꤚꤥꤗꤢꤩ꤬ 15:26

เมเตเฮ๊เรอ, มาซิโดเนียเก่พู๊ เต๊เห่ เร๊อ อาคายา เก่พู๊ เต๊เห่เนอ, อา ซิปล่อฉว่า เด๊อะจว๊า เป่เกอ รือเต๊เห่ เร๊อ จอแปแหร่ อา เพรบูโพ๊พู๊ เด๊อ อา โซพ๊าโซแร เร๊อ อา โอ่ แลแค เด๊อ วีเยรูซาเล็ม อากู เนอเต๊เห่.

ꤚꤥꤗꤢꤩ꤬ 16:17

โป่แหว่ ซี, แว ซิหยื่อ แฉ่ครวา หนิ ซีคยา เน๊อ, รอ แลแค ซีเหน่ เร๊อ แกแย เด๊อ อา แฮโนเม ลูโพร๊ลูแพร เต เนอเต๊เห่ นี๋. เหย่ซี เตอิซว๊าอี๊แส่ เต๊เห่เนอ, อา อี๊หล่า จว๊า ตาพาแก แกแย เด๊อ ซีเกล เต๊เห่เห่ เร๊อ ครี๊ ปา. เหย่ซี เตอิซว๊า เต๊เห่เนอ, อา ลู โค๊ดื่อ เร๊อ ครี๊ อาหรี่อาแก เด๊อ อู อิซว๊า โทเฮ๊อ ซี เนอเต๊เห่. โอ่ตาพาแก เร๊อ เหย่ซี นี๋.

โครินธ์ เนอบ่า ต๊าบ่า 11:4

เมเตเฮ๊เรอ อูเป เตเพร เบ่เบ่, อา ดาแฮโน แด๊โฉ่โด่แน เป่ เฮ๊อ ซี เร๊อ เหย่ซู่ อาหรี่อาแก เด๊อ อา โค๊ดื่อ เร๊อ เป แด๊โฉ่ เป่ ซี เออเนอ เฮ๊เรอ ซี ซิครือซิลอ เอ๊ฉื่อ เจ๊อ ลู. เร๊อ ซี พย๊าฉื่อ ยูงย๊า เจ๊อ แหย่โยบูโพ๊ แบ่เจ่ เด๊อ อา โค๊ดื่อ เร๊อ ซี พย๊าฉื่อ โทเฮ๊อ เนอ เตเพร, โท๊โต่ ซี หยื่อเอ่ยูงย๊า แพ๊ เตซิครือมีลา เด๊อ อา โค๊ดื่อ เร๊อ เป แด๊โฉ่โด่แน เป่ โทเฮ๊อ ซี เนอเต๊เห่ เฮ๊อ.

เอเฟซัส 4:14

ฮู๊เนอเรอ เป่ หม่า อาแซ่เน๊อ เป๊เจ่ฮู๊ เด๊อ อา อินู๊ปา เนอเต๊เห่ หม่าปาโต่ เฮ๊อ. แกแยกะ เด๊อ อา อิซว๊าแลโฮ เต เต๊เห่เนอ, อา อี๊หล่าแลโฮ แจ่ ปา เป โต่, เร๊อ เป หยื่อเอ่ซื๊อ แจ่เกอ ปา เหย่ซี อาเตอิซว๊าอี๊แส่ โต่ เฮ๊อ. เป แซ่ปา เร๊อ ส่อเกลอ เด๊อ เก่แลเซ๊ดุ เร๊อ อา พอ ก๊อกลี๊ อา เต๊เบ่เนอ หม่า ปาโต่เฮ๊อ.

ฟีลิปปี 2:24

งยาแต๋โต่ ปาเนอ, แว หยื่อเอ่หนิ เร๊อ แบ่เจ่ เก่ เมจว่า แว ปา เร๊อ แว เหน่แบ่เจ เร๊อดื่อ, แว เก่ แฮเต่อเบ๊ เกอ เด๊อ ซี โอ่ ปา.

ทิโมธี อาเหร่อเล๊อ ต๊าบ่า 4:11

หม่าแก เหย่ซี โหง่ เร๊อ อิซว๊าอี๊แส่ เหย่ซี เน๊อ เตเออ เต๊เห่ นี๋.

ทิโมธี อาเหร่อเล๊อ ต๊าบ่า 4:6

เน เก่ อิซว๊าเป่ โป่แหว่ ครี๊พู๊ เต๊เห่ เน๊อ เตเออเต๊เห่ เฮ๊เนอหม่า เน เก่ ทวาดื่อ เหย่ซู่ครี๊ เด๊อ อาหลู่เล๊ เด๊อ อา แร๊ เตเพรปา. เบ๊อะเน เมฮู๊เนอ เบ๊อะเนอ, เน เก่ โบ่ดุแถ่ หนิ เกอดื่อ เนเหน่ เน๊อ เตหมะเตจ๊อ เด๊อ เตหยื่อเตแหน่ อากู เนอเต๊เห่ เน๊อ เตอิซว๊าอี๊แส่ อาแร๊ เด๊อ เน ครวา เมเฮ๊อ เนอเต๊เห่ ปา.

ทิโมธี อาเหร่อเล๊อ ต๊าบ่า 5:7

แซ่ฮู๊ อู เก่ แด่ แต่ เหย่ซี เตซื๊อ แต่เหม่เนอ, อิซว๊าอี๊แส่ ตาหนิเป่ แกแย เด๊อ อา หยื่อเอ่ เหย่ซู่ เต๊เห่ เก่ เม แลแค ฮู๊เนอ นี๋.

ทิโมธี อาเหร่อเล๊อ ต๊าบ่า 6:10

เมเตเฮ๊เรอ เตซิหยื่อซิลอ รือ เนอหม่า เตมู๊แหม่รีแจ่ ล๋อ ปลี อาหรุ่ยอาถว่า เฮ๊อ. แกแย เต๊เห่เห่ เนอ, อา ซิปล่อฉว่า ซิหยื่อ ตาลว๊าซิลือ รือ ขว่าคยา, เหย่ซี จว๊า ตาพาแก เร๊อ เตหยื่อเตแหน่ เร๊อ เตซิเปล โอ่เอ๊ เออ เมจู่เมแท ล๊อ เหย่ซี ซิปล่อเฮ๊อ.

ทิโมธี อาเหร่อเล๊อ ต๊าบ่า 6:17

เฮ๊แก เนโหง่ เน๊อ แกแย ดุแหย่แถ่เซ เด๊อ เห่ขุ เออเต๊เห่เนอ, เร๊อ เฮ๊ เหย่ซี เน๊อ พย๊าแด่ดุแถ่โล แต่ ซีเหน่ แต่เหม่, ซิเลแถ่ หนิ แต่ ซี เตดุแหย่แถ่เซ เนอเต๊เห่ แต่เหม่. เตดุแหย่แถ่เซ เออเต๊เห่เนอ, อา โอ่โล แพ๊ เตอเปลอฮู๊ ปา เร๊อ อา เก่ โอ่เหม่แก ปา เฮ๊ เหย่ซี ฮู๊เนอ นี๋. หม่าแน๊เรอ เหย่ซี โตเบ่ แม๊ชือแถ่ เด๊อ จอแปแหร่ อา โอ่. แซ่ฮู๊ เป เก่ ซิครือซิลอ อาเงเนอ, จอแปแหร่ เด๊อ ตาปอตาเป เป่ เจ๊อ เป ปว๋า โตโพ๊ เจ๊อ.

ทิโมธี อาเหร่อเล๊อ ต๊าบ่า 6:3

แกแย เต๊เห่เห่ เนอ อา อิซว๊าอี๊แส่ ซื๊อ แลแค อู. เหย่ซี อาเตอิซว๊าอี๊แส่ เออเนอ, อาโต เกอ เร๊อ เป แบ่เจ่ เหย่ซู่ ครี๊ อา เตอิซว๊าอี๊แส่ เด๊อ อาหม่าอาจ๊อ เออเนอ โต่. เตอิซว๊าอี๊แส่ เด๊อ อา เก่ เมจว่า เป่ เกออู ฮู๊ จอแปแหร่ ซิหยื่อ นอ โอ่เซอเพร อู เต๊เห่เนอ เหย่ซี อิซว๊า เป่ เกออู โต่โต่.

ทิโมธี เนอบ่า ต๊าบ่า 1:18

แบ่เจ่ แฮ อาม๊อเนอ เตอเนอ ปาเนอ แบ่เจ่ เก่ เด๊อะ แม๊เถอะ ดื่อ ลู เน๊อ อา เตซิยอ ปานี๋. อา เมจว่า แว เด๊อ วีเอเฟซัส อากู บ๋า เต เนอ, เน ซิเง ตาเต ดื่อเฮ๊อ.

ยอห์น เนอบ่า ต๊าบ่า 1:7

เพรอิลออี๊โหล่ อู โอ่โลแถ่ เอ๊ลู เด๊อ เห่ขุ เออ เฮ๊อ. เหย่ซู่ครี๊ แฮแล เด๊อ เห่ขุเออ, อา แฮ เร๊อ แกแยเห่ขุพู๊ อา สุ่ยเทอพ๊าหย่า เนอ, เหย่ซี เนอเต๊เห่ หม่า อา อ๊อแล เกออู โต่. แกแย เด๊อ อา อ๊อแล เกออู ฮู๊เนอ โต่ เตเพรเพร เฮ๊เนอหม่า หม่าเฮ๊อ แกแย อิลออี๊โหล่ อู เฮ๊อ. เร๊อ อา หม่า หม่าเฮ๊อ แกแย เด๊อ อา ซิเถ่ ครี๊ เนอ เตเพร เฮ๊อ.

เตเด๊อะโลแถ่ 2:14

“หม่าแน๊เรอ เตหรี่เตแก เด๊อ แว เหล่แด่เตซื๊อ เด๊อ เนลู เนอหม่า อาโอ่ ตี๊กิ, หม่าอิเต เต๊เห่เต เฮ๊เนอหม่า, แกแย โอ่ เด๊อ ซีเกล เต๊เห่เห่ เนอ, อา ครวาเมเกอ คูบาลาอัม อา เตอิซว๊าอี๊แส่. คูบาลาอัม อิซว๊าอี๊แส่ คุ๊ยบาลาค เร๊อ อา เก่ อิลออี๊โหล่ อิสราเอลพู๊ ซีเต๊เห่ เน๊อ เหย่ซี เก่ เอ่ เหล่เอ่เหล่โอ เด๊อ อู หลู่แถ่ เร๊อ เตแหย่โย เออเนอเต๊เห่, โทเรอ อา เก่ จว๊าซื๊อ แลแค เพรเหมาะเพรคู ฮู๊เนอ.

เตเด๊อะโลแถ่ 2:20

“หม่าแน๊เรอ แว เหล่แด่เตซื๊อ เด๊อ เนลู เนอหม่า อาโอ่ เต๊อเจ่อ. หม่าอิเต เฮ๊เรอ, เน ปลวา อิซว๊าอี๊แส่ เพรเหมาะ เยเซเบล เด๊อ อา เฮ๊แล เกอเร๊อ อาเหน่ เน๊อ แว หม่า จอแปแหร่ อาเพรโพร เตเพร, เนอเตเพร. อา อิซว๊าอี๊แส่ อู อาขว่าอาคยา, อา ซูจว๊าซื๊อ ลอ แว หลู่เล๊ เต๊เห่ เด๊อ อา เก่ จว๊าซื๊อ เพรเหมาะเพรคู, โทเรอ อา เก่ เอ่ เหล่เอ่เหล่โอ เด๊อ อู หลู่แถ่ โทเฮ๊อ เร๊อ เตแหย่โย เนอเต๊เห่.