ทิโมธี อาเหร่อเล๊อ ต๊าบ่า 1:18 - ลีเทส่อพ๊าอาเซ เร๊อ เห่ขุทวาลู๊

¹⁸ แวพู๊คู คูทิโมธี, เตเด๊อ แว นอเม เน กู๊แหน่ เออเต๊เห่ เนอหม่า, อา ครวาเม เกอแพ๊ แกแย เต๊เห่ อา เตเฮ๊เบ่ หนื่ออื่อ เฮ๊อ เนหรี่เนแก เต๊เห่ เนอแพ๊. แซ่ฮู๊ เน เก่ เตช๊าแร๊ เต อาเงเนอ, นอเอ่ จอแปแหร่ อา เตเฮ๊เบ่ หนื่ออื่อ เออเต๊เห่ ฮู๊ อู นอ เอ่เน จู๊โกจู๊เบ เต๊เห่เนอ นี๋.

Eastern Kayah Shadaw Dialect

¹⁸ ꤠꤢꤧ꤭ꤖꤢꤨꤋꤢꤨ꤭ ꤋꤢꤨ꤭ꤒꤤ꤬ꤗꤢ꤬ꤞꤢꤩ꤬, ꤒꤢꤩ꤬ꤘꤣ ꤠꤢꤧ꤭ ꤔꤢꤪ꤭ꤗꤢꤩ꤬ ꤔꤢꤧ꤬ ꤊꤢꤨꤔ꤫ꤢꤧ꤬ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬, ꤢ꤬ ꤋꤚꤝꤢ꤭ꤗꤢꤩ꤬ ꤊꤣꤧ꤭ꤖꤢꤧ ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ ꤢ꤬ ꤒꤢꤩ꤬ꤟꤢꤩꤙꤢꤩ꤬ ꤥ꤬ꤔꤢꤩ꤬ ꤟꤣꤧ ꤔꤢꤧ꤬ꤚꤤ꤬ꤔꤢꤧ꤬ꤊꤢꤧ꤭ ꤒꤣꤧ꤬ꤟꤢꤩ꤬ ꤔꤣꤧ꤬ꤖꤢꤧ꤯ ꤞꤢꤧꤟꤢꤨ ꤔꤢꤧ꤬ ꤊ꤫ꤢꤦ꤬ ꤏꤢꤚꤢꤧ ꤒꤢꤩ꤬ ꤢ꤬ꤑꤢꤩ꤭ꤔꤣꤧ꤬, ꤔꤢꤪ꤭ꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤟꤢꤩꤙꤢꤩ꤬ ꤥ꤬ꤔꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ ꤟꤢꤨ ꤢꤨ꤭ ꤔꤢꤪ꤭ꤢꤩ꤬ ꤡꤢꤨꤊꤥ꤬ꤡꤢꤨꤚꤢꤧ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤔꤤ꤮꤯

ทิโมธี อาเหร่อเล๊อ ต๊าบ่า 1:18 Iomraidhean Croise

เพรโด่แนพู๊ เต๊เห่ 16:1

คูเปาโล จว๊า เป่แฮ โป่ เด๊อ เง เร๊อ อา จว๊าโต่ เด๊อ วีเตอร์บี เร๊อ วีลิสตรา. เบ๊อะวีลิสตรา อากูเนอ, แกแย หยื่อเอ่ โอ่เตเพร เด๊อ อามุย เร๊อ คูทิโมธี. เร๊อ อาโหมะ หม่า แกแยยิวพู๊ เด๊อ อา หยื่อเอ่แหน่หยื่อรี เตเพร, หม่าแน๊เรอ อาเพ หม่า แกแยกรีกเมวเจอะพู๊ เตเพร.

โครินธ์ อาเหร่อเล๊อ ต๊าบ่า 4:17

เด๊อ เตหรี่เตแก เออ อาขว่าอาคยาเร๊อ แว นอแฮ เฮ๊อ คูทิโมธี เด๊อ ซี โอ่ เฮ๊อ. อา หม่า อาแซ่เน๊อ แวพู๊ เร๊อ แวเหน่ เด๊อ แว โม เกอเร๊อลู เร๊อ อาจ๊อ เกอ เร๊อ อาโหง่ เด๊อ แบ่เจ่ อากู เตเพร. แกแย เด๊อ อา ครวา ครี๊ อาคยา เต๊เห่เนอ, อา โตเบ่ โอ่เซอเพร แลแค ฮู๊เตเนอ, อา เก่ เด๊อะ ซิเหน่แถ่ คยา ซี ฮู๊ แว โอ่เซอเพร เฮ๊อ เออเนอ ปา. เออเนอหมา เต เด๊อ แว อิซว๊า เป่ แกแย เด๊อ อา หยื่อเอ่แหน่ เหย่ซู่ครี๊ เต๊เห่ เด๊อ เหล่โอ่ ปว๋า โต๊โผ่ เต๊เห่เนอ เฮ๊อ.

โครินธ์ อาเหร่อเล๊อ ต๊าบ่า 9:7

เฮ๊โก๊หลื่อ, เกลอฮู๊ เต๊เห่เนอ, อา เม เกลอ อาเตเม เร๊อ อา ลอแก เกอเร๊อดื่อ อารือ เนอหม่า อา โอ่น๊อ แหน่ แอ? เพรอิช๊อ แท๊ทือเหมาะ เตเพร เนอ, อา เอ่น๊อ เกอเร๊อ เกอ อา แท๊ทือเส่ โต่ เนอหม่า อา โอ่น๊อ แหน่ แอ? แกแย เด๊อ อา เก่ ปู่เป๊เหน่ เตเพร เนอ, อา โตเบ่ พย๊าหนิ แหน่ อาคว๊าอาเก่ โต่ แอ?

ฟีลิปปี 2:22

ซี ซิเงดื่อเฮ๊อ, คูทิโมธี หม่า แกแย งูดุงูชอ เตเพร. อา เมเต่อเกอ เฮ๊อ เต เร๊อ แว เด๊อ เตซิครือมีลา เก่ ดุแถ่ทูแถ่ อาเง เออเนอหม่า อา แซ่เจ๊อเฮ๊อ เร๊อ พู๊ เร๊อ เพ เนอเฮ๊อ.

ทิโมธี อาเหร่อเล๊อ ต๊าบ่า 1:2

แว ราจว๊า เป่ ลีเออ เด๊อ คูทิโมธี เด๊อ อาแซ่เน๊อ แว พู๊เพรคู ต๊อต่อ เด๊อ เตหยื่อเตแหน่ อากู เตเพร อา โอ่. เพ จอแปแหร่ เร๊อ เป แบ่เจ่ เหย่ซู่ครี๊ เก่ เด๊อะแลดื่อ อา เตบุ๊ยเตเตอเรอ เร๊อ เตซิยอ เร๊อ เตตู๊จุเตอเจ๊อ นี๋.

ทิโมธี อาเหร่อเล๊อ ต๊าบ่า 1:5

เตเฮ๊ตา โหง่เออ อา เหล่เซเร แม๊ชือ หม่า แซ่ฮู๊ อา เก่ ถู่แรแถ่ เตโม อาเง เนอแพ๊. เตโม เออเนอหมา อา แฮเถ่ เด๊อ แกแย ซิปล่อ เนอเต๊เห่ อากู. โทเรอ อา แฮเถ่ เด๊อ แกแย โอ่ เร๊อ เตซิเง เตแร๊ เร๊อ เตมู๊แหม่ เร๊อ อา นว๊าพย๊า เต เด๊อ อาแร๊ เนอเต๊เห่ อากู. โท๊โต่ อา แฮเถ่ เด๊อ แกแย โอ่ เร๊อ เตหยื่อเตแหน่ หม่าแหน่ เนอเต๊เห่ อากู.

ทิโมธี อาเหร่อเล๊อ ต๊าบ่า 4:14

แม๊ตาเบ๊แก แต่ แหย่โยบูโพ๊ แบ่เจ่ อาเชหยู่ เด๊อ จอแปแหร่ เด๊อะโทเฮ๊อ เนเนอ แต่เหม่ นี๋. เบ๊อะเพรหยื่อเอ่ตู๊หมู่ตอกล๊อ โหมะพรูโหมะเผร่ เด๊อ อา ทวา ทวาดุทวาเต เต๊เห่ แด่แถ่ เฮ๊อ อากู๊ขุ เด๊อ เนโอ่ เบ๊อะเนอ, เน พย๊าหนิ แฮเงเฮ๊อ เชหยู่ เออเนอ เด๊อ แกแย เฮ๊โพร หนื่ออื่อ เนหรี่เนแก เนอเต๊เห่ อา โอ่ เฮ๊อ.

ทิโมธี อาเหร่อเล๊อ ต๊าบ่า 4:4

เมเตเฮ๊เรอ ล๋อ จอแปแหร่ แบ๊แล เต เต๊เห่ เนอหม่า อาแร๊ ล๊อปลี ปว๋า เต๊อเจ่อ แพ๊. เก่ เน พย๊าฉื่อแจ่ เตปว๋า เต๊อเจ่อ เน๊อ เตเฮ๊บุ๊ยเฮ๊เตอเรอ เฮ๊เนอหม่า โต วีแก อา เตอเจ๋อโต่.

ทิโมธี อาเหร่อเล๊อ ต๊าบ่า 6:20

คูทิโมธีซี๋ ปื่อหม่า เร๊อ เตเกบี๊แร๊หนิ เต เด๊อ จอแปแหร่ หยื่อเอ่หนิ เน เด๊อ เน เก่ แม๊ตู่ หนิ แร๊ เตเนอเต๊เห่ นี๋. จว๊าวอ เควอ แก แกแย เด๊อ อา แด่หยื่อแด่แหน่ เกออู จอแปแหร่ โต่ เนอเต๊เห่ อา เตโด่แน เน๊อ อา เตเคร๊แขระ แกเด ลู เด๊อ แกแย เต๊เห่เห่ เตเนซื๊อ แจ่ เจ๊อ เน๊อ “เตซิเง” เนอเต๊เห่ นี๋.

ทิโมธี เนอบ่า ต๊าบ่า 1:2

แว ราจว๊า เป่ แวพู๊คู คูทิโมธี เด๊อ แหย่โย ตากยา, เด๊อ แว โม เกอเร๊อ อา เออเตเพร อา โอ่. เพ จอแปแหร่ เน๊อ เป แบ่เจ่ เหย่ซู่ครี๊ เก่ เด๊อะแลดื่อ เน เตบุ๊ยเตเตอเรอ, เตซิยอกล่าเบ่, เน๊อ เตตู๊จุเตอเจ๊อ นี๋.

ทิโมธี เนอบ่า ต๊าบ่า 4:7

เตช๊า เด๊อ อาแร๊เล๊อ เนอ แว ช๊าโทเฮ๊อ. เตแกล่ ดี๊เจ เนอ แว แกล่ โทเฮ๊อ. แว ปื่อหม่า หนิ แร๊ เฮ๊อ แว เตหยื่อ โต่เด๊อ อาตื๊อดื่อเฮ๊อ.

ꤒꤤꤒꤢꤨ 1:4

คูติตัส, แว ราจว๊า ลี เออต๊าบ่า เด๊อ เนโอ่. เน เตหยื่อเตแหน่ ลอ แซ่เจ๊อเร๊อ เป เตอเจ๋อโต อาขว่าอาคยา, เนเนอ อา แซ่เจ๊อเร๊อ แวพู๊ ต๊อต่อ เร๊อ แวเหน่ เจ๊อ. เพ จอแปแหร่ เร๊อ เพรเมแลเปล๊กา เป แบ่เจ่เหย่ซู่ครี๊ เออ เก่ เด๊อะดื่อ เน เตบุ๊ยเตเตอเรอ เร๊อ เตตู๊จุเตอเจ๊อ นี๋.

ฟีเลโมน 1:10

แว กุยซิยอ เน เด๊อ คูโอเนสิมัส เฮ๊เป่ ลูเง แพ๊. อา หม่า อา แซ่เจ๊อเร๊อ แว พู๊เพรคู เตเพร เจ๊อ. เบ๊อะแว ตา เด๊อ ทอกู เบ๊อะเนอ, อา ทวาแถ่เฮ๊อ แวพู๊คู เด๊อ ครี๊ อากู เตเพรเฮ๊อ.