ทิโมธี อาเหร่อเล๊อ ต๊าบ่า 1:16 - ลีเทส่อพ๊าอาเซ เร๊อ เห่ขุทวาลู๊

¹⁶ หม่าแน๊เรอ แซ่ฮู๊ จอแปแหร่ เก่ เด๊อะโลแถ่ แบ่เจ่ เหย่ซู่ครี๊ อา เตแด่ทูซิปล่อ อาเล๊ออาบา เด๊อ แวโอ่ อาเงเนอ, อา ซิยอเกอเร๊อ แว. เมเตเฮ๊เรอ แว หม่า แกแย เด๊อ อา เมเตซื๊อ ดุเล๊ออูโร เตเพร เฮ๊อ. แซ่ฮู๊ แว เก่ ทวาแถ่ เป่ อู เหล่แม๊บือ เด๊อ เพรหยื่อกา อา เด๊อคยา เต๊เห่ อาเง, โทเรอ แซ่ฮู๊ เหย่ซี เก่ พย๊าหนิเกอ ซิปล่อเซอเพร ตูจูเพร ตาแลเคร๊ อาเง เนอเรอ จอแปแหร่ ซิยอเกอเร๊อ แว แพ๊.

Eastern Kayah Shadaw Dialect

¹⁶ ꤗꤢ꤬ꤔꤢꤧꤚꤣꤧ꤬ ꤞꤢꤧꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤘꤣꤧꤜꤥ꤭ꤓꤢꤧ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤢ꤬ ꤒꤢꤩ꤬ꤋꤢꤧꤞꤤꤘꤥ꤭ ꤢ꤬ꤜꤣꤢ꤬ꤙꤢ꤭ ꤘꤣ ꤠꤢꤧ꤭ꤜꤥ꤬ ꤢ꤬ꤑꤢꤩ꤭ꤔꤣꤧ꤬, ꤢ꤬ ꤞꤤꤛꤢꤪ꤬ꤚꤣꤧ ꤠꤢꤧ꤭꤯ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤠꤢꤧ꤭ ꤗꤢ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤗꤢꤩ꤬ꤒꤢꤩ꤬ꤞꤢꤦ ꤘꤢꤨ꤬ꤜꤣꤢꤨ꤭ꤋꤥ꤭ ꤒꤣ꤬ꤖꤚꤢꤩ꤬ ꤟꤣꤧ꤯ ꤞꤢꤧꤟꤢꤨ ꤠꤢꤧ꤭ ꤊ꤫ꤢꤦ꤬ ꤓꤝꤢ꤭ꤓꤢꤧ꤬ ꤕ꤫ꤢꤩ꤬ ꤢꤨ꤭ ꤜ꤫ꤢꤩ꤬ꤗꤢꤧꤙꤢꤦ꤭ ꤘꤣ ꤖꤚꤢꤩ꤬ꤛ꤫ꤢꤦ꤬ꤊꤢ꤬ ꤢ꤬ ꤘꤣꤋꤛꤢ꤭ ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭, ꤓꤥ꤭ꤚꤣꤧ꤬ ꤞꤢꤧꤟꤢꤨ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ꤊꤣꤧ꤭ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤒꤣꤧ꤬ꤜꤢꤧ꤬ꤋꤚꤢꤩ ꤢ꤬ꤑꤢꤩ꤭ ꤔꤣꤧ꤬ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤞꤤꤛꤢꤪ꤬ꤚꤣꤧ ꤠꤢꤧ꤭ ꤖꤢꤧ꤯

ทิโมธี อาเหร่อเล๊อ ต๊าบ่า 1:16 Iomraidhean Croise

ꤜꤢꤨꤊꤢ꤬ 15:10

ฮู๊เนอเฮ๊อ, แว เฮ๊ ซี๋, เพรเตเหล่ซื๊อโอ่ เตเพร ถู่แหล่แต๊แกละกาคยาแซ๊ อาซิปล่อ อาขว่าอาคยา, จอแปแหร่ อา เตเน่วม๊อขุพู๊ เต๊เห่ ซิครือซิลอ แหน่เจ๊อ.”

ꤜꤢꤨꤊꤢ꤬ 23:43

เร๊อ เหย่ซู่ เฮ๊ฉื่อ อา เน๊อ, “แว เฮ๊จ๊อจ๋อ เจ๊อ เน, เออเตอเนอ ปาเนอ, เน อา กาโอ่ เต่อเกอดื่อ เร๊อ แว เด๊อ บรมสุขเกษม กู ปา.”

ꤜꤢꤨꤊꤢ꤬ 7:47

ฮู๊เนอเรอ แว เฮ๊ เน, เพรเหมาะ เด๊อ อาเตซื๊อ โอ่เอ๊ เออเตเพรเนอ, จอแปแหร่ ปลวาแก ลอเฮ๊อ ลูเตซื๊อ เฮ๊อ. ฮู๊เนอเรอ อา ข่าโล เฮ๊อ เร๊อ อา โม เกอ เร๊อ แหน่เจ๊อ แว เฮ๊อ. หม่าแน๊เรอ แกแย เด๊อ จอแปแหร่ ปลวาแก ปีตี๊ แพ๊ ลูเตซื๊อ เต๊เห่เนอ อาเก่ โมแหน่เรอ กาคยาฉื่อ ปีตี๊แพ๊ จอแปแหร่ แพ๊.”

ꤛꤥ꤭ꤟꤢ꤬ 20:31

หม่าแน๊เรอ อู ราโอ่ ลี เออต๊าบ่า หม่า แซ่ฮู๊ ซี เก่ หยื่อเอ่ เร๊อ เหย่ซู่ หม่า เพรเมแลเปล๊กา เมสิยาห์, อา หม่า จอแปแหร่ อาพู๊คู เตเพร, เร๊อ เด๊อ ซี หยื่อเอ่ ลู อาขว่าอาคยา, เร๊อ ซี เก่ พย๊าหนิ ซิปล่อเซอเพร อาเงเนอ, อู รา เป่ ซี แพ๊.

ꤛꤥ꤭ꤟꤢ꤬ 3:36

แกแย เด๊อ อา หยื่อเอ่แหน่ พู๊คู เออเตเพร เต๊เห่เนอ, อา พย๊าหนิ ซิปล่อเซอเพร ตูจูเพร. เร๊อ แกแย เด๊อ อา หนิดา เกออู โต่ เร๊อ อา หยื่อเอ่แหน่ เกออู พู๊คูเออ โต่ เต๊เห่เนอ, อา พย๊าหนิ เกออู ซิปล่อเซอเพรโต่. จอแปแหร่ อาเต เมจากาคยา ตาโอ่ เด๊อ แกแย เนอเต๊เห่ อาลู.”

ꤛꤥ꤭ꤟꤢ꤬ 5:24

“แว เฮ๊จ๊อจ๊อ ซี, แกแย เด๊อ อา หนิโฮ แว ลาโหง่ เออเรอ อา หยื่อเอ่แหน่ เพร เด๊อ อา นอแฮแล แว เออเตเพร เต๊เห่เนอ, อา พย๊าหนิ ซิปล่อเซอเพร ตูจูเพร เฮ๊อ. เร๊อ อา แม๊เถอะ เบ่น๊อปา เด๊อ เตเมจากาคยาโต่. อา จว๊า ตาลว๊าเบ๊ เฮ๊อ เร๊อ เตเซอ เร๊อ อา จว๊าโน เฮ๊อ เด๊อ เตเซอเพร อากูเฮ๊อ.

ꤛꤥ꤭ꤟꤢ꤬ 6:37

ล๋อ แกแย เด๊อ แวเพ เด๊อะ แว เต๊เห่เนอ, อา เก่ แฮ เด๊อ แวโอ่ ปา. อูเปเป๋ เบ่เบ่, อา เก่ แฮ เด๊อ แวโอ่ เนอ, แว เหว่เถ่แก เร๊อ อา ตีกี๋ โต่.

ꤛꤥ꤭ꤟꤢ꤬ 6:40

เมเตเฮ๊เรอ, แวเพ อา เตซิหยื่อ หม่า หม่าเฮ๊อ ล๋อ แกแย เด๊อ อา แม๊เถอะ อาพู๊คู เออ เร๊อ อา หยื่อเอ่ เต๊เห่เนอ, อา เก่ พย๊าหนิ ซิปล่อเซอเพร ตูจูเพร, เร๊อ แว เก่ เม ก๊อถ่อเซอเพร กาคยา เหย่ซี ช๋า ม๊อเนอ เด๊อคยา ตื๊อดื่อเล๊อ เนอเตอเนอ ปา.”

ꤛꤥ꤭ꤟꤢ꤬ 6:54

หม่าแน๊เรอ แกแย เด๊อ อา เอ่ แวหย่า โอ แวสุ่ย เต๊เห่เนอ, อา พย๊าหนิ ซิปล่อเซอเพร ตูจูเพร, เร๊อ ช๋า ม๊อเนอ ตื๊อดื่อ เด๊อ คยาเล๊อ เตอเนอ ปาเนอ, แว เก่ เมเซอเพร ก๊อถ่อกาคยา ลู ปา.

เพรโด่แนพู๊ เต๊เห่ 13:39

เด๊อ เหย่ซู่ เมโทเฮ๊อ อาขว่าอาคยา, แกแย เด๊อ อา หยื่อเอ่ เหย่ซู่ ปว๋า เตเพร เนอ จอแปแหร่ ปลวาแก ลอเฮ๊อ ลูเตซื๊อ เร๊อ อา แด่จ๊อแด่เตแก ลู เฮ๊อ. เด๊อ ซี ครวาลือ เมเกอ คูโมเสส อา เตซว๊าเตแส่ อาขว่าอาคยา, จอแปแหร่ ปลวาแกแจ่ ซี เตซื๊อ เนอเต๊เห่ ตีกี๋ โต่.

ꤚꤥꤗꤢꤩ꤬ 15:4

เมเตเฮ๊เรอ, ลีเทส่อพ๊า เด๊อ อู ราโอ่ อา มู๋ หนู่เค เต๊เห่เนอ, อา รา หนื่ออื่อ เด๊อ อา เก่ อิซว๊าอี๊แส่ เป อาเงเฮ๊อ. แซ่ฮู๊ เป เก่ โอ่ เร๊อ เตแม๊ชือ เนอ, ลีเทส่อพ๊า เด๊อะ เฮ๊อ เป แด่ทูซิปล่อ เร๊อ เตเหร่เตแบ เต๊เห่ เฮ๊อ.

ꤚꤥꤗꤢꤩ꤬ 6:23

เมเตเฮ๊เรอ, เตซื๊อ อาคว๊าอาเก่ หม่า เตเซอ. หม่าแน๊เรอ เตบุ๊ยเตเตอเรอ อาเชหยู่ เด๊อ จอแปแหร่ เด๊อะตาครา เป เออเนอหมา หม่าเฮ๊อ ซิปล่อเซอเพร ตูจูเพร เด๊อ เป แบ่เจ่ เหย่ซู่ครี๊ อากู เออเนอเฮ๊อ.

โครินธ์ อาเหร่อเล๊อ ต๊าบ่า 7:25

กู๊แหน่เรอ แว เก่ แด๊โฉ่โด่แนโปล เป่ ซี เร๊อ แกแย โอ่ เร๊อ หี่เร๊อเพร๊ ล๋ายโต่ เต๊เห่ อาหรี่อาแก. เตหรี่เตแก เออเนอหมา, แบ่เจ่ เมแกน๊อ โหง่ โต่. หม่าแน๊เรอ แว ซิหยื่อ เด๊อะซิเง เป่ ซี เร๊อ แว เตแม๊เถอะ. เมเตเฮ๊เรอ จอแปแหร่ ซิยอเร๊อ แว อาขว่าอาคยา, หยื่อเอ่หนิ แลแค แว เนอ.

โครินธ์ เนอบ่า ต๊าบ่า 4:1

ฮู๊เนอเรอ เป ซิปล่อปย๊า โต่, เมเตเฮ๊เรอ เด๊อ จอแปแหร่ อาบุ๊ยอาเตอเรอ อาขว่าอาคยา, อา เด๊อะตา เป เตเม เด๊อ เป เก่ แด๊โฉ่โด่แน เป่ อู เร๊อ เตอ๊อแล อาเซ เออเนอ เฮ๊อ.

เอเฟซัส 1:12

แซ่ฮู๊ เป่ เก่ แด่เกอ เป เตแม๊ชือ เด๊อ ครี๊ อากูเนอ เรอ, อา เม เป่เฮ๊อ เป ฮู๊เนอเฮ๊อ. เป แกแยยิวพู๊ เต๊เห่ หม่า แกแย เด๊อ อา แม๊ชือ เหร่อเล๊ออู ครี๊ เต๊เห่เฮ๊อ. เด๊อ เป แม๊ชือ ฮู๊เนอ อาขว่าอาคยา, อู เก่ ถู่เซ๊ เกอ จอแปแหร่ อา เตอเรอดุเตอเรอทู ตื๊อดื่อ เออเต๊เห่ ปา.

เอเฟซัส 1:6

อา เด๊อะตาครา เป่ เป เชหยู่ หม่าเฮ๊อ อา พู๊เพรคู เด๊อ อา โม เร๊อดื่อ เออเตเพร อาขว่าอาคยา, เป่ ถู่เซ๊แถ่ โหร่ลู จอแปแหร่ อาบุ๊ยดุอาเตอเรอทู เออเนอ โป๋.

เอเฟซัส 2:7

จอแปแหร่ เออเนอ อาแร๊ แหน่เจ๊อ เด๊อ เป ทวา ลูแกแย เออเต๊เห่ อาขุ. ครี๊ เม เป่ โทเฮ๊อ เต เด๊อ เปเง อาขว่าอาคยา, จอแปแหร่ เด๊อะโลตา เฮ๊อ อา เตเมโมเมแร๊ เป เออเต๊เห่ เฮ๊อ. แซ่ฮู๊ จอแปแหร่ เก่ เด๊อะโล เป แกแยเห่ขุพู๊ ช๋า เนอปา ตือทือ เต๊เห่ เร๊อ อาบุ๊ยดุอาเตอเรอทู เออเต๊เห่ ปาเนอ เนอ, อา เม เป่ เด๊อ เปเง ฮู๊เออ แพ๊.

เธสะโลนิกา เนอบ่า ต๊าบ่า 1:10

ช๋า แบ่เจ่ เหย่ซู่ แฮคยาแซ๊ อาม๊อเนอ เตอเนอ ปาเนอ, อา เก่ ทวาแถ่ ดื่อ ฮู๊เนอ ปา. เบ๊อะเนอเตอเนอ ปาเนอ, แบ่เจ่ เหย่ซู่ เก่ พย๊าหนิ เตเตอเรอดุเตอเรอทู เด๊อ อา แกแย บูโพ๊ เต๊เห่ อาโอ่ ปา. เร๊อ แกแย เด๊อ อา หยื่อเอ่ ลู เต๊เห่เนอ, อา เก่ คย๊ายื๊อ ลอ ลู ปา. ฮู๊เนอเรอ ซีเออ เต๊เห่เห่ เบ่เบ่, ซี เก่ ถู่เซ๊แถ่ เต่อเกอ เด๊อ เหย่ซีเกล ปา, เมเตเฮ๊เรอ ซี ย๋อ หยื่อเอ่ โทเฮ๊อ เตซิครือมีลา เด๊อ เป แด๊โฉ่โด่แน โทเป่ เฮ๊อ ซี เนอเต๊เห่ เฮ๊อ.

ทิโมธี อาเหร่อเล๊อ ต๊าบ่า 1:13

เด๋อ อาเหร่อเค เนอหม่า, แว เฮ๊ มู๊แหม่รีแจ่ เหย่ซู่ครี๊, แว เมจาเมจือ อา, แว เป๊อเจ่ออิแช๊ อา หม่าแน๊เรอ แบ่เจ่ ซิยอเกอเร๊อ แว, เมเตเฮ๊เรอ แว ย๋อ หยื่อเอ่แหน่ แต่เกอล๋ายโต่, เร๊อ แว เมเต เออเต๊เห่เนอ, แว ย๋อ ซิเง ล๋ายโต่ อาขว่าอาคยา, อา ซิยอเกอเร๊อ แว แพ๊.

ꤟꤤꤙꤚꤢꤨ 7:25

ฮู๊เนอเรอ แกแย เด๊อ อา แฮ เด๊อ จอแปแหร่ อา โอ่ เร๊อ อา แฮโน แฮเง เด๊อ เหย่ซู่ อา โอ่ เต๊เห่เนอ, เหย่ซู่ เก่ เมแลเปล๊กาเบ๊ เหย่ซี กู๊แหน่เออ ตาแฮเง ตูจูเพร เจ๊อ ปา, เมเตเฮ๊เรอ แซ่ฮู๊ อา เก่ โน กุยซิยอเบ๊ เป่ แกแย ฮู๊เนอ เต๊เห่ อาเง เด๊อ จอแปแหร่ อา โอ่ เนอ, อา เบ่ เซอเพร ตูจูเพร.

เปโตร อาเหร่อเล๊อ ต๊าบ่า 3:20

ซิปล่อเซอเพร เออเต๊เห่ เนอหม่า หม่าเฮ๊อ เบ๊อะเพโนอาห์ เมแถ่ ส่อเกลอดุ มู๋ หนู่เค เร๊อ เบ๊อะจอแปแหร่ โอ่ป่อ ซิปล่อทูหนิ เป่ เหย่ซี เบ๊อะเนอ หม่าแน๊เรอ อา จูเอ่ เกอ ลูโหง่ โต่ เนอเต๊เห่ เฮ๊อ. เด๊อ ส่อเกลอดุ อากูเนอ แกแย โนหนิ ปีตี๊ แพ๊. ล๋อ จอแปแหร่ เมแลเปล๊กา เหย่ซี เร๊อ เทอ เนอหม่า อาโอ่ แพ๊ เพรลุยซว๊า แพ๊.

เปโตร เนอบ่า ต๊าบ่า 3:15

ซิเง ซิเหน่ แลแค เร๊อ เป แบ่เจ่ เออ อา แด่ทูซิปล่อ แพ๊, อา แฮ เป่เหย่ เมเตเฮ๊เรอ แซ่ฮู๊ แกแย เต๊เห่ เก่ พย๊าหนิ เกออู เมแลเปล๊กา เออเนอเร๊อ อา ซิหยื่อ เด๊อะเป่ปา เหย่ซี อาม๊อเนอ ม๊อเซ ฮู๊เนอแพ๊. เป โป่แหว่ โคแบ๊ซว๊าโม คูเปาโล รา เป่เกอ โทเฮ๊อ ซี ฮู๊ แว เฮ๊ เป่ ซี เออเนอ เฮ๊อ. อา รา เป่เฮ๊อ ซี ฮู๊ จอแปแหร่ เด๊อะ ลู เตแจ่เตลีแม เนอเต๊เห่ เฮ๊อ.

เปโตร เนอบ่า ต๊าบ่า 3:9

ฮู๊เนอเรอ แกแย เต๊เห่เห่ เตเน เร๊อ ม๊อเนอ ม๊อเซยอ หม่าแน๊เรอ, แบ่เจ่ อ๊อแล เด๊อ อา เก่ แฮ คยาแซ๊ ปาเนอ, อา เมยอ เน๊อ โต่. จอแปแหร่ ซิหยื่อ นอจว๊าโต่ อู เด๊อ เตปย๊าเตแก เตเพร่ว โต่, โทเรอ อา ซิหยื่อ นอ ซิปล่อ แต๊แกละกา ลอ อู ปว๋า เตเพร อาขว่าอาคยา, อา แด่ทูซิปล่อ เป่ เด๊อ ซีเง แพ.