ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:3 - ลีเทส่อพ๊าอาเซ เร๊อ เห่ขุทวาลู๊

³ อู ย๋อ เมจาเมจือ ซี อาขว่าอาคยาเร๊อ, แซ่ฮู๊ ซี เก่ วี๊แก แต่ ซี เตหยื่อเตแหน่ เตเพร่ว แต่เหม่เนอ, เป นอแฮ คูทิโมธี เด๊อ ซีโอ่. ซี ซิเง แร๊แร๊แจ่แจ่ เฮ๊อ เร๊อ จอแปแหร่ เตเนหนื่ออื่อ เด๊อ เป เบ่ ข่าเบ่ เตเมจาเมจือ ฮู๊เออ เต๊เห่ เนอเฮ๊อ.

Eastern Kayah Shadaw Dialect

³ ꤢꤨ꤭ ꤜꤢ꤭ ꤗꤢꤩ꤬ꤡꤢ꤭ꤗꤢꤩ꤬ꤡꤢꤦ꤬ ꤞꤤ꤭ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬ ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤠꤤ꤭ꤊꤢꤧ꤭ ꤒ꤫ꤢꤧ꤬ ꤞꤤ꤭ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤒꤣ꤬ꤖꤚꤢꤩ꤬꤮ ꤒ꤫ꤢꤧ꤬ꤗꤢꤩ꤬ꤔꤣꤧ꤬, ꤕꤢꤩ꤬ ꤔꤢꤪ꤭ꤟꤢꤧ꤭ ꤋꤢꤨ꤭ꤒꤤ꤬ꤗꤢ꤬ꤞꤢꤩ꤬ ꤘꤣ ꤞꤤ꤭ꤥ꤬꤯ ꤞꤤ꤭ ꤞꤤꤑꤢꤩ꤭ ꤚꤢꤧꤚꤢꤧ ꤟꤣꤧ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤒꤣꤧ꤬ꤔꤢꤩ꤬ꤥ꤬ꤔꤢꤩ꤬ ꤘꤣ ꤕꤢꤩ꤬ ꤙꤢꤩ꤬ ꤋꤢꤧꤙꤢꤩ꤬ ꤒꤢꤩ꤬ꤗꤢꤩ꤬ꤡꤢ꤭ꤗꤢꤩ꤬ꤡꤢꤦ꤬ ꤟꤢꤨꤣꤧ꤭ ꤒꤣꤧ꤬ꤟꤢꤩ꤬ ꤔꤣꤧ꤬ꤟꤣꤧ꤯

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:3 Iomraidhean Croise

ꤜꤢꤨꤊꤢ꤬ 21:12

“หม่าแน๊เรอ เบ๊อะเตเออเต๊เห่ ทวาแถ่ แต่ล๋ายโต่ เบ๊อะเนอ, เด๊อ แวมุย อาขว่าอาคยาเร๊อ, อู เก่ ปื่อ ซี อู เก่ เมจาเมจือ ซี ปา. อู เก่ ซูจว๊า ซี เด๊อ เตจ๊อเบโฮกู ปา เร๊อ อู เก่ เจแม๊ ซี ปา, อู เก่ ด๊อตา ซี เด๊อ ทอกู ปา. โทเรอ อู เก่ ซูจว๊า ซี เด๊อ คุ๊ย เร๊อ จ๊อแผ่ เต๊เห่ อา เป๊เส่เง ปา.

ꤛꤥ꤭ꤟꤢ꤬ 16:2

อู เก่ เหว่เถ่ แก ซี เด๊อ เตจ๊อเบโฮ เต๊เห่ อากลอ ปา. แกแย เด๊อ อา เมเซอ ซี เต๊เห่เนอ อา เตเน เกอเร๊อ อาเหน่ เน๊อ, ‘เป เม เฮ๊อ จอแปแหร่ อาเตเม เฮ๊อ,’ เบ๊อะฮู๊เออเนอ, อา เก่ แฮโต่ ปา.

ꤛꤥ꤭ꤟꤢ꤬ 16:33

“แซ่ฮู๊ ซี เก่ พย๊าหนิ เตซิปล่อ ตู๊จู่เตอเจ๊อ อาเงเนอ, แว เฮ๊ เป่ โท ลอ เฮ๊อ ซี ล๋อ เออเต๊เห่ เฮ๊อ. เด๊อ ซี ทวาแถ่เฮ๊อ เตเตอเจ๊ออู แพ๊ เร๊อ แว อาขว่าอาคยา, ซี พย๊าหนิเฮ๊อ ซิปล่อ อา เตตู๊จุเตอเจ๊อ เฮ๊อ. เด๊อ เห่ขุ เออเนอ, ซี เก่ แม๊เถอะเบ่ เร๊อ เตแป่เตเช เตจาเตจือ ปา, หม่าแน๊เรอ แด่ฉว่าแด่ชอ แลแค ซี ซิปล่อ นี๋. แว เมเป่ โทเฮ๊อ เห่ขุ อา เตอเรอฉว่าชอ เออเต๊เห่ เฮ๊อ.”

เพรโด่แนพู๊ เต๊เห่ 14:22

แซ่ฮู๊ เพรหยื่อเอ่ เต๊เห่ เก่ โอ่หม่าโอ่กลอ เด๊อ อา เตหยื่อเตแหน่ อากู อาเงเนอ, คูเปาโล เร๊อ คูบารนาบัส เด๊อะอ๊าเด๊อะเหร่ แถ่หนิ เหย่ซี, โท๊โต่ ครอครวาเกอ เหย่ซีคยา. เหย่ซี อิซว๊าอี๊แส่ เป่ อู เน๊อ, “เป เตเร จว๊าโน ล๊อปลู๊เบ๊ โต่เด๊อ จอแปแหร่ อาเทออาเก่กู เออเนอหม่า, เป เบ่ จว๊าตาลว๊า เอ๊ลา เร๊อ เตแป่เตเช ซีเต๊เห่ เจ๊อ.”

เพรโด่แนพู๊ เต๊เห่ 2:25

โพดาวิด เฮ๊โฉ่หนื่ออื่อ โทเฮ๊อ ครี๊ อาหรี่อาแก เร๊อ อา เฮ๊ เน๊อ, ‘แว แม๊เถอะ แบ่เจ่ อาโอ่ เด๊อ แว เป๊เส่เง ปว๋า โตโพ๊ เจ๊อ. จอแปแหร่ อาโอ่ เด๊อ แว กู๊ขุ จ๊อทว๊า ตากยา อาขว่าอาคยา, อู เมแป่เมเช แจ่ แว เตอเจ๋อ โต่.

เพรโด่แนพู๊ เต๊เห่ 21:11

อา แฮ เด๊อ เปโอ่ เร๊อ อา พย๊าเถ่ คูเปาโล ฮ๊อท๊อ เร๊อ อา จอกลอ เกอ เร๊อ คยาดื่อ เด๊อ อากู๊ขุ เร๊อ กู๊โด่ เร๊อ ฮ๊อท๊อ เออต๊าบ่า เร๊อ อา เฮ๊ เน๊อ, “แหย่โยบูโพ๊แบ่เจ่ เฮ๊ เน๊อ, ‘แกแยยิวพู๊ โอ่ เบ๊อะวีเยรูซาเล็ม อากู เนอเต๊เห่ เก่ จอกลอ ฮ๊อท๊อ แบ่เจ่ เออเตเพรเนอ ฮู๊เออ ปา เร๊อ อา เก่ เด๊อะตาแก ลู เด๊อ แกแยยิวพู๊ หม่าโต่ เต๊เห่ อา กู๊ยากู ปา.’”

เพรโด่แนพู๊ เต๊เห่ 21:13

หม่าแน๊เรอ คูเปาโล เฮ๊ฉื่อ เป เน๊อ, “ซีโหง่ซีเห่ เร๊อ ซี เม ซิเปลซิหย่อ แว เมเต? แว โอ่ตี๊หรี่แตแร หนื่ออื่อ เฮ๊อ แวเหน่ เด๊อ อู เก่ปื่อเก่จอ แว เบ๊อะวีเยรูซาเล็ม เออเนอ ปา ตื๊อดื่อ หม่าโต่, แว ตี๊หรี่แตแร หนื่ออื่อ โป่ เจ๊อเฮ๊อ เด๊อ แว เก่ เซอ เด๊อ แบ่เจ่ เหย่ซู่ อาเง เจ๊อ.”

เพรโด่แนพู๊ เต๊เห่ 9:16

ล๋อ เตจาเตจือ เด๊อ อา โตเบ่ ข่าจา เด๊อ แวขว่าแวคยา เต๊เห่เนอ, แว เก่ เด๊อะโล ซิเง เจ๊อดื่อ ลู เร๊อ แวเหน่ ปา.”

ꤚꤥꤗꤢꤩ꤬ 5:3

เป แม๊ชือ ตื๊อแพ๊ เออเนอ หม่าโต่, เบ๊อะเป แม๊เถอะ เร๊อ เตจาเตจือ, เตแป่เตเช เบ๊อะเนอ เบ่เบ่, เป ซิครือซิลอ แพ๊, เมเตเฮ๊เรอ เป ซิเง เร๊อ เต เออเต๊เห่เนอ อา เด๊อะ เอ๊แถ่ เป่ โป่ เป เตข่าเบ่ เตจาเตจือ แพ๊.

โครินธ์ อาเหร่อเล๊อ ต๊าบ่า 15:58

ฮู๊เนอเรอ, แว โคแบ๊ซว๊า ซี, กู๊แหน่เรอ ก๊อถ่อ แตแนแร๊ แลแค เร๊อ โอ่หม่าโอ่กลอ แลแค เด๊อ ซี เตหยื่อ อากูเนอ นี๋. เม ฉว่าฉว่า แลแค จอแปแหร่ อาเตเม ปว๋า โตโพ๊ นี๋, เมเตเฮ๊เรอ ซี เม แบ่เจ่ อาเตเม เนอ อา แกเด เด๊อ ซีเง โต่.

โครินธ์ อาเหร่อเล๊อ ต๊าบ่า 4:9

แว เฮ๊ ฮู๊เออ เมเตเฮ๊เรอ, อา แซ่ เน๊อ เป เพรโด่แนพู๊ เต๊เห่เนอ, จอแปแหร่ แด่ ปีตี๊เล๊อ เป เหล่โอ่ เน๊อ อูโร เต๊เห่. โท๊โต่ อาแซ่เน๊อ แกแย ตา เด๊อ ทอกู เต๊เห่ เด๊อ อู เตเร เมเซอ เฮ๊อ เหย่ซี เด๊อ แกแย ตูปลูเต๊เผ่ อา เป๊เส่เง เนอ. เร๊อ อาแซ่เน๊อ ล๋อ ม๊อขุ เตเน่วพู๊ เต๊เห่ เร๊อ แกแย เห่ขุพู๊ เต๊เห่ แม๊ แฮ ตาเต่อ ลอ เป เนอ.

เอเฟซัส 3:13

เมฮู๊เนอเรอ, แว กุยซิยอ ซี๋, เด๊อ แว ข่าเบ่ เตจาเตจือ เด๊อ ซิเง เออเนอ, ซิปล่อปย๊า แต่ แลแค แต่เหม่ นี๋. แว ข่าเบ่ ฮู๊เออ เนอหม่า ซี เหล่หนิบุ๊ย หนิเตอเรอ อาเงแพ๊.

โคโลสี 1:23

แซ่ฮู๊ ซีเป๊เส่ เก่ โอ่ เกอดื่อ เด๊อ จอแปแหร่ อา เป๊เส่เง เนอเรอ, ตูรู๊ หยื่อเอ่ เป่แฮ ลาโป่ แลแค ฮู๊เนอเฮ๊อ. หยื่อเอ่ฉว่า หยื่อเอ่ชอ แลแค, เร๊อ โอ่หม่าโอ่กลอ แลแค เด๊อ ซี เตหยื่อ อากู นี๋. เบ๊อะซี หนิโฮ ลู่ เตซิครือมีลา เบ๊อะเนออาเค, ซี พย๊าหนิ โทเฮ๊อ เตแม๊ชือ เฮ๊อ. เร๊อ ซิปล่อ ลูโทลูแล แต่ แลแค เด๊อ ซี เตแม๊ชือ เออ อากู เนอ แต่เหม่ นี๋. เตซิครือซิลอมีลา เด๊อ จอแปแหร่ เมแร๊ กาคยา คยาแซ๊ แกแย เต๊เห่ เร๊อ อาเหน่ เร๊อดื่อ เออเนอ, อู โด่แน จว๊าเฮ๊อ ลู เด๊อ แกแย ปว๋า เตเพร อา โอ่, เร๊อ เด๊อ เห่ขุ ชีบ่า อา โอ่ เฮ๊อ. แว หม่าเฮ๊อ คูเปาโล, แว ทวา หลู่เล๊ เตเพร แว โด่แน เกอ เตซิครือซิลอมีลา เออเนอ เฮ๊อเฮ๊อ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:9

จอแปแหร่ นว๊าแถ่ เป เร๊อ เป เก่ ข่าเบ่ อา เตซิปล่อดุ อาเตเมจากาคยา เออเนอ หม่าโต่. เด๊อ เป แบ่เจ่ เหย่ซู่ครี๊ ขว่าคยาเรอ, อา นว๊าแถ่ เป เร๊อ เป เก่ พย๊าหนิ ลาเฮ๊อ เตเมแลเปล๊กา เออเนอแพ๊.

เธสะโลนิกา เนอบ่า ต๊าบ่า 1:4

ฮู๊เนอ อาขว่าอาคยา, เป แหน่แบ่เจ่ เร๊อดื่อ เป แด๊โฉ่โด่แน โลเป่ เพรหยื่อเอ่ตู๊หมู่ตอกล๊อ เด๊อ อาโร เต๊เห่ เร๊อ ซีหรี่ซีแก. เบ๊อะซี ข่าเบ่ เตเมจาเมจือ เร๊อ เตแป่เตเช เต๊เห่ เบ๊อะเนอ, แด่ทูซิปล่อเบ๊ เร๊อ ซี โอ่หม่าโอ่กลอ เด๊อ ซี เตหยื่อเตแหน่ อากู อาขว่าอาคยา, เป แด่แถ่โล โม เกอเร๊อ แหน่เจ๊อ เป ซิปล่อ.

ทิโมธี เนอบ่า ต๊าบ่า 1:8

ฮู๊เนอเร๊อ, เน เตเร ข่าเฮ๊โล เนเหน่ เด๊อ เป แบ่เจ่ อาเงเนอ ซิเตเร แต่เหม่, เด๊อ แบ่เจ่ อาขว่าอาคยาเร๊อ, อู ด๊อตา แว เด๊อ ทอกู เออเนอ เบ่เบ่, ซิเตเร แต่เหม่เหม่. โท๊โต่ ข่าโหร่เกอ เตโซพ๊าโซแร เน๊อ แว เด๊อ เตซิครือมีลา อาเง ฮู๊ จอแปแหร่ เด๊อะ เน เตอ๊าเหร่เตเหร่เนอ.

เปโตร อาเหร่อเล๊อ ต๊าบ่า 2:21

แซ่ฮู๊ ซี เบ่ แด่ทูซิปล่อเบ๊ เตจาเตจือ เออ อาเงเนอเรอ, จอแปแหร่ เอ๊เถ่ เฮ๊อ ซี เฮ๊อ, เมเตเฮ๊เรอ ครี๊ อาเหน่แบ่เจ่ เร๊อดื่อ จ่าเพรอ โทเฮ๊อ เตจาเตจือ เด๊อ ซีเง เฮ๊อ. เร๊อ แซ่ฮู๊ ซี เก่ ครวา หยิเกอ อากู๊โด่เค อาเงเนอ, อา แด่แก เป่ เฮ๊อ ซี เหล่แม๊บือ เฮ๊อ.

เตเด๊อะโลแถ่ 2:10

เตเด๊อ เน เตเร ข่าเบ่ กู๊แหน่ เออเนอ, ซิอิเช แต่ อาเหล่ ตีกี๋ แต่เหม่ นี๊. โลเน๊มู๊แหม่รีแจ่ กู่กล๊อ ตี๊หรี่แตแร เฮ๊อ อู เด๊อ อู เก่ ทื๊อแม๊ ซี อาขว่าอาคยา, อา เก่ ด๊อโน ซี เด๊อ ทอกู เต๊เห่เห่ ปา. อู เก่ เมจาเมจือ ซี อาเนอเช๊อ อาเซเช๊อ ปา โต่ เจ๊อ เด๊อ เน แม๊เถอะเบ่ เจ๊อ เร๊อ เตเซอ เบ่เบ่, ตูรู๊ จ๊อ เร๊อ แว เนอ, แว เก่ เด๊อะดื่อ เน เตเซอเพร อา กู๊โก่เท ปา.

เตเด๊อะโลแถ่ 2:13

เน โอ่โต เจ๊อ เร๊อ โลเน๊มู๊แหม่รีแจ่ กู่กล๊อ เหล่โอ่แน กู่แกล๊แถ่โล อาเหล่โอ่ เจ๊อ เนอหม่า แว ซิเง. เบ๊อะอู เมเซอ เจ๊อ คูอันที หม่าเฮ๊อ เพรข่าเฮ๊โล เด๊อ อาจ๊อ เร๊อ แวเออ เนอเตเพร เบ๊อะเน วีกู โลเน๊มู๊แหม่รีแจ่ กู่กล๊อ อาเหล่โอ่ เนอ เจ๊อ หม่าแน๊เรอ เน จ๊อ เร๊อ แว, เน วีแก เน เตหยื่อเตแหน่ โต่.