ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:3 - ลีเทส่อพ๊าอาเซ เร๊อ เห่ขุทวาลู๊

³ เป เด๊อะอ๊าเด๊อะเหร่ ซี เร๊อ ซี เก่ หยื่อเอ่ เตซิครือมีลา ฮู๊เออเนอหม่า อาซื๊อน๊อโต่. เป เหล่เตเน หม่า อาโพ๊อาแปละ เด๊อ ซีขุ แพ๊. เป จว๊า เฮ๊ แลโฮ เกอ เร๊อ อู เตเพร่ว โต่.

Eastern Kayah Shadaw Dialect

³ ꤕꤢꤩ꤬ ꤘꤣꤧꤟꤢꤧ꤭ꤘꤣꤧꤚꤢꤩ꤬ ꤞꤤ꤭ ꤔꤢꤧ ꤞꤤ꤭ ꤊ꤫ꤢꤦ꤬ ꤛ꤫ꤢꤦ꤬ꤢꤩ꤬ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤟꤢꤨꤣꤧ꤭ꤔꤣꤧ꤬ꤗꤢ꤬ ꤢ꤬ꤞꤢꤦ ꤔꤢꤧꤒꤥ꤬꤯ ꤕꤢꤩ꤬ ꤒꤢꤩ꤬ꤒꤣꤧ꤬ꤔꤢꤩ꤬ ꤗꤢ꤬ ꤢ꤬ ꤕꤜꤤ꤭ꤖꤥ ꤘꤣ ꤞꤤ꤭ꤋꤢꤨ꤬ ꤖꤢꤧ, ꤕꤢꤩ꤬ ꤡꤝꤢ ꤗꤢꤧꤕꤢꤨ꤭ ꤜꤣꤧ꤬ꤟꤥ꤭ ꤊꤣꤧ꤭ ꤔꤢꤧ ꤢꤨ꤭ ꤒꤣ꤬ꤖꤚꤢꤩ꤬꤮ ꤒꤥ꤬꤯

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:3 Iomraidhean Croise

เพรโด่แนพู๊ เต๊เห่ 13:15

เบ๊อะอู แด๊แถ่โทเฮ๊อ คูโมเสส อาลี เตซว๊าเตแส่ เร๊อ ลี เด๊อ เพรโพร ราหนื่ออื่อ เนอเต๊เห่ เบ๊อะเนอ, เตจ๊อเบโฮ กู่กล๊อ เต๊เห่ นอจว๊าแด๊เฮอ แกแย เตเพร เร๊อ เหย่ซี เร๊อ อา เฮ๊ เหย่ซี เน๊อ, “โป่แหว่ ซี๋, ซี เหล่เด๊อะอ๊าเด๊อะเหร่ แกแย เบ๊หมู่ เออเต๊เห่ เก่ โอ่ ตือมือมือ เฮ๊เรอ, เป ซิ๊หยื่อ นอเด๊อะอ๊าเด๊อเหร่ ซี.”

เพรโด่แนพู๊ เต๊เห่ 4:36

ฮู๊เนอ อาขว่าอาคยา แกแย มุย เร๊อ คูโยเซฟ โอ่ เตเพร, อา หม่า เลวีพู๊ เตเพร เร๊อ อา โอ่ เป๊เจ่แล เด๊อ ไซปรัสกลื๊อขุ, เร๊อ เพรโด่แนพู๊ เต๊เห่ เออเต๊เห่ เอ๊ ลูมูย เร๊อ คูบารนาบัส, (อาโหง่แลช๊า หม่า แกแย เด๊อ อา เด๊อะอ๊าเด๊อะเหร่ อู.)

โครินธ์ เนอบ่า ต๊าบ่า 11:13

เหย่ซี เนอเต๊เห่ หม่า เพรโด่แนพู๊ เต๊เห่ อา หม่าแหน่ หม่าโต่. เหย่ซี หม่า เพรโด่แนพู๊ เต๊เห่ เด๊อ อา แลโฮ เต๊เห่ แพ๊. เหย่ซี จว๊า เฮ๊แลโฮ เป่ อู เร๊อ อาเตเม เต๊เห่ เร๊อ อา จะเม แลแค อาเหน่ ฮู๊ ครี๊ อา เพรโด่แนพู๊ เต๊เห่ หม่าแหน่ เต๊เห่เนอ แพ๊.

โครินธ์ เนอบ่า ต๊าบ่า 2:17

แกแย เม แลแค จอแปแหร่ อาเตเม เร๊อ อา อิซว๊าอี๊แส่ เป่ อู เนอ อา โอ่ เอ๊ลู หม่าแน๊เรอ เป แม๊บือ เมเกอ ฮู๊ เหย่ซี เมเนอ โต่. เมเตเฮ๊เรอ, แซ่ฮู๊ เหย่ซี เก่ พย๊าหนิ แลแค รือ เร๊อ เหย่ซี แด๊โฉ่โด่แน เป่ อู เร๊อ จอแปแหร่ อาลาอาโหง่ แพ๊. หม่าแน๊เรอ เป เออเต๊เห่เนอ, จอแปแหร่ นอจว๊า แด๊โฉ่โด่แน เป เร๊อ ครี๊ อาหรี่อาแก, เป แด๊โฉ่โด่แน เป่ อู เออเนอ จอแปแหร่ แม๊เถอะ, เป ทวาเฮ๊อ เตเต๊อเจ๋อ โต เร๊อ ครี๊ เฮ๊อ เร๊อ เป หม่า เพรโด่แนพู๊ เต๊เห่ เด๊อ อา ซิปล่อจ๊อจื้อ เต๊เห่ เฮ๊อ.

โครินธ์ เนอบ่า ต๊าบ่า 4:2

เตอิลอ แลโฮเอ่ อู, เตเม ด๊อโอ๊ด๊อบี๊ อิเตเต๋ เต๊เห่ เนอเบ่เบ่, เตเม เด๊อ อา ทวาแถ่ เตซิเตเร อิเตเต๋ เต๊เห่เนอ เบ่เบ่, เป เมปา ตีกี๋ โต่ เฮ๊อ. เบ๊อะเป แด๊โฉ่โด่แน เป่ อู เร๊อ จอแปแหร่ อาลาอาโหง่ เบ๊อะเนอ, เป เฮ๊เบ่ อิลอแลโฮ อู โต่, เป อิซว๊าแลโฮ ป่าโนเต่อ โหง่ เด๊อ อาโรเต๊เห่ โต่. เด๊อ จอแปแหร่ อา เป๊เส่เง, เป เฮ๊เบ่ อิเตเต๋ เบ่เบ่, เป เมเต อิเตเต๋ เบ่เบ่ เนอ, อาโต ลอปลี แพ๊. แซ่ฮู๊ เหย่ซี ปว๋า เตเพร เก่ ซิเง แลแค เร๊อ เหย่ซี หยื่อเอ่หนิ เป อาเงเนอเรอ, เป เฮ๊โฉ่จ๊อ, เป เมจ๊อ เฮ๊อ เต ฮู๊เนอ เฮ๊อ.

โครินธ์ เนอบ่า ต๊าบ่า 4:5

เป เล แด๊โฉ่โด่แน เกอเร๊อ เปหรี่เปแก หม่าโต่. หม่าแน๊เรอ เป เล แด๊โฉ่โด่แน โล เป่ อู เร๊อ เหย่ซู่ครี๊ หม่า แบ่เจ่ เตเพร อาหรี่อาแก. ฮู๊เนอเรอ เด๊อ ครี๊ อาขว่าอาคยา, เป ทวาเป่ ซี หลู่เล๊ เต๊เห่ เฮ๊อ.

โครินธ์ เนอบ่า ต๊าบ่า 6:8

เพร ถู่เซ๊ เป หม่า อา โอ่โอ่, เพร เป๊อเจ่อ เป หม่า อา โอ่โอ่. เพร เฮ๊เบ่แร๊ เป หม่า อา โอ่โอ่, เพร เฮ๊มู๊แหม่ เป หม่า อา โอ่โอ่. เพร เฮ๊ เป เร๊อ แกแยแลโฮ เต๊เห่ เนอหม่า อา โอ่โอ่, หม่าแน๊เรอ เป หม่า แกแย เด๊อ อา เฮ๊เบ่จ๊อ เต เต๊เห่ แพ๊.

โครินธ์ เนอบ่า ต๊าบ่า 7:2

โป่แหว่ ซี๋, เด๊อะโลเกอ แลแค ซี เตโม เป แต๋. เป เมซื๊อเมปล๊าน๊อ อู เตเพร่ว โต่. เป เมแป่เมเชน๊อ เร๊อ อู เตเพร่ว โต่ โต่. เป จว๊าเอ่ตือโอตือ น๊อ เร๊อ อูขุ เตเพร่ว โต่ โต่.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:11

เป แม๊ตู่หนิ ซี เออเนอ, อา แซ่เจ๊อเร๊อ เพ เตเพร แม๊ตู่ เกอเร๊อ อาพู๊ เจ๊อ เนอหม่า ซี ซิเงดื่อเฮ๊อ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:7

เมเตเฮ๊เรอ จอแปแหร่ เอ๊ เป เด๊อ เป เก่ เบ่ โอ่เซอเพร เมซื๊อ เพรเหมาะเพรคู อาเงเนอ หม่าโต่. แซ่ฮู๊ เป เตก๊อถ่อโอ่แน ซีเต๊เห่ เก่ อาโพ๊อาแปละ อาเงเนอเรอ, อา เอ๊ เป แพ๊.

เธสะโลนิกา เนอบ่า ต๊าบ่า 2:11

ฮู๊เนอเรอ แซ่ฮู๊ เหย่ซี เก่ หยื่อเอ่ เกออู เตแลโฮแลแห่ เออ ปา, โท๊โต่ แซ่ฮู๊ จอแปแหร่ เก่ เมจากาคยา แก แกแย เด๊อ อา หยื่อเอ่ เกออู เตหมะเตจ๊อ โต่ เร๊อ อา จว๊า ซิครือซิลอ หยื่อเอ่ ดื่อเง เตมู๊แหม่รีแจ่ เนอเต๊เห่ อาเงเนอ, จอแปแหร่ ปลวาแฮ โค๊เล๊อ เป่แหน่ เฮ๊อ เหย่ซี เตแลโฮแจ่แหน่ อาฉว่าอาชอ เออเต๊อเจ่อ เฮ๊อ.

เปโตร เนอบ่า ต๊าบ่า 1:16

เบ๊อะเป เด๊อซิเง เป่ เฮ๊อ ซี เร๊อ เป แบ่เจ่ เหย่ซู่ครี๊ อา เตลีเตเตเค เร๊อ อาแฮ อาหรี่อาแก เออ เบ๊อะเนอ, เตโด่แน เด๊อ อาหม่าโต่ หม่าแน๊เรอ แกแย แจ่แด๊ แลโฮ เต๊เห่ แด๊เป่ ซี เต๊เห่เนอ, เป ครวาแด๊ เกออู โต่. เป แม๊เถอะ อา เตลีเตเตเค เต๊เห่ เร๊อ เปเป๊เส่ เร๊อดื่อ เจ๊อ.