เปโตร อาเหร่อเล๊อ ต๊าบ่า 5:3 - ลีเทส่อพ๊าอาเซ เร๊อ เห่ขุทวาลู๊

³ เพรหยื่อเอ่เต ตู๊หมู่ตอกล๊อ เด๊อ จอแปแหร่ นอแม๊ นอตู่หนิ ซี เออเต๊เห่เนอ, นอเอ่ ซี เตอเรอฉว่าชอ เร๊อ เป๊อฉว่าเป๊อชอ หนิ เหย่ซี แต่เหม่ นี๋. หม่าแน๊เรอ, ทวาเป่ดื่อ ซิหมิ เนอตู๊หมู่ อาเหล่แม๊บือเกอ ซี นี๋.

Eastern Kayah Shadaw Dialect

³ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ ꤕꤜꤢꤪꤗꤢꤨ꤬ꤖꤢꤨ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤔꤢꤪ꤭ꤗꤢꤧꤔꤢꤪ꤭ꤡꤢꤧ꤬ꤚꤣꤧ ꤞꤤ꤭ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤔꤢꤪ꤭ꤢꤩ꤬ ꤞꤤ꤭ ꤒꤣꤧ꤬ꤚꤣꤧ꤭ꤏꤝꤢ꤬ꤏꤢꤪ꤭ ꤚꤣꤧ꤬ ꤕꤣꤏꤝꤢ꤬ꤕꤣꤏꤢꤪ꤭ ꤚꤣꤧ ꤛꤢꤩ꤬ꤞꤤ꤭ ꤒ꤫ꤢꤧ꤬ꤗꤢꤩ꤬ ꤔꤤ꤮꤯ ꤗ꤫ꤢ꤬ꤟꤢꤩꤗꤢ꤬, ꤓꤝꤢ꤭ ꤕ꤫ꤢꤩ꤬ꤘꤢꤦ꤬ ꤞꤤꤗꤤ꤬ ꤔꤣꤧ꤬ꤒꤣ꤬ꤗꤢꤨ꤬ ꤢ꤬ꤜ꤫ꤢꤩ꤬ꤗꤢꤧꤙꤢꤦ꤭ꤊꤣꤧ꤭ ꤞꤤ꤭ ꤔꤤ꤮꤯

เปโตร อาเหร่อเล๊อ ต๊าบ่า 5:3 Iomraidhean Croise

ꤛꤥ꤭ꤟꤢ꤬ 13:15

แว เมแก เป่ ซี เหล่ครวา เมแบ๊บือ เออเต๊อเจ่อ เฮ๊อ. ซี โต ครวาเมเกอ แลแค ฮู๊ แว เม เป่ ซี เออเนอ.

เพรโด่แนพู๊ เต๊เห่ 20:28

แม๊ตู่ เร๊อ ดื่อ แลแค ซีเหน่ เร๊อ แม๊ตู่ เกอเร๊อ แลแค ล๋อ ซิหมิ เด๊อ แหย่โยบูโพ๊ เด๊อะตาแก เป่ ซี เด๊อ ซี เบ่ แม๊ตู่หนิ เออเนอ เต๊เห่ นี๋. ทวา แลแค เพรเกซิหมิพู๊ เด๊อ อา แม๊ตู่หนิ อาซิหมิ เออเต๊เห่ เนอ เต๊เห่ นี๋ แม๊ตู่หนิ แลแค จอแปแหร่ อา เพรหยื่อเอ่ ตู๊หมู่ตอกล๊อ เด๊อ อาพู๊คู พรีกา โทเฮ๊อ เน๊อ อาสุ่ย เร๊อดื่อ เออเนอ นี๋.

โครินธ์ อาเหร่อเล๊อ ต๊าบ่า 11:11

ฮู๊เตเต๋ เบ่เบ่, ล๋อ แกแย เด๊อ อา ทวาแถ่ เฮ๊อ เตเตอเจ๋อ แพ๊ เน๊อ แบ่เจ่ เต๊เห่เนอ, เพรคู เบ่เบ่, เพรเหมาะ เบ่เบ่, เตเพร เน๊อ เตเพร อา โหล่แหน่ ลูแพ๊.

โครินธ์ อาเหร่อเล๊อ ต๊าบ่า 3:5

เก่เฮ๊ลอลอ เร๊อ, คูอปอลโล หม่า อูเป? คูเปาโล หม่า อูเป? เป หม่า แกแย แจ่ลีแจ่ลาโต่ เด๊อ อา เม จอแปแหร่ อาเตเม เต๊เห่ แพ๊. เด๊อ เป เฮ๊โฉ่โด่แนโล เป่ ซี อาขว่าอาคยา ซี หยื่อเอ่แหน่ กา แลแค แบ่เจ่ เหย่ซู่ครี๊. ฮู๊ จอแปแหร่ เด๊อะตา เป เตเม เตเพร เร๊อ เตเพร เนอ, เป เม เร๊อดื่อ ฮู๊ อา นอเม เป เออเนอ แพ๊.

โครินธ์ อาเหร่อเล๊อ ต๊าบ่า 3:9

เป หม่า เพรเมโหร่ลูเต เด๊อ จอแปแหร่ อาเง เต๊เห่ แพ๊. ซี หม่า อาแซ่เน๊อ จอแปแหร่ อา เกเร๊รา เด๊อ เป เหล่เมเอ่ อาเหล่โอ่. โท๊โต่ ซี หม่า อาแซ่เน๊อ หี่ เด๊อ จอแปแหร่ ช๊อแถ่ อา เตเม.

โครินธ์ เนอบ่า ต๊าบ่า 1:24

เป ซิหยื่อ เมตาตือ เร๊อ ซี เตหยื่อ โต่. ซี เตหยื่อเตแหน่ ชอเกอเด๊อ เจ๊อ เนอหม่า เป ซิเง เฮ๊อ. แซ่ฮู๊ ซี เก่ ซิครือซิลอ เอ๊แถ่โป่ อาเงเนอ, เป ซิหยื่อ แฮ เมจว่า เกอ ซี ฮู๊เนอ แพ๊.

โครินธ์ เนอบ่า ต๊าบ่า 4:5

เป เล แด๊โฉ่โด่แน เกอเร๊อ เปหรี่เปแก หม่าโต่. หม่าแน๊เรอ เป เล แด๊โฉ่โด่แน โล เป่ อู เร๊อ เหย่ซู่ครี๊ หม่า แบ่เจ่ เตเพร อาหรี่อาแก. ฮู๊เนอเรอ เด๊อ ครี๊ อาขว่าอาคยา, เป ทวาเป่ ซี หลู่เล๊ เต๊เห่ เฮ๊อ.

ฟีลิปปี 3:17

แว โป่แหว่ ซี๋, แม๊บือ เกอ แลแค แวเออ, ครวา แม๊โตหม่า เกอ แกแย เด๊อ อา ครวา โอ่เซอเพร เกอ ฮู๊ เป โอ่เซอเพร โลแก เป่ ซี เนอ เต๊เห่เนอ.

ฟีลิปปี 4:9

ล๋อ ซี อิซว๊าพย๊าหนิ โทเฮ๊อ เร๊อ ซี แม๊เถอะ หนิโฮ โทเฮ๊อ แว เตเฮ๊เบ่เฮ๊โช เต๊เห่ เนอ แว เตเอ่เตแร เด๊อ แว โอ่ เต๊เห่เนอ, โอ่เซอเพร ครวาเม เกอ แลแค ฮู๊เนอ เร๊อ เตตู๊จุเตอเจ๊อ อา จอแปแหร่ เก่ โอ่ เกอดื่อ เร๊อ ซี ปา.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 1:7

ฮู๊เนอเรอ ซี ทวาแถ่ เป่เฮ๊อ แกแย เด๊อ อา หยื่อเอ่แหน่ ครี๊ เด๊อ อา โอ่ เด๊อ มาซิโดเนีย เก่กู เนอเต๊เห่ เร๊อ อาคายาเก่กู เนอเต๊เห่ อาเหล่แม๊บือ เฮ๊อ.

เธสะโลนิกา เนอบ่า ต๊าบ่า 3:9

เป เก่ กุยเมจว่า ซี เร๊อ เป เหล่เอ่เหล่โอ เร๊อ เหล่โอ่เหล่แบ่ เฮ๊เนอหม่า อา โตแพ๊ หม่าแน๊เรอ แซ่ฮู๊ เป เก่ ทวาแถ่ ซี เหล่แม๊บือ เร๊อ ซี เก่ ครวาเมเกอ ฮู๊ เป เมเออ อาเงเนอ, เป เบ่ เอ่ครือแรครือ เกอเร๊อ แหน่เจ๊อ.

ทิโมธี อาเหร่อเล๊อ ต๊าบ่า 4:12

เน หม่า แกแย พู๊เส่ อาขว่าอาคยา, นอเตเน ปีตี๊ แต่ อู เร๊อ เนเหน่ แต่เหม่ นี๋. โท๊โต่, เน เตเฮ๊เบ่เฮ๊โช เต๊เห่ เบ่เบ่, เน เมเต อิเตเต๋ เบ่เบ่, เน เตโม เบ่เบ่, เน เตหยื่อเตแหน่ เบ่เบ่, เน ซิปล่อ อา เตโพ๊แปละ เต๊เห่ เบ่เบ่, ทวาแถ่ เป่ อู เหล่แม๊บือ เด๊อ อาแร๊ เด๊อ แกแย หยื่อเอ่เต เต๊เห่ อาเง นี๋.

ꤒꤤꤒꤢꤨ 2:7

เน ลาติเรอ, เน เมเต อิเตเต๋. เบ่เบ่, แซ่ฮู๊ เพรคู หน่าเจ่ เต๊เห่ เก่ แม๊บือเกอ เนเนอ เรอ, เม แพ๊ เตแร๊ เนอเต๊เห่ นี๋. เบ๊อะเน อิซว๊าอี๊แส่ อู เบ๊อะเนอ, แด่จ๊อจื้อ เน ซิปล่อ โทเรอ จ่าฉ่าเผระ ฉาอ่อ เนเหน่ นี๋.

เปโตร อาเหร่อเล๊อ ต๊าบ่า 2:9

หม่าแน๊เรอ ซี หม่าเมวเจอะ เต๊อเจ่อ เด๊อ จอแปแหร่ นว๊าแถ่ อา, เพรหลู่แตเต เด๊อ อาแซ่เน๊อ คุ๊ย เต๊เห่, เมวเจอะ เด๊อ อา บูโพ๊, โท๊โต่ จอแปแหร่ อาแกแย เร๊อดื่อ เจ๊อ เต๊เห่ เฮ๊อ. แซ่ฮู๊ ซี เก่ แด๊โฉ่โล จอแปแหร่ อา เตเมแร๊ โค๊ดื่อ เต๊เห่ อาเงเนอ, จอแปแหร่ นว๊าแถ่ ซี เฮ๊อ. จอแปแหร่ เอ๊เถ่แก ซี เด๊อ เตคี๊ อาเล เร๊อ อา ซูโน ซี เด๊อ อา เตลีเตเค โม อากู เฮ๊อ.