เปโตร อาเหร่อเล๊อ ต๊าบ่า 4:3 - ลีเทส่อพ๊าอาเซ เร๊อ เห่ขุทวาลู๊

³ เด๊อ เหร่อเคเนอ, ฮู๊ แกแย เด๊อ อา ซิเง เกออู จอแปแหร่ โต่ เนอเต๊เห่ เมลอแกเด ม๊อเนอม๊อเซ เนอ ซี เม ลอแกเด โป่ เกอลอ โทเฮ๊อ ฮู๊เนอเฮ๊อ. ซี โอ่เซอเพร แกเด ลอ อาม๊อเนอม๊อเซ แคร๋, เร๊อ อิเต เฮ๊เนอหม่า, ซี เตโอ่ แซแรซิบี แร๊โต่, ซี ซิปล่อ ปาต๊าเปอเตอ, ซี เตเอ่มือโอแพร๊, ซี เมป่วยเมลา เด๊อ อา โอ่เร๊อ เตเอ่ตาลว๊าโอตาแก เต๊เห่, ซี เตจ๊อเบ เตแหย่โยแหย่กี เด๊อ เหล่ซิหย่อซิบี หนิ อา เต๊เห่เนอ เฮ๊อ.

Eastern Kayah Shadaw Dialect

³ ꤘꤣ ꤔꤣꤧ꤬ꤋꤢꤩ꤭, ꤟꤢꤨ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤤꤑꤢꤩ꤭ ꤊꤣꤧ꤭ꤢꤨ꤭ ꤡꤢꤪꤗꤣꤧ꤬ꤚꤢꤧ꤬ ꤒꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤗꤢꤩ꤬ꤜꤢꤪ꤭ꤊꤢꤧ꤭ꤘꤢꤩ꤭ ꤢ꤬ꤏꤣꤧꤢ꤬ꤋꤢꤩ꤭ꤔꤣꤧ꤬ ꤞꤤ꤭ ꤗꤢꤩ꤬ ꤜꤢꤪ꤭ꤊꤢꤧ꤭ꤘꤢꤩ꤭ ꤕꤥ꤬ꤓꤥ꤭ꤜꤢꤪ꤭ꤟꤣꤧ ꤟꤢꤨꤔꤣꤧ꤬ꤟꤣꤧ꤯ ꤞꤤ꤭ ꤥ꤬ꤞꤣꤧ꤭ꤖꤚꤢꤩ꤬ ꤜꤢꤪ꤭ꤏꤣꤧꤜꤢꤪ꤭ꤋꤢꤩ꤭ ꤊꤢꤧ꤭ꤘꤢꤩ꤭ ꤋꤚꤢꤧ꤮ ꤔꤢꤧ ꤤ꤬ꤒꤢꤩ꤭ ꤟꤢꤩꤔꤣꤧ꤬ꤗꤢ꤬, ꤞꤤ꤭ ꤒꤢꤩ꤬ꤥ꤬ꤞꤢꤧ꤭ꤚꤢꤧ꤭ꤏꤢ꤭ꤖꤚ꤫ꤢꤩ꤬ ꤚꤢꤧꤒꤥ꤬, ꤞꤤ꤭ ꤒꤢꤩ꤬ꤞꤤꤕꤜꤢꤪ꤬ ꤕꤣꤧ꤬ꤒꤤ꤭ꤕꤣꤧ꤬ꤒꤢ, ꤞꤤ꤭ ꤒꤢꤩ꤬ꤢꤩ꤬ꤗꤢꤦ꤬ꤥ꤭ꤖꤚꤢꤧ, ꤞꤤ꤭ ꤒꤢꤩ꤬ꤗꤢꤩ꤬ꤕꤝꤢꤩ꤬ꤗꤢꤩ꤬ꤜꤢꤨ꤭ ꤘꤣ ꤢ꤬ ꤥ꤬ꤔꤢꤧ ꤒꤢꤩ꤬ꤢꤩ꤬ꤒꤣꤧ꤬ꤜꤝꤢꤥ꤭ꤒꤣꤧ꤬ꤜꤝꤢ ꤒꤣꤧ꤬ꤟꤢꤩ꤬, ꤞꤤ꤭ ꤒꤢꤩ꤬ꤡꤢꤪꤙꤢꤩ꤭ ꤖꤚꤢꤩ꤬ꤛꤥ꤬ꤖꤚꤢꤩ꤬ꤊꤤ꤬ ꤘꤣ ꤜ꤫ꤢꤩ꤬ꤞꤤꤛ꤫ꤢꤪ꤬ꤞꤤꤙꤤ꤭ ꤚꤣꤧ ꤢ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤟꤣꤧ꤯

เปโตร อาเหร่อเล๊อ ต๊าบ่า 4:3 Iomraidhean Croise

ꤗꤢ꤬ꤊꤢꤨ 7:22

เตลอพา กู๊หว่ากู๊เว เอ่ ดื่ออาเง, เตซิค๊าซิเถ่ อู, แลโฮเอ่อู, เตเม มู๊แหม่รีแจ่, ซิเคว๊หนิอูเต, เป๊อเจ่ออิแช๊อู, แด่ดุอาเหน่, แรเต เรอ เตเน ตาเต โต่.

เพรโด่แนพู๊ เต๊เห่ 17:30

เบ๊อะอู ซิเง แล๋ จอแปแหร่ โต่ เบ๊อะเนอ, อา แม๊ เบ๊ขุตาโผ่แก แกแย เห่ขุพู๊ อาเตซื๊อ ฮู๊เนอ เต๊อเจ่อ แพ๊. หม่าแน๊เรอ กู๊แหน่เออเนอ, อา เฮ๊ตาเฮ๊อ อาโหง่ เร๊อ แกแย ปว๋า เตเพร เด๊อ อา โอ่ เด๊อ เหล่โอ่ เบ๊อะเต๋ โต๊โผ่เบ่เบ่ อา โตเบ่ ถู่แหล่เต๊เปล่กา แลแค อาซิปล่อ เร๊อ อา โตเบ่ ตีรี๊แม๊ กาคยาโต คยาแซ๊ เด๊อ จอแปแหร่ อา โอ่ ปว๋า เตเพร อา เฮ๊โท ฮู๊เนอ เฮ๊อ.

ꤚꤥꤗꤢꤩ꤬ 13:13

เออโตโพ๊เรอ, เป โอ่เซอเพร แซแร เอ่โอ เกออู ฮู๊ แกแย เด๊อ อา โอ่เซอ เพร เด๊อ เหมาะเชเกล เนอเต๊เห่ โป๋. เม ตอปลอแลยอ ป่วย เบ่เบ่, เอ่มือโอแพร๊ เบ่เบ่, สุ่ยหย่าเทอ อา เตซิหยื่อ มู๊แหม่ เต๊เห่ เบ่เบ่, เตเตเน ปาต๊าเปอเตอ เต๊เห่ เบ่เบ่, เตเตกย๊าตางา ลู เต๊เห่ เบ่เบ่, เตเตเน ซิเคว๊ ลู เต๊เห่ เบ่เบ่, เป เมปาโต่ เฮ๊อ โป๋.

โครินธ์ อาเหร่อเล๊อ ต๊าบ่า 12:2

เบ๊อะซี หยื่อเอ่แหน่ แต่ล๋าย แบ่เจ่ เหย่ซู่ โต่ เบ๊อะเนอ, ซี ครวาจว๊าซื๊อ เกอ ลอ เตแหย่โย เด๊อ อา เฮ๊เบ่แจ่โต่ เนอเต๊เห่อาคยา, เร๊อ อา ซูจว๊าซื๊อ ลอซีแกล๊.

โครินธ์ อาเหร่อเล๊อ ต๊าบ่า 6:11

เด๊อ ซีเกล เต๊เห่เห่ เนอ, เด๊อ เนอเค หม่า อา ทวา โทเฮ๊อ แกแยจา แกแยมู๊แหม่ แซ่เน๊อ เนอเฮ๊อ หม่าแน๊เรอ จอแปแหร่ ซู๊ปลีแก โทเฮ๊อ ซี เตซื๊อ เฮ๊อ. เร๊อ กู๊แหน่เออ ซี ทวา เฮ๊อ จอแปแหร่ อาเต เฮ๊อ. เด๊อ แบ่เจ่ เหย่ซู่ครี๊ เร๊อ จอแปแหร่ อา แหย่โยบูโพ๊ อาขว่าอาคยาเร๊อ, กู๊แหน่เออ, จอแปแหร่ แด่เฮ๊อ ซี ฮู๊ แกแยจ๊อแกแยเต เต๊เห่เนอ เฮ๊อ.

โครินธ์ เนอบ่า ต๊าบ่า 12:21

เด๊อ ซี เตก๊อถ่อโอ่แน เม แลแค ฮู๊เนอ อาขว่าอาคยา, แว เก่ แฮ โอ่เล เกอ ซี เออโต๊โผ่ ปาเนอ, ปาหม่า แว แม๊เถอะเบ่ ดื่อ เฮ๊อ เน๊อ เตซิเตเร เด๊อ จอแปแหร่ อา เป๊เส่เง ปา เฮ๊อ แว เตเน ซิอิเช ฮู๊เนอ. เมเตเฮ๊เรอ, เด๊อ อาเหร่อเคเนอ หม่า แกแย เด๊อ อา จว๊าซื๊อ เพรเหมาะเพรคู เต๊เห่, เตเน ปาต๊าเปอเตอ เต๊เห่ เร๊อ อา จว๊าซื๊อ อูพู๊อูเม เต๊เห่เนอ, อา ถู่แหล่แต๊แกละ ล๋าย อาซิปล่อ โต่. ฮู๊เนอเรอ เด๊อ แกแย เออเต๊เห่ อาขว่าอาคยา, แว เก่ โหง่ซื๊อโหง่เบ่ เจ๊อ เด๊อ เหย่ซีเง ปา เจ๊อกอ แว เบ่รอ ฮู๊เนอ.

ꤊꤢ꤬ꤜꤢ꤬ꤒꤤ 5:19

สุ่ยเทอพ๊าหย่า อาเตเม เนอเต๊เห่หม่า อา โอ่โล ลอหล่าตี๊กลิ เจ๊อ ฮู๊เต เฮ๊เนอเรอ อา จว๊าซื๊อ เพรเหมาะเพร คู, อา โอ่เซอเพร ซิรอซิเร, อาซิปล่อ ปาต๊าเปอเตอ,

ꤊꤢ꤬ꤜꤢ꤬ꤒꤤ 5:21

แม๊ปูเมเอ่ อูขุ, เตเอ่มือโอแพร๊, เมป่วย เด๊อ อา แลคื๊อ แลลอ เร๊อ เตเม อาโร เด๊อ อาแซ่ เร๊อ เออเนอเต๊เห่. ฮู๊ แว เด๊อะรอ รอหนิ โทเฮ๊อ ซี เด๊อ อาเหร่อเค เนอ เฮ๊อ, แว เด๊อะรอ รอหนิ โป่คยาแซ๊ ซี กู๊แหน่เออ. แกแย เด๊อ อา โอ่เซอเพร ฮู๊เออ เต๊เห่เนอ, อา พย๊าหนิ เกออู จอแปแหร่ เทอ เลเก่กู อา เตเด๊อะบุ๊ยเด๊อะเตอเรอ โต่.

เอเฟซัส 5:18

เอ่มือโอแพร๊ แลแค ซีเหน่ เร๊อ เทอเผร่ แต่เหม่ นี๋, เมเตเฮ๊เรอ เตเอ่มือโอแพร๊ เนอ อา เมปย๊า อู เตโอ่เซอเพร. ฮู๊เนอเรอโอ่เร๊อ แหย่โยบูโพ๊แบ่เจ่ เก่ โอ่เล๊อโอ่บา ดื่อ เด๊อ เนกู นี๋.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:5

นอเป๊อ แลหนิ แต่ ซีเหน่ เร๊อ เตลือเมโมเร๊อ เหน่เต๊เห่ เร๊อ เตปาต๊าเปอเตอ อา เตซิหยื่อซิลอ ฮู๊ แกแย เด๊อ อา ซิเง เกออู จอแปแหร่ โต่ เนอเต๊เห่ แต่เหม่ นี๋.

ꤒꤤꤒꤢꤨ 3:3

เมเตเฮ๊เรอ เด๊อ เหร่อเคเนอ เป เต๊เห่ หม่า แกแยบูบย่า แกแย จูเอ่ เกออู โหง่ โต่ เต๊เห่. เป หม่า แกแย เด๊อ อา ครวาซื๊อเกอ แกแย แลโฮ เต๊เห่ อาคยา. เป ทวา โทเฮ๊อ แกแย เด๊อ อา ซิหยื่อซิลอ เมโม เกอเร๊อ เหน่ เต๊เห่ อาหลู่เล๊ เฮ๊อ. เป โอ่เซอเพร เมลอแก อาม๊อเนอม๊อเซ เนอ เป เม เตมู๊แหม่รีแจ่ เนอ เตซิค๊าซิเถ่ อู เต๊เห่ เฮ๊อ. โท๊โต่ อู ซิเถ่ เป เร๊อ เป ซิเถ่ฉื่อ อู.

เปโตร อาเหร่อเล๊อ ต๊าบ่า 1:14

ซี หม่า แกแย เด๊อ อา หนิดา จอแปแหร่ อาโหง่ แซ่เน๊อ เป๊เจ่ฮู๊ เต๊เห่เนอ อาขว่าอาคยา, โอ่เซอเพร ปา แต่ แลแค เด๊อ เตซิหยื่อ มู๊แหม่ เต๊เห่ อากู ฮู๊ เด๊อ อาเหร่ออาเนอ เบ๊อะซี ซิเง แต่ล๋าย ครี๊ โต่ เบ๊อะเนอ เต๊เห่ แต่เหม่ นี๋.

ꤛꤢꤨꤘꤢ꤬ 1:4

เมเตเฮ๊เรอ, แกแย เด๊อ อา แด่ดุหยื่อแหน่ จอแปแหร่ โต่ เต๊เห่เนอ, อา แฮโนโห่ เฮ๊อ เด๊อ ซีเกล เฮ๊อ. แซ่ฮู๊ เหย่ซี เก่ เฮ๊เบ่ แลเปล๊ อาเหน่ เร๊อ อา เตโอ่เซอเพร แลโพร๊แลแพร เต๊เห่ อาเงเนอเรอ, อา ถู่แหล่ เต๊เปล่ ปย๊าแก เป แบ่เจ่ จอแปแหร่ อาบุ๊ยอาเตอเรอ เออเนอเต๊เห่ อาหรี่อาแก เฮ๊อ. โท๊โต่ เหย่ซี เออเต๊เห่เนอ อา หยื่อเอ่ เกออู เป ทวาดุทวาเต แบ่เจ่ เหย่ซู่ครี๊ เออเนอ โต่. ฮู๊ ลีเทส่อพ๊า แด๊โฉ่ หนื่ออื่อ เฮ๊อ เตเมจากาคยา เต๊เห่เนอ เหย่ซี เก่ พย๊าหนิ ลอปลี เจ๊อ ปา.