เปโตร อาเหร่อเล๊อ ต๊าบ่า 4:2 - ลีเทส่อพ๊าอาเซ เร๊อ เห่ขุทวาลู๊

² ฮู๊เนอเรอ เป๊อแถ่ กู๊แหน่เออ ตาแฮเง เนอ, ซี ม๊อเนอม๊อเซ เด๊อ อา โอ่แกปา เด๊อ เห่ขุเออ เต๊เห่เนอ ซี เบ่ โอ่เซอเพร ฮู๊ จอแปแหร่ อา เตซิหยื่อ เนอ. ซี เบ่ โอ่เซอเพร หนิ ปา ฮู๊ แกแย อา เตซิหยื่อ มู๊แหม่ เนอเต๊เห่ โต่เฮ๊อ.

Eastern Kayah Shadaw Dialect

² ꤟꤢꤨꤔꤣꤧ꤬ꤚꤣꤧ꤬ ꤡꤢꤓꤢꤧ꤬ ꤊꤢꤨꤔ꤫ꤢꤧ꤬ꤣꤧ꤭ ꤒꤢ꤭ꤟꤢꤧ꤭ꤑꤢꤩ꤭ ꤚꤣꤧ꤬, ꤞꤤ꤭ ꤗ꤫ꤢꤪ꤬ꤔꤣꤧ꤭ꤗ꤫ꤢꤪ꤬ꤞꤢꤩ꤭ ꤘꤣ ꤢ꤬ ꤥ꤬ꤊꤢꤧ꤭ꤕꤢ꤬ ꤘꤣ ꤟꤢꤩ꤬ꤋꤢꤨ꤬ꤣꤧ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤞꤤ꤭ ꤙꤢꤩ꤬ ꤥ꤬ꤞꤣꤧ꤭ꤖꤚꤢꤩ꤬ ꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ ꤔꤣꤧ꤬꤯ ꤞꤤ꤭ ꤙꤢꤩ꤬ ꤥ꤬ꤞꤣꤧ꤭ꤖꤚꤢꤩ꤬ ꤔ꤫ꤤ꤬ ꤕꤢ꤬ ꤟꤢꤨ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ ꤗꤢꤨꤗ꤫ꤢꤧ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤒ꤫ꤥ꤬ꤟꤣꤧ꤯

เปโตร อาเหร่อเล๊อ ต๊าบ่า 4:2 Iomraidhean Croise

มัทธิว 12:50

เมเตเฮ๊เรอ แกแย เด๊อ อา เมโต ฮู๊ แวเพ เด๊อ ม๊อขุ เตเพร อา เตซิหยื่อ เนอเต๊เห่ หม่า, หม่าเฮ๊อ แวโป่แวแหม่ เต๊เห่ เร๊อ แวโหมะเฮ๊อ.”

มัทธิว 20:4

เร๊อ อา เฮ๊ เหย่ซี เน๊อ, ‘แฮ แรเกอ แลแค เด๊อ แว แท๊ทือเผ่ขุ เนอ เร๊อ แว เก่ แม๊ เด๊อะโตเด๊อะเบ่ เป่ดื่อ ซี อาคว๊าอาเก่ ปา.’

มัทธิว 21:31

“พู๊เพรคู เออซิเนอเนอ, อา หนิดา อา เพ เต เบ๊อะเต เตเพรเต?” เร๊อ เหย่ซี เฮ๊ฉื่อ ลู เน๊อ, “อาดุ เตเพร.” เร๊อ แบ่เจ่ เฮ๊ เหย่ซี เน๊อ, “แว เฮ๊จ๊อจ๊อ ซี, เพรกุยอาหมู่อาร๊า เร๊อ แม๊เผ่โหมะ จว๊าโน เผ่แก เฮ๊อ ซี เด๊อ ม๊อขุ เฮ๊อ.

มัทธิว 7:21

“ล๋อ แกแย เด๊อ อา เอ๊ แว เน๊อ, ‘แบ่เจ๋ แบ่เจ่เนอ’ อา โน หนิลอ เด๊อ ม๊อขุ เทอเลเก่กู ปว๋า เตเพร หม่าโต่. อา โนหนิ ตื้อแพ๊ ดื่อ แกแย เด๊อ อา เมโตเมเบ่ แวเพ เด๊อ ม๊อขุ เตเพร อาซิปล่อ เนอเต๊เห่ แพ๊.

ꤗꤢ꤬ꤊꤢꤨ 3:35

แกแย เด๊อ อา เมโต ฮู๊ จอแปแหร่ อา เตซิหยื่อ เนอเต๊เห่หม่า หม่าเฮ๊อ แวโป่ แว แหว่ เร๊อ แวโหมะ เฮ๊อ,” อา เฮ๊ ฮู๊เนอ.

ꤗꤢ꤬ꤊꤢꤨ 7:21

เต เด๊อ อา โอ่ เด๊อ แกแย ซิปล่อกู อาเถ่ เต๊เห่ เนอหม่า หม่าเฮ๊อ เหล่เตเน มู๊แหม่รีแจ่ เต๊เห่, เมซื๊อ เพรเหมาะเพรคู, เอ่โห่เอ่ฮี๊, เมเซอ แกแย, เมซื๊อ อูเมอูเว,

ꤛꤥ꤭ꤟꤢ꤬ 1:13

เหย่ซี ทวาแถ่ แจ่ จอแปแหร่ อา พู๊เหมาะ พู๊คู ฮู๊ แกแย เหล่โกล กาโอ่เป๊เจ่แล เกอเร๊อดื่อเนอ หม่าโต่. หม่าโต่เรอ ฮู๊ สุ่ยเทอ พ๊า หย่า พู๊โอ่หนิ ฮู๊เนอ เต๊เห่ หม่าโต่. โทเรอ ฮู๊ โหมะเพ โอ่เมอเต่อลู เร๊อ อาพู๊ โอ่ เกอเร๊อดื่อ เนอ หม่าโต่โต่. หม่าดื่อ เหย่ซี ทวาแถ่ แจ่ จอแปแหร่ อา พู๊ ฮู๊ จอแปแหร่ อาซิปล่อ โอ่เกอ เร๊อดื่อ เนอแพ๊.

ꤛꤥ꤭ꤟꤢ꤬ 7:17

แกแย เตเพรเพร เก่ ซิหยื่อ ลือเมโต จอแปแหร่ อาซิปล่อ เฮ๊เนอ, เตอิซว๊าอี๊แส่ เออเต๊เห่ เนอหม่า อา โอ่ เด๊อ จอแปแหร่ อา โอ่แฮ แอ? หม่าโต่เรอ แว เฮ๊เบ่ เกอเร๊อดื่อ เน๊อ แว เตอเรอฉว่าชอ แอ, เนอ อาเกล๊ ซิเง แหน่ แพ๊.

ꤚꤥꤗꤢꤩ꤬ 12:2

โอ่เซอเพร แม๊บือเกอ เต ฮู๊ แกแย เด๊อ อา ซิเง เกออู จอแปแหร่ โต่ เนอเต๊เห่ อาเหล่โกล โอ่เซอเพร เนอแต่เหม่ นี๋. แซ่ฮู๊ ซี เก่ โอ่เซอเพร โค๊ดื่อ เร๊อ เหย่ ซีเนอ เร๊อ, นอถู่แหล่ เต๊เปล่เซ โค๊แก ซี เหล่เตเน เต๊เห่เนอ เร๊อ จอแปแหร่ เนอ นี๋. ซี เก่ เมฮู๊เนอ ตื๊อหม่า ซี ซิเงแฮเบ๊ แพ๊ เต เด๊อ จอแปแหร่ ซิหยื่อ นอเม ซีเนอ เต๊เห่ แพ๊. ตื๊อเรอ ซี เก่ ซิเงแฮ เตแร๊, เตเมโม จอแปแหร่ อาซิปล่อ, เร๊อ เตซิเง เล๊อบาแฮ จอแปแหร่ อา เตซิหยื่อ เต๊เห่ ปา แพ๊.

ꤚꤥꤗꤢꤩ꤬ 14:7

เป โอ่เซอเพร ตื๊อดื่อ เปเง หม่าโต่. โทเรอ เป เซอตื๊อดื่อ เปเง หม่าโต่.

ꤚꤥꤗꤢꤩ꤬ 6:11

แซ่เน๊อเนอเฮ๊อ, ซี โตเบ่ เฮ๊แลหนิ แลแค ซีเหน่ เนอ, เตซื๊อ อาเต เต๊เห่เนอ, เป เบ่แด่แก อา ฮู๊ แกแยเซอ เด๊อ อา เมแจ่ปา เตซื๊อ โต่ เนอ. หม่าแน๊เรอ ซี เร๊อ เหย่ซู่ครี๊ หม่า ซี ทวาแถ่เฮ๊อ ลู เต เต๊อเจ๋อ โต เฮ๊อ อาขว่าอาคยา, ซี โตเบ่ โอ่เซอเพร เมลี เมตาเคแถ่ แลแค จอแปแหร่.

ꤚꤥꤗꤢꤩ꤬ 6:2

ฮู๊เนอ หม่าโต่. เป หม่า อาแซ่เน๊อ แกแย เด๊อ อา เซอ เร๊อ อา เม แฮเง แจ่ปา เตซื๊อ โต่ เออเนอ เตเพร เฮ๊อ. ฮู๊เนอเรอ เป จว๊า โอ่เซอเพร เม แฮเง แจ่ปา เตซื๊อ ฮู๊เต?

ꤚꤥꤗꤢꤩ꤬ 7:4

ฮู๊เนอเรอ, แว โป่แหว่ ซี๋, เบ๊อะครี๊ เซอ เด๊อ อี๊ถื่อดีเต่ลู เบ๊อะเนอ, อา แซ่เฮ๊อ เร๊อ ซี เซอ เต่อเกอเฮ๊อ เร๊อ ลู เฮ๊อ อาขว่าอาคยา, ซี โอ่ปา เด๊อ เตซว๊าเตแส่ อา เตเป๊อเตเบ่ อาเล โต่ เฮ๊อ. กู๊แหน่เออ ซี ทวาแถ่เฮ๊อ เต๊อเจ๋อโต เร๊อ อา เด๊อ จอแปแหร่ เมเซอเพร กาคยา ลู เด๊อ เตเซอ เออเนอ เตเพร เฮ๊อ. เด๊อ เตเมทวาแถ่ เฮ๊อ ฮู๊เออ อาขว่าอาคยา, ซี เก่ เส่เถ่โพเถ่ แลแค เต เด๊อ อาแร๊ เต๊เห่ เร๊อ อา ทวาบุ๊ย ทวาเตอเรอ เป่ เด๊อ จอแปแหร่ อาเง.

โครินธ์ เนอบ่า ต๊าบ่า 5:15

เป เด๊อ อา เซอเพร เออเต๊เห่เนอ, แซ่ฮู๊ เป เก่ ครวา โอ่เซอเพร แฮเง ปา แต่ ฮู๊ เป ซิปล่อ อา เตซิหยื่อซิลอ เนอเต๊เห่ แต่เหม่, แซ่ฮู๊ เป เก่ ครวา โอ่เซอเพร แฮเง เกอ ฮู๊ เพร เด๊อ อา ข่าเซอ โทเป่เฮ๊อ เด๊อ เปเง เร๊อ อา ก๊อถ่อเซอเพร กาคยา โทเฮ๊อ เออเตเพร อาเงเนอ, แบ่เจ่ ข่าเซอ เป่ เฮ๊อ เด๊อ เป ปว๋า เตเพร อาเง เฮ๊อ.

เอเฟซัส 2:3

เด๋อ อาเหร่อเค เนอหม่า, เป โอ่เซอเพร แซ่เน๊อ เหย่ซี เนอเฮ๊อ. เป โอ่เซอเพร ฮู๊ เป่ ซิปล่อ เหล่โกล ซิหยื่อ เมเตซื๊อ เนอเต๊เห่ แพ๊. เป จว๊าเมโม เปเหน่ เร๊อ เปเหน่กล่อ สุ่ยเทอ เหล่โกล ซิหยื่อ มู๊แหม่ เนอเต๊เห่ เร๊อ เหล่เตเน มู๊แหม่ เต๊เห่. จอแปแหร่ โตเบ่เมจากาคยา เกอ เจ๊อ เป ฮู๊ เหย่ซี เนอ เจ๊อ.

เอเฟซัส 4:17

ฮู๊เนอเรอ, เด๊อ ครี๊ อามุย อากู เร๊อ แว เบ่ เฮ๊ชอชอ แหน่ ซี เร๊อ โอ่เซอเพร แลแค แต่ ฮู๊ แกแย เด๊อ อา ซิเง จอแปแหร่ โต่ เนอเต๊เห่ โอ่เซอเพร เนอ แต่เหม่. เหย่ซี อาเหล่เตเน เต๊เห่ เนอหม่า อาบุ๊ยอาเตอเรอ โอ่ เตอเจ๋อ โต่.

เอเฟซัส 5:17

ฮู๊เนอเรอ โอ่ ตอครอ แลแค แต่เหม่ นี๋. แบ่เจ่ ซิปล่อโอ่ แคร๋ ฮู๊เตเนอ แม๊ปู ซิเงเกอ แลแค นี๋.

เอเฟซัส 6:6

แซ่ฮู๊ อา เก่ ถู่เซ๊หนิ ซี เร๊อ ซี หนิดา แพ๊ เหย่ซีโหง่ ตื๊อแพ๊ เบ๊อะอา โอ่ป่อแม๊ ซี เบ๊อะเนอ แต่เหม่ นี๋. เมเตเฮ๊เรอ ซี หม่า ครี๊ อาหลู่ เต๊เห่ อาขว่าอาคยา, เม ลอซิปล่อ เชเม เป่ เหย่ซี ฮู๊ จอแปแหร่ ซิหยื่อ นอเม ซี เนอ นี๋.

โคโลสี 1:9

ฮู๊เนอเรอ, เป๊อแถ่ เบ๊อะเป หนิโฮเบ่ อาเมวกู เนอ เตอเนอเนอ, เป แด่โอ่โก๊แกน๊อ เป เตกุยจ๊อเบ เด๊อ ซีเง โตโพ๋ โต่. เป กุยจ๊อเบ จอแปแหร่ เด๊อ อา เก่ เด๊อะตา เล๊อบา ล๋อปลี ซี เตแจ่เตลีแม เด๊อ แหย่โย ตากยา เร๊อ เตซิคว๊าซิเง เด๊อ แหย่โย ตากยา เร๊อ เด๊อ เออเต๊เห่ อาขว่าอาคยา, เป กุยจ๊อเบ จอแปแหร่ เร๊อ อา เก่ เด๊อซิเง เล๊อเล๊อบาบา เป่ ซี เร๊อ ซี เก่ แรเต ฮู๊ อาโต ลูซิปล่อ เนอเต๊เห่.

โคโลสี 3:3

เมเตเฮ๊เรอ, ซี เซอเต่อ โทเฮ๊อ เร๊อ ครี๊ เฮ๊อ เร๊อ กู๊แหน่เออ ซี พย๊าหนิ เต่อเกอเฮ๊อ ซิปล่อเซอเพร อาเซ เน๊อ ครี๊ เฮ๊อ. โท๊โต่ ซี ทวาแถ่ เฮ๊อ เตเตอเจ๋อโต เฮ๊อ เร๊อ จอแปแหร่ เฮ๊อ. แกแย เต๊เห่เนอ อา ซิเงโปล เกอเฮ๊อ ซิปล่อเซอเพร อาเซเออ ล๋ายโต่.

โคโลสี 4:12

คูเอปาฟรัส หม่า ซี ดอกูพู๊ เตเพรเพร. อา หม่า อา ทวา ครี๊ อาหลู่ เตเพร. อา เฮ๊โมเฮ๊แร๊ แฮหนิ ซี. อา ซิปล่อฉว่า เร๊อ อา กุยจ๊อเบ โตโมโตโม เป่ เจ๊อ เด๊อ ซีเง เจ๊อ. แซ่ฮู๊ ซี เก่ โอ่หม่าโอ่กลอ เด๊อ ซี เตหยื่อเตแหน่ อากู เร๊อ ซี เก่ ดุแถ่เบ๊ แลแค เด๊อ แหย่โย ตากยา, โท๊โต่ แซ่ฮู๊ ซี เก่ หยื่อเอ่ ซิเงแฮ ตาเตโป่ จอแปแหร่ อา เตซิหยื่อ ปว๋า เต๊อเจ่อ อาเงเนอเรอ, อา กุยจ๊อเบ เป่ เด๊อ ซีเง.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:18

อา ทวาแถ่ ฮู๊เตเต๋ เบ่เบ่, ตูรู๊ เฮ๊บุ๊ยเฮ๊เตอเรอ แลแค จอแปแหร่ ปว๋า โตโพ๊ นี๋. เมเตเฮ๊เรอ, เด๊อเหย่ซู่ครี๊ อาขว่าอาคยา, จอแปแหร่ ซิปล่อโอ่ เด๊อ ซี โต เม ฮู๊เนอ.

ꤡꤛꤢꤩ꤭ꤗꤢ꤬ꤎꤣ꤬ 1:18

เด๊อ เป หนิโฮ เตซิครือมีลา เตหมะเตจ๊อ อาขว่าอาคยาเร๊อ, จอแปแหร่ เด๊อะทวาแถ่ เฮ๊อ เป เน๊อ อาพู๊ จู๋ ดื่อ ฮู๊ อาซิปล่อ เร๊อดื่อ เนอเฮ๊อ. แซ่ฮู๊ เป เก่ ทวาแถ่ ส่อเส่ เด๊อ อาเส่เหร่อเล๊อ อู เต๊เห่ เด๊อะ เตแบ๊แล ล๋อ ปลี เออเต๊เห่ อาเกล เนอเรอ, อา เด๊อะทวาแถ่ เฮ๊อ เป เน๊อ อาพู๊ แพ๊.

เปโตร อาเหร่อเล๊อ ต๊าบ่า 1:14

ซี หม่า แกแย เด๊อ อา หนิดา จอแปแหร่ อาโหง่ แซ่เน๊อ เป๊เจ่ฮู๊ เต๊เห่เนอ อาขว่าอาคยา, โอ่เซอเพร ปา แต่ แลแค เด๊อ เตซิหยื่อ มู๊แหม่ เต๊เห่ อากู ฮู๊ เด๊อ อาเหร่ออาเนอ เบ๊อะซี ซิเง แต่ล๋าย ครี๊ โต่ เบ๊อะเนอ เต๊เห่ แต่เหม่ นี๋.

เปโตร อาเหร่อเล๊อ ต๊าบ่า 2:1

ฮู๊เนอเรอ, ซิค๊าซิเถ่ ปา แต่ อู แต่เหม่. ล๋อ เตแลโฮแลแห่, เตจ่าจ๊อจ่าเต, เตซิเคว๊, เตแด๊เหม่อเถ่อโย ซี เต๊เห่เนอ โตเบ่ โอ่ ปาโต่.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:17

เห่ขุเออ เร๊อ อิเตเต๋ เบ่เบ่ เด๊อ โอ่ เด๊อ ลูกู ล๋อ ปลี เด๊อ แกแย ซิหยื่อซิลอ ลู เต๊เห่เนอ, อา เก่ โอ่เหม่แก ลอ ปา, หม่าแน๊เรอ แกแย เด๊อ อา เมโต จอแปแหร่ อาซิปล่อ เต๊เห่เนอ, อาเกโอ่เซอเพร ตูจูเพร แตแลเคร๊ ปา.