Biblia Todo Logo
Bìoball air-loidhne

- Sanasan -




เปโตร อาเหร่อเล๊อ ต๊าบ่า 1:1 - ลีเทส่อพ๊าอาเซ เร๊อ เห่ขุทวาลู๊

1 แว ราจว๊าเป่ ลีเออ เด๊อ แกแย เด๊อ จอแปแหร่ นว๊าแถ่ ลู เร๊อ อา จว๊า โอ่โก๊ แตแปล๊เตอเปล๊อ, อา จว๊า ทวา ซิเผระ เด๊อ อูเทออูเก่, เร๊อ อา โอ่ จว๊าปีชี ลอ เด๊อ อาเหล่โอ่ ปว๋า โต๊โผ่ เด๊อ ปอนทัสเก่, กาลาเทียเก่, คัปปาโดเซียเก่, กาลาเทียเก่, คัปปาโดเซียเก่, เอเซียเก่ เร๊อ บิธีเนียเก่กู เนอเต๊เห่ อา โอ่. แว หม่า คูเปโตร, แว หม่า เหย่ซู่ครี๊ อา เพรโด่แน เตเพร.

Faic an caibideil Dèan lethbhreac

Eastern Kayah Shadaw Dialect

1 ꤠꤢꤧ꤭ ꤚꤢ꤭ꤡꤝꤢꤕ꤫ꤢꤩ꤬ ꤜꤤ꤬ꤣꤧ꤭ ꤘꤣ ꤊꤣꤧ꤬ꤛꤢꤧ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤔꤝꤢꤓꤢꤧ꤬ ꤜꤢꤨ꤭ ꤚꤣꤧ꤬ ꤢ꤬ ꤡꤝꤢ ꤥ꤬ꤊꤥ ꤒꤣꤧ꤬ꤕꤜꤣ꤬ꤒꤣꤧ꤬ꤕꤜꤢꤧ, ꤢ꤬ ꤡꤝꤢ ꤓꤝꤢ꤭ ꤞꤤꤖꤚ꤫ꤢꤩ꤬ ꤘꤣ ꤢꤨ꤭ꤓꤣꤧ꤭ꤢꤨ꤭ꤊ꤫ꤢꤩ꤬, ꤚꤣꤧ꤬ ꤢ꤬ ꤥ꤬ ꤕꤣꤧ꤬ꤏꤤ꤭ꤡꤝꤢ ꤜꤢꤪ꤭ ꤘꤣ ꤢ꤬ꤜ꤫ꤢꤩ꤬ꤥ꤬ ꤕꤝꤢ꤭꤮ ꤒꤣ꤬ꤖꤥ꤬ ꤘꤣ ꤕꤢꤪ꤬ꤒꤢꤨꤊ꤫ꤢꤩ꤬, ꤊꤢ꤬ꤜꤢ꤬ꤒꤤꤊ꤫ꤢꤩ꤬, ꤊꤢ꤬ꤕꤢ꤬ꤘꤢ꤬ꤊꤤꤊ꤫ꤢꤩ꤬, ꤢ꤬ꤏꤛꤢꤊ꤫ꤢꤩ꤬ ꤔꤢꤧ ꤙꤤ꤬ꤞꤢꤨ꤬ꤔꤤꤊ꤫ꤢꤩ꤬ꤊꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ ꤥ꤬꤯ ꤠꤢꤧ꤭ ꤗꤢ꤬ ꤋꤢꤨ꤭ꤕꤢꤩ꤬ꤒꤢ꤬ꤚꤢꤨ, ꤠꤢꤧ꤭ ꤗꤢ꤬ ꤛꤢꤩ꤬ꤏꤛꤢꤨꤋꤚꤤ ꤢ꤬ ꤖꤚꤢꤩ꤬ꤘꤥ꤬ꤔꤢꤧ꤭ꤖꤢꤨ ꤒꤣ꤬ꤖꤚꤢꤩ꤬꤯

Faic an caibideil Dèan lethbhreac




เปโตร อาเหร่อเล๊อ ต๊าบ่า 1:1
34 Iomraidhean Croise  

เพรโด่แนพู๊ เต๊เห่ เช๊อซิเนอ อามุย หม่า แคร๋ อูเป เฮ๊เร๊อ, อาเหร่อเล๊อ เตเพร หม่า อามุย เร๊อ คูซีโมน หม่าโต่เรอ อู เอ๊ ลู เร๊อ คูเปโตร เร๊อ อาโป่ คูอันดรูว์, โทเรอ เพเศเบดี อาพู๊เพรคู คูยากอบ เร๊อ อาโป่ คูยอห์น,


จอแปแหร่ เก่ เมโผ่ เป่ เตจาเตจือ เออ เบ๊อะโต่ เฮ๊เนอ, แกแย โอ่เซอเพรเบ๊ เตเพร่ว โต่. หม่าแน๊เรอ จอแปแหร่ ลอ แม๊ แกแย เด๊อ อา นว๊าแถ่ เออเต๊เห่ อาเป๊เส่ อาขว่าอาคยา, อา เก่ เมโผ่แฮ ม๊อเนอ ม๊อเซ เต๊เห่ ปา.


เบ๊อะเหย่ซู่ จว๊า รว๊า กาลิลี เทออ่อทือ เบ๊อะเนอ, อา แม๊เถอะ โป่ เร๊อ แหม่ ซิเนอ เตเพร เร๊อ อามุย เร๊อ คูซีโมน โต่เรอ อู เอ๊ ลู เร๊อ คูเปโตร, เร๊อ อาโป่ คูอันดรูว์. เบ๊อะเนอโตโพ๊ เหย่ซี อาจว๊า วีเอ่ เต๊ว เร๊อ ตีวี เด๊อ เทอ อ่อทือ, เมเตเฮ๊เรอ อา แม๊ปูเอ่ แลแค แพ๊ อาฮ๊อกูเฉ่ เร๊อ เต๊ว แพ๊.


แกแย เด๊อ จอแปแหร่ นว๊าแถ่ อา เต๊เห่เนอ, เก่ อา กุย เตเมจว่า ปวาเนอปวาเซ เฮ๊เรอ, จอแปแหร่ เด๊อะโตเด๊อะเบ่ เป่ เหย่ซี โต่หม่า อา โอ่แจ่ แหน่ แอ? แซ่ฮู๊ อา เก่ เมจว่า เป่ อู อาเง เนอเร๊อ อา เก่ เมคอเมยอ ปา แอ?


โทเรอ อา เตเฮ๊โพร เออเนอ, อา โตแพ๊ตื่อ เหย่ซู่ เก่ เซอ เป่ เด๊อ แกแยยิวพู๊ เต๊เห่ อาเง เนอหม่าโต่, อา เก่ เซอโต่ เป่เกอ จอแปแหร่ อาพู๊อาเลอ โอ่ แลแค เด๊อ เทอเก่ อาโร เต๊เห่ อาเงเง. แซ่ฮู๊ อา เก่ เมทวาแถ่ แกแย เออเต๊เห่ ตู๊หมู่หมู๋ แพ๊ ปา อาเงเนอ, อู เบ่ เมเซอ ลู ปา.


แกแยยิวพู๊ ทวาดุทวาเต เต๊เห่ เฮ๊ เกอเร๊อ ลู เตเพร เร๊อ เตเพร เร๊อ อา เฮ๊ แลแค เน๊อ, “เป แม๊เถอะ แจ่ อา โต่ อา เฮ๊ เนอหม่า, อา เตเร เตเน จว๊า โต เบ๊อะแอ๋? หม่า อา เตเร จว๊า เด๊อ เป แกแยยิวพู๊ จว๊าโอ่ เกออู เด๊อ ครี๊พู๊ เนอเต๊เห่ อาเกล เร๊อ อา เตเร จว๊า อิซว๊าเป่ กรีกพู๊ เบ๊อะเนอเต๊เห่ แอ?


เร๊อ อา จว๊า แม๊เถอะ ตาฉื่อ เร๊อ แกแยยิวพู๊ เตเพร เด๊อ อามุย เร๊อ เพอาควิลลา เออ เบ๊อะเนอ โต๊โผ่. เพอาควิลลา เออเนอ, อา โอ่ เป๊เจ่เค เด๊อ วีปอนทัส เร๊อ อา เร๊อ อาเม โหมะปริสสิลลา แฮโต่เซ แลแค ปาแพ๊ เบ๊อะเนอ แพ๊. คุ๊ยดุ คูครวาดิอัส เฮ๊ตาอาโหง่ เน๊อ ล๋อ แกแยยิวพู๊ เต๊เห่เนอ, เบ่ เถ่จว๊าแก ลอปลี เบ๊อะวีโรม อากูเออ. เด๊อ คุ๊ย เฮ๊ตา อาโหง่ ฮู๊เออ อาขว่าอาคยา, เร๊อ คูอาควิลลา เออ เร๊อ อาเม โหมะปลิสสิสลา เถ่จว๊าแก เด๊อ อิตาลี เก่กู เร๊อ แฮโต่ แลแค เบ๊อะเออ แพ๊. เร๊อ คูเปาโล จว๊า แม๊เถอะ ตาฉื่อ เร๊อ เหย่ซี.


อา จว๊าแล โอ่ เบ๊อะเนอ แตแปล๊เตอเปลอฮู๊ เร๊อ อา เถ่จว๊าแก คยา. อา จว๊าเล เบ๊อะกาลาเทียเก่ เร๊อ ฟรีเจีย เก่กูเนอ โต๊โผ่ โท โต๊โผ่. โทเรอ อา จว๊า เด๊อ ฉว่าเด๊อชอแถ่ เป่ เพรหยื่อเอ่ โอ่ เบ๊อะเนอ เต๊เห่ อาอ๊าอาเหร่.


เร๊อ อา จว๊า เมโหร่เกอ เตเบ๊อะเนอ เนอหน่า. ฮู๊เนอเรอ ล๋อ แกแยยิวพู๊ เร๊อ แกแยยิวพู๊ หม่าโต่ เต๊เห่ เด๊อ อา โอ่ เด๊อ เอเชียเก่กู เต๊เห่ หนิโฮน๊อ เกอ แบ่เจ่ อาลาอาโหง่.


หม่าแน๊เร๊อ แกแย เด๊อ อา เคร๊ฉื่อ ลู เนอ อา โอ่ เต๊เห่. เหย่ซี หม่า แกแย ตู๊หมู่ เด๊อ อา โน โอ่เตอเกอ เด๊อ (ฮู๊ อู เอ๊ เหย่ซี เร๊อ) แกแยยิวพู๊ เด๊อ อา พย๊าหนิ เตปาลา เต๊เห่ อา เตจ๊อเบโฮ ตู๊หมู่ตอกล๊อ. เหย่ซี หม่า อา โอ่ เด๊อ วีไซรีน เร๊อ วีอเล็กซานเดรีย อากู. เหย่ซี เออเต๊เห่ เร๊อ แกแยยิวพู๊ เด๊อ อาโรเต๊เห่ เด๊อ อา โอ่ เด๊อ ซีลีเซียเก่ เร๊อ เอเชียเก่ ซี เต๊เห่เนอ, อา เป๊อแถ่ เคร๊แขระฉื่อ คูสเทเฟน.


เพรหยื่อเอ่พู๊ เด๊อ อา แกล่ จว๊าโพร๊จว๊าแพร แก ลอ ลู เต๊เห่เนอ, อา จว๊าเต่อลอ เด๊อ เหล่โอ่ ปว๋า โต๊โผ่ เร๊อ อา จว๊าเล แด๊โฉ่โด่แน เป่ อู เร๊อ เหย่ซู่ อา เตซิครือซิลอมีลา อาหรี่อาแก เออเต๊เห่.


เพรหยื่อเอ่เต ตู๊หมู่ตอกล๊อ เด๊อ อา โอ่ เด๊อ เอเซียเก่กู เออเต๊เห่ ซูแฮ เป่ ซี อาเตเฮ๊โมเฮ๊แร๊ เต๊เห่. เพอาควิลลา เร๊อ อาเม โหมะปริสสิลลา เร๊อ เพรหยื่อเอ่เต ตู๊หมู่ตอกล๊อ เด๊อ อา แฮจ๊อเบ เด๊อ อาหี่ เต๊เห่ ซูแฮ เป่เกอ ซี เหย่ซี อาเต เฮ๊โมเฮ๊แร๊ เด๊อ ครี๊ อากู.


โป่แหว่ ซี๋, เป ซิหยื่อ เด๊อะ ซิเงโล เป่เกอ ซี เร๊อ เบ๊อะเป โอ่ เด๊อ เอเซียเก่ ดุกู เบ๊อะเนอ, เป ข่าเบ่ แหน่เจ๊อ เตจาเตจือ เต๊เห่ อาหรี่อาแก. เตจาเตจือ เด๊อ เป ข่าเบ่ เออเนอ, อาจาอาจือ ตาลว๊าซิลือ เจ๊อ อาขว่าอาคยา, เป เซอเจ๊อเฮ๊อ ปาก๋อ เป เตเน เจ๊อ ฮู๊เนอ.


เตเน กาคยา เกอเร๊อ แลแค ซีเหน่ เด๊อ เหร่อเคเนอ เนอเต๊เห่, เบ๊อะเนอเค หม่า ซี ซิเง เกอแต่อู ครี๊ โต่, เร๊อ ซี โอ่เต่อเกอ เด๊อ อิสราเอล เนอเต๊เห่ อาเกล ล๋ายโต่. เด๊อ จอแปแหร่ เร๊อ อาแกแย เต๊เห่ เอ่กลอเอ่หม่า ลูโหง่ เร๊อ อา อ๊อแล เกอเร๊อ อาแกแย เต๊เห่ อาเกลเนอหม่า, ซี โอ่เต่อเกอ ล๋ายโต่โต่. ซี โอ่เซอเพร เด๊อ เห่ขุเออ เนอ, ซี โอ่เซอเพร โชโด จอแปแหร่, ซี โอ่เซอเพร โชโด เตแม๊ชือ แลแค แพ๊.


เก่ เมฮู๊เนอเรอ, ซี แกแยยิวพู๊ หม่าโต่ เออเต๊เห่เนอ, ซี ทวาปา เทอโรเก่กลอพู๊ เต๊เห่ หม่าปาโต่ เฮ๊อ, หม่าโต่เรอ ซี ทวาปา ซิเผระ เต๊เห่ หม่าปาโต่ เฮ๊อ. กู๊แหน่เออ ซี ทวาโต่ แซ่เกอเฮ๊อ จอแปแหร่ อา เทอพู๊เก่พู๊ แซ่เน๊อ อาแกแย เออเนอเต๊เห่ เฮ๊อ. โท๊โต่ ซี หม่า จอแปแหร่ อา หี่พู๊แพพู๊ เต๊เห่ เฮ๊อ.


เน ซิเง เร๊อ ล๋อ แกแย โอ่ เด๊อ เอเซียเก่กู เต๊เห่เนอ เหย่ซี ตีรี๊ จว๊าโค๊แก ลอปลีเฮ๊อ แว เหล่ เฮ๊อ เร๊อ เด๊อ เหย่ซี เนอเต๊เห่ อาเกลเนอหม่า, คูฟีเจลัส เน๊อ คูเฮอร์โมเกเนส โอ่เต่อเกอดื่อ เบ๊อะเนอ.


ล๋อ แกแย เด๊อ จอแปแหร่ อ๊อแล เด๊อ อา เก่ เด๊อะ ลู เออเต๊เห่เนอ อา หยื่อเอ่ ตื๊อดื่อหนิ จอแปแหร่ โต่ เจ๊อ เบ๊อะอา เซอ แลแค เนอเตอเนอ เจ๊อ. เต เด๊อ จอแปแหร่ อ๊อแลแก ลู เด๊อ อา เก่ เด๊อะ เหย่ซี เออเต๊เห่เนอ, อา พย๊าหนิ ล๋ายโต่, หม่าแน๊เรอ เหย่ซี แม๊เถอะ หนื่ออื่อ เหร่อ งย๋า ลาเฮ๊อ เร๊อ อา ซิครือ พย๊าฉื่อ หนื่ออื่อ เหร่อเฮ๊อ เตอ๊อแล เออเต๊เห่ เฮ๊อ. เหย่ซี อ๊อแล แลแค เร๊อ เหย่ซี หม่า อา จว๊า ทวา ซิเผระ เด๊อ อูเทออูเก่ แพ๊, เร๊อ เหย่ซี แฮ โอ่โก๊ล๊าเกอ เบ๊อะเห่ขุเออ แตแปล๊เตอเปลอฮู๊ แพ๊, อา เฮ๊ แลแค ฮู๊เนอ.


แว หม่า คูยากอบ, แว ทวา จอแปแหร่ เร๊อ แบ่เจ่ เหย่ซู่ครี๊ อาหลู่ เตเพร. แว เฮ๊โมเฮ๊แร๊ จว๊า เป่ จอแปแหร่ อาแกแย กลุยแล เช๊อเนอโหมะ เด๊อ อา จว๊าโอ่ปีชี แลแค เด๊อ เหล่โอ่ ปว๋า โต๊โผ่ เต๊เห่ อาโอ่.


แว โคแบ๊ซว๊าโม ซี๋, เด๊อ เห่ขุเออเนอ ซี หม่า อาแซ่เน๊อ แกแย จว๊าทวา เทอโรเก่กลอพู๊ เร๊อ ซิเผระ เต๊เห่ แพ๊. แว กุยซิยอ ซี เร๊อ ซี เก่ จว๊า ตาพาแก แลแค เร๊อ ซี เหน่กล่อ อา เตซิหยื่อซิลอ มู๊แหม่ เด๊อ อาช๊าอาปา โตโมโม เกอเร๊อ ซี ซิปล่อ เออเนอเต๊เห่ นี๋.


เป จอแปแหร่ เร๊อ เพรเมแลเปล๊กา เป แบ่เจ่ เหย่ซู่ครี๊ เออเตเพร อา เตจ๊อเตเต อาขว่าอาคยา, ซี หม่า แกแย เต๊เห่ เด๊อ อา พย๊าหนิ เกอดื่อเฮ๊อ เตหยื่อเตแหน่ เด๊อ อาแซ่เน๊อ เป เออเต๊เห่ เฮ๊อ. เร๊อ แว ราจว๊าเป่ ซี ลีเออ. แว หม่า คูซีโมน เปโตร, เร๊อ แว ทวาดื่อ เหย่ซู่ครี๊ อาหลู่ เร๊อ อา เพรโด่แน เตเพร.


โหง่พราแถ่ เร๊อ อา เฮ๊ เน๊อ, “ราม๊าราแด เตเด๊อ เน แม๊เถอะ เนอเต๊เห่. โทเรอ ซูจว๊าเป่ ลีเออ เด๊อ เพรหยื่อเอ่ตู๊หมู่ตอกล๊อ โซซว๊าตู๊หมู่ เด๊อ อา หม่าดื่อ วีเอเฟซัส, วีสเมอร์นา, วีเปอร์กามัน, วีธิยาทิรา, วีซาร์ดิส, วีฟีลาเดลเฟีย, วีเลาดีเซีย เด๊อ อา โอ่ แลแค เด๊อ วี โซซว๊าเตอวี เออเต๊เห่ อากูเนอ.”


Lean sinn:

Sanasan


Sanasan