Yuuda 1:21 - Hapari Zooshapweya

²¹ Mwiikhale nkatthi wa pheta ya Nluku, mweekeselaka yoori tthakaraka ya Mbwana eetthu Yinsa Al-Masiihu yuuthuuleni ewinkheni ohaayi wa mileele.

Yuuda 1:21 Iomraidhean Croise

Yaahaya 1:17

Maana kano zatiisiwa khwa vakatthi wa Munsa; rehema na haakhi yata khwa Yinsa Al-Masiihu.

Yaahaya 14:21

Otule ansiilaaye oruma waka na khushututela oto ti anikiphetaaye; na otule anikiphetaaye oniiya woophetiwa ti Paapa, na miiyo theenya kininpheta na kinjithoonyeza khwa ye.”

Khaazi 11:23

Noofiya khoona rehema ya Nluku, khwiiya woofurahi na khuwaalipisela yoori eeye ookhomaala mmakhono wa Mbwana na rooho yaya yooshi.

Arooma 5:21

Epo zarettikhana yoori, nkhama etthiipo twampi eshinttiyeeyo khwa ofwa, na rehema yashintta khwa shariya yoori eninkhe ohaayi wa mileele, khwa Yinsa Al-Masiihu, Mbwana eetthu.

Arooma 5:5

Na nroromelo aya opo khunnitarawu, maana Nluku eetthela pheta yawe nroho mweetthu khwa Rooho Ttakatthiifu, ethiito aninkhiyeeyo.

Arooma 6:23

Maana phakari ya twampi ofwa, ila tthuvo ya rehema ya Nluku ohaayi wa mileele khwa Yinsa Al-Masiihu, Mbwana eetthu.

Arooma 8:39

wala chanka, wala wiicha, wala etthu kiina ya wumpiwa eriina makhaamu ya oniphakulana pheta ya Nluku eriiye khwa Yinsa Al-Masiihu, Mbwana eetthu.

2 Akorintiyu 13:14

Rehema ya Mbwana Yinsa Al-Masiihu, pheta ya Nluku na osiilana wa Rooho Ttakatthiifu wiiye vamote na mooshi mweeyo.

2 Atizaloonika 3:5

Yoori Mbwana eettettise rooho zenu mweeyo khwa pheta ya Nluku na nthiti khwa Al-Masiihu.

1 Timootiyu 1:2

kiniwaatikhela weeyo Timootiyu, mwanaka weekhweele nkatthi wa tiini, rehema, tthakaraka na heeri ya phantte ya Nluku Paapa na ya Yinsa Al-Masiihu Mbwana eetthu, yiiye vamote na weeyo.

2 Timootiyu 1:16

Mbwana ti oonele huruma vaje wa Onisiiforu, maana swaafu zinki ti aari okilipiselaaye woohimpatthisi haaya ofukiwa waka.

2 Timootiyu 1:18

Mbwana ti amwinkhe, siikhu etile opattha tthakaraka ya olankha wa Mbwana! Weeyo onjuwa saaneene khaazi akikholeliyeeyo wakathi opule kaari Eefezu.

2 Timootiyu 1:2

kiniwaatikhela weeyo Timootiyu mwanaka wompheta waka nkatthi wa amini: Rehema, tthakaraka na heeri ya phantte ya Nluku Paapa na Yinsa Al-Masiihu, Mbwana eetthu yiiye vamote na weeyo.

2 Timootiyu 4:8

Aphano kapweheliwa jarata ya shariya, etile Mbwana namaphuka wa shariya, anttelaaye okinkha siikhu yaya ethiito; khahiye miiyo otthome paasi, ila theenya ooshi apale aneekeselaaye ota wawe.

Meepereewu 9:28

Etthiipo Al-Masiihu ajinkha swaafu moote khwa mileele yoori alaze twampi za atthu awaatta, na ye onruti swaafu ya phiiri, woohiteeli yoori alaze twampi, ila atane nusura ya apale aninwejelaaye.

2 Pheeturu 3:12

mwiwejelaka siikhu ya Nluku na mwirette thenke yoori ete woohirupazi. Siikhu ya eto pinku enteela otapanyiwa ti moottho, na vitthu epile za otulu enteela otothowa mwaasa wa haari.

1 Yaahaya 4:16

Fweeyo ninjuwa na nakhupali pheta ariina Nluku na fweeyo. Nluku opheta. Otule anlipanaaye mpheta onlipana Nluku, na Nluku onlipa khwa ye.

1 Yaahaya 5:18

Ninjuwa yoori ooshi apale avokoliweeyo ti Nluku khaneettetta ntwampi, maana Mwaana wa Nluku ontta owiinanela, na ntakhali khaninsapa.

1 Yaahaya 5:21

Aanaaka, mwiwerawere miluku zoovonyeya.

Yuuda 1:1

Yuuda, mwiitthwaana wa Yinsa Al-Masiihu, ttwiiye Tiyaaku, apale akhuweliweeyo, oophetiwa ti Nluku Paapa na athokoreliweeyo ti Yinsa Al-Masiihu:

Yuuda 1:22

Mwiiyane huruma khwa apale aniwaakanyerelaanini;

Yuuda 1:24

Khwa otule eeyiyeeyo wa owahi yoori ookattazeni muukwakwanttuwa na yoori oothonyezeni nsiifwa mwawe woohiina hatha nlepa na furaha khuluyeene,

Othoonyeziwa 12:11

Yo anshintta khwa taamu ya Pwittipwitthi na khwa mattakhuzi oshaahiti alaziyeeyo; maana aajilakeleliye oleva ohaayi aya na ofwa.