Yuuda 1:12 - Hapari Zooshapweya

¹² Atthu aya apo anuupuwa nkhama livula la mawe oovitheya na anta va njampo venu, woohiina hatha shaakha, mishuki zoojishuka ottho. Mawiku oohiina maati owawaziwa ti pheevo; miitthi za mwiita zoohiimi mishumo zoofwa swaafu piiri, khukhuliwa mitathaari zaya.

Yuuda 1:12 Iomraidhean Croise

Zaapuura 1:3

Ye onuupuwa nkhama muutthi woozaliwa nshini wa muuttho: Onraaye amana ofiya wakathi wa wiima khuhivonyeli wiima na mathapa aya khannyaala. Na wakhula etthu anrettaaye eniiya yonlikanela.

Matewuzhu 13:6

Ila, wakathi litthamuwiyeevo njuwa miitthi khulukula na khuuma, maana khazaarina mitathaari.

Matewuzhu 15:13

Yinsa khuwaajipu yoori: “Miitthi zooshi zihizaliweeni ti Paapa wa pinkuuni zinttela okhuliwa na mitathaari zaya.

Maaruku 4:6

Aphano noopuwa njuwa khulukuza peewu yaya; maana khazaarina mitathaari, khuuma.

Luuka 12:45

Ila karumeya otule amana eeya wootakhala rooho, ajilupezaka mweenyewe yoori: ‘Mbwanaaka ontta orupaza,’ khusala awaapiya akarumeya apale akina aakha na aalume, ajaka, anywaka na ahapaliwaka,

Luuka 16:19

“Aarivo mwinyi mmote wa thaajiri aari owalaaye kuwo zooshapweya na zootafikhana, na wakhula siikhu eetta opuha, owawe yaari wiipikhiwawo etthu yoojiwa yannofu.

Luuka 21:34

Yinsa khulupa yoori: “Mwiiye woojeekesela, rooho zenu zihipakhire vitthu zoohifwayi, ohapaliwa, ama tafwawuthi za muuhaayi mweenu, yoori siikhu yaya ethiito ehuusikaneleni.

Luuka 8:6

Peewu kinoko khukwela vahali aariivo mawe, khoottha ila khuuma mwaasa woohiivo maati.

Ayeefezu 4:14

Aphano nihiiye theenya nkhama asimaana oothuuliwa ti mawipi, wala weeseleliwa okhuno na okhule ti pheevo ya wakhula mwentto, ohata na olavilavi wa atthu oovonyisana.

Afiliipu 3:19

Mwiisho wa apo aya opwetheya, nluku aya ejohojoho yaya, na anjikhutupulana vitthu epile zoopatthisa haaya; anuupuwela vitthu za voolumwenku apha paasi.

1 Timootiyu 5:6

Ila otule anjitupweezaaye nkatthi wa tuvela za olumwenku, hatha nkhama ori haayi oniiya woofwa.

Meepereewu 13:9

Mwihijilikhelele mwithuuliwaka pi masomi ofwarikhana na oohijuweyi. Afwataali rooho wiiya yoolipisiwa ti rehema woohiiyi khwa vitthu zoojeliwa majampo, etthiipo zihiniwapatthisaaye fwayita apale anjaaye.

Tiyaaku 5:5

Voolumwenku apha meekhazi enu pi oozuri, mwinretta etile mwintakhaaye na mwinneneva nkhama mompe enttelaaye oshijiwa.