Yaahaya 13:1 - Hapari Zooshapweya

¹ Esaleelaka ofiya siikhu ya Paashikowa, Yinsa aajuwiye yoori wafiya wakathi wa ye olikha olumwenku opu eette wa Paapa, khuwaapheta apale awe aari voolumwenku, awaaphetiye mpakha mwiisho.

Yaahaya 13:1 Iomraidhean Croise

Yaahaya 12:23

Yinsa khujipu yoori: “Wafiya wakathi woottitthimisiwa Mwaana wa Pinaatamu.

1 Yaahaya 4:19

Fweeyo ninimpheta Nluku maana ye anipheta omwanzo.

Yaahaya 13:34

Kiniwinkhani oruma mpheya: mwiphetane mmote na nzeenu. Nkhama etthiipo kuuphetiyeenini, mwiphetane mmote na nzeenu.

Yaahaya 16:28

Kalankha wa Paapa khuta voolumwenku; nakataalikha, kinlaavo voolumwenku kirutele wa Paapa.”

Yaahaya 13:3

Yinsa aajuwiye yoori Paapa vitthu zooshi attha mmakhono mwawe, na alankhiye wa Nluku na aari orutela wa Nluku,

Yaahaya 18:4

Yinsa, ajuwaka niini yaari weettelaaye orettikhana khwa ye, khuweettela khuwoozela yoori: “Mwinimweekesa paani?”

1 Akorintiyu 1:8

Ye onuukholelelani mpakha mwiisho, woohiina paathuli mpakha siikhu ya ota wa Mbwana eetthu Yinsa Al-Masiihu.

Yaahaya 17:16

Yo khahi a voolumwenku nkhama etthiipo miiyo kihiiyeeni.

Yaahaya 17:1

Paata ya Yinsa wiisha ottakhula, khweekesa otulu khulompa araka: “Paapa, wafiya wakathi Wonttitthimisa mwanawo, yoori naye mwanawo oosifu.

Othoonyeziwa 1:5

na khwa Yinsa Al-Masiihu, shaahiti wa waamineya, wa omwanzo khwa ananfwa na mfwalume nwulu wa afwalume a voolumwenku. Ye onnipheta na anitaphula twampi zeetthu khwa taamu yawe,

Meepereewu 3:14

Maana fweeyo naretteya wiiya ashirikha a Al-Masiihu, amana ninkholelela mpakha mwiisho na nroromelo naariinaaye thanku omwanzo.

Yaahaya 17:5

Na, nasaapi eti, okittitthimise oo Paapa, vamote na weeyo khwa siifwa kaarinaaye na weeyo khapulathi olumwenku ohineeyevo.

Matewuzhu 26:45

Nawiisha khurutela attaaphale aariivo anakhiyoni awe na khuwoozela yoori: “Mweeyo nalelo mwintta olala na wiitthuuwa? Wafiya wakathi! Moone yoori Mwaana wa Pinaatamu onttela winkheleliwa mmakhono wa anatwampi.

1 Pheeturu 1:13

Nakataalikha mwiiyane akhili zootthenkezeya, oolikana khwa oretta, mwiiye oojisiileza na nroromelo enu wooshi mwitthe nkatthi wa rehema mwinttelaaye winkhiwa amana Yinsa Al-Masiihu athoonyeziwa.

Meepereewu 6:11

Apho ennituvela yoori wakhula mmote wa mweeyo ajithoonyeze wiiya woolikana mpakha mwiisho, yoori mwiiyane nroromelo khaamili,

Meepereewu 3:6

Ila Al-Masiihu tu wa waamineya nkhama mwaana monkoni wa nyuupa ya Nluku. Nyuupa ya eto ti fweeyo, amana nikholelela woolipaneyavo nroromelo na owejela khwa etile ninjikhupalanaaye.

Arooma 8:37

Ila khwa vitthu zaya epo zooshi naziti wiiya anamashintta, khwa vakatthi wa otule aniphetiyeeyo.

Yaahaya 17:26

Miiyo kawaajuwisa nzina lawo, na nalelo kinvira kiwaajuwisaka, yoori pheta etile okiphetaniyeeyo yiiye vamote na yo, na miiyo kiiye vamote na yo.”

Yaahaya 14:28

“Mwasiila eti kilupiyeeyo: ‘Miiyo kintta olawa, ila kinlawa kooruteleni mweeyo.’ Eriwaka mwaari okipheta, mweetta ofurahi mwaasa wa miiyo weetta wa Paapa, maana Paapa akiziti miiyo.

Yaahaya 11:55

Yaarettiye esaleelaka ofiya siikhu ya Paashikowa wa mayaahuuti, atthu enkeene a nti aya opule aalawiye Yeruzaleemu olawa ojitwaharesha ehinafiye siikhu ya Paashikowa

Yaahaya 7:30

Aphano khusala atakha onkhola, ila khuhiivo mmote ansapiyeeyo maana wakathi waari ohinafiye.

Yaahaya 7:6

Yinsa khuwooza yoori: “Wakathi aka nalelo khunafiye, ila khwa mweeyo wakhula wakathi pi woolikana.

Yaahaya 6:4

Esaleelaka ofiya siikhu ya orettiwa njampo la Paashikowa la mayaahuuti.

Luuka 22:53

Wakhula siikhu kaari wiiya vamote na mweeyo vaje wa Nnyupa Woosifwiwamo, khuhisala mwikikhola, aphano, opu wakathi enu na otule ariina ofwalume wa n'yiiza.”

Luuka 9:51

Osaleelaka ofiya wakathi wa Yinsa orutela pinkuuni, khujilakelela weetta sitati ya Yeruzaleemu.

Matewuzhu 28:20

mwiwaasomisaka oshututela zooshi epile kirumiyeezo. Na miiyo kinttela wiiya vamote na mweeyo mpakha mwiisho wa wakathi.”

Yaahaya 8:20

Ye aalupiye mattakhuzi apa eettaka osomisa Nnyupa Woosifwiwamo, kharipu ya puuro etile entthiwaamo zaakha. Ila khina mmote ankholiyeeyo, maana waari ohinafiye wakathi aya.

Yaahaya 2:13

Osaleelaka ofiya wakathi wa njampo la Paashikowa la mayaahuuti, Yinsa khuwelela Yeruzaleemu.

Yaahaya 13:29

Maana Yuuda ti aari opwehaaye nfukho wa nzurukhu, akina aari waakanyera yoori Yinsa amuuza olawa wuuzanya vitthu zooretteliwa njampo, ama yoori alaze etthu awinkhe asikhini.

Yaahaya 14:31

nakataalikha yoori atthu a voolumwenku ojuwe yoori miiyo kininpheta Paapa, enikihithajiya oretta etile akirumiyeeyo. Lankhani, nileevo apha.”

Yaahaya 19:28

Paata ya Yinsa woona yoori zooshi zintta omariseleya khushankela, yoori zirettikhane epi zaari olupaazo Zawaatikhiwa Ttakatthiifu yoori: “Lakikhola nnyottha!”