Matewuzhu 7:21 - Hapari Zooshapweya

²¹ “Khahiyo ooshi apale anikiitthaaye yoori: ‘Mbwana, Mbwana,’ anttelaaye weettamo muufwalume wa pinkuuni, ila otule anrettaaye matakhelo a Paapa ariiye pinkuuni.

Matewuzhu 7:21 Iomraidhean Croise

Matewuzhu 12:50

Maana otule anrettaaye matakhelo a Paapa ariiye pinkuuni, oto ti ttwiiyaku, nlupwaaka na ti maama.”

Matewuzhu 16:17

Yinsa khujipu yoori: “Wooshapweyiwa ti weeyo, Simawu mwaana wa Yoona! Maana vitthu zaya epi khuthoonyeziweeni ti pinaatamu, ila ti Paapa ariiye pinkuuni.

Matewuzhu 18:10

“Phoole, mwihintarawu hatha mmote wa asimaana apa! Miiyo kiniwuuzani khweele yoori malayikha aya anoona wuuso wa Paapa wa pinkuuni wakhula wakathi.

Matewuzhu 18:19

“Kiniwuuzani theenya yoori awiri a mweeyo amana mwikhupalelana vathi apha khwa wakhula etthu etile mwintakhaaye oveka, eniiya yoorettiwa ti Paapa ariiye pinkuuni.

Matewuzhu 18:3

khuwooza yoori: “Miiyo kiniwuuzani khweele yoori, mweeyo noohithupwiyi na khuhijiretti wiiya nkhama nsimaana otu, khamwinteela weettamo muufwalume wa pinkuuni.

Matewuzhu 18:35

Paapa wa pinkuuni onttela oretta etthiipo, amana mweeyo mwihinswaamihi ttwiiyenu na rooho yenu yooshi.”

Matewuzhu 19:24

Na kiniwuuzani theenya yoori, ti yookhweya enkamiiya ovira valiphotto la sikano zayita thaajiri weetta muufwalume wa Nluku.”

Matewuzhu 25:10

“Wakathi alawiyeevo omuuzanya patarooya, mposi khufiya, aamwari apale ajitthekiyeeyo khuvira vamote na mposi olawa oja njampo la harusi na nlako khufukiwa.

Matewuzhu 25:21

“Mbwanaawe khunjipu yoori: ‘Kemaani, karumeya wooshapweya na wa waamineya! Weeyo waamineya khwa ttiitthiiru, apho kintta owinkha yawaatta. Ote ofurahi vamote na Mbwana awo.’

Matewuzhu 26:39

Khususa vattitthiiru, khukokhora khufiisa ajihi yawe vathi, khusala alompa araka: “Paapa, nkhama enwaheya, okaattuwanise jiikira eti ya ohoowa; ila ehirettikhane nkhama kintakhaazo, ila nkhama ontakhaazo.”

Matewuzhu 26:42

Khurutela olawa olompa theenya khuri: “Paapa, nkhama khinwaheya okattuwananisa jiikira eti khapula kihinyweeni, ti arettikhane matakhelo awo.”

Maaruku 3:35

Otule anrettaaye matakhelo a Nluku, ti eeyiye ttwiiyaku, nlupwaaka na maama.”

Maaruku 9:47

Na liisho lawo limote amana luukosisa, olazemo. Maana afwataali weetta muufwalume wa Nluku na liisho limote paasi ehiiyeeni wiiyana maasho oomawiri ila khweeseleliwa motthooni,

Luuka 11:28

Ila Yinsa khunjipu araka: “Ooparikhiyiwa pi apale ansiilaaye nttakhuzi la Nluku khushututela.”

Luuka 13:25

Mweenyewe nyuupa amana afuka nlako awe, mweeyo mwinsala vaje mwipiyaka nlako na mwivekaka yoori: ‘Mbwana mwinifukulele!’ “Ye ontta wuujipuni araka: ‘Akinjuwa ohali mwinlankhaawo.’

Luuka 18:25

Ti yookhweya enkamiiya ovira va liphotto la sikano zayita thaajiri weetta muufwalume wa Nluku.”

Luuka 6:46

“Mwinkikhuwelelani yoori ‘Mbwana, Mbwana’ mwihirettaka epile kiniwuuzaanini?

Yaahaya 14:7

Eriwaka khweele mwaari okijuwa, nka mwinjuwaka Paapa. Apha enasaapi eti mwininjuwa na mwaaza omoona.”

Yaahaya 15:23

Otule aniiphiiriwaaye ti miiyo na theenya oniiphiiriwa ti Paapa.

Yaahaya 3:5

Yinsa khujipu yoori: “Miiyo kiniwuuzani khweele yoori, aheetteeni ovokoliwa na maati na Rooho khina anwahaaye weetta muufwalume wa Nluku.

Yaahaya 5:17

Ila Yinsa khuwooza yoori: “Paapa ontta okhola khaazi mpakha leelo, na miiyo kintta okhola.”

Yaahaya 6:40

Maana matakhelo a Paapa pi yoori wooshi otule animoonaaye Mwaana na khunkhupali eeyane ohaayi wa mileele na miiyo kintta onsisimula siikhu ya mwiisho.”

Yaahaya 7:17

Amana ntthu ajilakelela oretta matakhelo a Nluku, ontta osophela nkhama osomisa waka onlankha wa Nluku ama kinjilupa kimweenyewe.

Khaazi 14:22

Awaakhomaazaka na owaatumerela anakhiyoni yoori ajilipisane amini na awoozaka theenya yoori: “Ennihithajiya ovirela tafwawuthi zawaatta yoori neette muufwalume wa Nluku.”

Arooma 12:2

Mwihijilipisane menttezi a olumwenku opu, ila mwizukuliseye khwa ozukuluwa wa akhili zenu, yoori mwiiyane makhaamu aweezelela na wootela yooshapweya, otuva na khaamili niiya ya Nluku.

Arooma 2:13

Maana khahi apale ansiilaaye kano eeyiyeeyo anashariya omaasho wa Nluku, ila apale anshututelaaye kano pi anttelaaye wiitthiwa anashariya.

Ayeefezu 6:6

Khahiyo owaashututela amana eeya attaapho paasi yoori mwipatthe owaatuvelisa, ila mwirette zooshi mwaasa wa wiiya amwiitthwaana a Al-Masiihu, mwirettaka na rooho yenu matakhelo a Nluku.

Akoloosu 4:12

Epaafara, eeyiyeeyo mmote wa mweeyo na karumeya wa Al-Masiihu Yinsa, omperekha salamu. Ye onvira oomanaka nkatthi wa lompa khwa mweeyo, yoori nkhama etthiipo mwiiyiyeeyo atthu ookhomaala na ookhupali saaneene, mwivire mwikhomaalaka khwa matakhelo ooshi a Nluku.

1 Atizaloonika 4:3

Niiya ya Nluku ti yoori mweeyo mwiiye woottakatthisiwa. Mwijiphakulane khaapa twayifu.

1 Atizaloonika 5:18

Mwishukhurwele wakhula enuupatthaanini, maana apo matakhelo a Nluku khwa mweeyo mwaasa wookusanyeya na Al-Masiihu Yinsa.

Tiitu 1:16

Yo antukhuru yoori aninjuwa Nluku, ila mwaasa wa thwapiya zaya aninkatthala, tiito eeyiyeeyo oohifwayi, anamakhijili na oohisuhi khwa khaazi yooshi yooshapweya.

Meepereewu 13:21

okhamilikhiseni khwa zooshi zooshapweya yoori mwirette matakhelo awe, na erettikhane khwa fweeyo etile enintuvelaaye khwa Yinsa Al-Masiihu, othuuto siifwa ziiyiye khwa ye mileele. Amiina.

Meepereewu 4:6

Nakataalikha ansaleela weettamo akina muuvumula mphule, na apale a omwanzo atafusireliweeyo hapari zooshapweya monkoni wa ovumula, kheetteenimo, mwaasa wa okhijili.

Tiyaaku 1:22

Mwiiye anamashututela nttakhuzi la Nluku, khahiyo onamasiila paasi mwijihataka mwenyeweru.

1 Pheeturu 2:15

Maana niiya ya Nluku mweeyo oretta saana, yoori mwinyamaze ohijaliwi wa alolo.

1 Pheeturu 4:2

yoori wakathi opo onuusaleelanini, mwihiikhale theenya mwilottelelaka tuvela zootakhala za onaatamu, ila oretta etile yiiyiye niiya ya Nluku.

Othoonyeziwa 2:27

Ye onttela olokozela na puutta ya yuuma na awaapwechele nkhama yoopo ya ottophe.

Othoonyeziwa 22:14

“Ooparikhiyiwa pi apale anfulaaye kuwo zaya, na etthiipo ana ruhusa ya muutthi wa ohaayi na anwahi ovira mmilako wa sitati.

Othoonyeziwa 3:5

Otule anshinttaaye onttela owala kuwo zoolakala nkhama apale, na akinteela ofuja nzina lawe nkithaapu ya ohaayi, ila kinteela otukhuru nzina lawe omaasho wa Paapa na malayikha awe.