Matewuzhu 4:23 - Hapari Zooshapweya

²³ Yinsa eettettiye Kalileya yooshi asomisaka mmasinakooka, atafusiraka hapari zooshapweya za ofwalume na avonisaka marati ooshi vakatthi wa atthu.

Matewuzhu 4:23 Iomraidhean Croise

Matewuzhu 11:5

Ananhooni anoona, anamarakala aneettetta, anamaaharaja antta otwahareshiwa, ananhisiili ansiila, ananfwa ansisimuwa, na hapari zooshapweya antafusireliwa asikhini.

Matewuzhu 12:9

Khulaavo aphale vaya khweetta nsinakooka yaya atthaapale.

Matewuzhu 13:19

Amana ntthu asiila nttakhuzi la ofwalume khuhimweeleyi, ntakhali ti antaaye khulazavo etile yaazaliweeyo nroho mwawe. Eto peewu etile yaakweliyeeyo nshini wa tarikhi.

Matewuzhu 13:54

Noofiya sitati aari wiikhalaaye, khwaaza owaasomisa atthu nsinakooka. Atthu ooshi khwiiya ooshanka, khusala oozela yoori: “Akhili epi apattha vayi na owahi wa oretta minjuza?

Matewuzhu 14:14

Yinsa noopakhuwa mmwaatiya khuwoona atthu awaatta, khuwoonela huruma, khuwaavonisa alwele aariivo.

Matewuzhu 24:14

Enttela olaleyiwa hapari epi za ofwalume wa Nluku olumwenku wooshi, nkhama oshaahiti khwa khapila zooshi aphano osala ota mwiisho.

Matewuzhu 3:2

araka: “Mwithupwiye, maana Ofwalume wa pinkuuni ori kharipu.”

Matewuzhu 9:35

Yinsa aari weettetta sitati zooshi na mmwanttiwa. Ye aari osomisa mmasinakooka, na olaleya hapari monkoni wa Ofwalume wa Nluku, na ovonisa wakhula nanna ya marati na moolwele mawulweene a atthu.

Maaruku 1:14

Paata ya Yaahaya ofukeliwa, Yinsa khulankha khusala alawa Kalileya, alaleyaka hapari zooshapweya za Nluku,

Maaruku 1:21

Yo khulawa Kafwaranaawu, paata ya ofiya saapatu, Yinsa khusala asomisa nsinakooka.

Maaruku 1:39

Aphano ye khweettetta Kalileya yooshi eettaka otafusiri nsinakooka na eekaraka masheethwani.

Maaruku 3:10

Maana ye awaavonisiye atthu awaatta, khwa nanna ya apale aari olwaaziwaaye aafiyeleliyeeyo osukhumana yoori apatthe onsapa.

Maaruku 6:2

Noofiya saapatu, khwaaza osomisa nsinakooka, awaatta aari onsiilaaye khwiiya ooshanka, alupaka yoori: “Zininlankha vayi vitthu zaya epi? Akhili ni epi enkhiweeyo? Na onretta toovi minjuza?

Maaruku 6:6

Khwiiya wooshanka mwaasa wa othowawo amini okhule waya. Yinsa khuvira asomisaka miti zaattameliyeeyo ottuukhule.

Luuka 10:9

Mwiwaavonise alwele mwinttelaaye owaasikana na mwiwooze atthu yoori: ‘Ofwalume wa Nluku ori kharipu na mweeyo.’

Luuka 13:10

Siikhu ya saapatu, Yinsa eetta osomisa nsinakooka.

Luuka 16:16

“Kano na manapiyu khazilikheleleeni mpakha wakathi wa Yaahaya. Waaza wakathi otthuupo hapari za Ofwalume wa Nluku zinvira zilaleyiwaka, wakhula ntthu onjilipisa yoori eettemo.

Luuka 20:1

Siikhu moote, Yinsa aari owaanozela atthu Nnyupa Woosifwiwamo na awaatafusirelaka hapari zooshapweya. Nttumphule khutamo mahaakhimu a tiini, anamanozela a kano na attunkhulu a tiini.

Luuka 4:14

Aphano Yinsa khurutela Kalileya, owahi wa Rooho Ttakatthiifu ori vamote na ye. Hapari zaari olupaaye monkoni wa ye khumwazeyela miti zooshi za nkerekhere.

Luuka 5:17

Siikhu moote Yinsa eetta onozela, aphale vaya aari onozelaavo aarivo mafwarizeewu na anamanozela a kano aalankhiyeeyo miti mikina za Kalileya na Yudeya mpakha Yeruzaleemu. Owahi wa Mbwana waari vamote na ye wa owaavonisa alwele.

Luuka 6:17

Yinsa khwiishukha vamwaako na anakhiyoni awe khweemela nshini vahali aariivo anakhiyoni awe na khuntti ya atthu a Yudeya yooshi na a Yeruzaleemu, mpakha apale a miti zawaattamela pahari, Tiiru na Sitooni.

Luuka 6:6

Saapatu kiina, Yinsa khuvira nsinakooka khusala awaanozela, aarimo mwinyi aarakaliyeeyo nkhono nlume.

Luuka 7:21

Wakathi otthuupule Yinsa khuwaavonisa atthu awaatta aarina vitthu zootakhala, marati awoopisa, na masheethwani, na khuwaafunula maasho atthu awaatta ahaari woonaaye.

Luuka 7:22

Yinsa khuwaajipu araka: “Mwiruti mwamuuze Yaahaya epi mwinsiilaaye na mwinoonaaye: ananhooni anoona, anamarakala aneettetta, anamaaharaja antta otwahareshiwa, ananhisiili ansiila, ananfwa ansisimuwa, na hapari zooshapweya antafusireliwa asikhini.

Luuka 8:1

Paata ya toole, Yinsa khusala eettetta sitati khwa sitati na nti khwa nti, alaleyaka hapari zooshapweya za ofwalume wa Nluku. Anakhiyoni awe apale khumi na awiri aari vamote na ye,

Luuka 9:11

Ila khuntti ya atthu noojuwa khusala anlotta. Ye khuwaapokherela khusala awooza monkoni wa ofwalume wa Nluku na awaavonisaka apale aari ohithajiyaaye ovonisiwa.

Luuka 9:60

Yinsa khumuuza yoori: “Owaalikhe ananfwa awaazikhe ananfwa aya; weeyo olawe walaleye Ofwalume wa Nluku.”

Yaahaya 18:20

Yinsa khujipu araka: “Miiyo kawooza atthu a voolumwenku woosileyavo saaneene, na kaari osomisa nsinakooka mpakha Nnyupa Woosifwiwamo, nttumpho aari othukumanaamu mayaahuuti. Khina etthu kilupiyeeyo sirini.

Yaahaya 6:59

Ye aalupiye mattakhuzi apa wakathi aari osomisaaye nsinakooka ya Kafwaranaawu.

Yaahaya 7:1

Paata ya vitthu epile, Yinsa khusala eettetta nti wa Kalileya, maana khaari otakha wiiya Yudeya, mwaasa wa mayaahuuti aari otakha omuula.

Khaazi 10:38

mweeyo mwinjuwa khwa nanna Nluku anthawaziyeeyo Yinsa wa Nazareeti khwa Rooho Ttakatthiifu na owahi, ethiito yanlawaniye phantte zinkizene arettaka vitthu zooshapweya na owaavonisa atthu ooshi apale aari ohoochiwaaye ti sheethwani, maana Nluku aari vamote na ye.

Khaazi 18:4

Wakhula saapatu aari weettaka nsinakooka khusala awaashintta mayaahuuti na makereeku.

Khaazi 20:25

“Aphano khina mmote wa mweeyo kintafusireliyeeyo ofwalume wa Nluku, anttelaaye okoona theenya.

Khaazi 28:31

awaatafusirelaka Ofwalume wa Nluku woominyalavo na woohiina hatha shaakha awaasomisaka monkoni wa Yinsa Al-Masiihu.

Arooma 10:15

Khi anttela otafusiri toovi ahirumiweeni? Nkhama yaatikhiweezo yoori: “Nanna anshapweyaazo moolu atthu apale anlaleyaaye hapari zooshapweya!”