Matewuzhu 27:4 - Hapari Zooshapweya

⁴ Khuri: “Kakosa, khwa ozinkula taamu yoohikosi.” Yo khujipu yoori: “Fweeyo ennijali niini? Epo ti weeyo onjuwaaye.”

Matewuzhu 27:4 Iomraidhean Croise

Olaawo 12:31

Osikhu otthuupule Firawuuna khuruma okhuweliwa Munsa na Haruni khuwooza yoori: “Mwileemo nasaapi mmuti mwaka, mweeyo na meezirayiilu! Mwilawe mwamwaaputu Nnyizinku enu, nkhama etthiipo mwivekiyeezo.

Olaawo 9:27

Aphano Firawuuna khuruma olawa okhuweliwa Munsa na Haruni khuwooza yoori: “Swaafu eti kakosa. Nnyizinku ti wa shariya, ila miiyo na atthu aka ninaaye paathuli.

Yuunusa 1:14

Yo khukhuwa ankhuwelaka Nnyizinku araka: “Oo, Nnyizinku, ohinilikhelele nifwaka mwaasa wa pinaatamu otu, na ohinikwisele paathuli ofwa wa mwinyi otu. Zooshi zarettikhana khwa nanna olakeliyeezo.”

Matewuzhu 27:19

Pilaatu eekhaliye onyuupa woophukiwamo, muukha awe khumperekha hapari araka: “Ohijiphakanyane apo, maana leelo muulottha kahoowa venkivene monkoni wa ye.”

Matewuzhu 27:54

Nttunkhulu wa anajanka na apale aari omweekeselaaye Yinsa, nawoona esikinyaatthi na zooshi zaarettikhaniyeeyo, khwiiya awoova channu khulupa yoori: “Weekhweele, ntthu otu aari mwaana wa Nluku!”

Luuka 23:22

Pilaatu khuuzela swaafu ya ttaatthu: “Niini arettiyeeyo yootakhala? Miiyo akinimoonana hatha paathuli yoosuhi wuuliiwa. Kinruma yoori mwinhukhumu nawiisha kinfukule.”

Luuka 23:41

Fweeyo khweele ninsuhi ohukhumweliwa epile nirettiyeezo, ila ye kharetteeni hatha etthu yootakhala.”

Luuka 23:47

Nrooma mmote aari nttunkhulu wa anajanka, nawoona vitthu epile zaarettikhaniyeezo, khunsifu Nluku araka: “Weekhweele otu aari ntthu aari weettettisaaye shariya.”

Yaahaya 19:7

Yo khujipu yoori: “Fweeyo ninaaye kano, kano etthiipo enlupa yoori ooliiwe maana onjilupeza yoori Mwaana wa Nluku.”

Khaazi 13:28

Hatha ahimoonaneeni etthu ya paathuli yawuuleliwa, anvekeliye Pilaatu yoori ooliiwe.

Arooma 3:19

Ninjuwa yoori zooshi enlupaaye kano zawooza ooshi apale ari vathi wa kano etthiipo, yoori milomo zooshi zinyamale na olumwenku opatthe ophukiwa mmakhono wa Nluku.

1 Timootiyu 4:2

Masomi aya apo anlankha mmakhono wa manaafikhi na anamahata, ariina rooho zoolukula ahinjuwaaye etthu yootakhala wala yooshapweya.

Tiitu 1:16

Yo antukhuru yoori aninjuwa Nluku, ila mwaasa wa thwapiya zaya aninkatthala, tiito eeyiyeeyo oohifwayi, anamakhijili na oohisuhi khwa khaazi yooshi yooshapweya.

Meepereewu 7:26

Nanna ya haakhimu nwulu wa tiini naari onhithajiyaaye oniiya nkhama toono: nttakatthifu, woohiina paathuli, watwahara, woophakuwana na anatwampi, woottitthimisiwa zayita pinku.

1 Pheeturu 1:19

ila khwa taamu yootafikhana ya Al-Masiihu, nkhama ya pwittipwitthi yoohiina nlepa wala yoohirakali.

1 Yaahaya 3:12

Nihiiye nkhama Kayiini, otule aari wa phantte ya ntakhali khumuula ttwiiye. Amuulela niini? Mwaasa wa khaazi zawe zaari zootakhala, ila epi za ttwiiye zaari za shariya.

Othoonyeziwa 11:10

Atthu aniikhalaaye va tuniya anteela ofurahi na otthapa na winkhana tthuvo wakhula mmote na nzaawe mwaasa wa ofwa manapiyu apa awiri aari owoopopisaaye atthu aniikhalaaye va tuniya.