Matewuzhu 24:5 - Hapari Zooshapweya

⁵ Maana atthu awaatta anlawa ate khwa nzina laka alupaka yoori: ‘Miiyo ki Al-Masiihu’! Na anteela owahata atthu awaatta.

Matewuzhu 24:5 Iomraidhean Croise

Matewuzhu 24:11

Na thamani ya manapiyu oojipanka anlawa apuwe na anteela owaattettekha atthu awaatta.

Matewuzhu 24:24

Maana anlawa apuwe Al-Masiihu oojipanka na manapiyu oojipanka anttelaaye oretta alama khulukhulu na vitthu zootikinisa yoori awaahate hatha apale oothawuliwa.

Yaahaya 5:43

Miiyo kata khwa nzina la Paapa, ila khamwikipwekhereleeni. Nkina amana ata khwa nzina lawe mweenyewe, weekhweele mwintta ompwekherela.

Yaahaya 8:24

Tiito kinlupaaye yoori mwinttela ofwa ntwampi mweenu. Nkhama mweeyo khamwinkhupali yoori Miiyo Ti Miiyo, weekhweele mwinttela ofwa ntwampi mweenu.”

Yaahaya 8:28

Aphano Yinsa khuri: “Amana mweeyo mwinsifu Mwaana wa Pinaatamu, mwintta ojuwa yoori Miiyo Ti Miiyo na akinretta hatha etthu ya matakhelo aka, ila kinlupa etile Paapa akisomisiyeeyo.

1 Yaahaya 2:18

Aanaaka, mwijuwe yoori opu wakathi wa mwiisho; nkhama etthiipi mwisiiliyeezo oriwa onteela ota atuwi wa Al-Masiihu, aphano maatuwi a Al-Masiihu awaatta ampuwelela. Ti etthu ninjuwelaaye yoori opu wakathi wa mwiisho.

1 Yaahaya 2:22

Namahata paani? Ti otule anlupaaye yoori Yinsa khahiyo Al-Masiihu. Othuuto tiye eeye atuwi wa Al-Masiihu, aninkatthalaaye Paapa na Mwaana.

1 Yaahaya 4:3

ila wakhula rooho ehinintukhurwaaye Yinsa khilankheeni wa Nluku. Eto rooho ya atuwi wa Al-Masiihu, ethiito mwasiiliyeeyo yoori enta, aphano yata eri voolumwenku.

Othoonyeziwa 13:8

Atthu ooshi aniikhalaaye va tuniya apha anlawa aaputu nyama yawoopisa eto, ooshi apale ahaatikhiweeni mazina aya nkithaapu ya ohaayi ya Pwittipwitthi etile yuuliweeyo thanku wumpiwa wa olumwenku.