Matewuzhu 2:11 - Hapari Zooshapweya

¹¹ Khuvira nnyupa mphule khunsikana mwaana na mamaawe, khukokhora khumwaaputu. Nawiisha, khufukula maphuta aya khumwinkha tthuvo: weero, ovupa, na mafuttha oonukhela.

Matewuzhu 2:11 Iomraidhean Croise

Mwanzo 43:11

Aphano Ezirayiilu, papaaya khuwooza yoori: “Nkhama pi etthiipo khina nanna kiina. Mwithuule vitthu zooshapweya za mmuti mphu, waaza paalasamu, asali, viluko, mafuttha oonukhela, na vitthu kiina nkhama khaazu, mwilawe mwamwinkhe mwinyi oto.

Zaapuura 95:6

Mwite ninsijitele nimwaaputu, na ninkokhorele Nnyizinku otule anumpiyeeyo.

Matewuzhu 1:18

Ovokoliwa wa Yinsa Al-Masiihu pi toono. Mariyamu, ari wooposiwa ti Yuusufu, ahirapalelaneeni khwiimittha khwa Rooho Ttakatthiifu.

Matewuzhu 12:46

Yinsa nalelo eettaka ottakhula na khuntti etile, mamaawe na attwiize aarettiye ari vaje, antakhaka yoori anttakhulane.

Matewuzhu 14:33

Apale aari mmwaatiya khumwaaputu alupaka yoori: “Khweele weeyo o Mwaana wa Nluku.”

Matewuzhu 2:10

Noorutela woona ntthottowa ntthile, khwiiya ofurahi venkivene.

Matewuzhu 2:2

Khuuzela yoori: “Mwaana ntteetthe otu avokoliweeyo mfwalume wa mayaahuuti ori vayi? Fweeyo noona ntthottowa lawe okhu lintthamuwaawo njuwa nateela omwaaputu.”

Luuka 2:16

Yo khuhirupazi, khulawa khunsikana Mariyamu na Yuusufu, na mwaana otule attattikheliwe nkashothi.

Luuka 2:38

Wakathi otthuupo khwaaza onshukhurwela Nluku attakhulaka monkoni wa mwaana otule, awoozaka atthu ooshi apale aari owejelaaye wookhowa wa Yeruzaleemu.

Yaahaya 19:39

Ye aaperekhiwe ti Nikoteemu, otule alawiyeeyo ottakhulana Yinsa osikhu. Nikoteemu aathuliye mafuttha oonukhela oophakanyaniwa ela yaari ofiyaaye etthu ya miphimo talaathiini na mithaanu.

Othoonyeziwa 19:10

Aphano miiyo kikwela nshini wa moolu a nlayikha yoori kaaputu, ila khukuuza yoori: “Ohirette etthu eto! Ki karumeya nkhama weeyo na nkhama attwiizo apale ari nkatthi wa waamineya khwa oshaahiti wa Yinsa. Omwaaputu Nluku! Oshaahiti wa Yinsa rooho ya ohupiri.”

Othoonyeziwa 5:8

Athuulaka kithaapu etile, zumpe haayi epile nne na attunkhulu a tiini eshiriini na wane khukokhora omaasho wa Pwittipwitthi. Wakhula mmote wa yo aarina tthakare mmote na miphiko za weero wiitaaliyemo ovupa, ziiyiyeeyo lompa za attakatthiifu.